ကဗျ ဂကောံစေတနာဍာ်ကၞေဟ်.လၟေၚ်.1
ဂကောံစေတၞာ မေတ္တာဍာ်ကၞေဟ် ပလေဝ်ဒါန်
ဂကောံစေတၞာ------------မေတ္တာဍာ်ကၞေဟ်
ရှ်ေသှ်ေရုမ်ဂပ်-------------ဂၠံင်တပ်ညးကွာ်
သ္ၚေဝ်ဂၠိပ်သ္ၚောဲတၟး-------မိင်ကၠးမတ်မၠာ်
ဂကောံဏအ်--------------ရန်တၟအ်ခိုဟ်သီုဆာ်။
ဂကောံမေတ္တာ-----------စေတၞာဍာ်ကၞေဟ်
ချူကှ်ေပံင်ဖက်----------တက်ဖျေဟ်ဒဳဇြာင်
ရမျာင်ညဳသာ------------ပြာထာအိုန်ဠာင်
စေတၞာဏအ်------------ဟွံယှအ်မွဲရမျာင်။
ကဗျဂၠိုင်နာ--------------ရာပၟိက်ဍာ်ကၞေဟ်
ချူကှ်ေဗပေင်-----------ဟွံပၠေင်အတ္တ
သၞညးဝေင်ပါဲ------------ဆာဲအရထ
ဍာ်ကၞေဟ်ဏအ်---------လအ်သ္ၚောဲညးဆက်ခ။
ဇၞူဟဒယ (ကအ်လှိုၚ် / ဒေသရေဝ် သၠုၚ်ကျာ)
စၞးအဲကျာ်ရန် ပလေဝ်ဒါန်
ပ္ဍဲကဝ်ဒမၠု ဗရုဂိသ္ကေဝ်
ပၠေင်ကၠိအရီု ညံင်တဟင်ဒြာဲ
ဗက်ဂၠာဲဟဍင် တဟင်ဟဍင်
တဟင်ဟဍင် ဂၠာဲထပ်ဟဍင်။
လ္ဒောဝ်သြဃၜဳ ဟဳဟၟဲသၞေဟ်သြင်
ကြင်ကြောဝ်မံင်ဂှ် ဒှ်ကရုဏာ
ပ္တံပါရမဳ ဂၠာဲနဲဟံင်ပြိုက်
တြုံပြဲကၞောတ်လိုက် ဂွံဒှ်ကျာ်တြဲ။
ဓရ်သစ္စပန် လးဒဒန်သၠဲ
သတ်ပါရမဳ ကၠုင်နိဿဲက္လင်
ဂၠံင်မဂ္ဂင်ဆာဲ လှာဲဘွအရဳ
ဂၠိုင်နူမဗြဲ ဒ္တဲစၠောံဏာသြင်။
အယုသင်္ခါရ လလောင်တြးအဵု
ထေရ်အာနန်အဴ စံင်တူလ္ၚုလ္ၚန်
ကျာ်လောန်စဴတုဲ နဲတိုက်ဒမၠု
လ္ၚုလိုက်သွဝ်ဗြီု သီုယာံကြင်ကြောဝ်။
အဲကျာ်စဴတုဲ စၞးအဲကျာ်ရ
အဘိဓရ်သၠဲ ဝိနဲ သုတ်ဂှ်
ဒှ်အ္စာကောန်တံ တၟံသတ်ပ္ဍဲလိုက်
စၞးအဲကျာ်ရန် နိဿဲအာညိအာနန်။
အသံပါင် ရမျာင်တၠ(ကွာန်အနေင်)
လက်သဏ်မိတ်ခိုဟ် ပလေဝ်ဒါန်
လက်သဏ်မိတ်ခိုဟ် ဒးကၠိုဟ်လဝ်ကၠာ
သဒ္ဓါပေင်ရ သုတပေင်အာ
စာဂသၠးပွး စဳကၠးကဵုဏာ
ဝဳရိယ ဂ္စာန်ရဟွံလၞုဟ်အာ။
သတိပေင်ဂှ် ဒှ်မိတ်ခိုဟ်ကၠာ
သမာဓိပၠန် စိုတ်တန်ကြန်အာ
တီကေတ်ဟိုတ်ဖဵု နွံကဵုပညာ
ဒ္စာံသာ်ဂှ် ဒှ်မိတ်ခိုဟ်မဟာ။
မိတ်ခိုဟ်ဂွံဗ္ဒာဲ ဘဝဆာဲပၠန်
ဟိုတ်မိတ်ခိုဟ်ရ တသိုခ်ဨကန်
ဟွံခိုဟ်ဝေင်ပါဲ ဇၟာပ်ဒၞာဲခိုဟ်သန်
သွက်ဘဝ ဒးဗ္ဒမိတ်ခိုဟ်ပၠန်။
ဝန္ဒနာ (ဘာကွာန်လှာ.ဍုင်လ္ဂုင်)
ဂိတုက္ထိုန်ဗုအး ဒါန်တၟေင်ဂွံသၠးပွး ပလေဝ်ဒါန်
ညးသပ္ပရိုဟ် အိုဟ်တၟိုဟ်မိပ်စိုတ်
ကျာ်တြဲဂမၠိုင် ထိုင်သးဟွံအိုတ်
ခၟဳအရှန်ပြဲ ရိုဟ်တ္ၚဲဒးစိုတ်
ဂိတုက္ထိုန် ဍိုက်ပေင်ကွိုန်ဟီုၜိုတ်။
ဂွံကဵုဒါန်က္ဍင် ဘိက္ခုသင်ပြဲ
ညံင်ဗြဲဂူရတ် ပြာကတ်ရိုဟ်တ္ၚဲ
ဒါန်ပြဲတၟေင်ဆဵု ဂွံကဵုညးအဲ
ဇၟာပ်သတ်စုင် ဂွံဒုင်စဖိုလ်ပြဲ။
ဖိုလ်ဇၞော်မဟာ အာနိသံသာ
ဒါန်ဟွံတုပ်ကၠာ ဒါန်သ္ၚာသေင်ဟာ
ဒါန်သ္ၚာဝွံဍာံ မွဲသၞာံမွဲဝါ
ဒါန်ပြဲတၟေင် က္ထိုန်ပေင်ကျာ်တွံကၠာ။
ညးတၠဒါန်တွဵု မုဖိုလ်စသိုင်
ဘွဗၠးၜးဂှ် ပြဟ်ပြဟ်ဂွံပိုင်
ပးဒၞက်တိတ်ဗၠး ညးပ္လီုဟွံကၟိုင်
ပၟိက်စိုတ်ဟေင် ဍိုက်ပေင်ဂွံစသိုင်။
ဂၠးအကးရ. သ္ပဂတဵုတၟအ်
ဒ်ဵုသိန္နရာဇ် အာတ်သ္ပကၞေဟ်လအ်
ဍာ်မှာသၟိတ်က္ဍင် သ္ပမှင်ရန်တၟအ်
ဖိုလ်က္ထိုန်ဝွံ အိုတ်ဟွံမာန်ရဲတအ်။
မၞိဟ်တြုံဗြဴဆာန် ကဵုဒါန်က္ထိုန်ဟေင်
ဨဟိဘိက္ခု မုချတြုံတၟေင်
မဟလ္လတာ ကညာဂွံသေင်
သ္ၚာက္ထိုန်ဂါံ အလာံအရှန်တၟေင်။
ရာမည ပရဟိတမန်။
စိုတ်ဓါတ်အ္စာ ပလေဝ်ဒါန်
သၟာမင်မွဲဥဒျာန်ဂှ်
မင်မွဲဗဵုသ္ၚဳတဴ ပ္ကဴမွဲဍောင်ဓရ်ဟွံသေင်
မင်မွဲဗဵုသ္ၚဳတဴ အလုံမွဲကၠအ်ပ္ကဴမွဲရ။
အ္စာဟီုဂှ်လေဝ်
ဒှ်ညးမင်မွဲဗဵုသ္ၚဳတဴ ကွးမွဲဓရ်ဟွံသေင်
ဒှ်ညးမင်မွဲဗဵုသ္ၚဳတဴ အလုံကွးသီုဖအိုတ်ရ။
ဒှ်ညးမပၠေံထောံ
ဂၠံင်တရဴကွးဟွံသေင် ဒှ်ညးမဖံက်ပထောင်
ကဵု ဂၠံင်တရဴသွက်ကွးတံဂွံကွာ်ဟေင်ရ။
ဒှ်ညးမသ္ကုတ်ပ္ကဝ်ကၠေံ
ဒဒန်သွက်ကွးတအ်ဂွံကၠောံဟွံသေင်။
ဒှ်ညးမလးဗၠးကဵု
ဒဒန်သွက်ကွးတအ်ဂွံကၠောံဟေင်ရ။
ဒှ်ညးမဝးပ္ကဝ်ကၠေံ
တၞံပ္ကဴဟွံသေင် ဒှ်ညးမတဵုလွဳ တၞံပ္ကဴဟေင်ရ။
ရီုမန် (ကအ်သိုခ်)
သၟတ်တ္ၚဲဏံ ကဵု စိုတ်ဓါတ်တ္ၚဲဏံ ပလေဝ်ဒါန်
တ္ၚဲဏံဇၟာပ်ဌာန် ရးမန်ပိုယ်ကၠာ
ရံင်အာကဵုသၟတ် တ္ၚဲဏံမ္ဂး
ထေက်ကဵုအမ်သဝ်ကွေံရ။
မုဟိုတ်ရောဟီုတှ်ေ ရတ်ပိုယ်မစွံလဝ်ၚုဟ်မးဂှ်
ဒှ်ကပေါတ်လှာဲကဵု ယက်ပရအ်အိုတ်ယျ
ဒှ်အာခေတ် ရတ်လှာဲကဵုချေံအိုတ်ရ။
လၟုဟ်ဏံဂှ် မိမကဵုကောန်ဂှ် ဒှ်မွဲဂၞန်
ကောန်ဍုင်ကွာန်ကဵုအလဵုသဳဂှ် ဒှ်ဒွန်
ကိုန်ဇာတာဏံ ထေက်ကဵုဒးသ္အးကၠေံရ။
သ္ၚိပရပၠန် ဗ္ကန်တၞးဘိင်
စကာတက်ကျာ ဟီုဏာယက်ဂၠိင်
ဆဵုညာတ်ညးသ္ကံ ဆက်မိပ်ကဵုတၞိင်
အိုတ်ကၞောတ်ထံင်ပၟတ်ဂွံမိင်။
သၟတ်ပိုယ်တအ်ဂှ် လိက်ပတ်ပညာ
စကာရပ်အောန် ကၟောန်ကၠုင်ဝိဝိင်
ထိင်စိုတ်ဟွံမာန် ဂ္စါန်ကၠုင်ပါပ
လောကဏံဂှ် ဗီုလဵုရော...သၟတ်။
ဇာရဳ (ဝါကွဴ)
အိက်အရက်ဗီုဏံ ဝေင်ပါဲညိရဲတအ် ပလေဝ်ဒါန်
ယွံသဟာဲတအ်----------ဗန်ကအ်တံင်တဲ
ပိုဲကၠင်ကအ်ဂး------------ဒးကၠုင်ညးအဲ
ကၠုင်လေဝ်သ္ကံရဲ----------ပ္ဍဲဝိုင်မေရဲ
ကၠုင်သုင်ရ----------------လ္ပဝိဝိင်ညိရဲ။
အရက်ဍာ်ပုင်------------ပိုဲသုင်သူရာ
ကၠောန်ဂွံနင်စုင်---------သွက်ဂွံသုင်ကၠာ
ဟွံဖေက်မိမ-------------ဂြိပ်ဂစာန်အာ
ကၠောန်ဂွံသြန်-----------ဨကန်သုင်ညဳသာ။
ကောန်ဗြဴဝိုတ်တၠိင်-----ဝိဝိင်အရက်
မိပ်ပ္ဍဲလိုက်ပၠန်----------ယောန်သုင်အရက်
အရက်ဍာ်ဂျိ------------ဂွံညိကွာ်မြက်
ဗ္ၜူတုဲဇိက်---------------ညးကော်အိက်အရက်။
ကော်ရဲတက်ဝိုင်-------အီဂြိုင်မိပ်မံင်
တ္ၚဲတၟးတိုန်သုင်--------ပေင်ဍုင်ဗ္ၜူဂံင်
မိပ်ကဵုအရက်-----------ဗက်ရဲရပ်လံင်
ညိဟွံဂွ------------------ဝိုတ်ဘွတုဲထံင်။
ဝိုင်စဳမွဲအံင်--------------ကြဴမံင်သေင်ဟာ
ဗ္ၜူဝိဝိင်ရ----------------ဒှ်သၞဆဵုအာ
စိုပ်သ္ၚိညးလက်---------ဗက်ဒေါန်ဟီုဏာ
ဟွံက္လင်မွဲ----------------ဂြဲဂြက်ညးသ္ကံကၠာ။
လုပ်ဝိုင်စသုင်----------ၜုင်တက်ညးကၠာ
သုင်ဒးတုဲဗက်---------အရက်သူရာ
စိုပ်ရုင်သ္ၚိထံင်---------ဆဵုမံင်ဟွံသာ
စိုတ်ယုတ်မာ----------မိစ္ဆာကၠောန်ဒးအာ။
ရာမည ပရဟိတမန်။