ကြုင်ဍာ်ခန်(ကွာန်)
ကွာန်ကြုင်ဍာ်ခန် (ယၟုတြေံ: အာဲသာယာဝတဳ) (ဗၟာ:ရေနောက်ချောင်း) ဝွံ ဒှ်ကွာန်သၟတ်မွဲ မနွံပ္ဍဲ ပွိုင်ဍုင်ဘုတ်ပြင်၊ ပါ်ဍုင်မဏ္ဍိုင် (မန်ဒိုင်)၊ ရးတၞင်သဳ။ အတိုင်စၟတ်သမ္တီမ္ဂး ကွာန်ကြုင်ဍာ်ခန်ဝွံ နာဲကျဝ်နေ ကေုာံ နာဲမတဵု ဂကူမန်ၜါတၠ ကဵုဒါန်တိတုဲ နကဵု အရီုအဗင် ဗိုလ်ဇၞော်အံင် ညးမဒှ် သကိုပ်ဒပ်ပၞာန်မန် မဖျေဟ်လွဟ်ဂှ် ပ္တန်လဝ် ပ္ဍဲ ဂိတုဖေဖဝ်ဝါရဳ ၁၈၊ ၂၀၀၇ (သက္ကရာဇ်ဍုင် ၁၃၆၈ ဂိတုဖဝ်ရဂိုန် ၃ မမံက်) တ္ၚဲအဒိုက်ရ။ ပ္ဍဲကွာန်ကြုင်ဍာ်ခန်ဝွံ ဂကူမန်၊ ဂကူကရေင်၊ ဂကူဗၟာ၊ ဂကူထဝါဲ ပဒတဴဒၟံင်တုဲ ဂကူကရေင်တအ်ဂှ် ပဒတဴ ပ္ဍဲသြင်ကြုင် လပါ်ပလိုတ်တုဲ ဂကူတၞဟ်တအ်ဂှ် ပဒတဴ ပ္ဍဲသြင်ကြုင်တၞဟ်မွဲလပါ်ဗမံက်ရ။
| ကြုင်ဍာ်ခန် | |
|---|---|
| ကွာန် | |
 | |
  ကြုင်ဍာ်ခန် ဒၞာဲကွာန်ကြုင်ဍာ်ခန် မနွံ | |
| ဒတန်ဒၞး: 11°23′48″N 99°00′12″E / 11.396720°N 99.003223°Eဒတန်: 11°23′48″N 99°00′12″E / 11.396720°N 99.003223°E | |
| ကၟိန်ဍုင် |
 Myanmar |
| ရး | ရးတၞင်သဳ |
| ပွိုင်ဍုင် | ဘုတ်ပြင် |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ယၟုကွာန်
ပလေဝ်ဒါန်ကွာန်ကြုင်ဍာ်ခန်ဝွံ ပ္ဍဲအခိင်မစပတန်တေအ် ခုတ်ခဴလဝ် ယၟု ကွာန်အာဲသာယာဝတဳ ကီုလေဝ် ဗွဲကြဴဝွံ ဟိုတ်နူ မနွံ ပ္ဍဲဇိုင်ကြုင်ဍာ်ခန် နကဵု ဗီုဗၟာ မကော်စ ရေနောက်ချောင်း ဂှ်တုဲ ယၟုကွာန်ဂှ် ကော်စဒၟံင် ကွာန်ကြုင်ဍာ်ခန် နကဵု ဘာသာဗၟာ ရေနောက်ချောင်းကျေးရွာ။
ဝင်
ပလေဝ်ဒါန်အတိုင်စၟတ်သမ္တီမ္ဂး ကွာန်ကြုင်ဍာ်ခန်ဝွံ စပတန်လဝ် ပ္ဍဲသၞာံ ၂၀၀၇ ဂိတုဖေဖဝ်ဝါရဳ ၁၈ (သက္ကရာဇ်ဍုင် ၁၃၆၈၊ သာသနာ ၂၅၅၀ ဂိတုဖဝ်ရဂိုန် ၃ မမံက်) တ္ၚဲအဒိုတ်ဂှ်ရ။ မဂွံပတန်ကွာန်ဏအ်ဂွံဂှ် ကလိဂွံ အရီုအဗင် နူဗိုလ်ဇၞော်အံင် ညးမဒှ်သကိုပ်ဒပ်ပၞာန် မဒှ်ဒပ်ပၞာန်မန်မဖျေဟ်လဝ်လွဟ် ကုအလဵုအသဳတုဲ၊ နာဲကျဝ်နေ၊ နာဲနိုင်ဥူ၊ နာဲမတဵု၊ မင္ၚေဝ်တအ် အာဂတပၠတရဴတုဲ နာဲကျဝ်နေ ကေုာံ နာဲမတဵု ကဵုဒါန် ဂအာင်တိညးတအ်တုဲ ပ္တန်လဝ် ကွာန်ဝွံရ။ ပ္ဍဲအခိင်မပတန်ကွာန် ဗွဲကိုပ်ကၠာဂှ် သ္ၚိနွံ သီုဖအိုတ် ၇-၈ မဟေင်ရ။ ဗွဲကြဴ မၞိဟ်ဂၠိုင်ကၠုင်၊ ဒှ်ပြသၞာ ကဵုဂကူကရေင်တုဲ နူကဵု ဂကောံဒပ်မန်မဖျေဟ်လွဟ်တအ် ဗိုင်ပညဳပညပ်တုဲ ပါ်ခြာထောအ် ပယျဵုဒနက်ကွာန်၊ ကရေင်မံင် သြင်ကြုင် လပါ်ပလိုတ်၊ မန်၊ ဗၟာ၊ ထဝါဲဂှ် မံင်သြင်ကြုင် လပါ်ဗမံက်ရ။
ပရေင်ပိုန်ဒြပ်
ပလေဝ်ဒါန်ကွာန်ကြုင်ဍာ်ခန်ဝွံ လၟုဟ် (သၞာံ ၂၀၂၁) နွံသ္ၚိၜိုတ် ၇၀-၈၀ မတုဲ မၞိဟ်ဗွဲမဂၠိုင်ဂှ် ဂယိုင်လမျီု နကဵုကမၠောန်တဵုဂူ တဵုကၠအ်အိုတ်ရ။
ယေန်သၞာင်မန်
ပလေဝ်ဒါန်ကွာန်ကြုင်ဍာ်ခန်ဝွံ ဒှ်ကွာန်မန်မွဲတုဲ ပရေင်စၟတ်သမ္တီ ဂကူမန် မပ္တံကဵု တ္ၚဲဂကူမန်၊ ဗတောန်လိက်ဥတုကညင်တအ်ဂှ် ဗီုညးကဵုညးကၠောန်ဒၟံင်ကီုရ။ ဟိုတ်နူ ဂကူပြံက်နှဴဒၟံင်တုဲ ကောန်င္ၚာ်သၟတ်မန်တအ်ဂှ် စၞးမဟီုအရေဝ်မန်ဂှ် ဟီုကၠုင်အရေဝ်ဗၟာ အရေဝ်ထဝါဲဂၠိုင်ကၠုင်ရ။
ဗီုရုပ်ဂမၠိုင်
ပလေဝ်ဒါန်-
ပါင်ဂၠံင်လုပ်ကွာန် ကွာန်ကြုင်ဍာ်ခန် -
မုက်တြင် ဘာလျးသာသနာ ကွာန်ကြုင်ဍာ်ခန် -
ကောန်ကွာန်ကြုင်ဍာ်ခန် မချဳဓရာင် ပရေင်ဂကူမန် တ္ၚဲဂကူမန် -
ဗဗဵုမန် နူဘာလျးသာသနာ ကွာန်ကြုင်ဍာ်ခန် -
ဗီုကွးဘာ မဗတောန်လိက်မန် ဥတုကညင် ပ္ဍဲကွာန်ကြုင်ဍာ်ခန်
နိဿဲ
ပလေဝ်ဒါန်ညးမပကောံချူ နာဲပညာနန် ဒဵုတၟအ်