ချေတ်သိင်၊ နာဲ
နာဲချေတ်သိင် (မွန်ပဏ္ဍိတ် ဦးချစ်သိန်း) (၁၈၉၉ - ၁၉၉၅၊ သေတ်တေန်ပါ ၁၅) ဝွံ ဒှ်အစာလိက်တၟအ်မန် မွဲတုဲ ပ္ဍဲဂကောံသုတေသနဝင် ဍုင်ဗၟာဂှ် ဂွံဒုင် ခပတိုန် နကဵုကဆံင် ပဏ္ဍိတ်မန်မွဲရ၊၊ ပ္ဍဲအခိင်မယိုက်ဂၠေင်ဒၟံင် တာလျိုင်ဂှ် လိက်မန် ကေုာံ လိက်ဗၟာတြေံဂမၠိုင် ဗီုကဵု လိက်တၟအ်၊ လိက်ဗဒင် ကေုာံ လိက်ဍုတ်ဂမၠိုင် ကၠာဲစၠောအ် ပံက်ကဵုအဓိပ္ပါယ်ရ၊၊ ပၞောဝ်ကဵု လိက် ညးမခၞံလဝ်ဂမၠိုင်ဂှ် လိက်တၟအ်မန်ပံင်ကောံ မကၠာဲလဝ် နကဵုဘာသာဗၟာ (မွန်ကျောက်စာပေါင်းချုပ်) ဂှ် ဒှ်လိက် မၞိဟ်မတီဂၠိုင်အိုတ်တုဲ လိက်ဂှ် ဒှ်လိက်သကအ်တဲ ညးမလ္ၚတ်လိက်မန်တြေံဂမၠိုင် စဵုကဵု တ္ၚဲဏအ်ရ၊၊
| ပဏ္ဍိတ်မန် နာဲချေတ်သိင် | |
|---|---|
 ဗီုရုပ် နာဲချေတ်သိင် | |
| သၠးဂၠံဂဝ် |
နာဲချေတ်သိင် ဇာန်နဝါရဳ ၁၊ ၁၈၉၉ (တ္ၚဲကတဵုဒှ်မၞိဟ် ဟွံတီချိုတ်ပၠိုတ်) ကွာန်ဇာသပၠင် |
| စုတိ |
သေပ်တေမ်ဗါ ၁၅၊ ၁၉၉၅ (အာယုက် ၉၆) ဍုင်မာန္တလေ |
| ဟိုတ်မစုတိ | အာယုက်ဇၞော် |
| ဂကူ | ဂကူမန် |
| မဒယှ်တဴ | တၠပညာ လိက်တၟအ်မန် |
| အိန်ထံင် | မိသိန်းတင် |
| ကောန်ဇာတ် | မောင်ခင်မောင်ကြည်၊ မသန်းစိန်၊ မညွှန့်စိန်၊ မညွှန့်ရှိန်၊ မောင်ဝင်းမောင်၊၊ |
| အံက် | နာဲအုန်းညွန့် မိမယ်မယ် |
| ဂယိုင်လမျီု | ပဏ္ဍိတ်မန် |
ဇာတိတၟိုပ်သုက်
ပလေဝ်ဒါန်နာဲချေတ်သိင်ဝွံ ဒှ်ဂကူမန် ဇာတိကွာန်ဇာသပၠင် မဒှ်ကောန် နာဲအုန်းညွန့် မိမယ်မယ်တုဲ ဒှ်ကောန်ဇၞော်အိုတ် ပ္ဍဲမွဲမိရ၊၊
ကမၠောန်
ပလေဝ်ဒါန်ပ္ဍဲလက်ထက် သၟိင်အင်္ဂလိက်
ပလေဝ်ဒါန်ကမၠောန် နာဲချေတ်သိင် စကၠောန်ကမၠောန်ကၠာအိုတ် ဒှ်ကမၠောန်အစာဘာ ပ္ဍဲဍုင်ဇာသပၠင်ရ၊၊ စိုပ်သၞာံ ၁၉၃၂ ဂိတုမေ (၃၁) မဒှ်အခိင်အလဵုအသဳ အင်္ဂလိက်ဂှ် နူကဵု ရုင်လိက်တၟအ် မဒှ်ဌာနသုတေသနဝင်ဂှ် ခပတိုန်ညး နဒဒှ် ပဏ္ဍိတ်မန် ရ၊၊ ကမၠောန်တာလျိုင် အဓိက ပ္ဍဲရုင်လိက်တၟအ်ဂှ် သွက်ဂွံ ပကောံပကေဝ် လိက်မန် လိက်ဗၟာတြေံ နူကဵုလိက်တၟအ်၊ လိက်ဗဒင် ကေုာံ ရုပ်ဍိုတ်ဂမၠိုင်ရ၊၊ လိက်ဘာသာမန်ဂှ် ညးကၠာဲစၠောအ် ဘာသာဗၟာရ၊၊
ပ္ဍဲကာလပၞာန်
ပလေဝ်ဒါန်ပ္ဍဲအခိင်ကာလ ပၞာန်ဂၠးတိအလန်ဒုတိယဂှ် လုပ်ကၠောန် ပ္ဍဲတိုက်လိက်ပရိုင် ＂ဗဟိုရ်စည် သတင်းစာ＂ သွက်ဂွံကေတ်ပရိုင် ပရးပရိုင်ဂမၠိုင်ရ၊၊
ကြဴနူကလိဂွံဗၠးၜး
ပလေဝ်ဒါန်စတမ်သၞာံ ၁၉၅၇ ဂိတုသေတ်တေန်ပါ (၂၈) ဂှ် ကလိဂွံ တာလျိုင် သွက်ဂွံပကောံလိက်တြေံဂမၠိုင်တုဲ သွက်ဂွံတက်ပ္တိက် လိက်ကၞပ်ရ၊၊ ပ္ဍဲသၞာံဂှ် ဂိတုနဝ်ဝေန်ပါ (၂၆) ဂှ် ဒေါအ်ထောအ် နဒဒှ် နူကဆံင်ပဏ္ဍိတ်မန် တုဲ လုပ်ကၠောန် ပ္ဍဲသုတေသနဝင် နဒဒှ် ကဆံင်လစှ်ေဝန် (ဝန်ထောက်ရာထူး) ရ၊၊ ပ္ဍဲအခိင်ဂှ် ချူပ္တိတ် ဝင်ကျာ်ဗုကာံ (၂၇) မွဲကၞပ်ရ၊၊ စိုပ်သၞာံ ၁၉၅၉ ဂိတုနဝ်ဝေန်ပါ (၂၆) ဂှ် ဒေါအ်ဇူစပေန်ဇြေန် နူကဵုကမၠောန် ဌာနသုတေသနဝင်ရ၊၊
ချူခၞံလိက်
ပလေဝ်ဒါန်စိုပ်သၞာံ ၁၉၆၅ ဂှ် သကိုပ်ဝန်သုတေသနဝင် ဦးဖိုးလတ် (ညွှန်ကြားရေးဝန်) ဆဝ်မ္ၚုဟ် လိက်စံင် မဆေင်ကဵု လိက်တၟအ်မန် (၁၀၆) ဂှ် ညံင်ဂွံချူပကောံ နဒဒှ် လိက်တၟအ်မန်ပံင်ကောံ မွဲကၞပ်ရ၊၊ လိက်ဂှ် ပါ်လဝ် နကဵု (၂) ကဏ္ဍ၊ အတိုင်လိက်တၟအ် စၠောအ်အက္ခရ် ခေတ်တၟိဂှ် ဂှ် ပထမကဏ္ဍတုဲ ကၠာဲစၠောအ်လဝ် နကဵုဘာသာဗၟာဂှ် နဒဒှ်ဒုတိယကဏ္ဍ၊၊
လအိတ်ဘဝ
ပလေဝ်ဒါန်သၞာံ ၁၉၉၅ ဂိတုသေတ်တေန်ပါ (၁၅) တ္ၚဲသိုက် အခိင်သဝ်တ္ၚဲ (၅း၃၅) ဂှ် ကလိဂွံ အာယုက် (၉၆) သၞာံ စုတိအာ နကဵုယဲအာယုက်ဇၞော် ပ္ဍဲသ္ၚိညး ပွင့်ဦးမြိုင် အရာပ် (၆) မဟာမြိုင်၊ ဍုင်မာန္တလေ ရ၊၊ ပ္ဍဲမစုတိဂှ် သမ္ဘာ မိသိန်းတင် ကေုာံ ကောန်ဇာတ် (၅) တၠ ကောန် မောင်ခင်မောင်ကြည်၊ ကောန်ဝုတ် မသန်းစိန်၊ မညွှန့်စိန်၊ မညွှန့်ရှိန်၊ ကောန် မောင်ဝင်းမောင် ဒးလသာစွံလဝ်ရ၊၊