ဂကူကၠက်ဂှ်သာသနာဟွံကၠေံကၠက်ပုဟ်

ဂကူကၠက်ဂှ်သာသနာဟွံကၠေံကၠက်ပုဟ်

လုပ်ဗှ်ဖျုန်လိက်အိုတ်စိုအ်၊

ဂကူမွဲမွဲဂွံတိုန်တဴအာဍာ်ဇမၠိၚ်မာန်ဟီုဂှ်တှ်ေ ဒးနွံကဵုသွာၚ်နာနာသာ်တုဲ ဆဂး ဘာသာသာသနာအရေဝ်လိက်ပတ်ယေန်သၞာၚ်အခိုက်ကၞာပြဝေဏဳမွဲဒးထ္ၜးသက်သဳပေၚ်ပေၚ်တုဲ ဂကူတံဂှ်လေဝ်ဗဂဵုလဟဵုအာဗီုကဵုအခိၚ်အခေတ်ကာလဒေသညံၚ်ဂွံဂတာပ်အခေတ်အိုတ်ရ၊ ဟိုတ်ဒှ်သာ်ဂှ်တုဲ ယဝ်ရပ္ဍဲကဵုဂကူမွဲဂှ်စိုတ်စှ်ေဓဝ်ပတေဟ်ကဵုဖျုန်ဏာလပါ်ပရေၚ်ကုသဵုကဵုဒါန်ဂၠိုၚ်လောန်ၜက်အာတုဲ ညးတံဝိုတ်တၠိၚ်ထောံဒးဗဂဵုလဟဵုပရေၚ်ပညာလိက်ပတ်ဂကူညးတံအောန်အာဏောၚ်တှ်ေ ခြာဟွံလအ်ဒှ်ကၠုၚ်ပြသၞာပ္ဍဲဂကူညးတံမာန်ရ။

ဂကူမွဲၜိုန်ရဒးနွံကဵုသာသနာကီုလေဝ် ယဝ်ရသာသနာတဴတက်ဂကူဂှ်ဒးတဴအာလေဝ်ဟွံသေၚ်တုဲ ယဝ်ရဂကူဂှ်ကၠက်ကၠေံအာလ္တူဂၠးတိဏံကီုလေဝ် သာသနာဂကူမရှ်ေသှ်ေဒၟံၚ်ဂှ်လေဝ်ဆက်သှ်ေနွံအာမံၚ်ဏီတုဲ ဟိုတ်နူကဵုဍုၚ်ညးတၞဟ်လေဝ်ရှ်ေသှ်ေဒၟံၚ်သာသနာတုပ်တုပ်ကီုတုဲ ညးတံလေဝ်ဆက်ဗဂဵုလဟဵုမၚ်မွဲအာပၠန်ရ၊ ယဝ်ရပိုဲတံစှ်ေကေတ်စိုတ်ဣဏံရသာသနာဂကူပိုဲမွဲတုဲ ယဝ်ပိုဲဟွံကၠောန်ဟွံမၚ်မွဲချိုတ်ချိုတ်ပၠိုတ်ပၠိုတ်မ္ဂးတှ်ေသာသနာကၠက်ဏောၚ်စှ်ေကေတ်စိုတ်သာ်ဏံတှ်ေဗၠေတ်ကဵုဒဒိုက်ကဵုသွက်ဂကူဇကုရ။

သာသနာၜိုန်ရဒှ်အဓိကကီုလေဝ် အရေဝ်လိက်ပတ်ဂကူဂှ်ဒှ်အဓိကဂၠိုၚ်နူသာသနာဂှ်ဏီရ၊ ဟိုတ်ဒှ်သာ်ဂှ်တုဲ ကဵုဒါန်သိုၚ်ဘာကၠောန်ကုသဵုဂှ်ခိုဟ်မံၚ်ရဆဂး ယဝ်ရဓဝ်ပတေဟ်ပ္ဍဲကောန်ဂကူဂှ်မိက်ဂွံတိုန်ဍုၚ်သွဝ်စဴနိဗ္ဗာန်ကဵုဖျုန်လေပ်အာတုဲ ပရဲသွက်ဂကူမွဲဂွံဆက်သှ်ေအာလ္တူဂၠးတိဏံမာန်ဂှ်ဟွံလောဲရ၊ လပါ်ကုသဵုကဵုဒါန်သိုၚ်ဘာလေဝ်ထေက်ကဵုဒးကၠောန်ၜိုတ်ထေက်ကြိုက်တုဲ လပါ်ပရေၚ်ပညာဂကူဇကုပၠန်လေဝ် သွက်ဂွံထိၚ်ဒက်မၚ်မွဲအာလိက်ပတ်အရေဝ်ဂကူဇကုဂှ်ဒးကဵုဖျုန်ဂၠိုၚ်ဂၠိုၚ်တုဲ သာ်ဏံဟွံသေၚ်မ္ဂးတှ်ေ ဂကူပိုဲကၠေံကၠက်အာလ္တူဂၠးတိဏံမ္ဂးတှ်ေ သာသနာပိုဲရှ်ေသှ်ေဒၟံၚ်တ္ၚဲဏံဂှ်လေဝ်ဆက်သှ်ေနွံအာတၟာလအ်စဵုကဝ်တူကဝ်တိုန်တေံဏောၚ် ဟိုတ်ဂှ်ရတှ်ေ ဂကူကၠက်ဂှ်သာသနာဟွံကၠေံကၠက်အာပုဟ်ဂှ်စှ်ေကေတ်စိုတ်အိုတ်ညိ။

အုပ်နိဂီုတုဲဆဝွံကၠာရ ။

နိဿဲလဝ်ပ္ဍဲဘဝလၟေၚ်လၟေၚ်တ္ၚဲပူဂဵုမဒှ်ကီုရ ။