ဂကောံထံက်ပၚ်အာဲထဳမန်
ဂကောံဝွံ သွက်ဂွံဒှ်သြန်ဗွဝ်ထံက်ပင် ဆေင်စပ်ကဵုကပေါတ်စက်အာဲထဳနာနသာ်မာန်တုဲ ပ္ဍဲကဵုစၟတ်တ္ၚဲ (18-6-2019) သက္ကရာတ်ဍုၚ် (၁၃၈၁) သၞာံ၊ ဂိတဇှ်ေ (၁) စွေက်ဂှ် နကဵုဒြဟတ်မၞိဟ် (၈) တၠ စဒက်ပတန်လဝ်ဂကောံမဒှ်ကီုရအဴ
 | |
| မဒက်ပတန် | ၁၈ ဂျောန် ၂၀၁၉ |
|---|---|
| ဗီုပြင် | ပကောံသြန်ဗွဝ်သွက်သွာၚ်(IT)မန် |
| တင်ရန်တၟအ် | သွက်ဂွံဗဂဵုလဟဵုအာလိက်မန်ဗွဲသၞောဝ် Unicode ကေုာံသွာၚ်(IT) |
| ဂကူကမၠောန် | ချဳဒရာၚ်၊ ဆဝ်မ္ၚုဟ်၊ ဂၠာဲသြန်ဗွဝ်၊ ထံက်ပၚ် |
ကောန်ဂကောံ | ဇၟာပ်ကောန်ဂကူမန်နွံအလုံဂၠးတိ |
| မထံက်ပင် | နကဵုစေတနာ (စိုတ်ဓါတ်) |
စပ္တံဒက်ဂကောံ ပလေဝ်ဒါန်
ဂကောံဝွံ သွက်ဂွံဒှ်သြန်ဗွဝ်ထံက်ပင် ဆေင်စပ်ကဵုကပေါတ်စက်အာဲထဳနာနသာ်မာန်တုဲ ပ္ဍဲကဵုစၟတ်တ္ၚဲ (18-6-2019) သက္ကရာတ်ဍုၚ် (၁၃၈၁) သၞာံ၊ ဂိတဇှ်ေ (၁) စွေက်ဂှ် နကဵုဒြဟတ်မၞိဟ် (၈) တၠ စဒက်ပတန်လဝ်ဂကောံမဒှ်ကီုရအဴ ။ ၁။ တၠဂုဏ် အနန္တ ၂။ နာဲသိုက်လွဳ ၃။ နာဲအံင်ဇၞးရတ် ၄။ နာဲမန်ခိုင်ဗိုန် ၅။ နာဲဂံင်ရာဇာ ၆။ မာံခန္တဳဆာန် ၇။ နာဲမန်ထဝ် ၈။ နာဲလောကကမ်တၟိ ဗွဲကၠာအိုတ်ဂှ် ညး (၈) တၠဝွံဟေၚ် ချဳဒရာၚ်စပ္တံကၠုၚ်ကီုရ၊ ဗွဲကြဴဏံပၠန် ဒှ်အာမၞိဟ် (၁၇)တၠ၊ စနူတ္ၚဲဝွံဟေၚ် ချဳဒရာင်ဂၠာဲကၠုၚ်သြန်ဗွဝ်သိုက်သိုက်တုဲ ပ္ဍဲကဵုပစ္စုပ္ပန်စက္ကဏံဂှ်တှ်ေ ကောန်ဂကောံနွံတဴ ၜိုတ်အကြာၜါစှော်တၠပြၚ်ပြၚ် စဵုကဵုစိုပ်ပိစှော်တၠနွံရ။
တၚ်ရန်တၟံ ပလေဝ်ဒါန်
၁။ မလိက် Noto Sans (google) မပါလုပ်ဒၟံင်လၟုဟ်ဏံဂှ် ညံင်သွက်ဂွံပလေဝ်အာမာန် ။
၂။ သွက် google Keyboard ညံင်ဘာသာမန် သ္ဂောံပါကၠုင်ဗွဲသဘာဝမာန် ။
၃။ App (Application) မပ္တံကဵုကပေါတ်စက်အာဲထဳနာနာ ဗီုဂွံဂတာပ်အခေတ်မာန်ကီုတုဲ ညံင်ဂွံစိုပ်အာပ္ဍဲ Play Store မာန်ဗွဲတုန် ။
အနာဂတ်တေံပၠန်ဂှ်လေဝ် ဆေင်စပ်ကဵုကပေါတ် IT နာနာ ဗီုကဵုအခေတ်မကွာ်အာဂှ်လေဝ် ပိုဲဒးဗက်ညံင်ဂွံဂတာပ်တုဲ နဒဒှ်လိက်မန်ပိုဲမၞုံကဵုသၞောဝ် Unicode ညးဂၠးတိတံသ္ပလဝ်စၟတ်သမ္တီဂှ် ဒးဆက်ဗဂဵုလဟဵုအာ ဇၟာပ်ဇၟာပ်နာဍဳ မိဏေတ် စက္ကဏောၚ်၊ တ္ၚဲဏံဒြဟတ်အောန် ဂါမ်ဇိုင်ဂၠိမံင်တုဲ ဒးကွာ်အာသိုက်သိုက်ကၠာ။
ကမၠောန် ပလေဝ်ဒါန်
စနူသၞာံတၟိ(၂၀၂၀)ဏံတုဲ ကော်သ္ပပေါဲကောံဓရီုသွက်ဂကောံလၟေင်ဂိတုဟီုဂှ်တှ်ေ ပြံင်ပဆုဲထောံ(၃)ဂိတုမွဲဝါမဒှ်ရ၊ အကြာပိဂိတုဏံတှ်ေ ယဝ်ရပၟိက်ကိစ္စဒှ်ပ္ဍဲဂကောံဏောင်တှ်ေ ကော်အာကောံဓရီုဂွံမံင်လၟိုန်ကာလရ၊ မွဲပၠန်ဂှ်တှ်ေ ဂကောံထံက်ပင်အာဲထဳမန်ဏံဂှ် ဒက်ပ္တိုန်လဝ်လ္တူလပှ်ကျာတုဲ ဥက္ကဋ္ဌကီုဒုဥက္ကဋ္ဌကီု ကဏ္ဍနာနာဗီုကဵုဂကောံလ္ၚဵုလ္ၚဵုတံနွံဂှ် ပ္ဍဲကဵုဂကောံဏံဟွံမွဲကၠးကၠးတုဲ ဆဂး ပိုဲတံကၠောန်အာကမၠောန်သွက်သွာင်အာဲထဳမန်ပိုဲအကြာကမၠောန်ညးညးအဲအဲ ဒှ်တဴသ္ကံရဲမိတ်သဟာဲကောဒေံတုပ်တုပ်ဖအိုတ်ကီုရ။
ဟိုတ်ဂှ်ရတုဲ ဂွံပတိတ်သၞောဝ်ချိုတ်တ်ပၠိုတ်တ်ဂှ်လေဝ် သွက်ညးဒှ်လဝ်ကောန်ဂကောံတံဂှ် ဂွံဒုင်ကေတ်ဂုဏ်ဖဵုနာနာနူဂကောံနွံအောန်မံင်တုဲ သၞောဝ်တံဂှ်လေဝ်ဟွံမွယ်ကၠးကၠးရ၊ အဓိကဂှ်တှ်ေ မသြန်ညးထံက်ပင်လဝ်တံ သီုကဵုကောန်ဂကောံသီုကဵုကောန်ဂကူမန်တံသီုဖအိုတ်ဂှ်တှ်ေ နူညးတာလျိုင်ဂိုင်ဒေပ်သြန်စွံလဝ်ချိုတ်ချိုတ်ပၠိုတ်ပၠိုတ်တုဲ ဒးဒှ်ဂုဏ်ဖဵုသွက်ကမၠောန်နာနာသွာင်အာဲထဳမန်ပိုဲဗွဲစၟတ်မာန်၊ ကမၠောန်ဂကောံကၠးကၠးဂှ်တှ်ေ အရာတၞဟ်သြန်ဒးအိုတ်ဂှ် ဂွံချဳဒရာၚ်နွံအောန်အောန်ကွေံတုဲ ဗွဲမဂၠိုၚ်တှ်ေ ပကောံသြန်ဗွဝ်မွဲဟေၚ် ဒှ်ကမၠောန်လၟေၚ်မွဲရ၊ နဲကဲပကောံသြန်ဗွဝ်ဝွံလေဝ် နကဵုကိုန်ဂစိုတ်သၞောဝ်ဗွဲမချိုတ်ပၠိုတ်လေဝ်ဟွံမွဲတုဲ နကဵုစေတနာဟေၚ် သီုကောန်ဂကူသီုကောန်ဂကောံတံဖအိုတ် ၜိုတ်စေတနာနွံနွံဂှ် ပကောံစွံလဝ်မသြန်တံဟေၚ်ရ၊ အာဂတနူဏံ ယဝ်ရပြံၚ်သၠာဲနွံတှ်ေ ထပ်ချူအာသိုက်သိုက်သီုကဵုကောံဓရီုအာနွံရ။
ကောန်ဂကောံ ပလေဝ်ဒါန်
၁။ တၠဂုဏ် အနန္တ
၂။ နာဲသိုက်လွဳ
၃။ နာဲအံၚ်ဇၞးရတ်
၄။ နာဲမန်ခိုၚ်ဗိုန်
၅။ နာဲဂံၚ်ရာဇာ
၆။ မာံခန္တဳဆာန်
၇။ နာဲမန်ထဝ်
၈။ နာဲလောကကမ်တၟိ
၉။ နာဲဗၠေဝ်
၁၀။ နာဲအာဲမ္ၚဵု
၁၁။ နာဲဗညာဟံသာ
၁၂။ နာဲရာဇာဟံသာ
၁၃။ နာဲလက္ခဏ ရာမညဝံသ
၁၄။ နာဲထဝ်ဍာမ်
၁၅။ ကောရမည
၁၆။ သၟာယဆာန်
၁၇။ နာဲအမ်သဝ်ရတ်
၁၈။ နာဲဝိညာဏ်ထဝ်
၁၉။ မာံရာၚ်ဆာဲ
၂၁ နာဲလွဳအံၚ်
၂၂။ နာဲလွဳမန်
၂၃။ မာံသိုက်ရတ်
၂၄။ နာဲဓနလာဘ
၂၅။ မာံဆီမန်ဇေတ်
၂၆။ နာဲမယံၚ်
၂၇။ နာဲသြန်ရတ်ဆာန်
၂၈။ နာဲအံၚ်ပ္ကဴ
၂၉။ နာဲသ္ဍိုက်ဆာန်မန်
၃၀။ နာဲမန်ဆာန် (ယၟုကောန်ဂကောံဏံဝွံလေဝ် ယဝ်လုပ်ကၠုၚ်ပဵုတိုန်နွံတှ်ေ ဆက်ချူဗပေၚ်အာသိုက်သိုက်နွံရ။
နိဿဲ ပလေဝ်ဒါန်
page - ဂကောံထံက်ပၚ်အာဲထဳမန်
Website - ဂကောံထံက်ပၚ်အာဲထဳမန်
Group - ဂကောံထံက်ပၚ်အာဲထဳမန်
ဂကောံထံက်ပၚ်အာဲထဳမန်ထံက်လဝ်ပၚ်သွက်သ္ဂောံရာန်ကောန်ပျူတာမွဲမဂွံချဳဒရာၚ်အာပရေၚ်ကမၠောန်ပ္ဍဲဘာ(ရာမညရဋ္ဌ ဗုဒ္ဓတက္ကသိုလ်)မသြန်(၃၀၀၀၀၀)ဒ္ကေဝ်သြန်ဍုၚ်ဗၟာမဒှ်ရ၊ တၠဂုဏ်(အဲနာဲပညာစိုတ်)သ္ပစၞးဂကောံတုဲ အာပ္အပ်မဒါန်သြန်မဒှ်ကီုရ၊ မသြန်သီုဖအိုတ်ဏံလေဝ်ဂွံကၠုၚ်နူသြန်ထံက်ပၚ်နူကောန်ဂကူကောန်ဂကောံတံမဒှ်ကီုရ။ [၁]
ထံက်ပၚ်လဝ်ခရိတ်(အေန်တာနေတ်)ကဵုတၠဂုန် အဲနာဲပညာစိုတ် လၟေၚ်ၜါအလန် [၂]
ကောန်ပျူတာၜါမ သွက်ဂွံချဳဒရာၚ်သွာၚ်ITမန် တၠဂုဏ်အ္စာအနန္တ ဒုၚ်ကေတ်[၃]
ချဳဒရာၚ်စုတ်လိက်မန်သၞောဝ် Unicode မၚ်မွဲစွေက် 2020 ၊ ဘာမန်သိရိမၚ်္ဂလမဟာဇျှာဲ ဍုၚ်သေံ[၄]
- ↑ https://www.facebook.com/Mon.IT.Support.Group/photos/605272053459179
- ↑ https://www.facebook.com/Mon.IT.Support.Group/photos/546522992667419
- ↑ https://www.facebook.com/Mon.IT.Support.Group/photos/520957148557337
- ↑ https://www.facebook.com/Mon.IT.Support.Group/photos/a.481712209148498/520953638557688/