ဂင်ယျင်၊ ကွာန်

ကွာန်ဂင်ယျင် (သေံ: บ้านทุ่งก้างย่าง) ဂှ် နွံဒၟံင် ပ္ဍဲ ပွိုင်ဍုင်သာဲယောက် (Sai Yok Subdistrict)၊ ခရိုင်သာဲယောက် (Sai Yok District)၊ ရးကာန်ချ်နပူရဳ (Kanchanaburi Province) ရးမရာဇ်သေံ၊ မဒှ်ကွာန် ကောန်မန်တအ် မပဒတဴကၠုင် မွဲအခိင်တေအ်ရ။ အတိုင်ဝင်မ္ဂး ကွာန်ဝွံ ဒှ် ဒၞာဲကၠအ်သတ်ဗြဴ အစာယျာပ် မညး ဒှ် ဂကူကြုက် မစာတ် ကုမဗဳဇမန်ဍုင်သေံ ပ္တန်လဝ်တုဲ ကောန်မန် ပဒတဴလဝ် ပ္ဍဲကွာန်ဂှ် သ္ၚိ ကေင်နွံလဝ် ၜိုတ်လ္ၚီ၊ ဗွဲကြဴ ဟိုတ်နူ ပဋိပက္ခသၟာဗၞိက်လွဟ် မဒးဒုင်ရပ် ပ္ဍဲကွာန်ဏအ်တုဲ သၟိင်သေံတအ် ပလီုထောအ် ကွာန်ဂှ်ရ။ လတူ ဒဵုကွာန်ဂှ် နွံ ကျာ်စေတဳအခိုက်မန်မွဲတၞုင်ရ။

ဝင်

ကွာန်ဂင်ယျင်ဝွံ ပ္ဍဲသၞာံအကြာ ၁၉၅၇-၁၉၇၈ ဂှ် ဂကူမန်တအ် စပ္တန် ပဒတဴကၠုင်လဝ် နဒဒှ် တိဗၠးၜးမွဲရ။ အစာယျာပ် ကၠောန် မဗဒှ်လဝ် ကၠအ်သတ်ဗြဴမွဲဇၞော်တုဲ ကောန်ကွာန် ဂကူမန်တအ် ဗွဲမဂၠိုင် ကၠောန်ဒၟံင် ကမၠောန်ကၠအ်ညးဂှ်ရ။^[၁] သၞာံ ၁၉၆၅ ဂှ် အစာယျာပ် အာတ်မိက် သၟိင်သေံ သွက်ဂွံသြိုင်ကဵု ဘာဗတောန်လိက် သွက်ကောန်င္ၚာ်တအ်ရ။ စိုပ်ၜိုတ် ၁၉၇၇ - ၁၉၇၉ ဂှ် ကွာန်ဂင်ယျင် ဇၞော်တိုန် ဗွဲမပြဟ် ဒှ်အာ သ္ၚိ ၜိုတ်လ္ၚီမ။^[၁] ဟိုတ်နူ ရဲသၟာဗၞိက်လွဟ် ကုဗော်ဍုင်မန်တၟိ (ကျာ်ပိ) ဖ္ဍိုက်ဏာ လွဟ်မကမ် တတ်အာ ကွာန်ဂင်ယျင်ဂှ် ဗၠာဲသၟိင်သေံတအ် ရပ်ဂွံတုဲ ပရိုင်ပရောဂှ် ပြာကတ်မံက်အာတုဲ သၟိင်သေံတအ် သီကေတ်ထောအ် ကၠအ်အစာယျာပ်ဂှ်တုဲ ကောန်မန် မပဒတဴဒၟံင် ပ္ဍဲ ကွာန်ဂင်ယျာင်ဂှ်လေဝ် ဒးဒုင်ဗက်ပ္တိတ်ထောအ် နူကွာန်ကီုရ။ ကုညး မိက်ဂွံအာမံင် ဇိုင်ပယျဵုဒိုဟ်သၠုင်ကျာ ပ္ဍဲပွိုင်ဍုင်ပြစွောမ်ဂှ် ပၞာန်သေံတအ် ဖ္ဍိုက်ပလံင်ဏာ၊ လ္ၚဵု မိက်ဂွံအာမံင် ဇိုင်ပယျဵု ပ္ဍဲပွိုင်ဍုင်ဓံင်ဖါဘုမ်၊ လ္ၚဵု မိက်ဂွံအာမံင် လပါ်ကွာန်ဝိဇာဓိုရ် ပွိုင်ဍုင်သင်ခလမ္ဂး ပၞာန်သေံတအ် ဖ္ဍိုက်ပလံင်ကဵုရ။^[၂] စနူဂှ်တုဲ ကွာန်မန်ဂင်ယျင်ဂှ်လေဝ် လီုအာကီုရ။^[၁]

ကျာ်စေတဳလတူဒဵု

လတူဒဵု ကွာန်ဂင်ယျင်တြေံဂှ် နွံ စေတဳမွဲ။ စပ်ကုဝင်ကျာ်စေတဳဝွံတုဲ ဂွံဆဵုကေတ် လိက်တၞး နကုကျာ်ဇၞော်ဘာဂင်ယျင် မချူလဝ်

“

"တ္ၚဲဒက်ပ္တန် ကျာ်ကွာန်ဂင်ယျင်
သက္ကရာဇ် ၁၃၃၅ ဂိတုဖဝ်ဂိုန် ၁၅ မံက်
တ္ၚဲသိုက် အာစိုပ်ဒတုဲရောင်

3–22–1976

ဟိုတ်ဒှ်သာ်ဂှ်ရ ညးနွံသဒ္ဓါစေတနာမ္ဂး ကဵုဏါ
အခေါင်ပလေဝ်လဟဵုပ္တန်မာန်အိုတ်ရ။

လၟုဟ်လေဝ် အဲလေဝ် အိုတ်အခိင်သ္ဂောံအာ
ပလေဝ်ပၠန်ဂှ် ဍေံဟွံသၟဟ်ရထရ -

အဲလေကၠိဂွံအယုက် ၈၀ သၞာံရ

ဝှ်လေ ၅၇ ဝှ်ရ - အာလေဟွံမာန် ကၠောန်
လေ ဟွံမာန် [ဟိုတ်ဂှ်ရ အဲကဵုဏါ]အခေါင်
ဍိုက်ဍို[က်ပေင်ပေင်] သီုညးဖ္အိုတ်
ရောင်

ကျာ်ဇၞော်
(ဘာ - ကျာ် - -

”

တင်စၟတ် ပ္ဍဲသက္ကရာဇ် ၁၃၃၅ ဂိတုဖဝ်ရဂိုန် ၁၅ မမံက် ဂှ် (ပ္ဍဲကြက္ကဒိန် ဒှ်ဒၟံင် တ္ၚဲဗြဴဗတိ) (၁၉၇၄ မာတ် ၇)။^[၃] စၟတ်တ္ၚဲ ၃-၂၂-၁၉၇၆ ဂှ် ဒှ်စၟတ်တ္ၚဲ ကျာ်ဇၞော်ဂှ် မချူလိက်ဂှ် ဒှ်မာန်ရ။ ပ္ဍဲ အခိင်ဂှ် ကွာန်ဂှ် ဟွံဂွံလီုဏီဟီုမာန်ရ။

ကွာန်ဂင်ယျင်ဂှ် ၜိုန်ရ လီုအာကီုလေဝ်၊ ကျာ်စေတဳ လတူဒဵုဂှ် ကောန်မန် မနွံ ပ္ဍဲပွဳပွူတအ်ဂှ် စဵု သၞာံ ၂၀၁၆ ဂှ် မင်မဲင္ၚးတးကၠုင်ဒၟံင် အဆက်ဆက်ရ။^[၁] သၞာံ ၂၀၂၃ ဂိတုမာတ် ၉ ဂှ် နာဲဥထာဲ မနဳ ကေုာံ ကောန်ဂကူမန်တအ် ကၠောန်သဘင်မ္ၚဵုဖဍောတ်ပရိုတ် ဇရေင်ကျာ်စေတဳတြေံဝွံတုဲ က္လေင်လဟဵုပလေဝ်လဝ် ကျာ်စေတဳဝွံပၠန်ရ။^[၄]^[၅]

နိဿဲ

↑ ^၁.၀ ^၁.၁ ^၁.၂ ^၁.၃ Manee, Uthai (April 7, 2023). เรื่องเล่า..เจดีย์มอญบ้านทุ่งก้างย่าง (in Thai). Open.
↑ Sripanngern, Sunthorn (April 9, 2023). " အစာယျာပ် (နာဲဆာဲယတ် ပိန်သုကာန်စဏ) ကေုာံကွာန်ဂင်ယျင် မုဟိုတ်ဂွံကေတ်နင်ဇုတ်အစာယျာပ်ကၠုင်စွံလဝ်ပ္ဍဲသုသာန်ကွာန်ဝင်က. Open.
↑ Manee, Uthai (April 5, 2023). " วันที่สร้างพระเจดีย์บ้านทุ่งก้างย่าง จุลศักราช 1335 ขึ้น 15 ค่ำ เดือน 4 ตรงกับวันอาทิตย์ที่ 18 มีนาคม 2516 (ในเอกสาระบุวันศุกร์) สร้างเสร็จ วันที่ 22 มีนาคม 2519. Open.
↑ Sripanngern, Sunthorn (April 9, 2023). " ကျာ်စေတဳတြေံ ကွာန်ဂင်ယျင်. Open.
↑ พระธาตุเจดีย์มอญ!! (in Thai). Open (April 10, 2023). “เมื่อวานนี้วันดี ถือฤกษ์วันที่ 9 เวลา 09.09 นาที นิมนต์พระคุณเจ้ามาประกอบพิธีขอขมาพระธาตุเจดีย์ และบอกกล่าว เทวดา เจ้าที่เจ้าทาง บรรพบุรุษมอญผู้สร้าง มีคนมาร่วมงานหนาตาพอสมควร”

[manee-1] ၁.၀ ^၁.၁ ^၁.၂ ^၁.၃ Manee, Uthai (April 7, 2023). เรื่องเล่า..เจดีย์มอญบ้านทุ่งก้างย่าง (in Thai). Open.

[sunthorn-2] Sripanngern, Sunthorn (April 9, 2023). " အစာယျာပ် (နာဲဆာဲယတ် ပိန်သုကာန်စဏ) ကေုာံကွာန်ဂင်ယျင် မုဟိုတ်ဂွံကေတ်နင်ဇုတ်အစာယျာပ်ကၠုင်စွံလဝ်ပ္ဍဲသုသာန်ကွာန်ဝင်က. Open.

[3] Manee, Uthai (April 5, 2023). " วันที่สร้างพระเจดีย์บ้านทุ่งก้างย่าง จุลศักราช 1335 ขึ้น 15 ค่ำ เดือน 4 ตรงกับวันอาทิตย์ที่ 18 มีนาคม 2516 (ในเอกสาระบุวันศุกร์) สร้างเสร็จ วันที่ 22 มีนาคม 2519. Open.

[4] Sripanngern, Sunthorn (April 9, 2023). " ကျာ်စေတဳတြေံ ကွာန်ဂင်ယျင်. Open.

[5] พระธาตุเจดีย์มอญ!! (in Thai). Open (April 10, 2023). “เมื่อวานนี้วันดี ถือฤกษ์วันที่ 9 เวลา 09.09 นาที นิมนต์พระคุณเจ้ามาประกอบพิธีขอขมาพระธาตุเจดีย์ และบอกกล่าว เทวดา เจ้าที่เจ้าทาง บรรพบุรุษมอญผู้สร้าง มีคนมาร่วมงานหนาตาพอสมควร”

[၁]

[၂]

[၃]

[၄]

[၅]