Bulbophyllum auricomum - Curtis' 130 (Ser. 3 no. 60) pl. 7938 (1904).jpg
Bulbophyllum auricomum - Curtis' 130 (Ser. 3 no. 60) pl. 7938 (1904)
Cattleya cernua
Coelogyne odoardoi
Galearis spectabilis May 2013.jpg
Galearis spectabilis May 2013
Rhynchostylis coelestis OrchidsBln0906b.jpg
Rhynchostylis coelestis OrchidsBln0906b

လိက်ပရေၚ်ဝွံ ချူလဝ် ပရူရက္ခဗေဒ မဆေၚ်ကဵု တၞံပ္ကဴဂရဲဆုဂမၠိုၚ်။

တၞံပ္ကဴဂရဲဆု ဗီုအၚ်္ဂလိက် Orchid ဟွံသေၚ်မ္ဂး Orchidaceae ဝွံ ဒှ်ဂကူတၞံ မၞုံကဵုပ္ကဴ ဗွဲမဂၠိုၚ် ကုအသာ်ရ။ နကဵုတၞောဝ်မ္ဂး နွံၜါဂကူတုဲ သီုဖအိုတ် နွံၜိုတ် ၂၈၀၀၀ ဂကူ မဒှ်မာန်ရ။ ဂကူပ္ကဴဂရဲ သီုဖအိုတ် နွံဂလိုၚ်ရောဂှ် စဵုကဵုလၟုဟ် ဟွံတီချိုတ်တ်ပၠိုတ်တ်ဏီရ။ ဂကူပ္ကဴဂရဲ ဂၠိုၚ်တုပ်ကဵု ဂလိုၚ်ဂကူက ပ္ဍဲဍာ်၊ ဂၠိုၚ်နူ ဂကူဂစေံဂဏေမ် ၂ ဆ မြဴသာ်ဝွံ ညးဟီုလဝ်ရ။

ဂကူပ္ကဴဂရဲ ၆-၁၁﹪ ဂှ် ဒှ်ဂကူမၞုံကဵုမတုဲ မလေပ်တိုန် လတူတိရ။ သၟေဟ်တအ်ဂှ် တိုန်လတူတၞံဆု။

ပ္ဍဲကဵုဂကူဂမၠိုၚ်ဂှ် ပါ်လဝ် ဂကောံဂကူဇၞော် ပိ၊ ပ္ဍဲပိဂှ် ဂကူတၞဟ်ခြာ နွံဂလိုၚ်လဵုဂှ် စၟတ်သမ္တီလဝ် အတိုၚ်ဗွဲသၟဝ်ဏအ်ရ။

Bulbophyllum နွံၜိုတ် ၂၀၀၀ ဂကူ Epidendrum နွံၜိုတ် ၁၅၀၀ ဂကူ Dendrobium နွံၜိုတ် ၁၄၀၀ ဂကူ Pleurothallis နွံၜိုတ် ၁၀၀၀ ဂကူ

Phalaenopsis ကဵု Cattleya ဂှ် နဒဒှ် ပရေၚ်တဵုလွဳမွဲဂှ် မလေပ်တဵုစဂၠိုၚ်ရ။

နိရုတ္တိပြင်ဆင်

ဂရဲ အရေဝ်မန် မဒှ်မနာမ်ဝွံ ကၠုၚ်နူကြိယာတမ် ဂြဲ။ ဟိုတ်နူဍေဟ်တအ် မဂြဲဗါန်ဒၟံၚ်တၞံဆုတုဲ မတိုန်ဂှ်ရ ယၟုမန်တြေံ ပ္ကဴဂရဲ မြဴသာ်ဝွံ ညးကော်ခဴစရ။ ဒှ်ဒၟံၚ်အသာ်ထဝ်မ္ဂး ဂရဲထဝ်၊ ဒှ်ဒၟံၚ်အသာ်သြန်မ္ဂး ဂရဲသြန် မြဴသာ်ဝွံ ညးကော်စရ။ ပ္ကဴဂါပ်ဆု နဒဒှ်မအရေဝ်မန်တၟိ မကၠာဲနူဗၟာတပ်ပ် သစ်ခွ ဂှ်လေဝ် ဂွံဆဵုကေတ်ကီုရ။ နကဵုအခိုက်သဒ္ဒါမန်မ္ဂး ဂါပ် မကြိယာဂှ် ဒးဗဒှ်ပတိုန် နဒဒှ် မနာမ်တုဲဟေၚ် စကာ နဒဒှ်ယၟုမွဲဂွံရ။ ဂါပ် မကြိယာဂှ် ပမနာမ်မ္ဂး ဂွါပ်။ ဟိုတ်ဂှ်ရ ယဝ်ရ မိက်ဂွံကေတ် အတိုၚ်ဗီုဗၟာမ္ဂး ဒးကော် ပ္ကဴဂွါပ်ဆု။

မအရေဝ်အၚ်္ဂလိက် orchid ဂှ် ကၠုၚ်နူမအရေဝ်ဂရိတ်တြေံ Órkhis မဂွံအဓိပ္ပါယ် မကြိုက်ရ။ တၞံလ္ၚဵု ခၟာဲဍေဟ် တုပ်ဒၟံၚ် မကြိုက်တုဲ တၞံမကြိုက် ဂရိတ်တအ် မကော်ကၠုၚ်ရ။

စကာပြင်ဆင်

ပ္ကဴဂရဲလ္ၚဵု ဗီုကဵု Vinalla ဂှ် စကာကၠုၚ် ပ္ဍဲစၞစ ဗီုကဵု ပ္ဍဲကွာၚ်၊ ပ္ဍဲဍာ်ယာမတအ်။ ပ္ကဴဂကူလ္ၚဵုဂှ် မလုပ်လၟိဟ် ပ္ဍဲဂြန်ဂဥုဲတုဲ ကောန်မၞိဟ်တအ် စကာကၠုၚ် အခိၚ်သၞာံမဂၠိုၚ်ကဵုလ္ၚီရ။


ဂကူပ္ကဴဂရဲ ပ္ဍဲဍုၚ်မန်ဂှ်ပြင်ဆင်

၁၊ ပ္ကဴဇၚ်္ဃကိုတ်
၂၊ ပ္ကဴဂရဲထဝ်
၃၊ ပ္ကဴဂရဲသြန်
၄၊ ပ္ကဴသြန်ဍာ်ထဝ် (မွဲတၞံၜါအသာ်)
၅၊ ပ္ကဴဍုတ်ခဍိ (ပိဂကူ ထဝ်၊ သြန်၊ သာ်မိတ်)
၆၊ ပ္ကဴဓရံၚ်ထဝ်၊ ဓရံၚ်သြန်၊
၇၊ ပ္ကဴသၟိၚ်လတိုပ်ဇၞော်(လစံက်၊ ဗတာၚ်၊ ထဝ် ၃ ဂကူ)
၈၊ ပ္ကဴကလအ်ဗြဲ (မိတ်၊ ဗတာၚ်၊ လမ္စံက်)
၉၊ ပ္ကဴကလအ်တ္ၚဲ (မိတ်၊ ဗတာၚ်၊ ထဝ်၊ သြန်)
၁၀၊ ပ္ကဴဍုတ်မြာ် (နွံအသာ်ဇဳ)
၁၁၊ ပ္ကဖုလု (ကဴဟွံမွဲ)
၁၂၊ ပ္ကဴသၞေက်ထဝ် (ပ္ကဴတကဲညံၚ်သၞေက်)
၁၃၊ ပ္ကဴဇုက်ဂွါထဝ် (တကဲဂၠိၚ် ညံၚ်ဇုက်ကမက်ကအ်)
၁၄၊ ပ္ကဴဗၠဲသြန်
၁၅၊ ပ္ကဴဗၠဲထဝ်
၁၆၊ ပ္ကဴသဇၚ်ဇၞော် (ထဝ်၊ သြန်၊ လမ္စံက်)
၇၊ ပ္ကဴသဇၚ်ပြာၚ် (ထဝ်၊ သြန်၊ လမ္စံက်)
၁၈၊ ပ္ကဴဗတပြိပ် (မိတ်၊ ဗတာၚ်၊ ထဝ်)
၁၉၊ ပ္ကဴဗတဗ္ဂဲ (မိတ်၊ ဗတာၚ်၊ ထဝ်)

(ယၟုပ္ကဴတအ်ဂှ် မာံရသမန် ပကောံချူလဝ်ရောၚ်။)

ကလေင်သီကေတ်လဝ် နူ "https://mnw.wikipedia.org/w/index.php?title=ဂရဲ&oldid=13786"