ဂလာန်ပလီုဇြဟတ်ဂကူ "ကသံက်ဒီဇကု လ္ပပပံက်ကဵုညးတၞဟ်" +

ဂလာန်ပလီုဇြဟတ်ဂကူ "ကသံက်ဒီဇကု လ္ပပပံက်ကဵုညးတၞဟ်" +++++++ ဟီုပရူ Corruption တျှေ ကဍိုပျသ်ကိုပျညးတအျ စုတ်လဝ်တဂဝ် ကဵုသၟတ်ညးတအ် "ကသံက်ဒဳဇကု ဇကုလပပံက်ကဵုညးတၞဟ်" ဂးတုဲ ကဍိုပ်သ္ကိုပ်ညးတအ် ကၠောန်ပွ ဖံက်သၞောဝ် ဗက်အာဂတိ စလာပ် သွံစတိဆု ကၠတ်ဂၠံက်သြန်ကျာ်ဘုတ်ဘာ ပလီုပိုန်ဘိုက် ကောန်သမ္ဘာညးတၞဟ် သှံဂဥဲုၜူမဲာ ပွဗစံက်နာနာတအ်ဖအိုတ်ဂှ် ဗၠးဒုဟ်သၟးဟွံက သီုဘိုၚ်ကၟာတ်လဒဵုတုဲ လ္တူညးပူဂိုလ်မွဲ ပံက်ဟီုကၠုၚ်ဂှ်လေဝ် ညးတအ်ဘိုၚ်ကီ ဘိုၚ်ကိတ် တက်တဆိပ်" ညးပလီုဓရ်ညီသာဂကူ၊ ညးစောန်စိုတ်၊ ညးဣဿာ၊ ညးပံၚ်ကဵုသၞ" နာနာပကာရတုဲ ညးတအ် ကၟာတ်လဒိုဝ်ထောံဓရ်ဍာံ အိုတ်ရ။ ပွဏအ်တီုကၠုၚ် အကြာဗော် ဂကူညးတအ်လအ်တုဲ ဒှ်အာအခိုက် ဒှ်အာယေန်သၞာၚ်တုဲ ညးအဲ ကၠောန်သ္ပမံၚ် ပွဂြုဲစှ်ေလောဲလောဲအိုတ်ရ။ အခါလအ် လဂွံသွဟ်ဍေံဂှ် အခိၚ်လအ်ကၠုၚ် ဇြဟတ်အိုတ်ကၠုၚ်ရ၊ သွက်ဍာ်ဒကေဝ်လ္ပဟီု ဆလၟိုဟ်ဂှ် မၞိဟ်ဟွံမွဲတအ်ဂှ် ဟိုတ်နူ ကောန်ဂကူညးတအ် ရပ်လဝ်ဂလာန် "ကသံက်ဇကု လပပံက်" အတိုၚ်ကဍိုပ်သ္ကိုပ် မဂြုဲစှ်ေမံၚ်တအ် တြးဝါဒ စုတ်လဝ်လဂဝ်ရ။ အတိုၚ်ဒးဒုၚ်စုတ်မံၚ်လဂဝ်ဂှ် ချပ်ဗစာဟွံဒးတုဲ ဂၠုဓီုမံၚ် သၟဝ်ဓယံက်ဝေါဟာ ညီသာဂကူ ရဂးတုဲ စိုပ်အခိၚ် ပူဂိုလ်ကဍိုပ်သ္ကိုပ်ညးတအ်ရ ကေတ်ဏာအခေါၚ်အရာ သွက်ပူဂိုလ် ကောန်ဇာတ်ညးတအ်တုဲ အခါကၟာတ်ဟွံမာန် ကသံက်ပေၚ်ဇကုရတှ်ေ ပဲါတိတ်ထောံ နူဂကောံ နူဂကူညးတအ်ရ။ ညအ်ဂှ် ဟိုတ်နူ ဂကူညးတအ် ဒုၚ်တဲဝါဒ corruption စလာပ်ဗဇဴ သုၚ်စောဲအေခါၚ်အဝဵုဒၞဲါဗၠေတ်တအ်ဂှ် ညးတအ်ဟွံပံက်အဓိပ္ပါယ် အန္တရာယ်ဂကူတုဲ လတူညးမထံက်ထၜတအ် ညးတအ်ပံက်အဓိပ္ပါယ် တက်တဆိပ် ညးပလီုညီသာဂကူ ညးပံၚ်ကဵုသၞ ဂးတုဲ သွဟ်လဂွံဂှ် ဇြဟတ် ဗော် ဂကောံ ဂကူညးတအ် မုလေဝ်ဟွံမွဲ ပဍဲဘဝနတဲတုဲ ချပ်လပအ်ကေတ် နကဵုအာရီုဟေၚ်ရနွံကၠုၚ်။ ဆဂး စဵုကဵုတ္ၚဲဏအ် ဟွံကၠးအိုတ်ဏီဂှ် ဒှ်ဟိုတ်ဒြပ်ညးတအ် ဂွံကၠေံနူဘဝနတဲသၟးဟွံက ဆအယာမာတ်ပဍဲအာရီုလေဝ် ဟွံမွဲကၠုၚ်ရ။ ဂကူ ကဵုဇြဟတ်ကဵု corruption ဂကောံမၞိဟ် ကဵုဇြဟတ်ကဵု corruption ဂှ် ကာလလိုဝ်မွဲ တောတက်ကလုင်ဟွံမွဲရ။ လဂွံသွဟ်ဂှ် ဂြုဲစှ်ေတုဲ ညးမိက်ဂွံပါလုပ် ဌာန်ဟွံမွဲကဵု ဓရ်ယာ ဓရ်ဍာံတအ်ရ။ ပါလေဝ် ဂွံကၠောန်ချီတဴ အတိုၚ်ဂုဏ်သိက္ခာ နွံနွံဟွံသေၚ်တုဲ ဒးကၠောန်မံၚ်နကဵုကဆံၚ် ထၜထၟာဲရတှ်ေ ကုညးနွံပၟိက်ဒတုဲဖိုလ် သွက်ဂကောံ ဂကူတအ် ဟွံပါလြပ်ရ။ သွက်ပူဂိုလ် နွံပၟိက် သြဇာဇကု အေခါၚ်အရာဇကုတအ်ရ ကောံကလေံတုဲ ဆက်ပတိုက်ဝါဒ ဆက်ပၠောပ်ဓမၠုဓယံက် သွက်တၞောဝ်ဆက်ကြဴတအ်ရ။ အခါသရုပ်ဇာတ် အိုတ်စှ်ေစှ်ေ ဂြုဲစှ်ေဂြုဲစှ်ေဂှ် ဟိုတ်နူ သၞဟွံသေၚ် ဟိုတ်နူ ဝါဒဗၠေတ် အရာဒုဟ်စလာဘ် ပွဂြုဲစှ်ေတအ်ဂှ် အတိုၚ်ပူဂိုလ် မကလိလောန်ဒုဟ်တအ် ဒုဟ်ညးတအ်ဂွံကၠေံ တက်စုတ်ထောံ "ကသံက်ဒီဇကု ဇကုလပပံက်" တုဲ ကဵုညးတၞဟ်ညာတ်ထောံ ပူဂိုလ်မံက်ပံက်ဓရ်ဍာံ နွံပၟိက်ဖိုလ်ဂကောံ ဂကူဂှ် နကဵုပူဂိုလ် ပလီုဓရ်ညီသာ ဗော် ဂကောံဂကူ ဂးတုဲ ညးတအ် ဆက်ကၠတ်ဂၠံက် သုၚ်စောဲအဝဵုဒၞဲါဗၠေတ်တအ် နကဵု ကောန်ဂကူ တအ်ဒုၚ်တဲနွံနွံရ။ ညံၚ်ဂွံဒှ်အာယေန်သၞာၚ်မွဲလေဝ် ညးတအ်ဖန်ဂစာန်ထောံတုဲ ပလီုထောံ ၚုဟ်မးဓရ်ယာ ဓရ်လဂူတပ်တးတုဲ သွဟ်ဍေံဂှ် ဂကူမွဲ ပေၚ်မံၚ်ကဵုအခိုက် ယောန်သၞာၚ် ဂြုဲစှ်ေ သီုဗွိုက်ပရေၚ်ဍုၚ်ကွာန် သီုဗွိုက်ကဍိုပ်သကိုပ်ဘာသာရ။ ညအ်ရ လအ်တိုန် ဂြအ်တိုန် ဂြုဲတိုန်တုဲ အိုတ်စှ်ေအာရ။