ဂိုဏ်ပဝါရဏာ ဘာဇၞော် ကအ်ဗိုတ်
ဂိုဏ်ပဝါရဏာ ဘာဇၞော် ကအ်ဗိုတ် ဂှ် ဒှ်ဂကောံဘာလကျာ်ဂမၠိုင် မဒက်ပ္တန်လဝ် သွက်ဂွံပ ပဝါရဏာ မွဲစွံ မစေန်ဆက်ကၠုင် နူတမ် ဘာဇၞော် ကွာန်ကအ်ဗိုတ် (ကာန္နဳ) ပွိုင်ဍုင်ကအ်ကြိက်၊ ဒေသရးမန်ရ။[၁] ဂကောံဂိုဏ်ဏအ်ဂှ် ဒက်ပ္တန်လဝ် ဂကောံပရိယတ္တိသာသနဝဍ္ဎန ကၠောန်ဗဒှ်ကၠုင် သဘင်သမာန်သွဟ်လိက် ကေုာံ ကလေင်လိက် ပ္ဍဲ သက္ကရာဇ် ၁၃၈၄ (သၞာံ ၂၀၂၃) ဂှ် က္လိဂွံအာ ပွိုင် ၃ ဝါရ။[၂]
အတိုင်ဂကောံရာမညနိကာယ သံဃာနုဂ္ဂဟ မချူစၞောန်ထ္ၜးလဝ်မ္ဂး ဂကောံဂိုဏ်ပဝါရဏာ ပ္ဍဲကဵု ဂိုဏ်ရာမညနိကာယဂှ် နွံဗၞတ် ၅၄ ဂိုဏ်ရ။ ဂိုဏ်လ္ၚဵုဂှ် နွံ ၁၀ ဘာ၊ ဂိုဏ်လ္ၚဵုဂှ် နွံ ၂၀ ဘာတုဲ၊ ဂိုဏ်ဇၞော်အိုတ်ဂှ် နွံစဵုကဵု ၅၀ ဘာဒှ်ရ။ သဘာဝခမဳသင်မန်တအ်ဂှ် ကြဴနူ ညးတအ် သြိုင်ခၞံပ္တန်ဗဒှ် ဘာတၟိမွဲတုဲမ္ဂး ဗွဲမဂၠိုင် ညးတအ် လုပ်ဂကောံ ပ္ဍဲကဵု ဂကောံဂိုဏ်ဒေသနိကာယ (ဝါ) ဂကောံဂိုဏ်ပဝါရဏာမွဲမွဲရ။ ကာလညးတအ် ပ္တုဲကေင်ကာမွဲမွဲမ္ဂး ဗီုကဵု သဘင်ပဝါရဏာမ္ဂး ညးတအ် မလေပ်နိမန် သင် နူဂကောံဂိုဏ်ညးတအ်ရ။[၃]
အစာတၠဂဥုပ်ဂိုဏ်ဂမၠိုင် ပလေဝ်ဒါန်
ကျာ်ဇၞောအစာ ဘဒ္ဒန္တနန္ဒ ( - ၁၃၈၁) ပလေဝ်ဒါန်
ကျာ်ဇၞော်အစာတၠ ဘဒ္ဒန္တနန္ဒ မဟာထေရ် နွံပိုန် ဘာဗၟံက်၊ ကွာန်ဂြိုပ်ကြုက်၊ ပွိုင်ဍုင်ကအ်ကြိက် ညးမဒှ် ဂဥုပ်ဂိုဏ်ဝွံ က္လိဂွံ အာယုက် ၈၇ သၞာံ သိက္ခာ ၆၇ ဝှ် စုတိစဴအာသွဝ် ပ္ဍဲသက္ကရာဇ် ၁၃၈၁ ဂိတုဖဝ်ရဂိုန် ၁ စွေက် အခိင်ဗတံ။ ကျာ်ဇၞော်အစာတၠ ဘဒ္ဒန္တနန္ဒဝွံ က္တဵုဒှ်မၞိဟ် ပ္ဍဲကွာန်ဂြိုပ်ကြုက် ပ္ဍဲသက္ကရာဇ် ၁၂၉၅ ဂိတုဒဂိုန် ၉ စွေက် တ္ၚဲသ္ၚိသဝ်၊ မဒှ်ကောန် နာဲပုင် မိထဝ်ဍိုန်။ နူဍောတ်ဍောတ် မိမၜါ ခုတ်ကဵုလဝ် ယၟု မာံအံင်လေင်။ ကာလမကလိဂွံ အာယုက် ၁၇ သၞာံ ပ္ဍဲသက္ကရာဇ် ၁၃၁၂ ဂိတုပသာ် ပထပိုယ် ဇရေင် ကျာ်ဇၞော်အစာ ဘဒ္ဒန္တသုဘိတ ပ္ဍဲဘာဗၟံက် ကွာန်ဂြိုပ်ကြုက်။ သက္ကရာဇ် ၁၃၁၄ ဂိတုဝှ်ပေင် ပအစာဥပ္ပဇ္ဇျာယ် ကုကျာ်ဇၞော်ဥတ္တမမဟာထေရ်တုဲ ဂွံအာစိုပ် ဒဒှ်ခမဳ ပ္ဍဲခဏ္ဍသိမ် ဘာဇၞော် ကွာန်ကအ်ဗိုတ်။ သက္ကရာဇ် ၁၃၅၂ ဂွံဒှ် နွံပိုန် ဘာဂြိုပ်ကြုက်၊ ကေတ်လျိုင် နွံပိုန်ဘာ လုကဴ ပွိုင် ၂၉ သၞာံ သက္ကရာဇ် ၁၃၈၁ ဂိတုဖဝ်ရဂိုန် ၁ စွေက် အခိင်ဗတံ စဴအာသွဝ်ရ။[၄]
ကျာ်ဇၞော်အစာ ဘဒ္ဒန္တသုန္ဓရ (၁၃၈၁ - ၁၃၈၄) ပလေဝ်ဒါန်
ကျာ်ဇၞော်အစာတၠ ဘဒ္ဒန္တသုန္ဓရ မဟာထေရ် နွံပိုန် ဘာကွာန်ကအ်ခတဝ်၊ ကွာန်ကအ်ခတဝ် ပွိုင်ဍုင်ကအ်ကြိက် ညးမဒှ် ဂဥုပ်ဂိုဏ်ဝွံ က္လိဂွံ အာယုက် ၈၆ သၞာံ၊ သိက္ခာ ၆၆ ဝှ် စုတိစဴအာသွဝ် ပ္ဍဲသက္ကရာဇ် ၁၃၈၄ ဂိတုပသာ် ၈ စွေက် တ္ၚဲအဒိုတ် အခိင်ဗတံ ၉ နာဍဳ ကဵု ၁၅ မိနေတ်။
ကျာ်ဇၞော်အစာ ဘဒ္ဒန္တဓမ္မသဳလိန္ဒ (၁၃၈၄ - လၟုဟ်) ပလေဝ်ဒါန်
ကျာ်ဇၞော်အ္စာဓမ္မသဳလိန္ဒ (ဓမ္မာစရိယ၊ မဟာဂန္ထဝါစကပဏ္ဍိတ)၊ ဂွံဒှ် နွံပိုန် ဘာဇၞော် ကွာန်ကအ်ဗိုတ် နူ ဂိတုအံက်တဝ်ဗါ ၂၀၂၂။ အခိင်ဂှ် ကျာ်ဇၞော် က္လိဂွံ အာယုက် ၈၅ သိက္ခာ ၆၄ ဝှ်။
နိဿဲ ပလေဝ်ဒါန်
- ↑ သူ, တၠဂုဏ် (၂၀၁၉). " သဘင်ကလအ် ကျာ်ဇၞော်အစာတၠ ဂအုပ်ဂိုဏ်ရာမညနိကာယ (အလန်ဒုတိယ) ခမဳသင်မန် ကေုာံ ဂိုဏ်ရာမညနိကာယ (၁၉ ဗွဝ်ကၠံ အေဒဳ)။
- ↑ " ကောံဓရီု ချပ်ဂၞန်သဳကၠဳ ရုဲစှ်ဒၞာဲဌာန သဘင်သမာန်သွဟ်လိက် ဂကောံပရိယတ္တိသာသနဝဍ္ဎန ဂဥုပ်ဂိုဏ်ကအ်ဗိုတ်. Open (November 16, 2022).
- ↑ သူ, တၠဂုဏ် (၂၀၁၉). " သဘင်ကလအ် ကျာ်ဇၞော်အစာတၠ ဂအုပ်ဂိုဏ်ရာမညနိကာယ (အလန်ဒုတိယ) ခမဳသင်မန် ကေုာံ ဂိုဏ်ရာမညနိကာယ (၁၉ ဗွဝ်ကၠံ အေဒဳ)။
- ↑ သဇိုင်ဝန် ချူဇန်လဝ် ဒွက် ထေရုပ္ပတ္တိ ကျာ်ဇၞော်အ္စာ ဘဒ္ဒန္တနန္ဒ မဟာထေရ်၊ အဗ္ဘဏ် ဖျေဟ် အခိုက် သီု ဒယှ်ေ