ဂိုဏ်ပဝါရဏာ ဘာဇၞော် ပင

ဂိုဏ်ပဝါရဏာ ဘာဇၞော်၊ ပင ဂှ် ဒှ်ဂကောံဘာလကျာ်ဂမၠိုင် မဒက်ပ္တန်လဝ် သွက်ဂွံပ ပဝါရဏာ မွဲစွံ မစေန်ဆက်ကၠုင် နူတမ် ဘာဇၞော် ကွာန်ပင ပွိုင်ဍုင်ဇြပ်ဗုရ။ ဂကောံဂိုဏ်ဏအ်ဂှ် ဒက်ပ္တန်လဝ် ဂကောံဝိနယာဓိက ပရိယတ္တိသာသနာ ကၠောန်ဗဒှ်ကၠုင် သဘင်သမာန်သွဟ်လိက် ကေုာံ ကလေင်လိက် နူသက္ကရာဇ် ၁၃၈၁ ဂှ် က္လိဂွံအာ ပွိုင် ၂၆ ဝါရ။ သဘင်ဂှ် ကၠောန်ဗဒှ်ဒၟံင် ပ္ဍဲဂိတုမာဃ် ၄~၇ မမံက် ပွိုင် ၄ တ္ၚဲရ။

အတိုင်ဂကောံရာမညနိကာယ သံဃာနုဂ္ဂဟ မချူစၞောန်ထ္ၜးလဝ်မ္ဂး ဂကောံဂိုဏ်ပဝါရဏာ ပ္ဍဲကဵု ဂိုဏ်ရာမညနိကာယဂှ် နွံဗၞတ် ၅၄ ဂိုဏ်ရ။ ဂိုဏ်လ္ၚဵုဂှ် နွံ ၁၀ ဘာ၊ ဂိုဏ်လ္ၚဵုဂှ် နွံ ၂၀ ဘာတုဲ၊ ဂိုဏ်ဇၞော်အိုတ်ဂှ် နွံစဵုကဵု ၅၀ ဘာဒှ်ရ။ သဘာဝခမဳသင်မန်တအ်ဂှ် ကြဴနူ ညးတအ် သြိုင်ခၞံပ္တန်ဗဒှ် ဘာတၟိမွဲတုဲမ္ဂး ဗွဲမဂၠိုင် ညးတအ် လုပ်ဂကောံ ပ္ဍဲကဵု ဂကောံဂိုဏ်ဒေသနိကာယ (ဝါ) ဂကောံဂိုဏ်ပဝါရဏာမွဲမွဲရ။ ကာလညးတအ် ပ္တုဲကေင်ကာမွဲမွဲမ္ဂး ဗီုကဵု သဘင်ပဝါရဏာမ္ဂး ညးတအ် မလေပ်နိမန် သင် နူဂကောံဂိုဏ်ညးတအ်ရ။