ဂုဏ်မသ္ပဒတဴပ္ဍဲတံဆုစှ်ပြကာ
လိက်ပရောပရာဏအ်ဝွံ ဒှ်လိက်ကံက်နုက်နူ ဇာတ်မသုန်ကၠံမသှန်စှော် နကဵုဘာသာမန် (ကၞပ်ပဌမ) တက်တြးပတိတ်လဝ် သၞာံ ကောဇာ ၁၃၇၉ ၊ ညးချုပကောံ ဘဒ္ဒန္တအဂ္ဂိဇနိ နွံပိုန် ဘာအံၚ်ခေဝ် ကွာန်အံၚ်ခေဝ် မဒှ်ရ။
၁။ ဟွံမွဲကဵုကပေါတ်ကြိယာ မပ္တံကဵုဆု၊ ဒုန်ဂှ် ဒှ်ဂုဏ်မွဲသာ်ရ၊ ဂလာန် ဂှ်ဍာံစၟတ်ရ၊ အယာံမာတ် မပြာပ်လုပ်အာဇရေၚ်တံဆုဟေၚ် သ္ပဒ္တဴဂွံရ၊ ဟိုတ်ဂှ်ရ ဂုဏ်မအောန်ကဵု ကပေါတ်ကြိယာ မွဲသာ်ရောၚ်၊
၂။ ဟွံမွဲကဵု ပွမ္ဒးတွံအ္အဇ္ၚးဂှ် ဒှ်ဂုဏ်မရနုက်ကဵုၜါရ၊ ဂလာန်ဂှ်ဍာံစၟတ်ရ၊ တွံၚးတးကဵုဒှ် ဟွံတွံၚးတးကဵုဒှ် ဒှ်အယာံမာတ် ဂွံသ္ပဒ္တဴ ဗွဲတသိုက်ဟေၚ်ရ။
၃။ ပွခမဳဇၞော်ဟွံကဵုဒၠိုက်က္တဵုဒှ် ဒှ်ဂုဏ်မရနုက်ကဵုပိရ။
၄။ ဟွံဂြောပ်ဗ္ဒန်လဝ် သွက်ဟီုမဂရိုဟ်ဂှ် ဂုဏ်မရနုက်ကဵု ပန်ရ၊ ဂလာန်ဂှ်ဍာံစၟတ်ရ၊ ညးမပ္တုဲပွသရာံပါပ် ပ္ဍဲသၟဝ်တံဆုဂှ် ဂွတဴရ။ ဟိုတ်ဂှ်ရ ဒဒှ်ဟွံဂြောပ်ဗ္ဒန်လဝ် သွက်မဟီုဂရိုဟ်ဂှ် ဒှ်ဂုဏ်မရနုက်ကဵုပန်ရ။
၅။ ဟွံကဵုကာယကြံၚ်မ္ၚိုဟ် ညံၚ်ရဴမ္ဒးသ္ပဒ္တဴပ္ဍဲဗလးသၠာတ်ကီု၊ ဒဒှ်ဟွံမွဲကဵု ကာယမကြံၚ်မ္ၚိုဟ်ဂှ် ဒှ်ဂုဏ်မရနုက်ကဵု မသုန်ရ။
၆။ ဒဒှ်ဟွံမွဲကဵု ပွမ္ဒးသီဂိုၚ်လဝ်ရဴဝွံမ္ဂး "ဂြပ်အဴ" ဂှ်ဒှ်ဂုဏ်မရနုက်ကဵုတြဴရ၊
၇။ ပွမပဲါကၠေံ ဒဒှ်မစောဲလာံဒၟံၚ်ပ္ဍဲဘာဂှ် ဒှ်ဂုဏ်မရနုက်ဵု ထပှ်ရ။
၈။ ညံၚ်ရဴသ္ၚိ မဆက်ဆောံ ကေုာံမၞိဟ်မဂၠိုၚ်ကီု၊ "အဲတွံၚးတး တံဆုဏံရ၊ သြဝ်တိတ်အာနူတံဆုဏံအိုတ်ညိ" ရဴဝွံ ဟွံမွဲကဵု ပွမ္ဒးဗက်ပ္တိတ်ဂှ် ဒှ်ဂုဏ်မရနုက်ကဵု ဒ္စာံရ။
၉။ ဒဒှ်မဒှ် မွဲဟာန်ကေုာံပွမသ္ဍိုက်မၠိုက်ကဵုပူဂဵု မသ္ပဒတဴဂှ် ဒှ်ဂုဏ် မရနုက်ကဵုဒ္စိတ်ရ၊
၁၀။ ဘာတံဆုဂှ် ပ္ဍဲဒၞာဲဇၟာပ်ပ်မအာစိုပ် ဟိုတ်နူကလိဂွံဟွံလောဲသွာတုဲ ဒဒှ်ဟွံမွဲကဵု ပွမ္ဒးမွဲတဴဂှ် ဒှ်ဂုဏ်မရနုက်ကဵုစှ်ရ။
ညာတ်ကေတ်ဂုဏ်စှ်ပြကာဗီုဏံတုဲ ပြာပ်အာဇရေၚ်သၟဝ်တံ ဆုရ။