ညးဂှ်သ္ပစၟတ်သမ္တီရော
ၝောံဇက်ကောန်ဂၠောဲ
ရန်ကဵုဂလာန် က္ဍိုပ်လိက်ဏံမ္ဂး
ပ္ဍဲလိုက်လောကဏံ သတ္တံနွံမံၚ် လၟိဟ်ၜါစှော်ထပှ်ကိုဋ် ပ္ဍဲလၟိဟ်ၜါစှော်ထပှ်ကိုဋ်ဂှ် သတ်မဂွံယၟု မနုဿ(ဝါ)ယၟု မၞိဟ်ဂှ် နွံမံၚ်မွဲဂကူရ။ ပ္ဍဲကဵုမၞိဟ်မွဲဂကူဂှ် ဒၟာနူဘာသာ အရေဝ်ဟွံတုပ်တုဲ ပါ်ကၠုၚ်ဂကူအဲ ဂကူညး ဗွဲမဒးရ။
ရံၚ်ကဵုပိုတ်လ္တူ ဏံတုဲ ဂွံပါ်ကၠုၚ်ဂကူညး ဂကူအဲဂှ် ဒၟာနူမၞိဟ်က္ဍိုပ်ရ ယဝ်ဟီုမ္ဂး ဟွံဗၠေတ်ပုဟ်ထေၚ် မုဟိုတ်ရောဟီုတှ်ေ မၞိဟ်က္ဍိုပ်သ္ကိုပ်ယဝ်ဟွံညဳမ္ဂး ကွးညးကွးအဲ ပါ်ကၠုၚ်အိုတ်တုဲ အရေဝ် လိက်ပတ် ညးကဵုညးဂၠိုက်ဂၠာဲဖန်ဗဒှ်ကေတ်အိုတ်ရ။ ကိစ္စပရေၚ်လိက်ပတ်ဂှ်လေဝ် က္ဍိုပ်သ္ကိုပ်ဟေၚ်ရ ဒးပြုပြေၚ် မၚ်မွဲရပ်စပ် သုၚ်စောဲအာဇၟာပ်ဒၞာဲမအာစိုပ်ဒးချူ ထ္ၜးလဝ်ကၠာရောၚ်။
ပစ္စုပ္ပန်လၟုဟ်ဏံ က္ဍိုပ်သ္ကိုပ်ဂကူမန်ပိုဲ ဗွဲမဂၠိုၚ်ဂှ် ဆဝ်မ္ၚုဟ်မံၚ်စိုတ်ဓါတ်ကောန်ဂကူတံ သုၚ်စောဲလိက်မန်ညိ လိက်ကၠေံမ္ဂးဂကူကၠက်ဏောၚ် မအရေဝ်ဗီုတံဏံဂှ် နူပိုဲဍောတ်တ်ကေၚ်မိၚ်ကၠုၚ်မံၚ် စဵုကဵုတ္ၚဲဏံဏီရ။
ဆ္ဂး က္လေၚ်ရံၚ်တိုန် မၞိဟ်ဇၞော်ဇၞော် က္ဆံၚ်လ္တူတေံမ္ဂး ညးတအ်လေဝ်ဟွံသုၚ်စောဲပုဟ် တုဲတှ်ေမၞိဟ်ဇၞော်က္ဆံၚ်လ္တူတေအ်မှ ဟွံသုၚ်စောဲပုဟ်တှ်ေ မၞိဟ်က္ဆံၚ်သၟဝ်ဏအ်ဂှ် ဂွံဆဝ်မ္ၚုဟ်ပၠန်ဂှ် ဟွံဂံၚ်ဆဝ်ရ ၜိုန်ရဆဝ်လေဝ်ဝါတ်တဴဗွဲမလောန်ရ။
ကၠာတေံညးလဴလဝ်ကေၚ်မိၚ်ကၠုၚ်မံၚ် ရဲသွံဂဥုဲအသံက်မွဲဂှ် ဆဝ်မံၚ် ဂေတ်ကွာန် ညးကွာန်တံသၟာန်တိုန် အပါနာဲ သွံမံၚ်မုဂဥုဲရော အပါနာဲဟီု အပါနာဲသွံဂဥုဲအသံက်ရ ဂဥုဲအသံက်အပါနာဲသွံမံၚ်ဂှ် သွက်အသံက်ဂွံဂၠိုၚ်တိုန်ဟာအပါနာဲ ဟွံသေၚ်ပုဟ်အပါနာဲဂှ်ဟီု သွက်အသံက်ဂွံဗၠးအာရ တုဲတှ်ေမုပအသံက်အပါနာဲ ပေၚ်ထာတ်မံၚ် ပ္ဍဲဇကုအပါနာဲရော ညးကွာန်တံ သၟာန်တိုန်ဗီုဏံဂှ် ညးတေံမတ်သၟးပၠေဝ်မံၚ် အေဇဟ်ရ ညးကွာန်တံ ဟွံပတှ်ေတုဲ သီုဟွံရာန်ရ။
တုပ်သာ်ဏံကီု မၞိဟ်ဇၞော်ပရေၚ်ဍုၚ်ကွာန်မန်ပိုဲ ဆဝ်ကဵု
သုၚ်စောဲလိက်မန်တုဲ ပ္ဍဲသ္ဘၚ်ညးတံသ္ပကောံဓရီုဂှ် စွံအဓိက ကဵုလိက်ညးတၞဟ်တုဲ ဟွံသုၚ်စောဲလိက်ဘာ
သာမိရ သ္ပဇၞော်ကဵုလိက်ညးတၞဟ်တုဲ ဟွံဂံၚ်ဓမံက်ရုပ်ရဴလိက်မန်ဇကုဂှ် အေဗီုဏံဒှ်ကၠုၚ်မံၚ် ဂွံဆဵုကၠုၚ်ပ္ဍဲမံၚ်
အဆက်က်ရ ဟိုတ်ဂှ်ရ ဗီုလဵုမှ ဂွံဆဝ်မ္ၚုဟ်ကဵုသၟတ်တံသုၚ်စောဲလိက်မန်ဏီရော သွာၚ်သၟတ်တံလေဝ် ဂွံဂံၚ်အထေၚ်ဇၞော်ကဵုလိက်မန်ဂှ် ယီုဇြိုၚ်တဴဗွဲမလောန်ရ။
က္ဍိုပ်သ္ကိုပ်ဂကူမန်ပိုဲ သတ္တိအောန်လောန်အာဟာ လ္ၚဵုတံဂှ်ၜိုန်ရဂွံလဝ်တဆိပ် ဂွံဒှ်တၠပညာကီုလေဝ် အခိၚ်မန်ၜါကယျာန်ဓဝါတ်ညးသ္ကအ် ကိစ္စမလိက်မန်မ္ဂး ဣလဵုမှဒးဒဒှ်ဍာံတုဲ ဣလဵုမှဒှ်ဗၠေတ် အေဗီုဏံလေဝ် ဟွံဂံၚ်သ္ဂုတ်သွာတ်ပိုတ်တ်သ္ကုတ်တ်ပုဟ်ဂှ် ဂၠိုၚ်ကဵုဒၞာဲဂွံဆဵုကၠုၚ်ရ တၠပညာမန်ပိုဲလေဝ် ညံၚ်လိက်မန်ပိုဲ ဂွံဒှ်အာမွဲမူဓဝ်ဂှ် ထေက်ကဵုဒးသ္ပတိုၚ်ခဳရောၚ်။
တုဲပၠန် ဗီုမန်ပိုဲ က္တဵုဒှ်မံၚ်လၟုဟ်ဏံ ပရေၚ်ယူနဳခတ် ကဵု
ဇြဝ်ဂျဳဂှ် သွက်မန်တံ ဂွံလုက်စုက် ကၠောံက္ဍညးသ္ကအ် မွဲသၞောတ်ဝ်ဓဝ်ဂှ် ညးတံဟွံဂံၚ်ထပိုတ်သ္ကုတ်တုဲ ညးတံချူကၠုၚ်မံၚ်သီုၜါ ဟိုတ်ညးတံသုၚ်စောဲသီုၜါဂှ်ရ ဂကူမန်ပိုဲဒှ်ဒၟံၚ်ထုဲထုဲထံၚ်ထံၚ် အတိုၚ်ဏံရ။
အေဇအ်ရတှ်ေ ညးမချူလိက်ဂၠိုၚ်ၚ်တံဂှ် မပ္တံ ကဵုက္ဍိုပ်သ္ကိုပ်မန်ပိုဲကီု ခမဳသၚ်မန်ပိုဲကီု အ္စာပရိုၚ်မန်ပိုဲကီု အ္စာကၞေဟ်မန်ပိုဲကီု သၟာဂိတမန်ပိုဲကီု ရဲပေါဲဇာတ်မန်ပိုဲတံအိုတ်သီု ထေက်ကဵုဒးချူလိက် မွဲသၞောတ်ဝ်ဓဝ် ယူနဳခတ်ဟွံသေၚ်မ္ဂးဇြဝ်ဂျဳကဵုဒှ် ဆ္ဂး ပိုဲဒးရံၚ်အနာဂတ်တေံ သၞောဝ်တ် လဵုဒးဒှ်ကိုန်ဂစိုတ်ရော ပိုဲဒးတီ(ဝါ)ပိုဲဒးလ္ၚတ်လဝ်ဗွဲမချိုတ်တ်ပၠိုတ်တ်တုဲ ဒးသုၚ်စောဲအာထေက်ရောၚ်။
ယဝ်ရရံၚ်အာကဵုပရေၚ် ပညဳပညပ်မ္ဂး မပ္တံကဵု ဗော်မန်ၜါဂှ်လေဝ်ကီု ခမဳသၚ်ပိဂိုဏ်ဂှ်လေဝ်ကီု ပညဳအာလောဲကျဝ်မံၚ်ရ ဆ္ဂး လိက်မန်ၜါသၞောတ်ဏံဓဝ် မုပအ္စာတံ ဟွံပညဳဏီရော မၚ်ကဵုဂကောံပြးကၠာဟာ ဟွံ
သေၚ်မ္ဂး မၚ်ကဵုက္ဍိုပ်ပါ်တုဲမှ ပညဳဟာ ချပ်မံၚ်ဖိုဟ်ရ လၟုဟ် ပြဟ်ဟ်ဏံ မန်ပိုဲညးမွဲကဵုညးမွဲ ဟွံလုက်စုက်ညးသ္ကအ် ဒၟါ နူလိက်ၜါသၞောတ်ဝ်ဏံရ ဒးပါ်ထ္ကးကၠုၚ်မံၚ် ဗွဲမထေက်ကြိုက် ဂွံဆဵုသေၚ်ဟာ တ္ၚဲဏံယဝ်အ္စာတံ ဟွံပဠေဝ်တှ်ေ မန်တံ ဘိုအ်ဒးဒှ်ၜါဂၠံၚ်ဍာန်ပၠန်စှ်ေစိုတ်ညိ ယွံက္ဍိုပ်သ္ကိုပ်မန်တံ။
က္ဍိုပ်သ္ကိုပ်မန်ပိုဲလေဝ် ဒးဂံၚ်သ္ဂုတ်သွာတ်ပိုတ်တ် မွဲသၞောတ်ဝ်ဓဝ်တုဲ ညံၚ်ဂွံဒှ်စိုတ်မွဲမာန် ယဝ်က္ဍိုပ်သ္ကိုပ်မန်တံ ဂစာန်ကသေအ်ကၟဝ် ဂစာန်ဆဝ်မ္ၚုဟ်တုဲ ဂစာန်ချူမွဲသၞောတ်ဝ်ဓဝ်ယဝ်ဒှ်မ္ဂး အလုံဂကူမန်ပိုဲလေဝ် ကောံအာမွဲကရောံ အဖဝ်က္ဍိုပ်သ္ကိုပ်မန်တံဍာံဍာံရောၚ်။
ညးချူလိက် စှ်ေစိုတ်သာ်ဏံတုဲၝောံဇက်ကောန်ဂၠောဲ ဂလာန်က္ဍိုပ်လိက်ဏံဂှ် ယဝ်က္ဍိုပ်သ္ကိုပ်ဂကူမန်ပိုဲ ဂစာန်ဍာံဍာံမ္ဂး ပေါဲအံၚ်ဇၞး မမိက်ကဵုမွဲမွဲ သွက်ဂကူမန်ပိုဲကလိ ဂွံမာန်ဏောၚ်ဂှ် မိက်ဂွံသ္ဂးသာ်ဏံတုဲ အုပ်ကၠေံ
နိဂီုဆၜိုတ်ဏံရအဴ။