တ္ၚဲဝါလ်တေမာရ်

၁၅ ဂျောန် ဂှ် ဒှ်တ္ၚဲဝါလ်တေမာရ် (နကဵုဘာသာဒိန်နေတ် valdemarsdag) (စပတန် ၁၉၁၂ နကဵု ဂၞန် Cirk.Nr.391 24/12 1912) သွက်ဂွံ ဗၞုဟ် အတိုင်ဒဏ္ဍရဳဒိန်မက်မ္ဂး ပ္ဍဲတ္ၚဲဂှ် ပ္ဍဲသၞာံ ၁၂၁၉ တေအ် အလာံ မဟိမု ဒေန်နေဗြောဂ် (Dannebrog) မဒှ် အလာံဍုင်ဒိန်မက် တ္ၚဲဏအ် ဒတုံစှ်ေကၠုင် နူအကာသ ပ္ဍဲကဵု အေတ်သလာန် ပ္ဍဲအခိင် ဨကရာဇ်ဒိန်မက် ဝါလ်တေမာရ် မလုပ်ဒၟံင် ပေါဲဗတိုက် ပ္ဍဲမုက်ပၞာန် ဗဒါဲလေန်ဒါနိသ္သေ (Lyndanisse) ရ။ ပ္ဍဲတ္ၚဲဂှ် ကောန်ဍုင်ဒိန်မက်တအ် ဝေင်သဘင် နကဵုမသွံအလာံတုဲ သြန်ပရဲ မကလိဂွံဂှ် ပသြန်ဗွဝ် ဂကောံနာနာသာ်ရ။ တ္ၚဲဏအ်ဂှ် စဵုကဵုစိုပ် သၞာံ ၁၉၄၈ ဂှ် နဒဒှ် တ္ၚဲကၟာတ်ဘာမွဲဂှ် စၟတ်သမ္တီလဝ်ရ။

အလာံဍုင်ဒိန်မက် မဟိမု ဒေန်နေဗြောဂ် (Dannebrog) ဒတုံစှ်ေကၠုင် နူအကာသ ပ္ဍဲအခိင် ပေါဲဗတိုက် ဗဒါဲလေန်ဒါနိသ္သေ

ပ္ဍဲတ္ၚဲ ဂျောန် ၁၅ ဂှ် သီုဒှ် တ္ၚဲကလေင်ကောံ ပ္ဍဲသၞာံ ၁၉၂၀ မဒှ်တ္ၚဲ ဒေသဍုင်ဒိန်မက် ဒကုတ်သောန်နာယူလာန် (Sønderjylland (Nordslesvig)) မနွံဒၟံင် သၟဝ်ဂျာမနဳဂှ် ကလေင်ပအပ်ကဵု ဒိန်မက် နကဵု သွဟ် ဆန္ဒမာဲ ညးဍုင်ကွာန်ရ။ နကဵုသင်္ကေတ ပ္ဍဲဂိတုဂျောန် ၁၀ ဂှ် ဨကရာဇ်ဍုင်ဒိန်မက် ခရိတ်ယှာန် ဒသမ Christian 10.s ဍိုက်တတ်အာ ပယျဵု နကဵုချေဟ်ဗတာင် ပ္ဍဲ ၁၀ ဂျူလာင် ၁၉၂၀ ရ။

နိဿဲပြင်ဆင်