တၚ်တုပ်စိုတ် ဒိုအ်ပန်ပှော်တုဲ အကြာ ဗော်ဍုၚ်မန်တၟိ ကေုာံ အလဵုအသဳနဝတ
၁။ ပွမဗတောန်လိက်မန် ပ္ဍဲဘာအလဵုအသဳ မနွံပ္ဍဲကွာန်မန်တအ်ဂ်ှ ကဵုအခေါၚ်ဗတောန်မ္ၚးအခိၚ်ဘာရောၚ်။
၂။ ကောန်ကွးဘာမန် နူဌာနပရေၚ်ပညာ ဗော်ဍုၚ်မန်တၟိတအ် သၟိက်မိက်ဂွံဆက်တိုန်တက္ကသိုလ်နာနာကီု သီုဘာကွတ်ဂယိုၚ်လမျီုပ္ဍဲကၟိန်ဍုၚ်ဗမာမ္ဂး မ္ဒးတတ်ပေဲါသၟာန်လိက်တန်သၠုၚ်အရာဂကောံစၟဳစၟတ်လိက် ကၟိန်ဍုၚ်ဗမာ မကၠောန်ဗဒ်ှဇၟာပ်သၞာံဂ်ှရောၚ်။ ကွးဘာညးအံၚ်စ်ှတန်တအ်ဂ်ှ ကဵုအခေါၚ်ဆက်တိုန်တက္ကသိုလ်ဍစိုပ်တအ်ဂ်ှရောၚ်။ ကွးဘာမန်ညးမအံၚ်လဝ် တန်အဋ္ဌမတအ်ဂ်ှ ကဵုအခေါၚ်တိုန်စိုပ်ကတ်လ္ၚတ်ပ္ဍဲဘာကွတ်ဂယိုၚ်လမျီု အဆံၚ်တန်သၠုၚ်ရောၚ်။
၃။ နကဵုတၚ်တုပ်စိုတ် ဒိုအ်ပန်ပှော် ကွးဘာဂမၠိုၚ် ဘာဟွံတုဲမွဲသာ်ညးအဆက်ပိုတ်ဒၟံၚ်ကဵုတက္ကသိုလ်မဆေၚ်စပ်တအ်ဂ်ှ ကဵုအခေါၚ်ကလေၚ်ဆက်တိုန်ဘာတက္ကသိုလ် မဆေၚ်စပ်တအ်ရောၚ်။
၄။ လိက်ဗတောန်ကီု၊ ဘာသာဗတောန်ကီု မစကာဒၟံၚ်ပ္ဍဲဘာကောန်ဂကူမန်ကေုာံ ဘာအလဵုအသဳတအ်ဂ်ှ ဟွံတုပ်သၟဟ် တၞဟ်ခြာနွံမာန်ရောၚ်။ ဒ်ှသာ်ဂ်ှမ္ဂး နကဵုအဆံၚ်ပွိုၚ်ဍုၚ်ပံက်ဂကောံစၟဳစၟတ်ဍာ်ဒကေဝ်ကွးဘာတုဲ စၟဳစၟတ်ထ္ဍိုဟ်အာဍာ်ဒကေဝ်ကွးဘာမန်တအ်တုဲ ကဵုအခေါၚ်ဖျေံအာဒၞဲါဝဲါအတန်ရောၚ်။ ကမၠောန်ဏအ်ဂ်ှ ဆက်ဒမံက်အာရုပ်ရာရောၚ်။
၅။ နကဵုကမၠောန်ကိုန်စဳဇန်ဖောအ်ဗြေဝ်သွက်ဒေသဇိုၚ်ပယျဵု ကုကွးဘာဂမၠိုၚ် ညးမအံၚ်လဝ်တန်အဋ္ဌမတအ်ဂ်ှ ဖန်ဗဒ်ှကဵုတန်ဗတောန်တၟေၚ် နဒဒ်ှအာစာရောၚ်တုဲ တန်တဴကဵုဍာ်ဒကေဝ်ပရေၚ်ပညာကွးဘာတအ်တုဲ တန်ဗတောန်အာစာဘာ အဆံၚ်တန်ဒေါဝ် ကေုာံ တန်ဗတောန်အာစာဘာတန်သၠုၚ် အဆံၚ်တက္ကသိုလ် ပရေၚ်ပညာ (B.Ed) တအ်ဂ်ှလေဝ် ဖန်ဗဒ်ှကဵုအခေါၚ်အရာကီုရောၚ်။
ၜိုန်ဂ်ှလေဝ် စပ်ကဵုအရီုဗၚ်ထံက်ပၚ်သြန်ဘဏ္ဍာ သွက်ဂွံဘိုၚ်ထံက်ပၚ်ကဵုဌာနပရေၚ်ပညာ ကောန်ဂကူမန်ဂ်ှ မွဲဒကေဝ်လေဝ် ဟွံကေၚ်ဂွံကၠုၚ်မွဲလှ်ေဏီရ။