တၞဳ (နာမ်)
တၞဳ (ကၞဳ)(မနာမ်)
(၁)။ ဝေင်ကၠေံၜဳကြုင်တုဲ တိ၊ ကုန်၊ ဒဵု အလုံအိုဿီုတအ်ဂှ် ကော်စ "တၞဳ" (ကၞဳ)။
(လိက်လ္ၚဵု ချူ တၞဳ၊ လိက်လ္ၚဵု ချူ ကၞဳ။)
တၞဳ (ပါဠိ - ထလ) မတန်ပ္ဍဲတၞဳ (ပါဠိ - ထလဋ္ဌ) မဂၚေင်ပ္ဍဲတၞဳ (ပါဠိ - ထလဂေါစရ) မက္တဵုဒှ်ပ္ဍဲတၞဳ (ပါဠိ - ထလဇ) တရဴတၞဳ (ပါဠိ - ထလပထ) (တရဴဍာ် - ပါဠိ - ဇလပထ) ပ္ကဴတၞဳ၊ ပ္ကဴမက္တဵုဒှ်ပ္ဍဲတၞဳ (ပါဠိ - ထလဇပုပ္ဖ) ပ္ကဴမက္တဵုဒှ်ပ္ဍဲသြင်ပ္ဍဲဒဵု၊ သၞေဟ်တၞဳ (ပါဠိ - ထလပဋ္ဋန) ပၞာန်တၞဳ (ပၞာန်တိုက်)၊ ပၞာန်ဍာ်
ချေဟ်ကၟီကၠဗြန် သဝန်တ္ၜန်ဖဳ၊ ကုံဘန်လကိုဟ် သ္ကာတ်ဂြိုဟ်အနဳ၊ သတ်ဍာ်သတ်တၞဳ ဖဳတဝဳတ္ၜန်။ (လိက်ပဒုမ္မဝတဳ၊ ၁၂၈၁ သၞာံ)
ညံင်ဗီုသတ်တၞဳ ညာတ်သၟိင်သဳဟ၊ ညံင်နာ်မညန် ကဵုသုပဏ္ဏ၊ ဒှ်တဴဘယ ကဵုတလနန်။ (လိက်ပဒုမ္မဝတဳ၊ ၁၂၈၁ သၞာံ)
ဇရေင်ဇြဲဂှ် ပဒှ်ဒေသ၊ နွံလစမွဲ ပြဲသန်တေဇ၊ ဍာ်သ္ဇုင်တဴပၠန် ကၠေင်ကၠန်ဟွံက၊ ပ္ဍဲဍာ်လစ ပဉ္စမာလဳ၊ ဒကှ်ဥပ္ပဵု ရာင်ဂဵုတဝဳ၊ လ္ကံက်ဟင်ရံဒွေင် ဗနူရေင်ဖဳ၊ လစံင်ရာင်ဂဵု ဥပ္ပဵုတဝဳ၊ ဇိုင်ပေါက္ခရ လစကျာ်သြဳ၊ ပ္ကဴဍာ်ပ္ကဴတၞဳ ရာင်တဝဳစု။ (လိက်ဗြရတ်ဣဏင်ကင်ရဳ၊ ကဝိမင်ရောဂေါ၊ ကွာန်ကြေဝ်ဏာ) ဘဳမရာဇ တလသၞေင်ပ္ကဴ၊ ဂၚေင်ပဝ်တဴ ပ္ကဴတၞဳပ္ကဴဟန်၊ ထိုက်ထာင်ကသဝ် ဇဝ်ကြက်စလန်၊ တလသၞေင်ယန် ဟွံပၠန်ရရဴ။ (လိက်သၟိင်သိဝိ)
အကၠဟ်အဘဴ ၜိင်တဴၜါၜါ၊ သတ်ဍာ်ဗတ်ဍာ် ဂၠိုင်သာ်ဟောဒြာ၊ သတ်တၞဳဗတ်တၞဳ သ္အဳကၠုင်သ္အဳအာ၊ ညာတ်ဍေံတအ်ဂှ် ဗှ်ရောံပြဝါ။ (လိက်သၟိင်သိဝိ)
(၂) ဗလးသ္ၚိ မလးလဝ်ဂတဵုဂှ်လေဝ် ကော်စ "တၞဳ (ကၞဳ)"
ဂတဵုကၞဳ
(ညးမပကောံ - တၠဂုန်ကေလာသ (တၠဂုန်သေံ) အစာလိက် တိုက်ပရိယတ္တိမန်ဒယှ် ဘာကၠအ်ပၞဟ်)