Content deleted Content added
|
|
|
ယဝ်ရဟီုစိုပ်အာပရေၚ်တဵုလွဳဗက်ဂှ်တှ်ေ တိကၠအ်ဒးနွံတုဲတက်ကျာဆက်အာပရေၚ်တဵုလွဳဂွံရ၊ တိကၠအ်နွံဟီုဂှ် ဒးနွံၜိုတ်မူစိဨကမာန်ရောဂွံကၠောန်ဂွံ၊ ဣဏံရဒှ်မံၚ်ခက်ခုဲဒးနွံတိဂၠိုၚ်ဂၠိုၚ်တုဲမှဂွံတဵုလွဵဂွံ ဗွဲမဂၠိုၚ်တှ်ေညးတံစှ်ေလဝ်စိုတ်သာ်ဏံရ၊ ယဝ်ရတိပိုဲနွံဒၟံၚ်ၜိုတ်စှ်ဨကပိစှော်ဨကဏောၚ်တှ်ေ တဵုတၞံသတ်လေဝ်ဂွံ၊ တဵုတၞံဗၜိုတ်လေဝ်ဂွံ၊ တဵုသတ်ဆုသတ်ဒန်လေဝ်ဂွံ၊တဵုသတ်ဆုသတ်ဒုန်လေဝ်ဂွံ၊ တဵုသၞေဝ်ကေတ်လေဝ်ဂွံတဴမာန်အိုတ်ရ၊ သွက်ညးတိနွံဂၠိုၚ်တံဟီုဂှ်တှ်ေ ပြေပြံၚ်မံၚ်အိုတ်ကီုရ၊ ဆဂးဂှ် သွက်ညးတိနွံအောန် ၜိုတ်ဘာ်ဨကမွဲၜါဨကတံဂှ်တှ်ေဗီုလဵုသ္ဂောံသ္ပရော၊ ယဝ်ရပိုဲပတှ်ေဗက်ဆဵုလဝ်ညးတၞဟ်တုဲ ပိုဲတဵုတၞံဗၜိုတ်တၞံသတ်ကီုတှ်ေ မွဲမွဲသၞာံဂွံစၚုဟ်မၜိုတ်လဵုကီုရော၊ ယဝ်ကၠောန်သာ်ဏံမ္ဂးတှ်ေ ခရိတ်ရာန်ကၠေၚ်ကသိုန်လေဝ်ဟွံရုံကီုရ၊ ဟိုတ်ဒှ်သာ်ဂှ်တုဲ ယဝ်တိပိုဲနွံဂၠိုၚ်ကဵုဨကဏောၚ်တှ်ေ ဍေံအာမွဲဗီုရ၊ ယဝ်ရတိပိုဲနွံအောန်ဏောၚ်တှ်ေ မုပိုဲတံဒးတဵုလွဵရောဂွံဂတာပ်အခေတ်ပ္ဍဲကဵုတ္ၚဲဏံ သီုကဵုဂွံဂယျိုၚ်အာလမျီုပ္ဍဲအိန်ထံၚ်ပိုဲဏံမာန်ရော၊ မပ္တံကဵုတဵုသၞေဝ်ၜှ်ပလှ်သွံလၟေၚ်တ္ၚဲတှ်ေညံၚ်ကဵုစှ်ေဗီုညိဟာ၊ သီုတဵုသၞေဝ်ကေတ်ညိည သီုလွဳစာၚ်စခၟာဲလေဝ်ညိညကီု တုဲတှ်ေ သီုလွဳလဝ်ကၟာကနွံစမွဲကၟာဍောတ်သွက်ဂွံစအာပ္ဍဲဂကောံအိန်ထံၚ်ပိုဲဏံကီု၊ ယဝ်ချပ်ဗီုဏံဏောၚ်တှ်ေ တိပိုဲနွံမံၚ်ၜါပိဨကတံဂှ် ညံၚ်ကဵုဂတာပ်အခေတ်ဒှ်မာန်ရ၊ သာ်ဂှ်ဟွံသေၚ်တှ်ေ ပွမလွဳပတိုပ်နာနာဗီုကဵုဍုၚ်သေံတံဂှ်လေဝ် ကတ်လ္ၚတ်ထောံညိညတုဲ ဗဂဵုလဟဵုအာနကဵုနဲကဲဇကုတုဲ ဣဏံလေဝ်ပံၚ်နှဴပကောံကၠောန်အာဂွံဖအိုတ်ရ၊ ယဝ်ရတိကၠအ်ဟွံမွယ်ကီုလေဝ် ဆဂး ပ္ဍဲကဵုဂအာၚ်တိသိုၚ်လဝ်သ္ၚိပ္ဍဲကွာန်ဂှ်သၠးနွံမံၚ်ညိညတုဲ လ္ၚတ်ထောံနဲကဲဆက်ကၞာၚ်တၞံနာနာကီု တဵုလွဳတၞံပ္ကဴတဵုကျေဝ်ဂတမုက်သ္ၚိလေဝ်ဟွံပရေံပုဟ်၊ ဣဏံလေဝ်သွံစဂွံပ္ဍဲအကြာကွာန်ကီု၊ ယဝ်ရဂအာၚ်တိနွံကြပ်ကဵုဂၠံၚ်ဍာန်ကွဳစက်ကာမ္ဂးတှ်ေဒးဗီုရ၊ တၞံပ္ကဴနာနာသာ် သွက်သ္ဂောံတဵုသ္ပကျေဝ်ဂတမုက်သ္ၚိပ္ဍဲကဵုအခေတ်တ္ၚဲဏံဂှ်တှ်ေ ဂတာပ်အခေတ်ကွေံကွေံရ၊ ဇၟာပ်မၞိဟ်တ္ၚဲဏံဒးသိုၚ်သ္ၚိယျတှ်ေ ညးတံပြိုၚ်ပ္ကာန်သိုၚ်သ္ၚိသၟးဟွံကတုဲ သွက်ဂွံပယျေဝ်ဂတမုက်သ္ၚိညးတံဂှ်လေဝ် နွံဗၟိက်ကဵုတၞံပ္ကဴတၞံဆုနာနာပ်ဍဲဖျာပိုဲဏံကီုရ၊ တိအောန်တိဂၠိုၚ်အဓိကဟွံသေၚ်ပုဟ်၊ ပိုဲတံဒးဗဂဵုလဟဵုညံၚ်ဂွံဂတာပ်အခိၚ်အခေတ်ကာလဒေသမာန်တှ်ေ ၜိုန်ရတိပိုဲနွံမွဲဍောတ်ကီုလေဝ် သြန်လုပ်လၟေၚ်သၞာံဂှ် ဂွံဂၠိုၚ်နူတိနွံစှ်ဨကတံဂှ်ဏီရ၊ မူဟိုတ်ရောတှ်ေ ဟိုတ်နူကဵုပိုဲဏံချပ်နဲကဲဂတာပ်အခေတ်တှ်ေ ပရေၚ်တဵုလွဳဟီုဂှ် ပိုဲတံဆဵုကၠုၚ်ၚုဟ်မးဍေံသက်ဟီုဟွံမွယ်ရ၊ ဆဂးဂှ်သၟးဟွံကတုဲ ဂွံမံၚ်ကဵုဂကောံအိန်ထံၚ်ဇကု(၂၄)နာဍဳကီုရ၊ အခိၚ်ဂွံမံၚ်ကဵုဂကောံအိန်ထံၚ်ဏံဂှ် ဒှ်ၚုဟ်မးသွက်ဘဝမွဲပေၚ်ပေၚ်ရ၊ ဣဏံရဘဝနွံဗၟိက်ဇၞော်အိုတ်။
|
