ပါင်မ္ၚဵု၊ ပြင်ၜဳ
ပြင်ၜဳပါင်မ္ၚဵု (အၚ်္ဂလိက်: Kabyar Wa Beach) ဝွံ နွံဗဒါဲ ကွာန်မ္ၚဵုဇၞော်၊ ဍုင်ခေါဇာ၊ ပွိုင်ဍုင်ရေဝ်၊ တွဵုရးဍုင်မန်ရ။ ပြင်ၜဳဝွံ ဟိုတ်နူ နွံဗဒါဲ ကွာန်မသ္ၚာ မဒှ်ပါင်ၜဳ မလုပ်ကွာန်မသ္ၚာတုဲ ကိုပ်ကၠာဂှ် ညးကော်စ ပြင်ၜဳပါင်မသ္ၚာ (ဗီုပတိတ်ရမ္သာင်၊ ရမ္သာင်ဇြိုင်ဟ၊ ပံင်ကဵု သွဵု အာ နကဵုရမ္သာင်ဇြိုင်) ရ။ မသ္ၚာ ဂှ် ဟိုတ်နူ ညးဒေသတအ် ဟွံကၠိုဟ်အဓိပ္ပါယ်တုဲ ညးသၠာဲထောအ်ယၟု ကွာန်မ္ၚဵုတုဲ ပါင်ၜဳဂှ်လေဝ် ဒှ်အာ ပြင်ၜဳပါင်မ္ၚဵု ရ။ ပြင်ၜဳပါင်မ္ၚဵုဝွံ နူဍုင်ရေဝ် နွံ ၂၀တိုင်။ ပြင်ၜဳဂှ် စဵုစိုပ်ကြုင်မင်ဂၠန်တုဲ သီုဖအိုတ် နွံ ၈ တိုင်ဒှ်ရ။
| ပြင်ၜဳ ပါင်မ္ၚဵု | |
|---|---|
| ပြင်ၜဳ | |
  ပြင်ၜဳ ပါင်မ္ၚဵု ဒၞာဲ ပြင်ၜဳပါင်မ္ၚဵု မနွံ | |
| ဒတန်ဒၞး: 15°03′47″N 97°47′17″E / 15.063083°N 97.78804°Eဒတန်: 15°03′47″N 97°47′17″E / 15.063083°N 97.78804°E | |
| ကၟိန်ဍုင် | ထာမ်ပလိက်:Country data မြန်မာနိုင်ငံ |
| တွဵုရး | တွဵုရးဍုင်မန် |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ပရေင်ဇၞော်မောဝ် ပလေဝ်ဒါန်
ပ္ဍဲဒေသ ပြင်ၜဳပါင်မ္ၚဵုဝွံ ကၠာဟွံစိုပ် သၞာံ ၂၀၀၈ ဂှ် နကဵုအလဵုအသဳဗၟာတအ် စၟတ်သမ္တီလဝ် ဒေသလမ္စံက်တုဲ မၞိဟ်အာကၠုင် အောန်ဗွဲမလောန်ကီုလေဝ် ပ္ဍဲသၞာံၜိုတ် ၂၀၁၇ ဂှ်မ္ဂး ပ္ဍဲကၟာတ်ရုင်မ္ဂး မွဲမွဲတ္ၚဲ မၞိဟ်ၜိုတ် ၅၀၀၀ ကၠုင်ဝေင်ဒၟံင်ရ။ တၞဟ်ဂွံ ထိင်ဒဝ် ပရေင်သဘာဝ ကေုာံ ပရေင်အးဇ္ၚးပြင်ၜဳပါင်မ္ၚဵုတုဲ နူစသၞာံ ၂၀၁၇ မၞိဟ်စၞးကၠတ်ထဝ် ပွိုင်ဍုင်ရေဝ် ၅ တၠ၊ သကိုပ်ပကင်ရင်ပွိုင်ဍုင်တအ်ဂှ် စွံလဝ် နဒဒှ် ပ္ဍဲဂကောံသဘာပတိတုဲ နကဵုမၞိဟ်စၞးနူဌာနနာနာ၊ ဂကောံညးဍုင်ကွာန်တအ် ပစၞးတုဲ နကဵု မၞိဟ် ၂၂ တၠဂှ် ဒက်ပ္တန်လဝ် ဂကောံမင်မဲ ပြင်ၜဳပါင်မ္ၚဵု ရ။ တုဲပၠန် နူကဵု ကမ္မဏဳ Aurum Company Limited ဂှ် ဓလိုက်တမ်ရိုဟ်သြန်ဒဝ်လာ ၁၂ တာန်တုဲ သြိုင်တာဲဇၞူဗင်ဂလဝ်၊ ရုင်၊ ဒၞာဲပါကေန်ကွဳစက်၊ ကၟာၜိင်ဍာ်တအ်ဂှ် ဆက်သြိုင်အာဒၟံင်ရ။ [၁]
နိဿဲ ပလေဝ်ဒါန်
- ↑ Mon News Agency, 2, December 2017, ကဗျာဝကမ်းခြေ သဘာဝပတ်ဝန်းကျင်သန့်ရှင်းရေးနှင့်ထိန်းသိမ်းရေးကော်မတီဖွဲ့စည်း