ဒွက်

ဒွက် ဟီုဂှ် ဒှ်အရာ မဒယှ်ေ ဗွဲမဂၠိုင်မ္ဂး ကောန်မၞိဟ်တအ် ဒယှ်ေ မွဲစွံ ကုရမ်သာင်ကွိင်ကွိုက် (ဂဳတ)ရ၊၊ ဒွက်ဂှ် နွံရမ်သာင်မဗြု၊ ရမ်သာင် မသ္ၚိတ်ဇြ ကေုာံ ကဆီုရမ်သာင် နကဵုဗီုပြင်နာနာသာ် မဇက်ရမ်သာင် မထပိုတ်ရမ်သာင် မထၜီုရမ်သာင် ဗွဲမကိတ်ညဳ ကုရမ်မတိတ် နူကွိင်ကွိုက်တအ်ရ၊၊ ^[၁]^[၂]^[၃]

မလိက်မချူလဝ် သွက်ဂွံဒယှ်ေဂှ် ဟိုတ်မဒက်လဝ် နကဵုကာရန်တုဲ ဒွက် ညးကော်စရ၊၊ ပ္ဍဲအရေဝ်မန် ကဗျမွဲပိုဒ်ဂှ်လေဝ် ဟိုတ်မဒက်ဗဂပ်လဝ် မွဲဒွက်တုဲ ကဗျမွဲဒွက် ညးကော်ကီုရ၊၊ တၞဟ်နဂွံတၞဟ်ခြာတုဲ သတ်ဒွက် လေဝ် ဒၞာဲလ္ၚဵုဂှ် ကော်ကီုရ၊၊ ဒွက်နွံကဵု ဂကူဗွဲမဂၠိုင်ရ၊၊ ဒွက်အခိုက်တြေံဂှ် ညးကော်စ ဒွက်ပါန်ကွတ် (art song)၊ ဒွက်တြေံ ဟွံတီမၞိဟ်ဒယှ်ေတမ်မ္ဂး ဒွက်အာဂီု (folk song)၊ ဒွက်မဒယှ်ေ လဟိင်စိုတ် ဓမ္မတာဂှ် ဒွက်ပုရိသာဒ် (popular song)၊ မြဴသာ်ဝွံ ညးပါ်လဝ်ရ၊၊

ဒွက်ဂှ် နကဵုညးမွဲဓဝ် ဒယှ်ေလေဝ်နွံ (သဝ်လဝ်)၊ နကဵုရမ်သာင်ဗွက်ကြဴ လေဝ်နွံ (ဗွက်ကြဴ)၊ နကဵုမၞိဟ်ၜါ ဒွိတ် (duet) နကဵုမၞိဟ် တြိအဝ် (trio)၊ နကဵုမၞိဟ်ဗွဲမဂၠိုင် မဒယှ်ေ ဟာရ်မဝ်နဳ (harmony)လေဝ် နွံရ၊၊ ဆဂး ဒယှ်ေဟာရ်မဝ်နဳဂှ် ညးဟွံကော်စတုဲ စၞးဂှ် ညးကော်စ (oratorio)၊၊^[၄] ဆဂး ဒွက်မဒယှ်ေ နကဵုဂကောံ (ဝါ) နကဵုဟာရ်မဝ်နဳဂှ် ညးကော်စ ခေါယ် (choir/choral)ရ၊၊

ဒွက် ပါန်ကွတ် Art songs ပလေဝ်ဒါန်

ဒွက်ပါန်ကွတ် ဂှ် ဒှ်ဒွက် မကၠောန်ဗဒှ်လဝ် နကဵုသၟာပါန်ကွတ်မွဲမွဲ သွက်ဂွံ ဒယှ်ေလဟိင် ကုပုရိသာဒ်တအ် နကဵုစန္ဒယာ၊ အဝ်ဂေန်၊ ဟွံသေင်မ္ဂး နကဵုကွိင်ကွိုက်မွဲမွဲ၊ နကဵုညးမွဲဓဝ် သီုဒယှ်ေ သီုတိင်လေဝ် ဒှ်မာန်ရ၊၊ ဒွက်ပါန်ကွတ်ဂှ် ဗွဲမဂၠိုင် စကာကွတ်ရမ်သာင် ဗွဲမခိုဟ်တုဲ ရမ်သာင်မဒွက်ကၠးတုဲ မၞိဟ်ကဠင်တအ် မိင်ကၠိုဟ်အဓိပ္ပါယ်ဒွက်ရ၊၊ ဒွက်ပါန်ကွတ်ဂှ် ဒယှ်ေကဵုပုရိသာဒ်ဂမၠိုင်လေဝ် ဗီုကဵုဝိုင်ဂဳတမွဲမွဲလေဝ် နွံကီုရ၊၊ ဒွက်ပါန်ကွတ်ဝွံ နူတမ်စကတဵုဒှ်ကၠုင် ဗွဲတၟေင် ပ္ဍဲဒေသရးယူရောပ်တုဲ လၟုဟ်မ္ဂး ပ္ဍဲဍုင်တၞဟ်သအာင် ပ္ဍဲဒၞာဲမဒယှ်ေဒွက် ဗီုအခိုက်တြေံဂှ် ဂွံဆဵုကေတ်ကီုရ၊၊

ဒွက်အာဂီု Folk songs ပလေဝ်ဒါန်

ဒွက်အာဂီုဂှ် ဒှ်ဒွက် ဟွံတီညးမဇန်ချူ မဖန်ဗဒှ်လဝ် နူတမ်တေအ်တုဲ ဗွဲမဂၠိုင် ဆက်စၠောအ်ကၠုင် နကဵုပါင်တိုက် အဆက်ဆက်ရ၊၊ ဗွဲဂမၠိုင် ဒွက်အာဂီုတအ်ဏအ်ဂှ် မဂွံစၟတ်သမ္တီ ဒွက်အခိုက်ကၞာ ဂကူမွဲမွဲ ဍုင်မွဲမွဲရ၊၊ ဒွက်ပါန်ကွတ်တအ်ဂှ် ယဝ်ရ မၞိဟ်တအ် ဟွံတီ မၞိဟ်မကၠောန်ဗဒှ်လဝ်မ္ဂး ဒှ်အာ ဒွက်အာဂီုရ၊၊ ဥပမာ ဒွက် ရးမညပညုင် ဂှ် ဒှ်ဂကူဒွက် ပါန်ကွတ်မွဲရ၊၊ ဆဂး တ္ၚဲ ညးဂှ် ဒှ်မၞိဟ် မချူလဝ် မဖန်လဝ်ဇေတ်တ်ဂှ် ဟွံတီတုဲ စၟတ်သမ္တီ ဒွက်အာဂီုရ၊၊ ဒွက်အာဂီုဂှ် ဆက်စၠောအ်ကၠုင် နကဵုပါင်တိုက် သၟးဟွံသေင် နကဵုလိက်တၞးလေဝ် နွံကီုရ၊၊ ဆဂး ဟွံတီ အစာကဝိတမ်ရ၊၊ ပ္ဍဲဒွက်အာဂီုတအ်ဂှ်လေဝ် နွံဂၠိုင်ကဵုဂကူဒွက်ရ၊၊ ဒွက်ဒိင် သွက်ဂွံလှေ်၊ ဒွက်ဆာန်၊ ဒွက်ဂါထာ၊ မပ္တံ မြဴသာ်ဝွံ နွံနာနာသာ်ရ၊၊

ဒွက်ပုရိသာဒ် popular songs ပလေဝ်ဒါန်

ဒွက်ပုရိသာဒ်ဂှ် နွံဂၠိုင်ကဵုဂကူရ၊၊ ပၞောဝ်တအ်ဂှ် torch songs, ballads, novelty songs, anthems, rock, blues and soul songs. ပဲါနူဂှ်တုဲ ဒွက် rapping လေဝ် နွံပၠန်ရ၊၊

နိဿဲ ပလေဝ်ဒါန်

↑ https://noisey.vice.com/en_us/article/9kgnpv/rlyrs-actual-existence-album-stream%7Ctitle=RLYR’s ‘Actual Existence’ Is 40 Minutes of Beautiful Chaos|last=Ozzi|first=Dan|last2=Staff|first2=Noisey|date=2018-04-11|website=Noisey|language=en-US|access-date=2019-01-26
↑ http://arcticdrones.com/interviews/el-ten-eleven/%7Ctitle=Rocking on Banker’s Hill, an Interview with El Ten Eleven|last=Bernardinelli|first=Federico|date=2018-08-19|website=Arctic Drones|language=en-US|access-date=2019-01-26
↑ http://www.tokafi.com/15questions/interview-jasper-tx/%7Ctitle=Interview with Jasper TX | Sweden Experimental interviews|website=www.tokafi.com|access-date=2019-01-26
↑ Luise Eitel Peake. 1980. "Song". The New Grove Dictionary of Music and Musicians, sixth edition, 20 vols., edited by Stanley Sadie, Vol. 17: 510–23. London: Macmillan Publishers; New York: Grove's Dictionaries. ISBN|1-56159-174-2.

[1] ttps://noisey.vice.com/en_us/article/9kgnpv/rlyrs-actual-existence-album-stream%7Ctitle=RLYR’s ‘Actual Existence’ Is 40 Minutes of Beautiful Chaos|last=Ozzi|first=Dan|last2=Staff|first2=Noisey|date=2018-04-11|website=Noisey|language=en-US|access-date=2019-01-26

[2] ttp://arcticdrones.com/interviews/el-ten-eleven/%7Ctitle=Rocking on Banker’s Hill, an Interview with El Ten Eleven|last=Bernardinelli|first=Federico|date=2018-08-19|website=Arctic Drones|language=en-US|access-date=2019-01-26

[3] ttp://www.tokafi.com/15questions/interview-jasper-tx/%7Ctitle=Interview with Jasper TX | Sweden Experimental interviews|website=www.tokafi.com|access-date=2019-01-26

[Grove-4] Luise Eitel Peake. 1980. "Song". The New Grove Dictionary of Music and Musicians, sixth edition, 20 vols., edited by Stanley Sadie, Vol. 17: 510–23. London: Macmillan Publishers; New York: Grove's Dictionaries. ISBN|1-56159-174-2.

[၁]

[၂]

[၃]

[၄]