ပရေၚ်ထံက်ပၚ် အာစာဘာမန်ကေုာံ ပရေၚ်ၜိုဟ်လလံ

ဗော်ဍုၚ်မန်တၟိဝွံ သၞာံ ၁၉၇၂ ဂှ် ပတန်ဗဒ်ှကၠုၚ် ဌာနပရေၚ်ပညာကောန်ဂကူမန်တုဲ ထံက်ပၚ်ကၠုၚ်အာစာဘာမန် ညးမယိုက်ဂၠေၚ်ဒၟံၚ်တာလျိုၚ် ပ္ဍဲဒေသရးမန် ပ္ဍဲခရိုၚ်၊ ပွိုၚ်ဍုၚ် ဒၞဲါဒေသဗော်ဍုၚ်မန်တၟိ မအုပ်ဓုပ်ပကၚ်ရၚ်လဝ်တအ်ဂ်ှရ။ အာစာဘာမန်မွဲတၠ ယိုက်ဂၠေၚ်တာလျိုၚ်ပေၚ်သၞာံမ္ဂး သြောံ (၅၀) န (ၜါကွဳ) နူကွာန်မဆေၚ်စပ်တအ် ပတိတ်ကဵုတုဲ နူဗော်ဍုၚ်မန်တၟိဂ်ှ ထံက်ပၚ်ကဵုသြန် (၉၀၀) ဒကေဝ်ရ။ ပ္ဍဲသၞာံ ၁၉၉၆ ဂ်ှ သြောံအကွက်မွဲသၞာံ (နလၟိဟ်ြသန်) သွက်ဂွံထံက်ပၚ်ကဵုအာစာဘာ ပွိုၚ်ဍုၚ်ရေဝ်သၟဝ်ကျာဂ်ှ နူကဵုကမ္မတဳပွိုၚ်ဍုၚ်ရေဝ်သၟဝ်ကျာ စကာထောံပ္ဍဲကေၚ်ကာ ပရေၚ်ၜိုဟ်လလံ ကာမံက်တိုန်တုဲ သွက်ဂွံကဵုထံက်ပၚ်အာစာဘာဂမၠိုၚ်ဂ်ှ သြန်ဟွံရုံဂပ်ကတဵုဒ်ှအာရ။

အတိုၚ်ပရေၚ်ခက်ခုဲ အာစာဘာ ရေဝ်သမၠုၚ်ကျာတအ် မ္ဒးဆဵုဂဗဒၟံၚ်တအ်ဂ်ှ နာဲသိုဝ်တာန် သ္ပစၞးကဵု MNEC တုဲ အာဆဵုဂဗတက်ကျာသဳကၠဳပတိုန်ထ္ၜးကဵု ဂကောံ BBC (Burma Border Consortium) ရ။ Director Mr.Jack Dunford and Coordinator Ms.Sally Thomson တအ် ညးၜါတုပ်စိုတ်သွက်ဂွံဘိုၚ်ကဵုပရေၚ်ထံက်ပၚ်ကု အာစာဘာရေဝ်သၟဝ်ကျာရ။ ပပ္တံနူအခိၚ်ဂ်ှတုဲ ပရေၚ်ထံက်ပၚ်အာစာဘာ နဗီုပြၚ်သြန်ဂိတုဂ်ှ ဆက်ဂွံကၠုၚ်ဇၟာပ်သၞာံရ။ အခိၚ်တေံဂ်ှ ဂကောံထံက်ပၚ်ကဵုသြန်ဂိတုအာစာဘာဂ်ှ ဒ်ှဂကောံ OSI ရ။