ဗုဒ္ဓဝံသ (ပြကိုဟ်ဗုဒ္ဓဝင်)
ဗုဒ္ဓဝံသ (အၚ်္ဂလိက်: Buddhavaṃsa) (သီုကဵု မကော်စ ပြကိုဟ်ဗုဒ္ဓဝင် Chronicle of Buddhas) ဂှ် ဒှ်ပြကိုဟ် မချူလဝ် ပရူဝင်ဘဝ ကျာ်တြဲဂေါတမ ကေုာံ ပရူကျာ်မကလိလောန်အာတုဲ ၜါစှ်ောပန်ဇကု မကဵုလဝ် ပျးဒိုဟ် ဒဒှ်ရ ညးကြက်ဒှ်ကျာ်။[၁] လိက်ဝွံ ပ္ဍဲကဵု ဘာသာမန်မ္ဂး ညးကၠာဲလဝ် "ပြကိုဟ်ဗုဒ္ဓဝင်" တုဲ မလုပ်လၟိဟ် လိက် မရနုက်ကဵု စှ်ပန် ပ္ဍဲကဵု ခုဒ္ဒကနိကာယ်၊ ခုဒ္ဒကနိကာယ်ဂှ် ဒှ်လိက် မရနုက်ကဵု မသုန် မဒှ်ကၞပ်လက်ကြဴအိုတ် ပ္ဍဲကဵု သုတ္တပိဋကတ်။[၂] သုတ္တပိဋကတ်ဂှ် လုပ်လၟိဟ် မွဲပိဋကတ် ပ္ဍဲကဵု ပိဋကတ်ပိ။ ပိဋကတ်ပိဂှ် ဒှ်လိက်မဆေင်ကဵု ထေရဝါဒဗုဒ္ဓဘာသာ။[၃]
ပြကိုဟ်ဗုဒ္ဓဝင် ဝွံကီု သီုကဵု ပြကိုဟ်အပဒါန၊ စရိယာပိဋကတအ်ဂှ် တၠပညာတအ် စၟတ်သမ္တီ စှ်ေစိုတ် ချူလဝ် ပ္ဍဲအခိင်အကြာ ဘဳသဳ ၁ ကဵု ၂ ဗွဝ်ကၠံတုဲ မဒှ်လိက်ပါဠိတြေံမွဲရ။
သကေမ် ပလေဝ်ဒါန်
အခန်ပထမ ဂှ် ချူဗၟံက်ထ္ၜးလဝ် ပရူအနုဘဴ ကျာ်တြဲဂေါတမ ဒဒှ် မနွံကဵု အဘိညာဏ်၊ မပံက်ကဵု ဂၠံင်တရဴပရဲ နူအကာသ။ မှာထေရ်သာရိပိုတ် ဂရင်ဗ္တီကျာ်:
- "ယွံ တၠဳမနွံကုပိုန်ကျာ် မပြဲနူကဵု ညးဂမၠိုင်။ မုအခိင်ကာလမွဲ နကဵု ယြဴညးလဵုမွဲတုဲ မပ္ညုင်စၞောန်တုဲ တၠဳမကတဵုဒှ် ဂှ်ရော? ... မုဂကူ မုပါရမဳ တၠဳမနွံကုပိုန်ကျာ် မပတန်ကၠုင်လဝ်ရော? အရာလဵု ဂလိုင် မပတံကၠုင်လဝ် ပါရမဳရော?"
ပ္ဍဲကဵု သွဟ် ဂှ် ကျာ်တြဲ တွဟ်ကဵု ပြကိုဟ်ဗုဒ္ဓဝင်
ပ္ဍဲကဵု အခန်ဒုတိယဂှ် ကျာ်တြဲဂေါတမ တွဟ်ကဵု ပရူဘဝညးအတိက် မဒှ်ဘဝရသိ သုမေဓ၊ ညးကလိဂွံ ပျးဒိုဟ် နူကဵု ကျာ်တြဲဒိဗ္ဗင်ကိုရ် "နူကဝ်ဝွံ ပ္ဍဲလအိက်ပန်အသင်ဃဲ ပရဲမွဲလက်ကဝ် ဂတဝွံ အာစိုပ်ဒဒှ်ကျာ်မွဲ မဟၟဲကဵုညးပ္တောံၜတ်"[၄] တုဲ ကျာ်တြဲ တွဟ်ကဵု ပါရမဳစှ် ညးမပတံကၠုင်လဝ်ရ။
ပ္ဍဲအခန်၃ စဵုကဵု အခန် ၂၆ ပရူကျာ်မကလိလောန်စဴအာတုဲ ၜါစှ်ောပန်၊ ညးမအာစိုပ် ဒဒှ်ကျာ် အကြာ ကျာ်တြဲဒိဗ္ဗင်ကိုရ် ကဵု ကျာ်တြဲဂေါတမ၊ တုဲ ပရူဘဝ စဵုကဵုစိုပ် ဒဒှ်ကျာ်။
အခန် ၂၈ ဂှ် လဴထ္ၜး ပရူကျာ်တြဲပိဇကု ကြဴနူ ကျာ်တြဲဒိဗ္ဗင်ကိုရ်၊[၁] တုဲ ကျာ်တြဲအနာဂတ် ကျာ်တြဲအရိယျမေတ္တေယျ။
အခန် ၂၉ ချူပရူဓါတ်ကျာ် ကြဴနူ ကျာ်တြဲ ပပရိနိဗ္ဗာန်တုဲ။[၁]
တြာဲ ပလေဝ်ဒါန်
- (1882) "XXVII: List of the Buddhas", The Buddhavamsa. London: Pali Text Society, 66–7။
- (1938) "The lineage of the Buddhas", The Minor Anthologies of the Pali Canon: Buddhavaṃsa, the lineage of the Buddhas, and Cariyā-Piṭaka or the collection of ways of conduct. London: Milford။
- (1969) "The lineage of the Buddhas", The Genealogy of the Buddhas. Bombay: Bombay University Publications။
- (1975) The minor anthologies of the Pali canon. Volume III: Buddhavaṁsa (Chronicle of Buddhas) and Cariyāpiṭaka (Basket of Conduct). London: Pali Text Society။
- (1992) "Chapter IX: The chronicle of twenty-four Buddhas", The great chronicle of Buddhas, Volume One, Part Two. Yangon, Myanmar: Ti=Ni Publishing Center, 130–321။
ဆက်ဗှ် ပလေဝ်ဒါန်
တင်စၟတ် ပလေဝ်ဒါန်
- ↑ ၁.၀ ၁.၁ ၁.၂ Buddha Dharma Education Association (2014). Suttanta Pitaka: Khuddaka Nikāya: 14.Buddhavamsa-History of the Buddhas. Guide to Tipiṭaka. Buddha Dharma Education Association. နိဿဲ ဗၠေတ် - Invalid
<ref>tag; name "BDEA" defined multiple times with different content - ↑ Manual of Buddhist Terms and Doctrines (Pali dictionary). palikanon.com.
- ↑ Lancaster (2005). Encyclopedia of religion. New York: Macmillan Reference USA။
- ↑ Vajracchedikā Prajñāpāramitā Sūtra. Translations from the Taishō Tripiṭaka. Lapis Lazuli Texts.
နိဿဲ ပလေဝ်ဒါန်