ဗော်ဒဳမဝ်ကရေသဳ ကောန်ဂကူမန်
ဂကောံဒဳမဝ်ကရေသဳ ကောန်ဂကူမန် (လဆောဝ် ချူဒၟံင်) ဗော်ဒဳမဝ်ကရေသဳ ကောန်ဂကူမန် (မွန်အမျိုးသားဒီမိုကရေစီအဖွဲ့) (Mon National Democratic Front – MNDF) ဂှ် ဒှ်ဗော်ပရေင်ဍုင်ကွာန် ပ္ဍဲပွိုင်သၞောဝ် မဒက်ပ္တန်လဝ် ကြဴနူ ပရေင်ကလိုက်ကမဵုဇၞော် ဒစာံပန်မ (၈၈၈၈) တုဲရ။ နကဵု ဗော်ဏအ် မန်တအ် လုပ်ဒုင်ရုဲမာဲ သီုဖအိုတ် ၁၉ ဒၞာဲဂှ် ဂွံမာန်ကေတ် သီုဖအိုတ် ၅ ဒၞာဲ။ ဟိုတ်နူ အလဵုအသဳပၞာန် နဝတ ဟွံပအပ်အဝဵု ကုမၞိဟ်ဇမၞးမာဲတအ်တုဲ မၞိဟ်စၞးတအ် ဟွံဂွံဒှ် အမာတ်ရ။ နကဵု အလဵုအသဳပၞာန်နဝတ ထ္ၜးဟိုတ် ဗော်ဟွံခိုင်ကၠိုက်တုဲ ဒးဒုင်ပလီုထောအ်ပၠန်ရ။
| ဂကောံဒဳမဝ်ကရေသဳ ကောန်ဂကူမန် | |
|---|---|
| အင်္ဂလိက် ယၟု | Mon National Democratic Front |
| ညးအုပ်ကာနာနာ | နာဲစောန်တၟး |
| ဥက္ကဌ | နာဲထဝ်သောန် |
| မဒက်ပတန် |
၁၉၈၈ ၁၇ အံက်တဝ်ပါ ၁၉၈၈ |
| ပလီု | မာတ် 19, 1992 |
| ဂဥုပ်ဌာန | စၟတ် (၁/ဘဳ) ဂၠံင်ဒဒန်ထဝါဲ၊ အရာပ်စက္ကာဲ၊ ဍုင်မတ်မလီု (အမှတ် (၁/ဘီ) ထားဝယ်တံတားလမ်း၊ စစ်ကဲကုန်းရပ်၊ မော်လမြိုင်မြို့ |
| ကောန်ဗော် | ၅၀,၀၀၀+ |
| သဘဴဓရ် ပရေင်ဍုင်ကွာန် |
အခေါင်အရာ သွက်ဂကူမန် သၞောတ်ကၟိန်ဍုင်ပံင်ကောံဖေဝ်ဒရေဝ် |
| အသာ် | ဗကေတ် |
| အလာံဗော် | |
 | |
ဝင်
ပလေဝ်ဒါန်သၞာံ ၁၉၈၈ ဂှ် ပရေင်ကလိုက်ကမဵုဇၞော် မကော်ဂး ပေါဲဗတိုက် ဒစာံပန်မ (၈၈၈၈) က္တဵုဒှ်တုဲ အလဵုအသဳမွဲဗော် ဥူနေဝေန် ဒးလီုအာတုဲ ပၞာန်သီထောအ် အဝဵုဍုင်ရ။ နကဵု အလဵုအသဳပၞာန်နဝတ ကဵုအခေါင်ဒက်ဗော်တုဲ နကဵု က္ဍိုပ်သကိုပ်ဂကူမန်တအ် ဒက်ပ္တန်လဝ် ဗော်ဝွံတုဲ သၞာံ ၁၉၈၈ ဂိတုအံက်တဝ်ဗာ ၁၇ ဂှ် ကလိဂွံစၟတ်သမ္တီ ဗော် ပ္ဍဲသၞောဝ်ရ။ ဗော်ဂှ် ဒက်ပ္တန်လဝ် နကဵု ဂကောံကေင်ကာဗဟဵု ၂၁ တၠရ။
- နာဲထဝ်သောန် (ဥက္ကဋ္ဌ)
- နာဲင္ၚိုဲသိင် (ဒုဥက္ကဋ္ဌ)
- နာဲစောန်တၟး (ဒေါက်တာမင်းစိုးလင်း) (ညးအုပ််ကာနာနာ)
- နာဲဟံင်ဍုင် (ဒေါက်တာမင်းကြည်ဝင် (ဖက်ဆော ညးအုပ်ကာနာနာ)
- နာဲပါန်အံင် (ညးရေင်တၠုင်ဖိုလ်)
အလဵုအသဳပၞာန် ကၠောန်သဘင်မာဲ ပ္ဍဲသၞာံ ၁၉၉၀ ဂိတုမေ ၂၇ ဂှ် နကဵု ဗော်ဏအ် လုပ်ပြိုင် သီုဖအိုတ် ၁၉ ဒၞာဲ၊ ပ္ဍဲတွဵုရးဍုင်မန် ပွိုင်ဆန္ဒမာဲ ၁၄ ဒၞာဲ၊ တွဵုရးဍုင်ကရေင် ၃ ဒၞာဲ၊ ရးဗဂေါ ၂ ဒၞာဲ။[၁] ဂွံဇၞးမာဲ ၅ ဒၞာဲရ။[၂]
ဒၞာဲမဇၞးမာဲတအ်ဂှ်
- ဥက္ကဋ္ဌဇၞော် နာဲထဝ်သောန် (ထောန်သိင်) ပွိုင်ဍုင်ဇြပ်ဗု ပွိုင်ဆန္ဒမာဲ ၂၊
- ညးအုပ်ကာနာနာ ၁ ဒံက်တာသဵုလေန်၊ ပွိုင်ဍုင်ရေဝ် ပွိုင်ဆန္ဒမာဲ ၁၊
- ညးအုပ်ကာနာနာ ၂၊ ဒံက်တာကျဳဝေန် ပွိုင်ဍုင်မုဟ်ဍုင် ပွိုင်ဆန္ဒမာဲ ၂
- နာဲခေန်မောင် ပွိုင်ဍုင်ကျာ်မြဟ် ပွိုင်ဆန္ဒမာဲ ၂
- နာဲသောင်းရှိန် ပွိုင်ဍုင်ကအ်ကြိက် ပွိုင်ဆန္ဒမာဲ ၂
ဆဂး နကဵု အလဵုအသဳနဝတ ဟွံပအပ်ကဵု အဝဵု ကုညးမဇၞးလဝ်မာဲတအ်ရ။ [၂]
သၞာံ ၁၉၉၀ ဂိတုနဝ်ဝေမ္ဗာ ၃၀ ဂှ် ဥက္ကဋ္ဌဇၞော် နာဲထဝ်သောန်၊ ဒုဥက္ကဋ္ဌ နာဲင္ၚိုဲသိင်၊ ဂအုပ်ရုင် နာဲဗလ (မင်းညွန်အောင်) တအ် ဒးဒုင်ရပ် ဒးဒုင်ဖျေဟ်ထံင် ပွိုင် ၂၁ သၞာံရ။ သၞာံ ၁၉၉၂ ဂိတုမာတ် ၁၉ ဂှ် နကဵု အလဵုအသဳပၞာန်နဝတ ပလီုထောအ် ဗော်ဝွံ နူကဵု ဗွိုင်သၞောဝ်ရ။ သၞာံ ၁၉၉၄ ဂိတုအဝ်ဂေတ် ဂှ် ဗော်ဍုင်မန်တၟိ ကေုာံ အလဵုအသဳပၞာန်နဝတ ဂွံတင်လတုပ်စိုတ် ဒေါအ်ပန်ပှ်ောရေင်သကအ်တုဲ နကဵု ဗော်ဍုင်မန်တၟိ အာတ်မိက်တုဲ ဂိတုအဝ်ဂေတ် ၂၃ ဂှ် နာဲထဝ်သောန်၊ နာဲင္ၚိုဲသိင် ကေုာံ နာဲဗလတအ် ဂွံဗၠးတိတ်ကၠုင် နူကဵုထံင်ရ။ ဗော်ဝွံ နကဵု အလဵုအသဳပၞာန် ၜိုန်ရ ပလီုလဝ်ကီုလေဝ် နကဵု ဂကောံကောန်ဍုင်အရင် ကေုာံ သၟာပရေင်ဍုင်ကွာန်တအ်ဂှ် ဆက်ပစၟတ်သမ္တီတုဲ ဆက်ချဳဓရာင်အာဒၟံင် ကမၠောန်ပရေင်ဍုင်ကွာန်ဖိုဟ်ရ။ နကဵု ဗော်ဏအ် လုပ်ဂကောံ မဟာမိတ် United Nationalities Alliance – UNA တုဲ ချဳဓရာင်ကၠုင် ပရေင်ဍုင်ကွာန် မွဲကရောမ် ကုဂကောံကောန်ဍုင်အရင်တၞဟ်တအ်ရ။ တုဲပၠန် နလပါ်မန်လေဝ် နကဵု ဗော်ဝွံ ဒှ်ဂကောံအဓိက ပ္ဍဲသွာင်အပ္ဍဲဍုင် ပ္ဍဲဂကောံကေင်ကာမန် Mon Affair Union – MAU မွဲကီုရ။[၂]
သဘင်မာဲ ၂၀၁၀ ဂှ် ဟိုတ်နူ ဟွံစၟတ်သမ္တီ သၞောဝ်ဥပဒေသဇိုင် ၂၀၀၈ မဒှ်သၞောဝ် အလဵုအသဳပၞာန် မဓဇက်လဝ်တုဲ ဟွံပ္တိုန်စၟတ်သမ္တီဗော်ရ။ သၞာံ ၂၀၁၂ ဂိတုဨပြဳ ၂၃ ဂှ် က္လေင်ပ္တိုန်စၟတ်သမ္တီဗော်တၟိ နကဵု ယၟု ဗော်ဒဳမဝ်ကရေသဳမန် (MDP) ရ။[၃]
နိဿဲ
ပလေဝ်ဒါန်- ↑ လိက်တင်ဂုန် ကုညးဍုင်ကွာန် ကြဴနူ သဘင်မာဲ ၁၉၉၀ တုဲ နကဵု က္ဍိုပ်လိက် "မဲဆန္ဒရှင်များသို့ ကျေးဇူးတင်လွှာ" ရက်စွဲ ၁၉၉၀ ဇူလိုင်လ။ ထုတ်ဝေသူ နိုင်အောင်မြင့်၊ ကင်းလွတ်ခွင့်အမှတ် န/သ-၁၆၁
- ↑ ၂.၀ ၂.၁ ၂.၂ ရတ်, နာဲထဝ် (2023 July 26). " ဗော်ဒဳမိုကရေသဳကောန်ဂကူမန်. Open.
- ↑ ထော, ကျလွန်း (April 23, 2012). မွန်အမျိုးသားဒီမိုကရေစီအဖွဲ့ အမည်သစ်ဖြင့်ပါတီမှတ်ပုံတင်မည်. Open. “AMDP နှင့် MNDF ပူးပေါင်းရေးသဘောတူညီကြစဉ်(ဝဲ-နိုင်ချစ်ဦးAMDP-ယာ နိုင်တင်အောင် MNDF) “မွန်အမျိုးသားဒီမိုကရေစီအဖွဲ့ကနေ မွန်ဒီမိုကရေစီပါတီအဖြစ် ပြောင်းလဲပြီး မှတ်ပုံတင်သွားမှာဖြစ်တယ်၊ မွန်ကို ကိုယ်စားပြုတဲ့သဘောပါ၊” ဟု ဒေါက်တာမင်းစိုးလင်းက ပြောသည်။ ပါတီနာမည် မှတ်တင်ရန်အတွက် ယနေ့ (ဧပြီလ ၂၃) ရက်နေ့တွင် ၄င်းပါတီမှ ဗဟိုအလုပ်အမှုဆောင်ကော်မတီဝင် နိုင်စိုးမြင့်နှင့် နိုင်လယီတမတို့ နေပြည်တော်သို့ သွားရန် စီစဉ်နေသည်ဟု သိရသည်။”