ဘာကောန်ဂကူမန် ဍုင်ဇိုင်ကျာ်
ဘာကောန်ဂကူမန် ဍုင်ဇိုင်ကျာ် ဝွံ နကဵု တၠဂုဏ်အစာဇဝန (ခဠာတ်) ဘာမန်တာဝတိံသာ၊ ကွာန်ကၠအ်ဝုန်ဗိုင်၊ ပွိုင်ဍုင်ပံင် အာဂတပၠတရဴ ဗွဲကိုပ်ကၠာတုဲ ဖန်ဇန်ကၠုင် သွက်ဂွံသြိုင် ဘာကောန်ဂကူမန် ရ။
| ဘာကောန်ဂကူမန် ဍုင်ဇိုင်ကျာ် | |
|---|---|
  ဘာကောန်ဂကူမန် ဍုင်ဇိုင်ကျာ် | |
|
ဍုင်ဇိုင်ကျာ်၊ ပွိုင်ဍုင်ပံင် ရးနိဂီုဗၟာ | |
| မပံင်တောဲလဝ် | 16°41′07″N 97°25′03″E / 16.685309573055545°N 97.41757574354826°E |
| တင်ဂၞင်ဂမၠိုင် | |
| ဒက်ပတန် | ၂၀၂၂ |
| ဝဘ်ဆိုဒ် |
www |
ဂအာင်ဘာ
ပလေဝ်ဒါန်နာဲကျော်သန်း၊ မိချိုပြုံး အရာပ်ဖဴၜဵု ရန်တၟအ်ကဵု မိမၜါလပါ် နာဲချန်သိန်၊ မိကွန်ပိုင်၊ နာဲမောင်အေး၊ မိငွေအိမ်တအ်တုဲ သၠးကဵုဒါန် တိ ၂,၁၀ ဨက ပ္ဍဲစၟတ်တ္ၚဲ ၁၀၊ ၀၄၊ ၂၀၂၂။[၁] ဒၞာဲတိဝွံ ဟိုတ်နူ သ္ၚောဲဒၟံင် ကုကွာန်တုဲ ဟွံဒှ်သြိုင်ဘာဒၞာဲဂှ်၊ တိဂှ် စွံလဝ် သွက်ဂွံလှာဲရ။ ဒၞာဲမသြိုင်ဘာဂှ် ဒှ်ဒၞာဲအကြာ တိ နာဲမောင်ဝင်း၊ မိငွေစား (အုံအင်ၜိုပ်) ကဵု နာဲတိုးလင်း၊ မိမင္ၚယ် (အရာပ်ဖဴၜဵု) တုဲ ညးတအ် ၜါသ္ၚိကၟိန်ဂှ် ကဵုဒါန် ညးမွဲသ္ၚိ တိမွဲမွဲ ဨက။ တိဂအာင်ဘာ သီုဖအိုတ် ဒးကေတ် ၃ ဨကတုဲ သၟေဟ်မွဲဨကဂှ် ဒးရာန်ကေတ် နူမောင်ဝင်း ၀,၅ ဨက၊ နူနာဲတိုးလင်း ၀,၅ ဨက။ တိ ၁ ဨက မဒးရာန်ကေတ် နကဵုင္ၚုဟ် ၄၅၀ ကိုဋ်။[၂][၃]
ကမၠောန်မသြိုင်ခၞံ
ပလေဝ်ဒါန်သၞာံ ၂၀၂၃ ဂိတုမာတ် ၁၉ (သက္ကရာဇ် ၁၃၈၄ ဂိတုဖဝ်ရဂိုန် ၁၄ စွေက်) တ္ၚဲအဒိုတ် အခိင်နူဂယး ၉း၀၀ ဂှ် ပသကိုပ်သက ကုခမဳသင် ကျာ်ဇၞော်အစာ အလုံကွာန်ခလာတ်၊ ဇိုင်ကျာ်၊ ကုန်ပ္ကဴတုဲ ကၠောန်သဘင်မ္ၚဵု ဖျေဟ်ရိုဟ်ကၞက် ဘာကောန်ဂကူမန် ဍုင်ဇိုင်ကျာ်ရ။ ပ္ဍဲသဘင်ဂှ် ကျာ်ဇၞော်အစာ၊ တၠဂုဏ်အစာ ကွာန်ခလာတ်၊ ဇိုင်ကျာ်၊ ကုန်ပ္ကဴတအ်ကီု ကမ္မတဳပညာဗဟဵု၊ ကျာ်ဇၞော်အစာဝရဝံသ နွံပိုန် ဘာၝောအ်နက် တကအ်ခၟိုင်၊ ညးတာလျိုင် ဗော်ညဳသၟဟ်မန်၊ ညးအုပ်ဓုပ်ကွာန်တအ်ကီု သီုကဵု ကောန်ဍုင်ကွာန် သီုဖအိုတ် ၜိုတ် ၅၀၀ ပြင်ပြင် တိုန်စိုပ်လဝ်ရ။ ပ္ဍဲသဘင်ဖျေဟ်ရိုဟ်ကၞက်ဂှ် ဍိုက်ရတ် ၂၄ မ ကဵု လိက်တၟအ်သက်သဳ မချူလဝ် "ဘာကောန်ဂကူမန် ဍုင်ဇိုင်ကျာ်၊ ၁၃၈၄ သၞာံ၊ ဂိတုဖဝ်ရဂိုန် (၁၄) စွေက် တ္ၚဲအဒိုတ် (19-3-2023)၊ အခိင်နူဂယး (၉း၀၀)နာဍဳဂှ် သ္ပသကိုပ်သကကဵု ခမဳသင် ကျာ်ဇၞော်အာစာ အလုမ်ကွာန်ခလာတ်၊ ဇိုင်ကျာ်၊ ကုန်ပ္ကဴ တုဲ နကဵုသြန်ဒါန် ကောန်ဂကူမန် အလုံလိုက် သိုင်ခၞမ်လဝ်ရောင်။"[၄]
နိဿဲ
ပလေဝ်ဒါန်- ↑ ညးတၠဒါန်တိ ဂအာင်ဘာ သွက်သိုင်ဘာ ကောန်ဂကူမန် ဍုင်ဇိုင်ကျာ်. Open (19.04.2022). “သွက် ဘာကောန်ဂကူမန် ၊ ဍုၚ်ဇိုၚ်ကျာ် ရန်တၟံကဵု မိမ ၜါလပါ် နာဲချန်သိန်း+ မိကွန်ပိုၚ် နာဲမောၚ်အေး + မိၚွေအိမ် တအ်တုဲ ညးတၠဒါန်- နာဲကျော်သန်း+မိချိုပြုံး ကေုာံ ကောန်ဇာတ်ဂမၠိုၚ် ကဵုတိ - ၂.၁၀ ဨက ရ။ အိုဟ်တၟိုဟ်မိပ်စိုတ် ဒုၚ်သာဓုစိုအ်။ ၁၀/၄/၂၀၂၂”
- ↑ ညးတၠဒါန်တိ ဂအာင်ဘာ သွက်သိုင်ဘာ ကောန်ဂကူမန် ဍုင်ဇိုင်ကျာ်. Open (23.04.2022).
- ↑ တိ သွက်ဘာကောန်ဂကူမန် ဍုင်ဇိုင်ကျာ် ဒှ်ဒတန်ယျ. Open (14.05.2022).
- ↑ " ဘာကောန်ဂကူမန် ဍုၚ်ဇိုၚ်ကျာ်ဖျေံရိုဟ်ကၞက် စိုပ်ဒတုဲ. Open (March 19, 2023). “၁၃၈၄-သၞာံ ဂိတုဖဝ်ရဂိုန် (၁၄) စွေက် တ္ၚဲအဒိုတ် (၁၉-၃-၂၀၂၃) အခိၚ်နူဂယး (၉:၀၀) နာဍဳဂှ် သပသကိုပ်သကကဵု ခမဳသၚ် ကျာ်ဇၞော်အ္စာ အလုမ်ကွာန်ခလာတ် ဇိုၚ်ကျာ် ကုန်ပ္ကဴတုဲ ကၠောန်ဗဒှ်မ္ၚိုလ်ဖျေံရိုဟ်ကၞက်ဘာကောန်ဂကူမန် ဍုၚ်ဇိုၚ်ကျာ်ရ။ ပ္ဍဲသဘၚ်မ္ၚိုလ်ဖျေံရိုဟ်ကၞက်ဘာကောန်ဂကူမန် ဍုၚ်ဇိုၚ်ကျာ်ဝွံ ကျာ်ဇၞော်အ္စာ တၠဂုဏ်အ္စာ ကွာန်ခလာတ် ဇိုၚ်ကျာ် ကုန်ပ္ကဴ ဗွဲမဂၠိုၚ်ကီု ကမ္မတဳပညာ ဗဟဵု - ကျာ်ဇၞော်အ္စာဝရဝံသ (ဘာဇယဝံသ) ကွာန်ၝောံနက် ။ တကအ်ခၟိုၚ်ကီု။ ကေၚ်ကာ ဗော်ဍုၚ်မန်တၟိ။ နူဌာနပညာ ဗဟဵု။ ဗော်ညဳသၟဟ်မန်။ ညးအုပ်ဓုပ်ကွာန်တအ်ကီု သီုကဵုမိမညးဍုၚ်ကွာန် ဇြဟတ်ၜိုတ် ၅၀၀ ပြၚ်ပြၚ် တိုန်စိုပ်ရ။ အပ္ဍဲအစဳဇန်ဏအ် ညးကေၚ်ကာဗော်ဍုၚ်မန်တၟိ ဌာနပညာ ဗဟဵု ။ ကမ္မတဳပညာ ဗဟဵုတအ် ဟီုဂလာန်ကဵုဇြဟတ် ဟီုဂလာန်မိပ်စိုတ်ဒုၚ်တၠုၚ်တုဲ ကျာ်ဇၞော်အ္စာ ဘာဇြဲ ဍုၚ်ဇိုၚ်ကျာ် ကဵုသြဝါဒ ဒၠောံဗတောန်ထောပၠ ညံၚ်ဘာဂွံဒတုဲပြဟ်ပြဟ်တုဲ ကျာ်ဇၞော်အ္စာ တၠဂုဏ်အ္စာ ကေၚ်ကာဗဟဵု ဌာနပညာ ဥက္ကဌ ညးအုပ်ကာ ဘာကောန်ဂကူမန် ဍုၚ်ဇိုၚ်ကျာ်တအ် ဖျေံရိုဟ်ကၞက် ဍိုတ်ထဝ် ဍိုတ်သြန် ဍိုတ်မၞိက်တအ် ၂၄ မတုဲ စုတ်သက်သဳ လိက်တၟံ ပတဴဒယိုၚ်မွဲတုဲ ဖဍောတ်ဂါထာအံၚ်ဇၞး စိုပ်အာရ။”