ဘာကောန်ဂကူမန် တန်သၠုင် ဍုင်ကၟာဝက်ရးဇြာ
ဘာကောန်ဂကူမည် တန်သၠုင် ဍုင်ကၟာဝက်ရးဇြာ ဝွံ နွံဒၟံင် ပ္ဍဲကွာန်ထံင်ကှ်ေ ဗဒါဲဘာဒယိုင်ဇၞောဝ် (16°08′03″N 97°43′29″E / 16.134155°N 97.724803°Eဒတန်: 16°08′03″N 97°43′29″E / 16.134155°N 97.724803°E) ဍုင်ကၟာဝက်ရးဇြာ ပွိုင်ဍုင်မုဟ်ဍုင် တွဵုရးဍုင်မန်ရ။ ဘာတန်သၠုင်ဝွံ သြိုင်ခၞံလဝ် နကဵု ဂကောံဒက်ပ္တန်သိုင်ခၞံ ဘာကောန်ဂကူမည် (ဍုင်ကၟာဝက်ရးဇြာ) မဒှ်ဂကောံ မဒက်ပ္တန်လဝ် ပ္ဍဲသၞာံ ၂၀၂၀ ဂိတုအဝ်ဂေတ် ၂၃၊ နကဵု မၞိဟ်စၞးလပါ်သင်ဂမၠိုင်ကီု သီုကဵု လပါ်ခရှ်ဂမၠိုင်ရ။[၁]သၞာံ ၂၀၂၀ ဂိတုနဝ်ဝေမ္ဗာ ၂၉ ( သက္ကရာဇ် ၁၃၈၂ ဂိတုကထိုန်ပေင်) တ္ၚဲအဒိုတ်ဂှ် စဖျေဟ်ရိုဟ်ကၞက်ဘာရ။[၂]သၞာံပညာ ၂၀၂၃-၂၀၂၄ ဂှ် ၜိုန်ရ ဘာဂှ် ဟွံအာစိုပ် ဒတုဲလးလးဏီကီုလေဝ် ပ္ဍဲအခန်မဗတောန်လိက်ဂွံဂှ် စပံက် ဘာတန်လဒေါဝ် နူတန် KG စဵုကဵု G-9 ပ္ဍဲဂိတုဂျောန် ၁၊ ၂၀၂၃ (သက္ကရာဇ် ၁၃၈၅ ဂိတုဇှ်ေ ၁၄ မမံက်)ဂှ်ရ။[၃]
ဝင်
ပလေဝ်ဒါန်သၞာံ ၁၉၉၇ ဂှ် နကဵု ကျာ်ဇၞော်ဝဳရိယ စပံက် ဘာကောန်ဂကူမန် တန်မူလ ပ္ဍဲဘာထံင်ကှ်ေ၊ ကွာန်ကၟာဝက်[၄] ပ္ဍဲဇြပ်ဇိုင်ၜဳရ။ ပါဲနူ ဘာထံင်ကှ်ေတုဲ ပ္ဍဲဘာတိုက်တၟိဂှ်လေဝ် ကျာ်ဇၞော်ပါလိတ စပံက်လဝ် ဘာကောန်ဂကူမန် တန်မူလကီုရ။ တၞဟ်နဂွံဒှ် ဒတန်ဘာခိုဟ်ဟ်တုဲ နကဵု ကောန်ဍုင်ကၟာဝက်တအ် ချပ်ဂၞန်ရေင်သကအ် ဒက် ဂကောံဒက်ပ္တန်သိုင်ခၞံ ဘာကောန်ဂကူမည် (ဍုင်ကၟာဝက်ရးဇြာ) မွဲတုဲ အာသြိုင်ဘာ လပါ်မ္ၚးကွာန် ပ္ဍဲအရာပ်ထံင်ကှ်ေ ဒၞာဲလှာဲတြေံမွဲရ။ သၞာံ ၂၀၂၀ ဂိတုနဝ်ဝေမ္ဗာ ၂၉ တ္ၚဲအဒိုတ်ဂှ် ဖျေဟ်ရိုဟ်ကၞက်တုဲ အဃောမသြိုင်ဒၟံင် ဒၞာဲလ္ၚဵု တန်တဴ ဗ္တောန်လိက်ဂွံတုဲ သၞာံပညာ ၂၀၂၃-၂၄ ဂိတုဂျောန် ၁၊ ၂၀၂၃ ဂှ် စပံက်ဘာ ပ္ဍဲဘာတၟိဂှ်ရ။ ကွးဘာ နူဘာထံင်ကှ်ေ ကဵု ဘာတိုက်တၟိတအ်ဂှ် ပြံင်အာ ပ္ဍဲဘာတၟိဂှ်ရ။
ဘာတန်မူလ မနွံပ္ဍဲ ဍုင်ဇြာဂှ် ဆက်ဗတောန်ဒၟံင် ပ္ဍဲဍုင်ဇြာဖိုဟ်ရ။
လၟိဟ်ကွးဘာဂမၠိုင်
ပလေဝ်ဒါန်| သၞာံပညာ ၂၀၂၃ -၂၀၂၄ | |||
|---|---|---|---|
| တန် | တြုဟ် | ဗြဴ | ပံင် |
| K-G | 15 | 13 | 28 |
| G-1 | 22 | 24 | 46 |
| G-2 | 14 | 18 | 32 |
| G-3 | 16 | 19 | 35 |
| G-4 | 13 | 20 | 33 |
| G-5 | 7 | 11 | 18 |
| G-6 | 12 | 14 | 26 |
| G-8 | 3 | 10 | 13 |
| G-9 | 2 | 4 | 6 |
| အပံင် | 104 | 133 | 237 |
ဗီုရုပ်ဂမၠိုင် သၞာံပညာ ၂၀၂၃ - ၂၀၂၄
ပလေဝ်ဒါန်-
ကွးဘာတအ် ရှ်ေသှ်ေအလာံ အခိင်နူဂယး သၞာံ ၂၀၂၃ -
ကွးဘာရှ်ေသှ်ေအလာံ အခိင်နူဂယး -
ကောန်သ္ဂံင် ဒပ်ပၞာန်ဗၠးၜးကောန်ဂကူမန် ကၠုင်ဝေင် (အဝ်ဂေတ် ၁၂၊ ၂၀၂၃) -
ညးတၠဒါန်တအ် ကဵုကၞေဟ် ကုကွးဘာဂမၠိုင်
နိဿဲ
ပလေဝ်ဒါန်- ↑ Mon, Parami (05 September 2020). လိက်စၟတ်သမ္တီ ကောံဓရီု ဂကောံဒက်ပ္တန်သိုင်ခၞံ ဘာကောန်ဂကူမည် ဍုင်ကၟာဝက်ရးဇြာ. Open publisher. “၁၃၈၂ - ဂိတုခဍဲသီ ၄ စွေက် သွက်ဂွံသိုင်ဘာကောန်ဂကူမည် ဍုင်ကမာဝက်ရးဇြာဂှ် ပိုယ်လလောင်တြး ဖအောဝ်ဗတိုက်ဏာရအ' ဂအာင်ဘာကောန်ဂကူမည် နွံ (၃)ဧကရ၊ မှောံမုက်ဘာ (၂၂) တင်၊ဇမ်လိင် မှောံဘာ (၁၅ဝ) တင်၊ မွဲထပ် နွံပန်ခန်၊ ၂ထပ်နွံ ၈ ခန်၊ ကမေင်ကျာ မုက်ဍေံ (၆) တင်၊ ဇမ်လိင်ဍေံ နွံမှောံဘာရောင်။ ဒးသုင်စောဲသြန် ( ၁၅ဝဝ) ကိုဋ်ပြင်င် အိုတ်မာန်ရောင်”
- ↑ ဖျေဟ်ရိုဟ်ကၞက် ဘာကောန်ဂကူမန် ပ္ဍဲဍုင်ကၟာဝက်. Open Publishing (2020-11-29).
- ↑ " အသေအဟာန် ဒုင်တဲကွးဘာ. Open (June 1, 2023).
- ↑ လိက်ကၞပ်စၟတ်သမ္တီ ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက် ပေင် ၃၅ သၞာံ, ၄၆။