ဘာကောန်ဂကူမန် တန်သၠုင် ပွိုင်ဍုင်ဇြပ်ဗု

ဘာကောန်ဂကူမန် တန်သၠုင် ပွိုင်ဍုင်ဇြပ်ဗု ဂှ် နွံ ပ္ဍဲကွာန်ဝင်ရာဲ အရာပ်ဝါဗိုင်။ ဘာဝွံ နကဵု ကမ္မတဳပရေင်ရေင်တၠုင် ပရေင်ပညာ ကောန်ဂကူမန် ပွိုင်ဍုင်ဇြပ်ဗု အာဂတပၠတရဴတုဲ ဒက်ပ္တန်ဒၟံင်ရ။ သွက်ဂွံသြိုင်ဘာဏအ်ဂှ် နာဲသိုက်စိုတ် မိမန် ကေုာံဒေအ် မိတဳ ကဵုလဝ်ဒါန်ဂအာင်တိ နကဵုင္ၚုဟ်မး ကာလ ၁၅၀၀ ကိုဋ်ရ။

ဂအာင်ဘာ

ဂအာင် ဘာကောန်ဂကူမန် တန်သၠုင် ဍုင်ဇြပ်ဗု ဝွံ နာဲသိုက်စိုတ် (ကော်) နာဲဟလာ၊ မိမန် ကေုာံ ဒေအ် မိတဳ ဇာတိကွာန်အင်ခေဝ် မပဒတဴ ပ္ဍဲဍုင်ဇြပ်ဗု၊ အရာပ်အံင်ဇၞး သၠးကဵုလဝ်ဒါန်တိ ဗၞတ် ၁ ဨက ဘာ်။ နကဵု င္ၚုဟ်ကာလမ္ဂး နွံဗၞတ် ၁၅၀၀ ကိုဋ်။ ပါဲနူ ဒါန်တိတုဲ သီုတုက်ၜံက်ဗဝ်ပညဳကဵ ဂအာင်တိဂှ် ဒးအိုတ်သြန် ဗၞတ် ၁၀၀ ကိုဋ်။ တုဲပၠန် ရုင်သွက်ကမ္မတဳသြိုင်ခၞံဘာတအ် ဂွံပကောံဓရီုဂှ်လေဝ် နကဵု င္ၚုဟ်မး ၇၀ ကိုဋ်ဂှ် ကဵုလဝ်ဒါန်ကီုရ။ ဂအာင်တိ ၜိုတ်နွံပၟိက် ဥပမာ ယဝ်ဒးသြိုင် ခဒမ်ကွးဘာ၊ ဒၞာဲသ္ၚိဍာ်တအ်မ္ဂးလေဝ် ဟီုကဵုညး၊ ညးဆက်ကဵုအာဒါန်ပၠန်ရောင်ဂှ် နာဲသိုက်စိုတ် ကဵုလဝ်ဂတိပါင်ကီုရ။^[၁] ^[၂] ဂအာင်ဘာဂှ် နွံဒၟံင် ပ္ဍဲကွာန်ဝင်ရာဲ အရာပ်ဝါဗိုင်။^[၃]

နိဿဲ

↑ " ပ္တိုန်ဂုန်စရာဲ ကုညးတၠဒါန် ဂအာၚ်တိဘာတန်သၠုၚ် (ပွိုၚ်ဍုၚ်ဇြပ်ဗု). Open (January 22, 2023). “ပ္တိုန်ဂုန်စရာဲ ကုညးတၠဒါန် ဂအာၚ်တိဘာတန်သၠုၚ် (ပွိုၚ်ဍုၚ်ဇြပ်ဗု) မၞုံယၟု နာဲသိုက်စိုတ်(က)နာဲဟလာ (သမ္ဘာ) မိမန် ကေုာံ (ဒေံ) မိတဳ ဍုၚ်ဇြပ်ဗု ဝွံ ကဵုလဝ်ဒါန် ဂအာၚ်တိသွက်ဘာတန်သၠုၚ်(ပွိုၚ်ဍုၚ်ဇြပ်ဗု) တိဗၞတ် ၁ ဨကဘာ် ဂှ် နူကဵု ကမ္မတဳရေၚ်တၠုၚ်ပရေၚ်ပညာကောန်ဂကူမန် ပွိုၚ်ဍုၚ်ဇြပ်ဗုပိုဲတံ သ္ပသမ္တီဗွဲမဇြိုဟ်နက်တုဲ ပ္တိုန်ဏာဂုန်စရာဲဗွဲတၟေၚ်ရ။”
↑ " ဟီုဂလာန်တၚ်ဂုန်ကဵု ညးတၠဒါန် တိဂအာၚ်ဘာတန်သၠုၚ်(ပွိုၚ်ဍုၚ်ဇြပ်ဗု). Open (March 12, 2023). “ညးတၠဒါန်တိဂအာၚ်ဘာတန်သၠုၚ် ပွိုၚ်ဍုၚ်ဇြပ်ဗု မၞုံယၟု နာဲသိုက်စိုတ်(က)နာဲဂလာ(ဟလာ) ဇာတိကွာန်အၚ်ခေဝ် ဒၟံၚ်ဍုၚ်ဇြပ်ဗု ဝွံ စိုတ်သဒ္ဓါဇၞော်သၠုၚ်ပြဲဗွဲမလောန်တုဲ ဒးထိုၚ်သးစိုတ်ဓာတ်သဒ္ဓါညးကွေံကွေံရ။ တိဂအာၚ်သွက်ဘာတန်သၠုၚ်ဂှ် နွံၚုဟ်မး ဗၞတ် ၁၅၀၀ ကိုဋ်၊ တုက် ၜံက် ဗဝ် ပညဳကဵု တိဂအာၚ် ပွိုၚ်ဗၞတ်ကဵုဂတု ဒးဟီုကဵုၚုဟ်မးမ္ဂး ဗၞတ်ကဵု ၁၀၀ ကိုဋ် အိုတ်ရ။ ၜံက် ဗဝ် ပညဳ တိဂအာၚ်တုဲပၠန်ဂှ် သွက်ကမ္မတဳသိုၚ်ခၞံဘာတံ ဂွံချပ်သဳကၠဳ ဂွံသ္ပကောံဓရီုဂှ် သိုၚ်ပ္တန်လဝ်ကဵု ရုၚ်မွဲမ နွံၚုဟ်မး ဗၞတ် ၇၀ ကိုဋ် သၠးကဵုဒါန် သွက်ဘာတန်သၠုၚ် ပွိုၚ်ဍုၚ်ဇြပ်ဗုရ။ ကမ္မတဳသိုၚ်ခၞံဘာတန်သၠုၚ် ပွိုၚ်ဍုၚ်ဇြပ်ဗုတံ ဂွံဒါန်တိဂအာၚ်သိုၚ်ဘာ၊ ဂွံဒါန် ရုၚ်ကမ္မတဳကောံဓရီု တုဲအာရ။ ညးတၠဒါန် နာဲသိုက်စိုတ် အာတ်မိက်လဝ် ဗီုပြၚ်(ဒဳဇြာၚ်)ဘာ ညံၚ်ဂွံချူဓဇက်ဒတုဲကဵုပြဟ်ပြဟ်ညိ တုဲမ္ဂး ကာတ်ဗါန်လဝ် ပ္ဍဲရုၚ်ဏံ ညးဂွံဆဝ်ဗ္ၚုဟ်တၠဒါန် မိတ်သဟာဲ ဆက်စပ်ကဵု ညးကီု ညးပ္တိုန်ထ္ၜးလဝ်ရ။ ပဲါနူဏံပၠန် အခါရသိုၚ်ပ္တန်ဘာတန်သၠုၚ်ဏံ စမြိုၚ်ဒၞာဲကွးဘာဒၟံၚ်ကီု စမြိၚ်စပုၚ် စမြိုၚ်ဟုမ်ဍာ် ဒးသိုၚ်ပ္တန်တံဂှ် ဗီုနွံပၟိက်ဂှ် သိုၚ်ပ္တန်အာညိ ယဝ်ရ တိဂအာၚ်ဟွံရုမ်ဂပ်မ္ဂး ဆက်သဳကၠဳပညဳပညပ်အာညးသ္ကံပၠန် ညးတၠဒါန် နာဲသိုက်စိုတ် ဟီုကဵုလဝ်ဂတိပါၚ် ကုကမ္မတဳသိုၚ်ခၞံရ။ ကေတ်စရာဲညး ဗွဲမလောန်ရ။ ထိုၚ်သး စိုတ်ဓာတ်ဆာန်ဂကူ စိုတ်ဓာတ်သဒ္ဓါညးဗွဲမလောန်ရ။ အတိုၚ် ညးတၠဒါန်တိဂအာၚ် နာဲသိုက်စိုတ် ပ္တိုန်ထ္ၜးအာတ်မိက်လဝ် ဗီုပြၚ်(ဒဳဇြာၚ်)ဘာ ညံၚ်ဂွံတုဲဒှ်ပြဟ်ပြဟ်မာန်ဂှ် ကမ္မတဳသိုၚ်ခၞံတံ ရေၚ်တၠုၚ်ဖန်ဇန်ဒၟံၚ်ဖိုဟ်ရောၚ် ဒုၚ်စဳရေၚ်ရ။”
↑ " ကောံဓရီု. Open (March 7, 2023).

[1] " ပ္တိုန်ဂုန်စရာဲ ကုညးတၠဒါန် ဂအာၚ်တိဘာတန်သၠုၚ် (ပွိုၚ်ဍုၚ်ဇြပ်ဗု). Open (January 22, 2023). “ပ္တိုန်ဂုန်စရာဲ ကုညးတၠဒါန် ဂအာၚ်တိဘာတန်သၠုၚ် (ပွိုၚ်ဍုၚ်ဇြပ်ဗု) မၞုံယၟု နာဲသိုက်စိုတ်(က)နာဲဟလာ (သမ္ဘာ) မိမန် ကေုာံ (ဒေံ) မိတဳ ဍုၚ်ဇြပ်ဗု ဝွံ ကဵုလဝ်ဒါန် ဂအာၚ်တိသွက်ဘာတန်သၠုၚ်(ပွိုၚ်ဍုၚ်ဇြပ်ဗု) တိဗၞတ် ၁ ဨကဘာ် ဂှ် နူကဵု ကမ္မတဳရေၚ်တၠုၚ်ပရေၚ်ပညာကောန်ဂကူမန် ပွိုၚ်ဍုၚ်ဇြပ်ဗုပိုဲတံ သ္ပသမ္တီဗွဲမဇြိုဟ်နက်တုဲ ပ္တိုန်ဏာဂုန်စရာဲဗွဲတၟေၚ်ရ။”

[2] " ဟီုဂလာန်တၚ်ဂုန်ကဵု ညးတၠဒါန် တိဂအာၚ်ဘာတန်သၠုၚ်(ပွိုၚ်ဍုၚ်ဇြပ်ဗု). Open (March 12, 2023). “ညးတၠဒါန်တိဂအာၚ်ဘာတန်သၠုၚ် ပွိုၚ်ဍုၚ်ဇြပ်ဗု မၞုံယၟု နာဲသိုက်စိုတ်(က)နာဲဂလာ(ဟလာ) ဇာတိကွာန်အၚ်ခေဝ် ဒၟံၚ်ဍုၚ်ဇြပ်ဗု ဝွံ စိုတ်သဒ္ဓါဇၞော်သၠုၚ်ပြဲဗွဲမလောန်တုဲ ဒးထိုၚ်သးစိုတ်ဓာတ်သဒ္ဓါညးကွေံကွေံရ။ တိဂအာၚ်သွက်ဘာတန်သၠုၚ်ဂှ် နွံၚုဟ်မး ဗၞတ် ၁၅၀၀ ကိုဋ်၊ တုက် ၜံက် ဗဝ် ပညဳကဵု တိဂအာၚ် ပွိုၚ်ဗၞတ်ကဵုဂတု ဒးဟီုကဵုၚုဟ်မးမ္ဂး ဗၞတ်ကဵု ၁၀၀ ကိုဋ် အိုတ်ရ။ ၜံက် ဗဝ် ပညဳ တိဂအာၚ်တုဲပၠန်ဂှ် သွက်ကမ္မတဳသိုၚ်ခၞံဘာတံ ဂွံချပ်သဳကၠဳ ဂွံသ္ပကောံဓရီုဂှ် သိုၚ်ပ္တန်လဝ်ကဵု ရုၚ်မွဲမ နွံၚုဟ်မး ဗၞတ် ၇၀ ကိုဋ် သၠးကဵုဒါန် သွက်ဘာတန်သၠုၚ် ပွိုၚ်ဍုၚ်ဇြပ်ဗုရ။ ကမ္မတဳသိုၚ်ခၞံဘာတန်သၠုၚ် ပွိုၚ်ဍုၚ်ဇြပ်ဗုတံ ဂွံဒါန်တိဂအာၚ်သိုၚ်ဘာ၊ ဂွံဒါန် ရုၚ်ကမ္မတဳကောံဓရီု တုဲအာရ။ ညးတၠဒါန် နာဲသိုက်စိုတ် အာတ်မိက်လဝ် ဗီုပြၚ်(ဒဳဇြာၚ်)ဘာ ညံၚ်ဂွံချူဓဇက်ဒတုဲကဵုပြဟ်ပြဟ်ညိ တုဲမ္ဂး ကာတ်ဗါန်လဝ် ပ္ဍဲရုၚ်ဏံ ညးဂွံဆဝ်ဗ္ၚုဟ်တၠဒါန် မိတ်သဟာဲ ဆက်စပ်ကဵု ညးကီု ညးပ္တိုန်ထ္ၜးလဝ်ရ။ ပဲါနူဏံပၠန် အခါရသိုၚ်ပ္တန်ဘာတန်သၠုၚ်ဏံ စမြိုၚ်ဒၞာဲကွးဘာဒၟံၚ်ကီု စမြိၚ်စပုၚ် စမြိုၚ်ဟုမ်ဍာ် ဒးသိုၚ်ပ္တန်တံဂှ် ဗီုနွံပၟိက်ဂှ် သိုၚ်ပ္တန်အာညိ ယဝ်ရ တိဂအာၚ်ဟွံရုမ်ဂပ်မ္ဂး ဆက်သဳကၠဳပညဳပညပ်အာညးသ္ကံပၠန် ညးတၠဒါန် နာဲသိုက်စိုတ် ဟီုကဵုလဝ်ဂတိပါၚ် ကုကမ္မတဳသိုၚ်ခၞံရ။ ကေတ်စရာဲညး ဗွဲမလောန်ရ။ ထိုၚ်သး စိုတ်ဓာတ်ဆာန်ဂကူ စိုတ်ဓာတ်သဒ္ဓါညးဗွဲမလောန်ရ။ အတိုၚ် ညးတၠဒါန်တိဂအာၚ် နာဲသိုက်စိုတ် ပ္တိုန်ထ္ၜးအာတ်မိက်လဝ် ဗီုပြၚ်(ဒဳဇြာၚ်)ဘာ ညံၚ်ဂွံတုဲဒှ်ပြဟ်ပြဟ်မာန်ဂှ် ကမ္မတဳသိုၚ်ခၞံတံ ရေၚ်တၠုၚ်ဖန်ဇန်ဒၟံၚ်ဖိုဟ်ရောၚ် ဒုၚ်စဳရေၚ်ရ။”

[3] " ကောံဓရီု. Open (March 7, 2023).

[၁]

[၂]

[၃]