ယိုက်၊ ကွာန်
ကွာန်ယိုက် (ကွမ်ရိုက်) ဝွံ နွံ ပ္ဍဲတကအ်ခၟိုင် ဗွဲဒိုဟ်နေရတိတုဲ နကဵုစၟတ်သမ္တီဂၠးတိမ္ဂး နွံပ္ဍဲ လံင်ဒဳကျူဗၟံက် 97, 30 ရ၊၊ ကွာန်ယိုက်ဂှ် နွံလတူ ဗလးမုက်ၜဳ ၁၀ ပေပြင်ညိတုဲ ဒဵုကွာန်ယိုက်ဂှ် နွံသမၠုင် ၃၀၀ ပေ ပြင်ညိရ၊၊[၁]
| ကွာန်ယိုက် | |
|---|---|
| ကွာန် | |
  ကွာန်ယိုက် ဒၞာဲ ကွာန်ယိုက် မၞုံ | |
| ဒတန်ဒၞး: 16°26′59″N 97°29′23″E / 16.44958572699149°N 97.48958587646484°Eဒတန်: 16°26′59″N 97°29′23″E / 16.44958572699149°N 97.48958587646484°E | |
| ကၟိန်ဍုင် | ထာမ်ပလိက်:Country data မြန်မာနိုင်ငံ |
| တွဵုရး | တွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်ၜါသွာၚ် |
| လၟိဟ်မၞိဟ် | |
| • သီုဖအိုတ် | ၇၀၀၀ |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ဇမၞော်ကွာန် ပလေဝ်ဒါန်
ကွာန်ယိုက်ဂှ် ပါ်လဝ်ဗလးဝါ (၁၆) ဝါ၊ ဝါစၟတ် (၆၈၁. က) ဂှ် ဒှ်ဒၞာဲ ဒဵုကွာန်ယိုက်တုဲ ဗလးဝါ (၁၆) ဂှ် ဒှ်ဒၞာဲတဵုသြောအ် သီုဖအိုတ် နွံ (၆၀၀၀) ဨကပြင်တုဲ ပ္ဍဲဒဵုကွာန်ယိုက် နွံ ၜိုတ် (၁၀၀)ဂှ် နွံဂှ် ဒှ်ဒၞာဲ တၞံဆုဍာ်ဇမၠိင်ရ၊၊ တိဝါ ပ္ဍဲတကအ်ခၟိုင် သီုဖအိုတ်ဂှ် ပထောအ် ဒစာံ ဂအုံမ္ဂး တိဝါကွာန်ယိုက် နွံ မွဲဂအုံဂှ် ပ္ဍဲတကအ်ခၟိုင်ဂှ် တိဝါကွာန်ယိုက်ဇၞော်အိုတ် ဟီုဂွံရ၊၊
လၟိဟ်မၞိဟ် ပလေဝ်ဒါန်
ပ္ဍဲကွာန်ယိုက်ဂှ် သ္ၚိနွံ ၜိုတ် ၁၄၀၀ မတုဲ မၞိဟ်နွံၜိုတ် ၇၀၀၀ ပြင်ရ၊၊ မၞိဟ် ၉၉ ﹪ဂှ် ဒှ်ဂကူမန်ဖအိုတ်တုဲ ဂကူဍုင်သအာင် ဗီုကဵု ဂကူကြုက် ဂကူဂလာတအ် ပ္ဍဲကွာန်ယိုက်ဂှ် ဟွံမဲရ၊၊ မၞိဟ်ပ္ဍဲကွာန်ဂှ် သီုဖအိုတ် ဒှ်မၞိဟ် မရှ်ေသှ်ေ ထေရဝါဒဗုဒ္ဓဘာသာ သီုညးဖအိုတ်ရ၊၊
ကျာ်စေတဳ ကေုာံ ဘာလကျာ်ဂမၠိုင် ပလေဝ်ဒါန်
ပ္ဍဲကွာန်ယိုက်ဂှ် နွံကျာ်စေတဳတၟအ်လးမွဲတၞုင်တုဲ ဘာလကျာ် သီုဖအိုတ် နွံ (၁၀) ဘာရ၊၊
ပရေင်ပိုန်ဒြပ် ပလေဝ်ဒါန်
ကောန်ကွာန်ယိုက် ဗွဲမဂၠိုင်ဂှ် ကၠောန်ဗ္ၚ တဵုသြောအ်ဂၠိုင်အိုတ်ရ၊၊
ပရေင်ပညာ ပလေဝ်ဒါန်
ပ္ဍဲကွာန်ယိုက်ဂှ် နွံဘာတန်မူလ (၃) ဘာ၊ ဘာတန်သမၠုင် (လပါ်) (၁) ဘာရ၊၊
ပရေင်ထတ်ယုက် ပလေဝ်ဒါန်
ပ္ဍဲကွာန်ယိုက်ဂှ် နွံဌာနပရေင်ထတ်ယုက်မွဲ ကဵု ရုင်ၜံင်ကောန် နွံမွဲရ၊၊
ညးမပြာကတ်ဂမၠိုင် ပလေဝ်ဒါန်
- ကျာ်ဇၞော်အစာဥတ္တမ (တၠဂုန်ညောအ်)ပ္ဍဲသၞာံ ၁၃၂၈ ဂှ် ကျာ်ဇၞော်အစာဥတ္တမ အာဂတပၠတရဴတုဲ ကလေင်လဟဵုပတိုန်လဝ် ကျာ်ဓါတ်သော် ကျာ်တၟအ်လး၊၊ ကျာ်စေတဳဝွံ ဒါယကာကျာ် နာဲမျောအ် ပလေဝ်တုဲ ပတိုန်လဝ်က္ဍိုင်ဂှ် ပ္ဍဲသၞာံ ၁၃၂၈ ဂှ် ကျာ်ဇၞော် ကေတ်ဗီုပြင် ကျာ်စလောအ် (ဆူးလေစေတီတော်) ဍုင်လ္ဂုင် မၞုံကဵု ကလင်ဒစာံတုဲ လဟဵုပတိုန်လဝ်တၟိ သီုပတိုန်က္ဍိုင်ကျာ်တၟိကီုရ၊၊
- ကျာ်ဇၞော်အစာ ကုသလ နွံပိုန် ဘာကျာ်သြဳမန် ဍုင်လ္ဂုင်ကျာ်ဇၞော်အစာကုသလဝွံ ဒှ်ညးအဓိက ပ္ဍဲဝင်ကောန်ဂကူမန် ပ္ဍဲခေတ်လက္ကရဴဏအ်ရ၊၊ ၜိုန်ရ ဒှ်ညးမပတန် ကေုာံ နွံပိုန် ဘာကျာ်သြဳမန် ဍုင်လ္ဂုင်ကီုလေဝ် ကာလအာယုက်ဇၞော်ဂှ် စဴမံင် ပ္ဍဲကွာန် ဌာန်တွိုပ်သုက်ဇကု ကွာန်ယိုက်တုဲ စဴအာသွဝ် ပ္ဍဲကွာန်ဇာတိဇကု ပ္ဍဲဘာပဗ္ဗတမင်္ဂလာရာမ ရ၊၊
- ကျာ်ဇၞော်အစာ ဘဒ္ဒန္တ အာဒိစ္စ၊ နွံပိုန် ဘာမဟာယျေန် ကွာန်ကဒဵု၊ ဂဥုပ်ဂိုဏ်ဓမ္မယုတ္တိကနိကာယ (မဟာယျေန်) မရနုက်ကဵု ဒစိတ်၊၊ ကျာ်ဇၞော်အစာဘဒ္ဒန္တအာဒိစ္စဝွံ ဂွံအံင်ဇၞးကေတ် တန်သာသနာ့ဓဇသိရဳဝရဓမ္မစရိယ နကဵုဂုဏ်တၟေင် (၂)ဘာသာရ၊၊ ပ္ဍဲဂကူမန်မ္ဂး ဒှ်မၞိဟ် မအံင်ဇၞးကေတ် တန်ဓမ္မစရိယ ကၠာအိုတ်၊၊ အာကတ်လဝ်လိက် ပ္ဍဲတကအ်သိရိလင်္ကာ (သိင်္ဃိုရ်) ပွိုင် ၃ သၞာံ၊၊ သၞာံ ၁၃၅၂ ဂှ် ဂွံဒုင်ဗဂိန် တဆိပ်ကြာ အဂ္ဂမဟာပဏ္ဍိတ၊ သၞာံ၁၃၆၅ တဆိပ်ကြာ အဘိဓဇ အဂ္ဂမဟာသဒ္ဓမ္မဇောတိက၊ သၞာံ ၁၃၇၃ တဆိပ်ကြာ အဘိဓဇ မဟာရဋ္ဌ ဂုရု နူအလဵုအသဳကၟိန်ဍုင်ဗၟာရ၊၊ ကျာ်ဇၞော်ဝွံ ကလိဂွံ အာယုက် (၉၉) ဝှ် (၈၀) ပ္ဍဲသၞာံ ၁၃၇၈ ဂိတုပုဟ် ၁၄ မံက် (၁၁၊ ၀၁၊ ၂၀၁၇) ဂှ် စုတိစဴအာသွဝ်ရ၊၊
- ကျာ်ဇၞော်အစာ ဘဒ္ဒန္တဣန္ဒောဘာသ နွံပိုန် ဘာဇြဲ (ဘာနိဂြောဓရာမ) ကွာန်ဝါဍောတ်၊၊ ကျာ်ဇၞော်ဝွံ ဂွံဒုင်ပူဇဴ တဆိပ်ကြာ အဂ္ဂမဟာသဒ္ဓမ္မဇောတိကဓဇ နူသၟိင်ကၟိန်ဍုင်၊၊
- အနာဲတလဂန် (တလဂွန်) (ဝါ) နာဲသာမွှေး၊၊ နာဲတလဂန်ဝွံ ပ္ဍဲခေတ် တို့ဗမာအစည်းအရုံးဂှ် ဒှ်မၞိဟ် နူပွိုင်ဍုင်ၜါသွာင် မကော်ဂး သခင်သာမွှေး ရ၊၊ ညးဝွံ ဒှ်အစာသဝ်မွဲတုဲ မဒၟံင် နဒဒှ်ဘဝဗၠာဲဇၞော် စဵုကဵုလအိတ်လမျီုရ၊၊ ပ္ဍဲကဵုသ္ၚိဂှ်ညးဂှ် ပံက်လဝ် ဒၞာဲဗှ် သွက်ညးဍုင်ကွာန်တအ်ရ၊၊
- အစာနာဲသောင်းခိုင် နကဵုယၟုကၞေဟ် ရာမည မင်းသက်နိုင် ဂှ် ကေင်ဒှ်လဝ် (တာဝန်ခံ ညွှန်ကြားရေးမှူးချုပ်) ဌာနဝန်ဇၞော် ပရေင်ပညာ၊၊[၂]
နိဿဲ ပလေဝ်ဒါန်
- ↑ https://www.facebook.com/photo.php?fbid=2374070329538803&set=pcb.2374070572872112&type=3&theater
- ↑ ဦးအောင်ကြည်၊ ကွမ်ရိုက်ရွာအကြောင်း သိကောင်းစရာ၊ နှစ် (၄၀) ပြည့် ပတ္တမြားရတု မြတ်ဆရာပူဇော်ပွဲ ၂၀၁၉