ယေလ္ဂူတပ်တး ဘွလျးတၟး

ယေလ္ဂူတပ်တး ဘွလျးတၟး (ဗဟုသုတ)

ဂၠုၚ်ဍိုက်ဝေၚ်အကြာလှာပ္ဍဲသ္ၚိကၠအ်သေဋ္ဌဳဂှ်ထောၚ်အာတုဲ သွက်သ္ဂောံပလေဝ်ဂၠုၚ်ဂှ် ကောန်ရဲသေဋ္ဌဳ ညးတာလျိုၚ်မၚ်မွဲရံၚ်စံၚ်ဂၠုၚ်ဂှ် မတိုန်အာဍုၚ် သွက်သ္ဂောံရာန်ကပေါတ်ပလေဝ်ဂၠုၚ်ဂှ်ရ။

ဍာ်ဂဥုဲဂၠုၚ်ဂှ်လေဝ် သံက်လီုမံၚ်တုဲ ဓဝါဲဂှ် သေဋ္ဌဳအာကော်နၚ်သၟာလိၚ်လံက်ပလေဝ်ဍာ်ဂဥုဲဂၠုၚ်မွဲတၠတုဲ စကာကဵုလံက်ပလေဝ်ဍာ်ဂဥုဲဂၠုၚ်ဂှ်ရ။

ဓဝါဲဂှ်ဟေၚ် ညးသၟာလိၚ်လံက်ဍာ်ဂဥုဲဂၠုၚ်ဂှ် ပၠေတ်လံက်ဍာ်ဂဥုဲဂၠုၚ် ဗီုကဵုသေဋ္ဌဳမဗ္ကန်လဝ်ဂှ်ရ၊ ညးတေံဆဵုညာတ်အာပထောၚ်မွဲပ္ဍဲဂၠုၚ်ဂှ်တုဲ ညးတေံလေဝ် ပလေဝ်ကၟာတ်ထောံပထောၚ်ဂၠုၚ်ဂှ်ခိုဟ်ဟ် သီုကဵုဟွံတော်ဆၚုဟ်မးရ။ ဂၠုၚ်လေဝ်လံက်ဍာ်ဂဥုဲပလေဝ်ကၟာတ်ထောံပထောၚ်ဂှ်တုဲဗက် ကောန်ဝုတ်သေဋ္ဌဳ စဴကၠုၚ်နူဘာတေံဗက်ဂှ် ညးတေံမိက်သ္ဂောံဍိုက်ဝေၚ်ဂၠုၚ် ဆဂး ဒုန်ဂၠုၚ်ဟွံဒှ်တုဲ စကာကဵုညးလိၚ်လံက်ဍာ်ဂဥုဲဂှ်ဒုန်ဂၠုၚ် သွက်သ္ဂောံတိတ်ဝေၚ်ဗဵုသဘာဝပ္ဍဲလှာကၠအ်ဂှ်ရ။ ခြာဟွံလအ်ဂှ် ကောန်ရဲသေဋ္ဌဳမတိုန်အာဍုၚ် အရာန်ကပေါတ်သွက်သ္ဂောံပလေဝ်ဂၠုၚ်ဂှ်စိုပ်ကၠုၚ်ရ၊ ညးတေံဟွံဆဵုဂၠုၚ်ဂှ်တုဲ သၟာန်သေဋ္ဌဳရ၊ −− ယွံသေဋ္ဌဳ ဂၠုၚ်ဂှ်အာဣလဵုရော? − အဵု နူကၠၚ်ဂှ် ကောန်ဝုတ်အဲ ဍေံမိက်ဂွံတိတ်ဝေၚ်ပ္ဍဲလှာတေံတုဲ စကာဏာကဵုညးလံက်ဍာ်ဂဥုဲဂှ် ဒုန်ဏာဂၠုၚ်မဒှ်ရ။

သာ်ဂှ်တှ်ေ ဒှ်ဒဒိုက်ရသေဋ္ဌဳ − ဂၠုၚ်ဂှ်ထောၚ်မံၚ်ဏောၚ် ။

သေဋ္ဌဳလေဝ်လရိုအ် တော်လဝ်ဂၠုၚ်ဗၠိုက် ကောန်ဝုတ်ဇကုဒးချိုတ်ဨကန်တ။

ဂွံမွဲချိန်ခဏဗက်ဂှ် ဂၠုၚ်ကောန်ဝုတ်သေဋ္ဌဳမဍိုက်တိတ်အာဂှ် လုပ်ကၠုၚ်စိုပ်ဗဒိုပ်ဒၞာဲစွံဂၠုၚ်တုဲ သေဋ္ဌဳဂွံဆဵုကောန်ဝုတ်ဇကုဂၠုၚ်ဟွံဗၠိုက်ဂှ် မိပ်စိုတ်မိန်ဗန်ကေတ်ကောန်ဝုတ်ဇကု သီုဍာ်ရမတ်ရ။ ဟိုတ်နာနာ သေဋ္ဌဳတီတုဲ မိပ်စိုတ်တၚ်ဂုန်ကဵုညးမလိၚ်လံက်ဍာ်ဂဥုဲဂၠုၚ်ဂှ်ဇၞော်ကဵုဒြဟတ်တုဲ နူခရိတ်လိၚ်လံက်ဍာ်ဂဥုဲမွဲလ္ၚီဂှ် သေဋ္ဌဳထပ်ကဵုလာပ်ဗဇဴမွဲကိုတ်ဟွံက သီုကလေၚ်ကော်ကဵုကၠောန်ကမၠောန်ပ္ဍဲသ္ၚိသေဋ္ဌဳ ဒှ်ညးဒဳကွဳစက်ကာ သွက်သ္ဂောံပလံၚ်ကောန်ဝုတ်တိုန်ဘာ နကဵုသြန်ဂိတုဂၠိုၚ်ဂၠိုၚ်ရ။ ။ အုပ်နိဂီု

နိဿဲ

https://www.facebook.com/hashtag/%E1%80%9A%E1%80%B1%E1%80%9C%E1%80%B9%E1%80%82%E1%80%B0%E1%80%90%E1%80%95%E1%80%BA%E1%80%90%E1%80%B8%E1%80%98%E1%80%BD%E1%80%9C%E1%80%BB%E1%80%B8%E1%80%90%E1%81%9F%E1%80%B8