လိက်စဳပၞောန်
လိက်စဳပၞောန် (Regulative/regulerende)
တင်ရန်တၟအ် - ညံင်ညးဗှ်လိက်/ညးဒုင်တဲတအ် ဂွံကၠောန်ပ ဒ္ဂေတ်ဗက် မွဲမွဲ၊၊
ဂကူလိက်ဏအ်ဂှ် ဒှ်ဂကူလိက် ညးမဗှ်လိက်တအ် ညံင်ဂွံဝေင်ပါယ် အရာ/ကမၠောန် မွဲမွဲ၊ ညံင်ဂွံဒ္ဂေတ်ကၠောန် အတိုန်အရာ မွဲမွဲ၊၊ လိက်ဂကူဏအ်ဂှ် ဒှ်လိက် မထိင်၊ မဖဍိုန်ကဵု အသိင်စိုတ်ရ၊၊ ဗွဲမဂၠိုင် ဒှ်ဂကူလိက် မဆေင် ကဵုသၞောဝ်ဥပဒေ၊ စဳပၞောန် ကေုာံ လိက်ရုင် နူအလဵုအသဳရ၊၊ ပါယ်နူဂှ်တုဲ လိက်ဒၠောအ်ဗတောန်ကောန်င္ၚာ်လေဝ် ပါလုပ်လၟုဟ် ပ္ဍဲဂကောံလိက်စဳပၞောန်ဏအ်ကီုရ၊၊
ဗီုလဒက်ပ္တန်
ပလေဝ်ဒါန်လိက်စဳပၞောန်တအ်ဂှ် ဗွဲမဂၠိုင် ဒက်ပ္တန်လဝ် အတိုင်ဗွဲသၟဝ်ဝွံဂၠိုင်ရ၊၊
(၁) မစချူ ဟိုတ်အကာဲအရာ မကတဵုဒှ် (လေဝ်ဂွံ)၊၊
(၂) ဖျေဟ်အပိုင်အခြာ တင်မဒးဍိုက်ပေင် မဒးဒ္ဂေတ်ဗက်၊၊
(၃) ဂတိ ကုညးမဒ္ဂေတ်ဗက်မ္ဂး ကလိဂွံ ဖဵုဂုဏ်ဗီုလဵု (ဟွံသေင်မ္ဂး) ဘပဠ ကုညးမဟွံဒ္ဂေတ်ဗက်တအ်ဂှ် နကဵုဘဲဒဏ် သာ်လဵု မဒးဒုင်၊၊
အရေဝ်မသုင်စောဲ
ပလေဝ်ဒါန်လိက်စဳပၞောန်ဂှ် ဒှ်လိက်ရုင်သၟိင်တၠ ဟွံသေင်မ္ဂး လိက်ညးမကလိဂွံလဝ် အခေါင်အရာတအ် မပလံင်ဗစိုပ်မွဲရ၊၊ လိက်တအ်ဂှ် ဒှ်လိက် မဆေင် ကုသၞော်ဥပဒေတုဲ လက်သန်ဍေဟ် အတိုင်ဗွဲသၟဝ်ဏအ်ရ၊၊
၁၊ ပရူတင်ဂၞင်ဂမၠိုင် မဆက်လဝ် (bundling of information)
ပလေဝ်ဒါန်စၞးမဒးချူ နကဵုဝါကျဂၠေအ်အ် ဗွဲမဂၠိုင်ဂှ် ချူ နကဵုပရူဂမၠိုင် မဆက်လဝ် မတောဲလဝ် နကဵုဝါကျအောန်န် ဂၠိင်င်၊၊ ဥပမာ - ကုညးမဟွံမွဲ ကုအခေါင်မွဲ လိက်၊ ဇ/ဟ ဟွံသေင်မ္ဂး ပရူပရာမကၟာတ်လဒဵုလဝ် ညးမွဲသအာင်ဂှ် ပံက်ပထောင်၊ ပလီုပလာ်ထောအ် ဟွံသေင်မ္ဂး ပညံင်ဂွံတီ ပရူပရာ ပ္ဍဲဂှ်မ္ဂး နကဵုဒဏ်လှုဲ ဟွံသေင်မ္ဂး ဒဏ်ထံင် စဵုကဵု ၆ ဂိတု ဍေဟ်ဒး၊၊
၂၊ နာမဝိသေသန
ပလေဝ်ဒါန်ဥပမာ - ကမ္မဏဳ မပါလုပ် ဟွံသေင်မ္ဂး မဂစာန်ဖန် သွက်ကလိဂွံ ဖဵုဂုဏ်ဇကု နကဵုနဲကဲမကြီုကြ၊ မပကီုပရာပ်၊ မကလိလောန်ဒုဟ် မပကီုပရာပ် ဟွံသေင်မ္ဂး အရာမဖန်ဗဒှ် ညံင်မၞိဟ်တအ် မဂွံချပ်တၞဟ်ခြာမ္ဂး ဒးပလီု နကဵုရုင်ဗစာ၊၊