ဝဳကဳပဳဒဳယာ:အတ္ထုပ္ပတ္တိ ညးမဂျိုင်ဒၟံင်

အခိင်ကာလ ပိုယ်ချူ အတ္ထုပ္ပတ္တိ မၞိဟ်မဂျိုင်တန်တဴဒၟံင်တအ်မ္ဂး ပိုယ်သ္ဒးစွံသတိဇၞော်ဇၞော် ပ္ဍဲလတူပရူညးဂှ်ရောင်။ အရာဝိရောဓိဂမၠိုင် (ဝါ) အရာမဒးကဵု ပရေင်ဒုင်စသိုင်ပုဂ္ဂိုလ် (ဝါ) အရာလညာတ်တၞဟ်ခြာတအ်ဂှ် ပိုယ် သ္ဒးဝေင်ပါဲဟေင်ရောင်။ ဍုင်ဗွဲမဂၠိုင် မနွံကဵု သၞောဝ်ဥပဒေ စဵုဒၞာလဝ် စရာဲပူဂိုလ်တုဲ ဇကုဒှ်မၞိဟ် မကလိလောန် ဒုဟ်မဖျေဟ်စရာဲသိက္ခာပူဂိုလ် လတူညးမွဲမွဲမာန်ရ။ ဟိုတ်ဂှ်ရ ဇကုချူမ္ဂး သ္ဒးဒှ်

လညာတ်လဒေါဝ် (Neutral point of view)
ဒဒှ်မနွံကဵုသက်သဳ (Verifiability)
ကလေင်ချူ အတိုင်နူတၞဟ် (No original research)

တင်လတူဂှ် ဂွံဒှ်မာန်မ္ဂး ဗီုပြင်မချူဂှ်လေဝ် လဟီု/ရမ္သာင် ညံင်ဂွံဒှ်လဒေါဝ်၊ တုဲပၠန် လညာတ်မဟီုဂှ်လေဝ် ဒးမံင် လဒေါဝ်။ မနွံကဵု သက်သဳဟီုဂှ် သ္ဒးနွံကဵု တင်နိဿဲ ဗွဲမခိုင်ကၠိုက်။ တုဲပၠန် တင်ဂၞင် ဇကုမနိဿဲလဝ်ဂှ် ဒှ်အရာ မနွံကဵု လညာတ်လဒေါဝ်ဟာ။ လညာတ်ပရေင်ဒုင်စသိုင်ပူဂိုလ် လညာတ်မဗက်မွဲလပါ် နွံဒၟံင်ဟာ အရာဏအ် ပိုယ်ဒးစွံသတိ။ တၞဟ်နမဂွံဝေင်ပါဲ အခေါင်ပိုင်ပြဳပူဂိုလ် (ကပ္ပဳရာက်) တုဲ အတိုင်ညးတၞဟ်မချူလဝ်ဂှ် ဇကု က္လေင်ချူအတိုင်ဂှ် ဟွံဂွံ။ နိဿဲ နူညးတၞဟ်မချူ မဟီုလဝ်ဂှ်တုဲ သ္ဒးက္လေင်ချူ နကဵု ဗီုပြင်ဇကု။