ဝဳကဳပဳဒဳယာ ဓရီုကျာ:ပါင်မုက် ဂကောံ
စပုၚ်အၚးကျာ် ဒှ်ဒဒိုက်ဇန ယုတ်ကွေံဟာ?
ဂလာန်ဆက်စိုပ်ကဵု သၟိင်ဗမာအယုတ်အနဝ်ရထာ ကဵုဗလီု ဣဓိအနုဘဴ လျးပၟတ်စက်လ္တာ် မပါ်လတ်တိတ်ကၠုင် နူသၟန်ပါင်သၟိင်မနုဟဝ်ဂှ် ဒးလီုလာ်ကၠေံ ဗ္ဒန်အိုတ် ပၠိုတ်အးအာဂှ် ညးလ္ၚဵု ဟီုဂးလဝ် (စဒးပုင်သၟုတ်ဗ္စထောံ ပုင်ဗဝ်မလဝ်သၟုတ်ကုကျာ်တုဲ လျးပၟတ်စတ်လ္တာ်သၟိၚ်မနုဟဝ် လဟုတ်ပၠိုတ်ကၠေံ အာအိုတ်ရ) ညးလ္ၚဵုဟီုဂးမံၚ်ဗီုဏအ်အိုတ်ရ ဂလာန်ဝွံ ဟွံဍာံစၟတ်ဟွံဆေၚ်စပ် ဟွံဗဗွဲလးလးရ ။
မုဟိုတ်ရောဟီုမး ဒးသ္ပသက်သဳကဵုဝၚ်ဒဒှ်ဍာံ ဝၚ်တြေံဗီုဒှ်လဝ် ပ္ဍဲမွဲအခိၚ်တေံရ ။ လောန်ကၠုၚ်မွဲအခိၚ်တေံ ညးတၠဍုၚ် ရာဇာဂြိုဟ် ဨကရာဇ် သၟိၚ်ဗိဗ္ဗဳသာ ဒါယကာဘာ ဝေဠုဝန် ပြာပ်တိတ်အ ဘာအာဗဵုလ္ၚောဝ် တၠဳမၞုံ ကုပိုန်ကျာ်တြဲရ။ ပ္ဍဲအခိၚ်ဂှ် ဒှိမံၚ်အခိၚ်တၠဳမၞုံကု ပိုန်ကျာ်တြဲပိုဲ အဃောသ္ပမံၚ်ပြဘိုက်ပိဏ္ဍပါတ် ကဵုမံၚ်ပိုန်ဂယးရ ။
သၟိၚ်ဗိဗ္ဗဳသာ နူဂါံလုပ်အာအရှာံဘာဂှ် ဂွံသၟူပုၚ်သွ ပ္ဍဲဗဗေၚ်ကျာ် မောဝ်ဇောဝ်ကွေံကွေံတဲု သၟိၚ်ဗိဗ္ဗဳသာဂှ် ၚိတ်ဒၟံၚ်ဍာ်ကအ်ရ မိက်ဂွံစမွဲၜါပါၚ်ရောၚ်ဂှ် ကသပ်စိုတ် က္တဵုဒှ်တိုန်ရ အတိုၚ်ဒဒှ်ကသပ်စိုတ် သၟိၚ်ဗိဗ္ဗဳသာ က္တဵုဒှ်ဂှ် တၠဳမၞုံကုပိုန်ကျာ်တြဲသဗ္ဗညု တီတုဲဒးပသေှ် စွံလဝ်ပိဏ္ဍပါတ် ဂတာဗဗေၚ်ရ ။ ယဝ်ရဟွံဂွံစပိဏ္ဍပါတ် ပုၚ်သွအၚးကျာ်ဂှ်မ္ဂး သၟိၚ်ဗ္ဗဳသာအၚောပ် လ္ၚောပ်စပုၚ်သွ ဟွံပြေ ပြေဟွံအိုတ်လောဲလောဲဂှ် ဒဒှ်ဏအ် တၠဳမၞံုကုပိုန် ကျာ်တြဲပိုဲ တီကၠိုဟ်လဝ်တုဲတုဲရ။
ဟိုတ်ဂှ်ဟေၚ် တၠဳမၞုံကုပိုန်ကျာ်တြဲပိုဲ ဒးစွံလဝ်ပုၚ်သွသၟေဟ် မသေှ်နူ စဟာပ်သ္ပပြိုက်ဂှ် ဒးစွံလဝ်ဂတာဗဗေၚ်ရ။
သၟိၚ်ကေုာံဗဵုလဗးသရာဲပၞာန် ဍိက်သ္ကအ်ဂမၠိုၚ် ဂၠောဲတိုန်စိုပ်ဘာတဲု ဖျေံက္ဍိုပ်သ္ပဝတ်ကုကျာ် ဗွဲမ ရှေ်သေှ်ရဴဂဴအိုတ်ရ။ အတိုၚ်ဝတ်ကျာ်မၞုံဂှ် သၟာန်စ အလ္လာပ သလ္လာပ ကိစ္စမကၠုၚ်ဘာတဲု သၟိၚ်ဗိဗ္ဗဳသာ လ္ၚောဝ်ဗ္တီကုတၠဳမၞုံကုပိုန်ကျာ်တြဲပိုဲ ဗွဲမသေှ်ရှေ်ရဴဂဴရ။
ကာလဂှ် သၟိၚ်ဗိဗ္ဗဳသာ သ္ၚဳရံၚ်အာဗဗေၚ်ကျာ် မၠာ်ရံၚ်အာ ဗွဲမဒးရးတုဲ ဍာ်ကအ်တိတ်မံၚ်ကြော်ကြော်ရ၊ မိက်ဂွံ စကွေံကွေံလေဝ် ဗုၚ်ကရောတ်ဗုၚ်စံၚ် တုပ်ညံၚ်ရဴ ညးထဴဘပဠ ပ္ဍဲစိုတ်တေံ { စရလေဝ် စရလေဝ် } ဂးဒၟံၚ်ရ။
ဟွံမာန်လေဝ် တၠဳမၞုံကုပိုန်ကျာ်တြဲပိုဲ ဂြၚ်တီလဝ်တုဲတဲုရ၊ ဟိုတ်ဂှ်ရ တၠဳမၞုံကုပိုန်ကျာ်တြဲပိုဲလေဝ် သွက်ဂွံရနုက်ဗပေၚ် အၚောပ်ပၟိက်စိုတ် သၟိၚ်ဗိဗ္ဗဳသာရ ဂွံပရေထောံ ဗျဵုတဟၚ်လ္ၚောပ်မံၚ် ပုၚ်သွ လ္ၚောပ်ညံၚ်ဂွံပြေ ပရေထောံတုဲ တၠဳမၞုံကုပိုန်ကျာ်တြဲပိုဲ ဒုၚ်ကဵုဗဗေၚ်ကု သၟိၚ်ဗိဗ္ဗဳသာရ ရ။ သၟိၚ်ဗိဗ္ဗဳသာရလေဝ် (ဂၠံက်ပ္တိတ်ပုၚ်သွ နူဗဗေၚ် တၠဳမၞုံကုပိုန်ကျာ်တြဲပိုဲ မဒုၚ်ကဵုနၚ် ပိဏ္ဍပါတ် မသၟေဟ်မံၚ် ပ္ဍဲဂတာဗဗေၚ်ကျာ်ဂှ်တုဲ စုတ်ပ္ဍဲပ္ၚာန် ဗွဲမဒးရး ရ။) ချန်ခဏသ္ၚာဲၚိတ်ဖျေံဏာ မွဲလၟံက်ဍောတ်ဂှ် ရှ်သာပုၚ်သွ ဗျဳဗျာပ်လုပ်ပ္ဍဲလတေၚ်အိုတ် သီုလတေၚ် ဇၞော် လတေၚ်ဍောတ် ဟွံသှေ်ရ ထပ်ဇာပ်အာ ပ္ဍဲဗုၚ်ဂၞဴစၞတြေံ စၞအာဟာရတၟိဏအ် စိုပ်အပ္ဍဲတေံဗက် လ္ၚောပ် အၚောပ် ဆၜိုတ်နွံဂှ် ပြေဟဲအာအိုတ်တးရ ။
တုပ်တဴညံၚ်ရဴ ဂွံစပုၚ်သွစၞဒေဝတဴတအ်ကီုရောၚ် ဟိုတ်ဂှ်ရ သၟိၚ်ဗိဗ္ဗဳသာဝွံ ဂွံစပုၚ်သွအပ္ဍဲအၚးဗဗေၚ်ကျာ်တြဲဂှ် တုပ်တဴညံၚ်ရဴ ပုၚ်သွညးဗဝ်လဝ်သၟုတ် ကုကျာ်ပမာဋိမာရုပ် တၠဳမၞုံကုပိုတိကျာ်တြဲကီု ဂွံသ္ပပြဘိုက်တုဲဟေၚ် ဒဒှ်ရဗျဵုမထဟၚ်မံၚ်တအ်ဂှ် ကၠေံဟဲ လၚောပ်လေဝ်ဟဲအိုတ် စိုတ်မိပ်ဂွံစလေဝ်ပြေအိုတ် ဣဓိပိုန်ဨကရာဇ်သၟိၚ်ဗိဗ္ဗဳသာလေဝ် မုဟွံဒှ်ဟွံလီု သၟိၚ်ဗိဗ္ဗဳသာလေဝ် ဟွံဒးဂြိပ်စေှ် နူနန် (စဒးပုၚ်သၟုတ်အၚးကျာ်တုဲ ဣဓိပါၚ်ယုတ်အာ လျးပၟတ်စက်လတာ် သၟိၚ်မနူဟဝ် ဘီုလာ် ပၟိုတ်အာဟွံသေၚ် ဗွဲတၟေၚ်မ္ဂးသၟိၚ်မနူဟဝ်ဂှ် စဒးပုၚ်သွ စၞဗ္စလဝ်ကဠော်ဗယိ ဗလိဗဇဴလဝ်ဒေဝတဴဗယိ) တဲုဟေၚ် ဣဓိပါၚ်လျးပၟတ်စက်လ္တာ် သၟိၚ်မနူဟဝ်ဂှ် ပၠိုတ်အာ ယုတ်ကၠေံဗ္ဒန်အာရောၚ် ။
ကံက်ပ္တိတ်နူ (ရာဇဝၚ်ဨကရာဇ်မန် သၟိၚ်မနူဟဝ် ကေုာံ ဍုၚ်သဓီု သုဝဏ္ဏဘုံ) ကၞပ်(၂) မုက်လိက် (၆) ညးမကံက်ပ္တိတ် အမ်သဝ်နာဲ (အၜဝ်)