ဝၚ်မိစဴဗု
⚜ဝၚ်ပရောဨကရာဇ်ဗြဴမိစဴဗု ဗွဲခၞန်⚜
ဨကရာဇ်ဗြဴ မိစဴဗုဝွံ သက္ကရာဇ် ၇၅၅ သၞာံ ဂိတုမာ်(၁၂)မံက်၊ တ္ၚဲဗုဒ္ဓဝါသၠးဂၠံဂဝ်ဂၞဴမိ ပ္ဍဲဍုၚ်ဟံသာဝတဳရ ဒှ်ကောန်ဗြဴ ဨကရာဇ်ရာဇာဓိရာဇ် မရနုက်ကဵုပိရ။ ဨကရာဇ်ရာဇာဓိရာဇ်ဝွံ ဂၞကျာ်မၞုံပိတၠရ နူဒှ်ဒၟံၚ်
ကောန်ဗၠာဲ စှ် ဒၞာဲကဵုဂၞကျာ်တၠမေဒဴ မဒှ်ကောန်ဨကရာဇ်ဗညာဥူမွဲအပါၜါယာဲရ။
ဗွဲကြဴအခိၚ်ဂြိပ်ဒဴစိုပ်၊ မံၚ်ဍုၚ်လဂုၚ်ဂှ် ဆဵုဒးသၟတ်ဗြဴသၟာသွံပ္ကဴမိဗၞိက်ပိယတုဲ ဂိုၚ်ကေတ်သ္ပဂၞကျာ် ဒုတိယပၠန်ရ ကၠာဟွံဒှ်ဨကရာဇ်ဏီ ကေၚ်ဂွံလဝ်ဂၞကျာ်ၜါတုဲ ကာလဒှ်ဨကရာဇ်ဂွံနန်ဍုၚ်ဟံသာဝတဳတုဲ စဝ်ဍာ်အဘိသိက်ကုဂၞကျာ် သုဒ္ဓိမာယာ နဒဒှ်ဂၞကျာ်ဇၞော်မွဲပၠန်ရ၊ ပ္ဍဲဂၞကျာ်သုဒ္ဓိမာယာ ကလိဂွံကောန်ပိ ကောန်တြုံဇၞော်အိုတ်ဂှ် ဗညာကျာန် ကောန်တြုံဍောတ်ဂှ် ဗညာမနူ ဍောတ်အိုတ်ဂှ်ကောန်ဗြဴ မိဝိဟာရဒေဝဳ(မိစဴဗု)ကောန်ဨကရာဇ် ရာဇာဓိရာယ်မၞုံပိတၠရ။
မိစဴဗုကတဵုဒှ်မၞိဟ်တုဲ မဟာဒေဝဳ မဒှ်ဣနာဲအပါသၟိၚ်ရာဇာဓိရာဇ်မဒှ် သၞောဝ်က္ကနော်ဂှ် ဆာန်လောန်တုဲ မြိမြိန်လွဳပရာလဝ်ရ၊ မိစဴဗုဂွံအာယုက်(၁၂)သၞာံဂှ် မဟာဒေဝဳ စုတိအာတုဲ ဒၞါဲသ္ၚိနန်မဟာဒေဝဳစဍုၚ်လ္ဂုင်ဂှ် မိစဴဗုဆက်မၚ်မွဲ စအာဍုၚ်လ္ဂုၚ်အတိုၚ် မဟာဒေဝဳမၞုံတေံပၠန်ရ။
မိစဴဗု အယုက်အာစိုပ်(၂၀)သၞာံဂှ် အွဲရုပ်သာ်ကျေဝ်ဂေါဝ်တၠးစရာဲ ဇၟာပ်ညးမဆဵု ဗဵုညာတ်ဟွံဖဲ မိက်ဂွံသ္ဍိုက်ဆာန် သွက်မိဂွံသ္ပဒါန် မံၚ်မွဲသ္ၚိဌာန် မတံၚ်ဂြဲစိုတ်ဓါတ်တြုံတံဒးစေါဲဗါန်အိုတ်ရ။ ဍိုက်ပေၚ်ကဵုလက်သန်ဗြဴ ကါယ အဝဲ ဇိုၚ်တဲ ဍိုန်ဍောတ်စိုတ်ဓါဝ်ဗုသ္အးအိန်ရဳ ယေန်သၞာၚ်ပ္ဍဲမတ်ဇၞာပ်တြုံတံဆဵုညာတ် သ္ဍိုက်မၠိုက်တဴဗွဲမလေါန် ညံၚ်ရဴပြေဟဲအာဟွံမာန်အိုတ်ရ။
အ္ခိၚ်ကေါန်ဝုတ်သ္ဍိုက်အ္ခိၚ်ပ္ကဴရာၚ်ပၞာၚ်ယျးပေၚ်အယုက်(၂၀)ဂှ် မအံက်တၠညးရာဇာဓိရာဇ် ရပ်ကဵုသ္ပမ္ၚဵုသၞက်ကရောဲ ထပ်တဲကဵုကေါန်ကၟိန်ညး မၞုံယၟုသၟိၚ်သဳသူ စဍုၚ်မုတ္တမတုဲ မိစဴဗု ကၠိဂွံကေါန်ရတ်ပိတၠရ။
ဇၞော်အိုတ်ဂှ်(မွဲ)မိဒကါဓရ်(ၜါ)မိဒကါသၚ်(ပိ)ကောန်တြုံဗညာပရူတံညးပိတၠတုဲ အဃေါအွဲဍောတ်သွတ်ဏီဂှ် တၠသ္ၚိမိစဴဗု သၟိၚ်သဳသူမွဲ နကဵုယဲဂမ္တဴစုတိအာရ၊ မိစဴဗုမံၚ်ပံၚ်ဖက်ဂွံတြုံတၠသ္ၚိသၟိၚ်သဳသူ(၅)သၞာံဂွံအယုက်(၂၅)သၞာံဂှ် စဴဒှ်ဘဝဗြဴကွာဲရ ဒေံဇကု နူအဝဲဍောတ်တ် ဒှ်အာဗြဴကၟာဲနကဵုကောန်ပိတုဲ။ ဂွိၚ်ဖေက်ဒေံဇကု စိုတ်ဍောတ်တုဲ ကောန်ဇၞော်ဗညာကျာန်ကေါ်စွံပ္တန်ဒုၚ်လဝ် လ္တူသ္ၚိနန်ဇကု နူလ္ဂုၚ်ပြံၚ်စိုပ်ကၠုၚ်ဟံသာဝတဳရ။ သ္ပပ္တံ နူစိုပ်လ္တူသ္ၚိနန်ကေါတုဲ၊ မိစဴဗု ဂွံသံဝေဂကဵုဘဝ တြုံတၠသ္ၚိဇကုဒးချိုတ်အာဂှ်တုဲ ဘဝဟီုဂှ်ဟွံရုဲဍောတ်ဇၞော်ဒးလုပ်သကေံတဲဗေါ်သၟိၚ်မာရဏာမာန် မံၚ်ဖအိုတ်ဏေါၚ်သွံဂးတုဲ။
စိုတ်ဂှ်လၟောၚ်ယောဝ်အာ လ္ပာ်ကျာ်ဓရ်သၚ် ဂၠိုၚ်ကၠုၚ်ခ္ဍၚ်တဟိုတ်ဂှ်ရ။ နူဍုၚ်ဟံသာဝတဳဏံ ဗ္ကောံကေတ်ဗဵုလဗးညိည အာတ်အခေါၚ်ပ္ဍဲကေါန်တုဲ အာလ္ၚောဝ်မံၚ်ကျာ်လ္ဂုၚ်ဇၟာပ်ပ်တ္ၚဲ သဳလမ္မဝှ်(တ္ၚဲသဳဇၞော်)ရကၠောန်ၜိုတ်မံၚ်ဝေယျဝစ္စပ္ဍဲကျာ်လ္ဂုၚ်လၟိုန်အခိၚ်ရ ဗီုကၠောန်ၜိုတ်ဝေယျာဝစ္စပ္ဍဲကျာ်လ္ဂုၚ်ကီုဂှ် ပ္ဍဲကျာ်မုဟ်တဴဍုၚ်ဟံသာဝတဳလေဝ် ကၠောန်မံၚ်ဟွံပိုတ်သ္ကုတ်ရ မိစဴဗုမွဲ ဃေါအွဲဒးသၠောၚ်သ္ပဝ်ကဵုရုပ်သာ်ဂှ် သ္ပမံၚ်အရီုကဵုကျာ်ဓရ်သၚ်လၟိုန်ကါလရ။
သက္ကရာဇ်(၇၈၄)သၞာံဂှ် မိစဴဗု ဨကရာဇ်ဗၟာကၠုၚ်ဗ္တိုက်ဂွံဏါသကြာဂၠံၚ်ဍုၚ်ဟံသာဝတဳကဵုဍုၚ်လ္ဂုၚ်တုဲ စိုပ်အာသၟဝ်တဲ ဨကရာဇ်ဗၟာဍုၚ်အဝႅရ စပ်ကဵုဝၚ်ကိစ္စမိစဴဗု ဂွံစိုပ်အာဍုၚ်အၚ်ဝဏံဂှ်အ္စာချူဝၚ်တံ ညးမွဲကဵုညးမွဲချူလဝ်ဟွံတုပ် တၞဟ်ခြာမံၚ်ရ။ အ္စာလ္ၚဵုချူလဝ် ဒးဒုၚ်ရပ်ဏါကြာဍာန် ညးလ္ၚဵုချူလဝ်သွက်ဂွံကေတ်ၜိုတ်လလံပၞာန်တုဲ ကေါန်ညးဗညာကျာန်ဆက်မိတ်သ္ပစၟာဲတဲတုဲ ဗအပ်ပြာပ်ဏါလဝ်ကဵုဨကရာဇ်ဗၟာ ဗီုဏံလေဝ်ချူလဝ်နွံရ။ ပ္ဍဲလိခ်သၠရိုတ်ဗီုမန်ချူလဝ်ဂှ် ဨကရာဇ်ဗၟာ ။ ဂွံမိၚ်ကေတ်ပရိုၚ်စရာဲကျာ်သြဳ မိစဴဗုဏံဂှ်ရုပ်သာ်ကျေဝ်ဂေါဝ်ညံၚ်ရဴကေါန်ခၞေါန်အဆေသွဝ် ဒေဝတဴတုဲ စေါဲစပ်မိက်ဂွံပိုၚ်ပြဳ မိက်ဂွံသ္ပဂၞကျာ်နူရာဇာဓိရာဇ်ဟၟဲတုဲ ကိစ္စပရေၚ်အုပ်ဓုပ်ဍုၚ်ပိုၚ်ပြဳနန်ဟွံညိၚ်ဝေါတ်ဟွံၜိုတ်သြိုဟ်မံၚ်ဂှ်တုဲ ဇြဟတ်သရာဲပၞာန် ဒယှ်တှ်တံဂှ်လေဝ်အောန်စှ်ေမံၚ်ဂှ်လေဝ်ဂွံ မိၚ်ကေတ်ကီု မိစဴဗုအာကၠုၚ်လ္ၚောဝ်မံၚ်ကျာ်လ္ဂုၚ်နကဵု ကေါန်ပၞာန်မၚ်မွဲညိည ဇြိုၚ်သာဗွဲမၜိုဟ်သြိုဟ်ဂှ် ဂွံတီလေဝ်တုဲ ဨကရာဇ်သဳဟသူကေါ်ကေါန်ရဲညးသ္ကိုပ်ပၞာန်မေန်ဗနန္ဒသူတုဲနကဵုဇြဟတ်ပၞာန် ၂၀၀၀ ဂှ်ဗလးနၚ်ကဵုစှ်ေဗ္တိုက်မၚ်ရပ်ကေတ် မိစဴဗုကြာဍာန်လ္ဂုၚ်ကဵုဟံသာဝတဳရ။
ကၠုၚ်အုပ်ဗ္ဒမံၚ်နကဵုဇြဟတ်ပၞာန်ၜါလ္ၚဳဇိုၚ်ဂၠံၚ်မွဲဒၞါဲတုဲ မုစဴဗုလေဝ်အတိုၚ်ဇကု အာကၠုၚ်မံၚ်တြေံဂှ် နကဵုဗဵုဗလးညိညဂှ် တိတ်ကၠုၚ်နူဍုၚ်ဟံသာဝတဳအာလ္ဂုၚ်ဂှ် မေန်နန္ဒသူတံလုပ်ဗ္တိုက် ပၞာန်ဗဵုဗလးပြးဇးအိုတ်ဂှ် အခိၚ်မိစဴဗုမွဲဖေက်ဂၟံက်သမ္ၚံက်သမ္ၚာတ်ဇကု ဇၞော်ကဵုဇြဟ်ဂှ် သ္ကိုပ်ပၞာန်ဗၟာမေန်နန္ဒသူလုပ်ဂရၚ်ပ္တီ မိစဴဗု (ယွံဂၞကျာ်လ္ပဖေက်အဲညိ၊ အဲသ္ပပွကြံၚ်မ္ၚိုဟ်ဍဵုဍိုက်တုဲ ကၠုၚ်ဗ္တိုက်ဟွံသေၚ် ဨကရာဇ်ပိုဲဍုၚ်အၚ်ဝသၟိၚ်သဳဟသူ မိၚ်ဒးပရိုၚ်စရာဲကျာ်သြဳရုပ်သာ်ကျေဝ်ဂေါဝ် တုပ်ကဵုကေါန်ခၞေါဝ်အဆေသွဝ် ကေါန်ဒေဝတဴ တံကီုတုဲ ထၞေန်စပ်မိက်ဂွံသ္ပဂၞကျာ်ဇၞော်တုဲ ဗလးနၚ်ပိုဲကဵုကၠုၚ်ကေါ်ဒုၚ်ဏါဂၞကျာ်ရောၚ်အဴ ဂးတုဲမိန်ပ္တိုန်လ္တူစးချေံ သက္ကရာဇ် ၇၈၇ ဂိတုမြေက္ကသဵု(၁၄)စွေက် တ္ၚဲသဳဂိတုအိုတ်ဂှ်၊ မိစဴဗုဂွံအယုက်(၂၉)စိုပ်ဍုၚ်အၚ်ဝ နဒဒှ်ဂၞကျာ်ဇၞော်သၟိၚ်သဳဟသူ(၃)သၞာံနူဂှ်သၟိၚ်မေန်လှၚေဝ်(၃)ဂိတုသၟိၚ်ကလေကျေတိုၚ်ညော(၃)သၞာံ နဒဒှ်ဂၞကျာ်ဇၞော်မသုန် အဆက်သၟိၚ်ပိုၚ်ပၟာရ၊ သ္ဍိုက်ဆာန်ကဵုအဝဵုလ္တူမိစဴဗု ဟွံလီုရ ဆဂးဟိုတ်နူဒးဒုၚ်ထပက်အကြာဂၠိုၚ်တုဲ မိစဴပဗု စှ်ဓဝိၚ်လ္တူသၟိၚ်မဵုညှေန်တုဲ ဒးသ္ၚောဲခြာတိတ်ကၠုၚ်နူဍုၚ်ဟံသာဝတဳကလေၚ်ဗှ်တိုန်သၞားဍုၚ်မိတိမစိုတ်ဒှ်မိက်ဂွံအလေၚ်စဴဂှ်ဒှ်ကၠုၚ်ရ၊ မံၚ်စဟွံဒှ်တသိုက်ရ၊ တိတ်ကၠုၚ်ဗ္တာၚ်ကျာ စၟဳဗဵုစဴအာလ္ပာ်သၠုၚ်ကျာ ဍုၚ်ဟံသာဝတဳမၞုံတေံတုဲ ဍာ်ရမတ်ပြဟ်ဒတုံမံၚ်ဂှ် အလန်ဂၠိုၚ်ကၠုၚ်ရ မိမိန်မှဲခမာပလေါၚ်ပေါၚ်မတံလေဝ်ဆဵုညးဒှ်လၞီသောက မိတၠနန်ဇကု မိစဴဗုတုဲက္တဵုဒှ်အောန်စိုတ်အိုတ်ကီုရ။
ခမဳမန်ဓမ္မဓရ စနူအ္ခိၚ်ဒကါပစ္စယ်ပန်ညံၚ်ရဴမိအရၚ်ကီုသ္ပလဝ်မိစဴဗု ပါကၠုၚ်ဍုၚ်အၚ်ဝတုဲ နွံစိုတ်သၟိက်ဂွံရီုဗၚ်မိရန်တၟံတုဲ နူဘဝထပိုဲဓမ္မာဓရဂှ်ကၠုၚ်တိုန်ဍုၚ်ဗကါ ဗ္တောန်ပညာပရိယတ်ပ္ဍဲဍုၚ်ဗ္ကါံပေၚ်မသုန်သၞာံ ပညာဍိုက်ပေၚ်ပ္ဍဲပရိယတ်လေပ်ပိတကတ်ပိချိုတ်ပၠိုတ်တုဲ ဗီုမန်ဗၟာၜါဘာသာ်တုဲဒှ် ဍိုက်ဝိုၚ်မာန်ရစိုတ်ဒှ် ကလေၚ်စဴအာဍုၚ်ဟံသာဝတဳ ကသေအ်ကေတ်သ္ကံရဲခမဳဓမ္မညာကာမွဲဇကုပၠန်တုဲ သွက်ဂွံဟံၚ်ပြာ်မိစဴဗု ဟီုဂးချပ်စညးသ္ကံတုဲ စိုပ်ကၠုၚ်ဍုၚ်အၚ်ဝတုဲ ဟီုတွံဓရ်ယၟုဒယှ် တဵုတိုန်ဂှ် ပလေါၚ်ပေါၚ်မ မိၚ်မရိုၚ်ခၟဳမန် နူဍုၚ်ဟံသာဝတဳ ကေါကဵုဒေံပၠံၚ်အဝဵု ဂစိုတ်ကေါတုဲ ဒေံဗညာမနူဒှ် မံၚ်သၟိၚ်ရောၚ်ဂှ်တုဲ သာပီုအောန်စိုတ် ဍာ်ရမတ်ပြဟ်ဒတုံဂှ် ခမဳၜါဇကု ဟီုပၠာံဗ္ဇးရ မိအံက်ဒှ်မံၚ်ဒဒိုက်စိုတ် ပ္ဍဲဍုၚ်အၚ်ဝဏံကေါန်ကျာ်မိၚ်တုဲ ပိုဲကၠုၚ်ရီုဗၚ်မိရ သွက်မိဂွံကလေၚ်စဴ ဍုၚ်ဟံသာဝတဳမာန်ဂှ်ပိုဲကေါန်တံ ချပ်မံၚ်ရ ညံၚ်ညးပ္ဍဲနန်တံ ဟွံဂွံဒှ်သၠေဟ်ပၟာဂှ် မိအံၚ်မံၚ်အာအိန်ရဳလ္ပကဵုလီုခၟဳၜါ ဟီုဗ္ကန်တုဲ ကၠေၚ်စဴအာရ ညာတ်ဒး ဨကရာဇ်ကဵုအဝဵုသ္ဍိုက်ဆာန်မိစဴဗုဂၠိုၚ်တုဲ ဇၞကျာ်မိသဵုနှေန်ဂွံ အေခါၚ်ဥာန်ဂၠံၚ်ဂွံထပက်အကြာကဵု သၟိၚ်ပဵုညှေန်ရဂးတုဲ ထပက်ကဵုသၟိၚ် ယွံမရာဇ်ခၟဳမန်ၜဳဇကုလုပ်တိတ်မံၚ် သ္ၚိနန်မိစဴဗုဂှ် ပတှ်ေဖျေံစိုတ်ဟွံဂွံ ခၟဳမန်ၜါဇကုဏံ လေပ်မံၚ်ပညာလေါကဳ ပညာ ဝိဇ္ဇာ မယတုဲ စုတ်ဂဥုဲဗဂုဲယေက် ကဵုမရာဇ်မ္ဂး ကြအ်လေဝ် လေပ်မံၚ်ချိုတ်လေဝ် လေပ်မံၚ် မိၚ်ဂၠိုၚ်ကၠုၚ်တုဲ စိုတ်သၠေဟ်ပၟာလုပ်ကၠုၚ်လ္တူမိစဴဗၠဂှ် ဒှ်ကၠုၚ်ရ ကၞောတ်တဲခၟဳမန်ၜါဇကု ဟွံဂွံအခေါၚ်လုပ်တိတ်သ္ၚိနန် မိစဴဗုရး ဖျေံထောံပၟၚ်ပၟဴ ကြေပ်ကြတ်ကၠုၚ်တုဲ မိစဴဗုဒှ် ဒဒိုက်စိုတ် သွက်ဂွံချပ်စဟၟဲဒှ် ကၠုၚ်ရ။
သၟိၚ်မဵုညှေန်ပြာပ်ကၠုၚ် သ္ၚိနန် မိစဴဗုတုဲ ဒဒှ်ရ မိစဴဗုဒှ် ဒဒိုက်စိုယ် မုက်မတ်အေဲဇြမံၚ်စဟွံမြဟ်မြဲဂှ် ညာတ်တုဲ သၟာန်မိစဴဗုရ၊ နကဵုအရေဝ်ပြယါဲ မံၚ်စဟွံသံက်သာ ဂိသ္ကေဝ်မံၚ်ဇိုၚ်တဲဟံမိက်စစၞ မိက်ဂွံတိတ်မံၚ်သၟးရ မရဇ်ဂရၚ်ပ္တီတုဲ သၟိၚ်တိတ်အာနူသ္ၚိနန်ရ မိစဴဗု ကေါ်ကေတ်ဍိက်သ္ကံပတှ်ေပ္ဍဲနန်ဇကုတုဲ ကဵုဂၠာဲကေတ်ဇၜိုတ်ကြေက်သတ်မနက်ဖဵုတုဲ ဇၜိုတ်ကြေက်ဂှ် ပၠာဲကေတ်ဍာ်၊ မနုက်ဖဵုဂှ်ပိုဟ်ပ္ဍိုတ်တုဲ ကၠတ်သုၚ်ဍာ်ကြေက် ကၠတ်စမနုက်ဖဵုဂှ်တုဲ မိစဴဗု ဂၞဴအာဒှ်အရံၚ်ဆီရ ညးမၞုံပ္ဍဲနန်ဖေက်ဂၟံက်ကဵုသၟိၚ်မဵုညှေန်မိၚ်တုဲ ကၠုၚ်သၟာန်ယဲ မိစဴဗုတုဲ ယွံမရာဇ်ယဲအဲဍိက်ဗြဴဂှ် လ္ပါ်သာ်စှ်ေဟွံဂွံ ယဲလ္ပါ်ဂၠိုၚ်တိုန်ရနွံ မရာဇ် သၟိၚ်ဂွံသၟဴဂၞဴ မသအုဲအေၚ်မံၚ်အလုံမွဲနန်တုဲ မိၚ်ဂလါန်မိစဴဗု ယဲလ္ပာ်သာ်စှ်ေဟၟဲဂှ်တုဲ ကဵုအခေါၚ်ကေါ်လဝ်အ္စာသဝ်လၟိုန်ပ္ဍဲနန်ရ၊ မိစဴဗုထပက်သြန်ကဵု ဟီုကဵုသၟိၚ်ယဲဂၞဴဒှ်ဆီဏံဂှ်ကၠိုအ်ခၞါန်လေပ်မံၚ်တုဲ အလုံမွဲဝၚ်နန်ကၠိုအ်ခၞါန်မာန်ရ လ္ပစွံကြာညးတၞဟ်ပ္တိတ်ထောံနူဝၚ်နန်သိုၚ်ကဵု သၟိၚ်နန်ယါယဳမ္ၚးဝၚ်နန်တေံမ္ဂးဒးရးရးမရာဇ်အတိုၚ်အ္စာသဝ် မိစဴဗုထပက်လဝ်သြန်ဟီုဂှ် သၟိၚ်ကဵုအခေါၚ်ရ မံၚ်ဂွံမွဲၜါတ္ၚဲဗလးကဵုဍိက်တံအာတ်အခေါၚ်ပ္ဍဲသၟိၚ် မိစဴဗုကြပ်ချိုတ်ရတှ်ေကဵုသ္ပအရီုကဵုဓဝ်ခၟဳမန်ၜါဇကု ဂွံကၠုၚ်တွံဓရ်ဂှ် သၟိၚ်ကဵုအခေါၚ်ရ ဇရေၚ်မိစဴဗုဂှ် အ္စာသဝ်မွဲတၠ ဍိက်မိစဴဗု ပတှ်ေဒးစိုတ်မွဲတၠ ခၟဳမန်ၜါဇကုဟေၚ်ဂွံလုပ်တိတ်ရ၊ မိစဴဗု ဟီုတိုန်ဗီုမန် ယွံကေါန်ကျာ်တံ ဂွံအခေါၚ်ရညံၚ်မိဂွံစိုပ်ဟံသာဝတဳဂှ် ကေါန်တံချပ်ကသပကဍိုက်ပေၚ်ကေါန် ခၟဳမန်ၜါကလေၚ်ဟီုယွံမိလ္ပဒှ်ဒဒိုက်စိုတ်ညိဂးတုဲ စဴအာတုဲနူဘဝခၟဳမန်ဂှ်ဖျေံသက္ခာ ဘဝသာမဏဳ ဂၠာဲကေတ်ဒၞါဲဂြိုပ်တီုတီု ဇရေၚ်ၜဳဨရာဝတဳမွဲဒၞါဲတုဲ လ္ပါ်ချာတာန်ဂၠုၚ်ဒုၚ် လံက်စုတ်သာန်ဗီုပိုဲသုၚ်စေါဲမံၚ်ခ္ဍအ်ဇဗၠုချာညံၚ်ဍာ်ဟွံဂွံလုပ် အရၚ်မၞိဟ်ပိဍိုက်ရုမ်ဂဝ်မွဲတုဲပၞံက်လဝ်ပ္ဍဲအုပ်ရာမွဲဒၞါဲတုဲ ဗီုရိုဟ်ဟ်တ္ၚဲလုပ်ကၠုၚ်ရံၚ်ယဲ ဟီုတွံဓရ်တုဲလဴထ္ၜးပွီုပရောပရာ အလုံအိုဿီုတုဲ ဗ္တံချိၚ်လဝ်စဴဂှ် တွံဓရ်လံနူရိုဟ်တ္ၚဲညးပ္ဍဲနန်တံ သၠိၚ်အိုတ်ဂှ် နကဵုပညာမန်သ္တီတ်မၠာ်မတ်ဟွံမာန်အိုတ်ဂှ် မိစဴဗု ဂှ်ကဵုလုပ်မံၚ်ပ္ဍဲသၟဴဒကဝ် ဂြောပ်စုတ်သ္ၚာ ဂၠိုၚ်ကဵုထပ်တုဲ ယိုက်ပ္တိတ်ဏာဂှ်ပၟၚ်တြၚ်တံသၟာန် မိစဴဗု ကြပ်ကဵုချိုယ်တုဲကဵုနၚ်ဒါန် သ္ၚာဂၠိုၚ်ကဵုစေါဲဂးတုဲ ပၟၚ်တြၚ်တံဟွံဒှ်သၠေဟ်ပၟာတုဲတိတ်ကၠုၚ်နူနန်စိုပ်ဒၞါဲပၞုက်စွံလဝ် ဂၠုၚ်ချာ မိစဴဗု ထပိုဲၜါဇကု ဓမ္မဓရရပ်သၞေဝ်ဓမ္မညာကာဒုန်က္ဍိုပ်ဗၞတ်ဇြဟတ်နွံ အ္ခိၚ်ဗ္တံသ္ဂာတ္ၚဲတိတ်ကၠုၚ်နူဍုၚ်အၚ်ဝရ။
ပ္ဍဲဨရာဝတဳ ကၚ်နွံဂၠိုၚ်ကဵုထပ်တုဲ တ္ၚဲမ္ဂးပ္တိုန်ဂၠုၚ်လ္တူသၚ်ကၠတ်အုပ်ဗ္တံမ္ဂး ကၠတ်စဴကၠုၚ တ္ၚဲတၟးမိစဴဗု ကၠေံအာအက္ကယျဂှ် အာဂရၚ်ပ္တဳသၟိၚ်ကဵုဗက်ဂၠံၚ်ဍာ် ဂၠံၚ်ဒဵုစိုပ်ဒဵုဍုၚ်ညိုၚ်ဥူဂၠာဲဟွံဆဵုဃေါဗက်ဂၠာဲမံၚ်ဟွံဆဵုဂှ် သၟိၚ်မ္ၚဵညှေန်ဂွံသံဝေဂ သြဝ်မိစဴဗုဂှ်ဒှ်ယဲဇၞော်ဇြဟတ်တုဲ မိက်ဂွံကလေၚ်စဴဍုၚ်ဟံသာဝတဳဂှ် အွဲလေဝ်ဇၞော်ဗျူရဂှ် ဒှ်ဓမ္မတာရသွံ ဟီုဂးကဵုအမာတ်တံတုဲ ကလေၚ်ကေါ်ပျဴဒပ်ပၞာန်ဗက်ဒၟံၚ်တံဂှ်တုဲ မိစဴဗုဂွံစဴကၠုၚ်ဗွဲတသိုက်ရ။
သက္ကရာဇ်(၇၉၁)သၞာံ အယုက်(၃၆)ကလေၚ်စဴစိုပ်ဍုၚ်ဟံသာဝတဳ အခိၚ်ဂှ် ပ္ဍဲဍုၚ်ဟံသာဝတဳ ကေါဍောတ်ညးဗညာမနူဒှ်မံၚ်ဨကရာဇ်မိၚ် မိစဴဗု စိုပ်သၞေဟ်ဟံသာဝတဳသၟိၚ်ကေါ်ဝွံဗညာပရူတုဲ စှ်ေဒုၚ်ဖျဴဏါနန်ရ၊ မိစဴဗု လံပ္ဍဲဍုၚ်အဝ်ဝ(၇)သၞာံ ကလေၚ်စိုပ်ဍုၚ်ဟံသာဝတဳ အယုက်(၃၆)သၞာံ၊ မံၚ်လအ်ဂွံ(၂၃)သၞာံ သၟိၚ်ဍုၚ်ဟံသာဝတဳ ဗညာရံၚ်တၞောဝ်ကၟိန်စုတိအာတုဲ မိစဴဗု အာယုက်(၅၉)ဒှ် ဨကရာဇ်ဗြဴပိုန်နန်သ္ပဨကရာဇ်တုဲ အယုက်(၇၇)အပ်နန်ကုသၟိၚ်ဓမ္မစေတဳတုဲအာသိုၚ်ကေတ် သ္ၚိနန်ဗ္ဒါဲကျာ်လ္ဂုၚ်ဗွဲဒိုဟ်ဗာယပ်ကဵုကျာ်လ္ဂုၚ်မွဲဒၞါဲတုဲပတုဲအာစရၚ်ဓရ်ကုသဵုဒဵုအယုက်အိုတ် ဇရေၚ်ကျာ်လ္ဂုၚ်ဗွဲမဇြုၚ်ကေဝ်တုဲစုတိစဴအာဘဝပလိုက်ရ။
(နိဿဲ)