သံဂါယနမန် နွံစှ်ၜါတန်
ပ္ဍဲလိက်ကၞပ် ဝၚ်ဍုၚ်သုဝဏ္ဏဘုမ္ပိ မုခ်လိက်နူ (၁၂) စဵုစိုပ်မုခ်လိက် (၃၄) တေံ ဟီုတွံလဝ် (ပၟိက်လိက်တၟအ်ကလျာဏဳ) သက္ကရာဇ်သာသနာ အာစိုပ် (၂၃၆) သၞာံ၊ ခမဳပ္တန်သာသနာ (၅) ဇကု
- သောဏထေရ်
- ဥတ္တရထေရ်
- အနုရုဒ္ဓထေရ်၊
- သောမယထေရ်
- တိဿဂုတ္တထေရ်
ကညစိုပ်ကၠုၚ် ဍုၚ်သုဝဏ္ဏဘုံဏအ်ကၠာအိုတ်ရောၚ်။
ပ္ဍဲကာ ဗပိန်ကၠေံကလော်ဍာ်ဂမၠိုၚ်တုဲဂှ် မှာထေရ်ဂမၠိုၚ် တွံပၟိၚ်ဗြဟ္မဇာလသုတ်၊ ကုပရိသာတ်ဂမၠိုၚ် ပ္ဍဲလအိတ်သုတ်ဂှ် မၞိဟ်တြဴလဟုတ် (၆၀၀၀၀) ဂွံတီဓရ်ရ။ မၞိဟ်တြုံ (၃၅၀၀) သ္ပခမဳတုဲ မၞိဟ်ဗြဴ (၁၅၀၀) သ္ပခမဳဗြဴအိုတ်ရ၊ သ္ပတမ်နူဂှ်တုဲ ထေရဝါဒ ဗုဒ္ဓဘာသာ ဗျာပ်တြးအာ အလုံဒေသမန် သုဝဏ္ဏဘုံ (သီုဍုၚ်ဗမံက်၊ ဍုၚ်ပလိုတ်ရောၚ်)။
မှာထေရ်ဂမၠိုၚ်ဝွံ ကညစိုပ်ကၠုၚ်ဍုၚ်သုဝဏ္ဏဘုံတုဲ ကိစ္စသၟိဒ်သီ၊ ကိစ္စဗှ်ပယျၚ်၊ ကိစ္စဖျေံပ္တိုန်ပရိယတ် ပဋိကတ် အတိုၚ်မူသံဂါယန တတိယတအ်ဂှ် ရၚ်တၠုၚ်တဴ ဗွဲမပြဟ်ပြေဟ်ရ။ ပ္ဍဲကာလဂှ် ကောန်ရာမည သုဝဏ္ဏဘုံဂမၠိုၚ် ဂိုၚ်ကေတ်ပါဠိပိဋကတ် စိုပ်ကၞောတ်တုဲ ပံၚ်ပ္ကောမ်ဖ္ဍောတ်သှ်ဇျာယ် ညံၚ်ရဴ သဂံါယနမွဲကီု-
အလန်ပထမ ပလေဝ်ဒါန်
ပ္ဍဲသက္ကရာဇ်သာသနာ (၂၃၆) သၞာံဂှ် သ္ပတမ်တုဲ ပ္တိုန်သံဂါယန ပထမ သၟတ်ပ္ဍဲရာမညဒေသ ဍုၚ်သဓီု၊ ဘာကေလာသဝွံရောၚ်။
"အာဂတနူဏအ် ကၠံသၞာံမွဲဝါ ပံၚ်ပ္ကောမ်တုဲ ဖ္ဍောတ်ပ္တိုန်သံဂါယနသၟတ်ရောၚ်" သာ်ဝွံ စွံလဝ် ကတိကဝတ်ရ။
အလန်ဒုတိယ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် ၃၃၆ သၞာံ၊ ပ္တိုန်သံဂါယန ဒုတိယမှာထေရ်သောဘိတ ဒှ်က္ဍိုပ်သ္ကိုပ်တုဲ သၟိၚ်မန် ကာလဝဏ္ဏရာဇာ ဒှ်ဒကာရ။
အလန်တတိယ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် ၄၃၆ သၞာံ၊ ပ္တိုန်သံဂါယန တတိယ မှာထေရ်သူရိယဂုတ္တ ဒှ်က္ဍိုပ်သ္ကိုပ်တုဲ သၟိၚ်မန် မဟာသာလရာဇာ ဒှ်ဒကာရ။
မရနုက်ကဵု (၄) ဝါ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် ၅၃၆ သၞာံ၊ ပ္တိုန်သံဂါယန စတုတ္ထ မှာထေရ်သောမဒတ္တ ဒှ်က္ဍိုပ်သ္ကိုပ်တုဲ သၟိၚ်မန် အနုဝရရာဇာ ဒှ်ဒကာရ။
မရနုက်ကဵု (၅) ဝါ ပလေဝ်ဒါန်
ပ္ဍဲသက္ကရာဇ် သာသနာ အာစိုပ် (၆၃၆) သၞာံ၊ ပ္တိုန်သံဂါယန ပဉ္စမ မှာထေရ်မနတိဿ ဒှ်က္ဍိုပ်သ္ကိုပ်တုဲ သၟိၚ်မန် ယုဂန္ဓရာဇာ ဒှ်ဒကာရ။
မရနုက်ကဵု (၆) ဝါ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် (၇၃၆) သၞာံ၊ ပ္တိုန်သံဂါယနဆဋ္ဌ မှာထေရ်သောပါက ဒှ်က္ဍိုပ်သ္ကိုပ်တုဲ သၟိၚ်မန် သာဓုရာဇာ ဒှ်ဒကာရ။
မရနုက်ကဵု (၇) ဝါ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် (၈၃၆) သၞာံ၊ ပ္တိုန်သံဂါယန သတ္တမ မှာထေရ်ဒုတိယ သောပါက ဒှ်က္ဍိုပ်သ္ကိုပ်တုဲ သၟိၚ်မန် အသက္ကရာဇာ ဒှ်ဒကာရ။
မရနုက်ကဵု (၈) ဝါ ပလေဝ်ဒါန်
ပ္ဍဲသက္ကရာဇ် သာသနာ အာစိုပ် (၉၃၆) သၞာံ၊ ပ္တိုန်သံဂါယနအဋ္ဌမ မှာထေရ်အနောမဒဿဳ၊ လ္ၚဵုဟီုမှာထေရ်ရေဝတ ဒှ်က္ဍိုပ်သ္ကိုပ်တုဲ သၟိၚ်မန် သဳလရာဇာဒှ်ဒကာရ။
မရနုက်ကဵု (၉) ဝါ ပလေဝ်ဒါန်
ပ္ဍဲသက္ကရာဇ် သာသနာ အာစိုပ် (၁၀၃၆) သၞာံ၊ ပ္တိုန်သံဂါယန နဝမ မှာထေရ်အဓိသဳလ ဒှ်က္ဍိုပ်သ္ကိုပ်တုဲ သၟိၚ်မန် ဗလိကရာဇာ ဒှ်ဒကာရ။
မရနုက်ကဵု (၁၀) ဝါ ပလေဝ်ဒါန်
ပ္ဍဲသက္ကရာဇ် သာသနာ အာစိုပ် (၁၁၃၆) သၞာံ၊ ပ္တိုန်သံဂါယန ဒသမ မှာထေရ်ပြဏဒဿဳ ဒှ်က္ဍိုပ်သ္ကိုပ်တုဲ သၟိၚ်မန် ဒေဝရာဇာ (ဝါ) သိနၚ်္ဂါ ဒှ်ဒကာရ။
မရနုက်ကဵု (၁၁) ဝါ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် (၁၂၃၆) သၞာံ၊ ပ္တိုန်သံဂါယန ဨကာဒသမ မှာထေရ်သဳလဗုဒ္ဓိ ဒှ်က္ဍိုပ်သ္ကိုပ်တုဲ သၟိၚ်မန် ကုသရာဇာ ဒှ်ဒကာရ။
မရနုက်ကဵု (၁၂) ဝါ ပလေဝ်ဒါန်
ပ္ဍဲသက္ကရာဇ်သာသနာ အာစိုပ် ၁၃၃၆ သၞာံ၊ ပ္တိုန်သံဂါယန ဒွါဒသမှာထေရ်မဟာကလာ ဒှ်က္ဍိုပ်သ္ကိုပ်တုဲ သၟိၚ်မန် ဗန္ဓရာဇာ ဒှ်ဒကာ သံဂါယန စှ်ၜါတန်ဝွံရောၚ်။
တသ္မာကရဏာ ဟိုတ်ဒှ်သာ်ဂှ်ရ ပိုယ်ဒကာကောန်ဗုဒ္ဓဘာသာ ဥပ္ပတြုံဗြဴ ညးမနွံကဵုဓရ်သဒ္ဓါတအ်ဂှ် တၞဟ်နသာသနာကျာ်တြဲနာဲညး ဂွံအးဇ္ၚး ဂွံတန်ကြန် ဂွံဗျာပ်တြးအာ လုကဴကာလ အဓါန်မဂၠိၚ်သ္ၚောဲ နကဵုစိုတ်ပရဲသမ္မာ စွံဏာဓရ်သဒ္ဓါ လလဴဖျုၚ်လဝ်စေတနာ ဗွဲမဒးရးတုဲ
သာသနာပိတန် မတွံဂး ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာ - ညံၚ်ဂွံဇၞော်မောဝ် တဴတက်ဂဵုလဟဵု ရာၚ်ဆာဲတိုန်အာ ပ္ဍဲအခါအနာဂတ်ဂတ ညံၚ်ရဴလျးဂိတု၊ လျးတ္ၚဲမာန်ဂှ် သြဝ် ပ္တိတ်ဇြဟတ်ဗိုၚ်ရီုဗၚ် ထ္ၜးလဘာ်အာ သာသနာကျာ်တြဲ ညဳညဳသာသာ သီုညးဖအိုတ် ညိကၠာရ မိဂ္ဂး။