သၞောဝ်သ္ဇိုၚ်ဂကောံထံက်ပၚ်ပရေၚ်ပညာမန်

အခဏ် (၁) မူသ္ဇိုၚ်

၁။ လ္ပံအနာဂတ်

- သၠုၚ်ကဆံၚ်နကဵု ပရေၚ်ပညာနာနာ ဗွဲမစိုပ်တရဴတုဲ ဒးဂတာပ်ခေတ် ၜိုဟ်လလံမဟာဇန်မန်မာန်ဏောၚ်။

၂။ တၚ်ရန်တၟံ

1. သွက်ဂွံဒက်ပ္တန်ဇြဟတ်ညဳသာ အကြာသၟတ်မန်ဂမၠိုၚ်
2. သွက်ဂွံထံက်ပၚ် ဖောအ်ဗြေဝ်ပ္တိုန် ပရေၚ်ပညာဂကူမန်
3. သွက်ဂွံလွဳၜံၚ်ပ္တိတ် က္ဍိုပ်သ္ကိုပ်အနာဂတ်
4. သွက်လိက်ပတ်မန် ကဏ္ဍနာနာ ညံၚ်ဂွံမံက်ဂတဝ်အာမာန်
5. သွက်ဂွံထိၚ်ဒက်အာဲကၟာဲ ယေန်သၞာၚ် လိက်ပတ်ဂကူ ဘာသာ သာသနာမန်

၃။ လၟေၚ်ကမၠောန်

1. ကပေါတ်ဆဝ်မ္ၚုဟ် စၟတ်သမ္တီတ္ၚဲတၟေၚ်
2. တက်တြးတၞး ပရေၚ်ကဵုပညာ
3. လိက်ထံက်ပၚ်အ္စာကၞေဟ်
4. လိက်ပြဟ်ညာဏ်ကောန်ၚာ်
5. လိက်ကၞပ်မဂ္ဂဇြေန်
6. လိက်ကၞပ်သာသနာ
7. လ္ၚတ်အာဲကၟာဲမန်
8. ပေဲါဆဵုဂဗကဵုသၟတ်
9. အစဳအဇန်သၠုၚ်လညာတ်
10. အစဳအဇန်သၠုၚ်ဍာ်ဒကေဝ်နဲကဲပရိုၚ်
11. အစဳအဇန်ပေဲါဟီုတွံ
12. အစဳအဇန်သၟတ်ပါလုပ်ပံၚ်တောဲ ပရေၚ်ချဳဒရာၚ်
13. အစဳအဇန်ကၠောန်ဌာန်မုက်လိက် ဆက်စၠောံမဟာဇန်

အခဏ် (၂) ယၟု ကေုာံ တဆိပ်သၚ်္ကေတဂကောံ

၄။ ယၟုဂကောံ

(က) ဂကောံဝွံ

1. နကဵုဘာသာမန် ။ ။ ဂကောံထံက်ပၚ်ပရေၚ်ပညာမန်

(တၚ်စၟတ်) ဗွဲခ္ဍန်မ္ဂး (ထပမ)

1. နကဵုဘာသာဗၟာ ။ ။မွန်ပညာထောက်ပံ့ရေးအဖွဲ့
2. နကဵုဘာသာအၚ်္ဂလိက် ။ ။ Mon Education Supporting Organization

(တၚ်စၟတ်) ဗွဲခ္ဍဲမ္ဂး (MESO)

(ခ) ပံက်အဓိပ္ပါယ်ယၟုဂကောံ

1. "ဂကောံ" ဟီုမ္ဂးဂှ် ဒုၚ်သ္ဇိုၚ်ကဵုသၚ်သၟတ်မန် မၞုံကဵုစိုတ်ဓာတ်ပရဟိတ အြကာအာယုက် ၁၈-၄၀ သၞာံတုဲ ဒက်ပ္တန်လဝ်ဂှ် မိက်ဂွံသ္ဂး။
2. "ထံက်ပၚ်" ဟီုမ္ဂးဂှ် နကဵုနဲကဲ၊ သြန်၊ ဇြဟတ်ချဳဒရာၚ် ရေၚ်တၠုၚ်အာဂှ် "ထံက်ပၚ်" မိက်ဂွံသ္ဂး။
3. "ပရေၚ်ပညာ" ဟီုမ္ဂးဂှ် သဘဴဓရ် မဒှ်ဒတုဲဖိုလ် ပရေၚ်ညဳသၟဟ် ကေုာံ ပရေၚ်ၜိုဟ်လလမ်ဂၠးဂှ် "ပရေၚ်ပညာ"မိက်ဂွံသ္ဂး။
4. "မန်" ဟီုမ္ဂးဂှ် မဟာဇန်ဒုၚ်ဂိုၚ်သမ္တီလဝ် ဂကူမန်ဂှ် "မန်" မိက်ဂွံသ္ဂး။

၅။ တဆိပ်ဂကောံ

(ခ) ဗွဲလိက်

1. ပစ္စယ် (၂၄) စုတ်လဝ်ကဵု အရံၚ်သာ်ထဝ်ဂှ် တၞဟ်နမိက်ဂွံကဵု လျးကျာ်သြဳဂကောံမရာၚ်ဆာဲအာ အလုံဂကူမန်တုဲ စုတ်လဝ်ရ။
2. ပစ္စယ် (၂၄) ဂှ် မိက်ဂွံပ္တီကဵု ဗုဒ္ဓဘာသာတုဲ စုတ်လဝ်ရ။
3. လိက်အုပ်သာ်ဍီုဂှ် တၞဟ်နမိက်ကဵုဂကောံ တန်ကြန်အာ ဗွဲမလံလကာဖာတုဲ စုတ်လဝ်ရ။
4. လိက်အုပ်နွံဒၟံၚ် ပ္ဍဲလ္တူၜိုပ်ဂှ် တၞဟ်နမိက်ဂွံပ္တီကဵု လိက်ပတ် ဘာသာ သာသနာ ဂကူမန်ဂွံဂဵု လဟဵုတဴတက်အာတုဲ စုတ်လဝ်ရ။
5. ပၟတ်ပၞာၚ်သ္ဍဴဂဵုလျးဒၟံၚ်ဂှ် တၞဟ်နမိက်ဂွံကဵု လျးလိက်ပတ်တၟးစဳပျးအာ အလုံဂကူမန်တုဲ စုတ်လဝ်ရ။
6. ၜိုပ်မစုတ်လဝ်ပ္ဍဲတဆိပ်ဂှ် ဒဒှ်သၚ်္ကေတဂကူမန်တုဲ စုတ်လဝ်ရ။
7. ဂၠးတိမစုတ်လဝ်ဂှ် ဂကောံဝွံ မိက်ဂွံသ္ပသမ္တီကဵု ညးဂၠးတိတံတုဲ စုတ်လဝ်ရ။
8. ဗၞဳဝဏ်မစုတ်လဝ် မ္ၚးတဆိပ်ဂှ် တၞဟ်နသွက်ဂွံမၚ်မွဲအာ ဂကောံဂွံဗိုန်ဗတ် ခိုၚ်ကၠိုက်တုဲ စုတ်လဝ်ရ။
9. အရံၚ်ဒုၚ်ကြဴ သာ်မတ်ဗြဲၜတ်ၜတ်ဂှ် တၞဟ်နမိက်ဂွံကဵု ဂကူမန် သာယာၜိုဟ်သြိုဟ်တုဲ စုတ်လဝ်ရ။
10. မအက္ခရ် ဘာသာအၚ်္ဂလိက် စုတ်လဝ်ပ္ဍဲတဆိပ်ကြာဂှ် ရန်တၟံကဵု ညးဟွံလေပ် ဘာသာမန်တအ် ဂွံတီကေတ် ဂကောံထံက်ပၚ်ပရေၚ်ပညာမန် စုတ်လဝ်နကဵု ဘာသာဘာသန္တရမဒှ်ရ။

(က) ယၟုဌာန

1. နကဵုဘာသာမန်။ ။ဌာနထံက်ပၚ်
2. နကဵုဘာသာဗၟာ။ ။ထောက်ပံရေးဌာန
3. နကဵုဘာသာအၚ်္ဂလိက်။ ။Supporting Department
   1. တၚ်စၟတ်။ ။ဗွဲခ္ဍန်မ္ဂး (SD)

(ဂ) ဗွဲလိက်

1. သၚ်္ကေတတဲ မစုတ်လဝ် အရံၚ်သာဍီုဂှ် မိက်ဂွံကဵုတီ ထံက်ပၚ်သဘဴဓရ် ၜိုဟ်လလံတုဲ စုတ်လဝ်ရ။
2. သၚ်္ကေတမၞိဟ် မစုတ်လဝ် သာ်ပ္ကဴခ္ဍောၚ်ဂှ် မိက်ဂွံကဵုတီ ပရေၚ်ရီုဗၚ်ရေၚ်သ္ကံတုဲ စုတ်လဝ်ရ။
3. သၚ်္ကေတပိကဠၚ် မအက္ခရ်အၚ်္ဂလိက် မစုတ်လဝ် အရံၚ်သာ်စုၚ်ဂှ် မိက်ဂွံကဵုတီပရၚ်ရေၚ်တၠုၚ် သွပ်လ္ပံမဟာဇန်တအ် ဂွံဒှ်ကၠုၚ်နတဲတုဲ စုတ်လဝ်ရ။
4. အလာံ မစုတ်လဝ် အရံၚ်သာ်ဍာဲဂှ် မိက်ဂွံကဵုတီ ပရေၚ်ရေၚ်တၠုၚ်မဟာဇန်တအ် ဂွံသၠးပွးအာ နူဓရ်ဖေက်တုဲ စုတ်လဝ်ရ။

၇။ ယၟု ကေုာံ တဆိပ်ဌာနပညာ

(က) ယၟုဌာန

1. နကဵုဘာသာမန်။ ။ဌာနပညာ
2. နကဵုဘာသာဗၟာ။ ။ပညာရေးဌာန
3. နကဵုဘာသာအၚ်္ဂလိက်။ ။Education Department
   1. တၚ်စၟတ်။ ။ဗွဲခ္ဍန်မ္ဂး (ED)

(ဂ) ဗွဲလိက်

1. သၚ်္ကေတ ပိကဠၚ် ကေုာံ မအက္ခရ်ပါဠိဂှ် မိက်ဂွံကဵုတီ ပရေၚ်ပညာ ဇၞော်ပြဲသၠုၚ် ပ္တိုန်ကဵုဘဝတုဲစုတ်လဝ်ရ။
2. အရံၚ်သာ်မိတ် နွံပ္ဍဲပိကဠၚ်ဂှ် မိက်ဂွံကဵုတီ ပရေၚ်ပညာ ရေၚ်တၠုၚ်ဂၠး နဒဒှ်သ္အးဇ္ၚး နူလွဟ်အနုလက်ကၠိုက်တုဲ စုတ်လဝ်ရ။
3. အရံၚ်သာ်ဍီု နွံပ္ဍဲပိကဠၚ်ဂှ် မိက်ဂွံကဵုတီ လက်သဏ်အခေါၚ်အရာတုပ်သၟဟ်တုဲ စုတ်လဝ်ရ။
4. အရံၚ်သာ်ဍာဲ နွံပ္ဍဲပိကဠၚ်ဂှ် မိက်ဂွံကဵုတီပရေၚ်ပညာဂှ် ရေၚ်တၠုၚ်ပွဟွံမွဲကဵုဖေက်ဂၟံက်တုဲ စုတ်လဝ်ရ။
5. ကၞေဟ်သၞၚ်ဂှ် မိက်ဂွံကဵုတီ လွဟ်မဳဒဳယာ ရေၚ်တၠုၚ်ဓရ်ဍာံတုဲ စုတ်လဝ်ရ။

၈။ ယၟု ကေုာံ တဆိပ်ဌာနမဟာဇန်

(က) ယၟုဌာန

1. နကဵုဘာသာမန်။ ။ဌာနမဟာဇန်
2. နကဵုဘာသာဗၟာ။ ။လူမှုရေးဌာန
3. နကဵုဘာသာအၚ်္ဂလိက်။ ။Civil Department
   1. တၚ်စၟတ်။ ။ ဗွဲခ္ဍန်မ္ဂး (CD)

(ဂ) ဗွဲလိက်

1. သၚ်္ကေတတဲဂှ် မိက်ဂွံကဵုတီ ပရေၚ်ရီုဗၚ်မဟာဇန်တုဲ စုတ်လဝ်ရ။
2. သၚ်္ကေတညဳသၟဟ်ဂှ် မိက်ဂွံကဵုတီ ပရေၚ်ညဳသၟဟ်တုဲ စုတ်လဝ်ရ။
3. အရံၚ်သာ်မတ်ဗြဲဂှ် မိက်ဂွံကဵုတီ ပရေၚ်ၜိုဟ်လလံဂၠးတုဲ စုတ်လဝ်ရ။

အခဏ် (၃) ဗီုပြၚ်ဒက်ပ္တန်ဂမၠိုၚ်

၉။ ဗီုပြၚ်ဒက်ပတန်ဂကောံ

(က) ဗွဲခံက်အၚ်

တၚ်စၞောန် (၁)

(ခ) ဗွဲလိက်

1. ဂကောံညးကဵုကသပ်
2. ဂကောံကေၚ်ကာ
3. ဌာနထံၚ်ပၚ်
4. ဌာနပညာ
5. ဌာနမဟာဇန်

၁၀။ ဗီုပြၚ်ဒက်ပ္တန်ဂကောံကေၚ်ကာ

(က) ဗွဲခံက်အၚ်

တၚ်စၞောန် (၂)

(ခ) ဗွဲလိက်

1. ဥက္ကဌ
2. ဒု-ဥက္ကဌ
3. ညးအုပ်ကာ
4. သ္ကိုပ်ဌာနထံက်ပၚ်
5. သ္ကိုပ်ဌာနပညာ
6. သ္ကိုပ်ဌာနမဟာဇန်
7. သ္ကိုပ်ချူကိုန်အစဳဇန်
8. သ္ကိုပ်ရပ်သြန်
9. သ္ကိုပ်ရပ်စရၚ်
10. သ္ကိုပ်ဆက်စၠောံ
11. သ္ကိုပ်စၟတ်သမ္တီ
12. သ္ကိုပ်ဆက်စၠောံ
13. သ္ကိုပ်ညးစၞး

၁၁။ ဗီုပြၚ်ဒက်ပတန်ဌာနဂမၠိုၚ်

(က) ဗွဲခံက်အၚ်

တၚ်စၞောန် (၃)

(ခ) ဗွဲလိက်

1. သ္ကိုပ်ဌာန
2. ညးချူကိုန်အစဳဇန်
3. ညးရပ်သြန်
4. ညးရပ်စရၚ်
5. ညးဆက်စၠောံ
6. ညးစၟတ်သမ္တီ
7. ညးရေၚ်တၠုၚ်

၁၂။ ဗီုပြၚ်ဒက်ပ္တန်သွာၚ်ဂမၠိုၚ်

(က) ဗွဲခံက်အၚ်

တၚ်စၞောန် (၄)

(ခ) ဗွဲလိက်

1. သ္ကိုပ်သွာၚ်
2. ညးတာလျိုၚ်ဌာနထံက်ပၚ်
3. ညးတာလျိုၚ်ဌာနပညာ
4. ညးတာလျိုၚ်ဌာနမဟာဇန်

အခဏ် (၄) မူဝါဒဂမၠိုၚ်

၁၃။ မူဝါဒဂကောံ

(က) အခေါၚ်အရာသၠးပွးပူဂိုလ်ဂှ် ရှေ်သှေ်အာရောၚ်။

(ခ) ဂကောံ၊ ဂိုဏ်၊ ဗော် မမိက်ကဵုမွဲမွဲတအ်ဂှ် ဟွံပါ်ခြာရောၚ်။

(ဂ) တၚ်ရန်တၟံတုပ်သၟဟ်မ္ဂး ပံၚ်တောဲချဳဒရာၚ်အာ နဒဒှ်မဟာမိတ်ရောၚ်။

(ဃ) ဒ္ဂေတ်ကွာ်ဗက်အာ အတိုၚ်ဝါဒ ဓရ်ဗြဟ္မဇဵု(၄) ပြကာရောၚ်။

(ၚ) ဂကောံဝွံ ရေၚ်တၠုၚ်ချဳဒရာၚ်အာ ဗွဲမပံက်တၟ:ညာတ်ကၠး အကြာဂၠးမတ်မဟာဇန်တအ်ရောၚ်။

(စ) ဂကောံဝွံ ဒုၚ်သဇိုၚ်ကဵု သၞောတ်ဒဳမဝ်ကရေဇြဳတုဲ ပံၚ်တောဲ က္ဍိုက်အာက္ဍိုပ်ရောၚ်။

(ဆ) ဂကောံဝွံ ဒုၚ်သဇိုၚ်ကဵု သၚ်သၟတ်မၞုံကဵုစိုတ်ဓာတ်ပရဟိတတုဲ ဒက်ပတန်လဝ်ရောၚ်။

၁၉။မူဝါဒသြန်ဌာန

(က) ကောန်ဌာနညးကဵုညးဂှ် ဒးစုတ်သြန်ဗွဝ်ပ္ဍဲဌာနဟေၚ်ရောၚ်။

(ခ) ဌာနညးကဵုညး အခေါၚ်ထိၚ်သြန်နွံရောၚ်။

(ဂ) ညးတာလျိုၚ်တံ ထိၚ်ဒဝ်ဟွံသၟဟ်အစောံမ္ဂး အခေါၚ်အပ်ကဵုညးတာလျိုၚ် သ္ကိုပ်ရပ်သြန်နွံရောၚ်။

(ဃ) သြန်မၜက်လောန်အာလ္တူနူကဵု ဗၞတ်ဗ္ၜတ် ဂကောံမကဵုလဝ်အခေါၚ် စွံထိၚ်ပ္ဍဲဌာနမ္ဂး ဒးစၠောံဏာကဵုသြန်ဂကောံရောၚ်။

(ၚ) နကဵုကိစ္စပရေၚ်ထတ်ယုတ်ကီု ကိစ္စပရေၚ်ပြံၚ်လှာဲဒေသကီု ကိစ္စစဵုကဵုဆက်စၠောံ ဟွံဂွံကီု ကိစ္စယောၚ်ယာ ဆေၚ်စပ်ကဵုသြန်ကီု ဒုၚ်သဇိုၚ်လ္တူတၚ်ပၠောပ်ဂလာန်သဇိုၚ်ဌာန တၚ်ပၠောပ်ဂလာန် သ္ဂုတ်သွာတ်ကေၚ်ကာ တုပ်စိုပ်ကဵု သြန်ဂမၠိုၚ်ပြံၚ်စၠောံတာလျိုၚ် ဗွဲမပြဟ်ပြေဟ်မာန်ရောၚ်။