သၟာဗ္ၚကဵုပရေၚ်ဍုၚ်ကွာန်
ပ္ဍဲဍုၚ်ပိုဲတေံ ဇၟာပ်မၞိဟ်ဟီုဂးမံၚ်ဂှ် ကြက်မၞိဟ်ဂှ်ပုၚ်ရဆ္ဂးဂွံဒှ်ပုၚ်
ကၠုၚ်နူသ္ၚုတုဲ သ္ၚုဂှ်ကၠုၚ်နူသြောံ သြောံပၠန်ကၠုၚ်နူဗ္ၚရ ဟိုတ်ဂှ်
ရ ဇၟာပ်မၞိဟ်ဂျိုၚ်ဒၟံၚ် လမျီုလ္တူဍုၚ်လိုက် တန်တဴဒၟံၚ်ပ္ဍဲဍုၚ်
ပိုဲဏံမ္ဂး ဒးတီဂုဏ် ရဲသၟာဗ္ၚတံထေက်ရောၚ်
သၟာပရေၚ်ဍုၚ်ကွာန်တံ ဟီုဂးမံၚ်ဗွဲမဂၠိုၚ်ဂှ် သၟာဗ္ၚတံစိုတ်ဟွံလုပ် စကဵုပေါဲရုဲမာဲပုဟ်ဂှ် ဟီုဂးတိုန်အိုတ်ရ မုဟိုတ်စိုတ်ညးတံ ဟွံလုပ်စရော ယဝ်ပိုဲလ္ၚတ်ရံၚ်မ္ဂး ဒဒှ်ဍာံမွဲပိုဲဂွံဆဵုဗွဲစၟတ်ရ
ဒဒှ်ဍာံပိုဲဆဵုတုဲမ္ဂး ဂၠံၚ်ဍာန်လဵု ဗီုပြၚ်လဵု ပိုဲဂွံရီုဂွံ ပိုဲဂၠာဲနဲကဲတုဲ
ယဝ်ပိုဲကၠုၚ်ကဵုသွဟ်ကဵုညးတံမ္ဂး ညးတံလေဝ်ဟွံတရဴထောံစး ကဵုပေါဲရုဲမာဲပုဟ်ညးချူလိက်ဏံဂံၚ်ဒုၚ်လျိုၚ်ရ
ပေါဲရုဲမာဲနူသၞာံ (၂၀၁၀)တုဲကၠုၚ်တေံ လၟိဟ်အမာတ်မန်တံ
ဇၞးမာဲဂၠိုၚ်တဴကီုလေဝ် သွက်ရဲသၟာဗ္ၚတံ ဂွံဒုၚ်စသိုၚ် မပ္တံကဵု
ၚုဟ်မး သြောံသ္ၚုဒှ်တမ် မုလေဝ်ပြံၚ်လှာဲကၠုၚ်တုဲ အတိုၚ်
သၞောတ်တြေံ အလဵုသဳပၞာန်တုဲကၠုၚ်တေံပၠန်တုဲ ဒၞာဲလ္ၚဵုဒးဒုၚ်
သီတိဍာ်လေဝ်ဟွံအိုတ်အာလးလးရ
(၂၀၁၅)တုဲကၠုၚ်ဏံလေဝ် အမာတ်မန်ပိုဲ ဇၞးလဝ်မာဲနွံမံၚ်ကီုရ
ဆ္ဂး ကိစ္စပရေၚ်ဍာ်ဂၠိုၚ်ဇၞော်ကဵုဇြဟတ် သြောံချိုတ်တုဲပွိုၚ်ၜါ
သၞာံအဆက်က် ညးဍုၚ်ကွာန်သၟာဗ္ၚတံ ယာက္ဍိုပ်ဟွံမာန်
အိုတ်ရ သၟာပရေၚ်ဍုၚ်ကွာန် အလဵုမွဲလေဝ်ကၠုၚ်ကဵုဇြဟတ်ရီုဗၚ် ဟွံမွဲဏီရ
ဟိုတ်ဂှ်ရ ပေါဲရုဲမာဲပ္ဍဲ(၂၀၂၀)ဏံ ညးဍုၚ်ကွာန်သၟာဗ္ၚတံ စိုတ်
ဟွံလုပ်စကဵုပေါဲရုဲမာဲဒှ်ကၠုၚ်ရ တ္ၚဲဏံနဒဒှ်သၟာဗ္ၚဏံ သ္ပစၞးသွက် ကောန်ကွာန်သၟာဗ္ၚတံတုဲ မိက်ဂွံ အာတ်မိက်အလံၚ်မာတ် ညးစိုတ်မလုပ်စ ပရေၚ်ဍုၚ်ကွာန်တံ ပိုဲရဲသၟာဗ္ၚမ္ဂး ပူဂဵု
လဵုဟွံရုဲ ဍာ်ဒကေဝ်ဂလိုၚ်လဵုဟွံဟီု ဒတူလိုၚ်လ္ပါ်ညးဍုၚ်
ကွာန်တုဲ ဂံၚ်ပ္တိုန်ဂလာန် ပ္ဍဲကၠတ်ထဝ်မ္ဂး အမာတ်ဂှ် ဒှ်ခိုဟ်
သွက်ပိုဲ ရဲသွာဗ္ၚတံရ
အမာတ်တံလေဝ် ညံၚ်သ္ဂောံ ကလိဂွံမမာဲညးကွာန် လစွံစိုတ်လ္တူညးဍုၚ်ကွာန်မန်ကီု သီုကဵုရဲတဵုလွဳတံ သၟာဗ္ၚတံ အးအးၚးၚးတုဲ ကိစ္စၚုဟ်မးသြောံသ္ၚု ညံၚ်ဂွံခိုဟ်တိုန် ညံၚ်ဂွံ
ကိတ်ညဳကဵုရဲသၟာဗ္ၚတံ ဂစာန်ကဵုညံၚ်ဂွံဍိုက်ပေၚ်ညိဂှ် ပိုဲညး
ကွာန်ရဲသၟာဗ္ၚတံ အာတ်မိက်ဏာသာ်ဏံတုဲ အုပ်ကၠေံနိဂီု
ဓရီုထောံအရေဝ်ၜိုတ်ဏံကၠာရအဴ
( နိဿဲ )