သၠ​ပတ်​ပ​ထ​မ​ကဝ် ၅

သၠ​ပတ်​ပ​ထ​မ​ကဝ် ၅

^၁စရၚ်အဆက်ကောန်အဆက်စဴအာဍာမ်မ္ဂးဂှ်၊ ပ္ဍဲကာလမက္တဵုပဒှ်လဝ်မၞိဟ်၊ တုပ်သၟဟ်ကဵုအယောၚ်အလာဇကုဂှ် ကျာ်ဂမျိုၚ်က္တဵုပဒှ်လဝ်ရ။ ^၂ကျာ်က္တဵုပဒှ်လဝ်မၞိဟ်တြုံကဵုမၞိဟ်ဗြဴတုဲ၊ ကဵုပသေက်ပသဝ်တဴရ။ ပ္ဍဲတ္ၚဲမက္တဵုပဒှ်ဂှ်လေ ညးတံဂှ် နကဵုယၟုအာဍာမ်ကျာ်ကော်ခဴယၟုရ။

^၃အယုက်အာဍာမ်ကာလမနွံ ကၠံပိစှ်ောသၞာံဂှ်၊ တုပ်သၟဟ်ကဵုရုပ်သာ်ဇကုမွဲရုပ်ရ။ ညာတ်မုက်ကောန်တုဲ၊ နကဵုယၟုသှေထမကော်ခဴယၟုရ။ ^၄ကြဴမညာတ်မုက်သှေထဂှ်၊ အာဍာမ်ဝွံ ဂျိုၚ်လမျီုဒစာံကၠံသၞာံတုဲ ညာတ်မုက်ကောန်တြုံကောန်ဗြဴဂမၠိုၚ်ရ။ ^၅အာဍာမ်ဝွံ အယုက်ပေၚ်ဒစိတ်ကၠံပိစှ်ောသၞာံတုဲ ချိုတ်အာရ။

^၆သှေထဝွံ နွံအယုက် ကၠံမသုန်သၞာံတုဲ ညာတ်မုက်ကောန်ဨဏောတ်ရ။ ^၇ကြဴမညာတ်မုက်ဨဏောတ်၊ သှေထဝွံ ဂျိုၚ်လမျီုဒစာံကၠံထပှ်သၞာံတုဲ ညာတ်မုက်ကောန်တြုံကောန်ဗြဴဂမၠိုၚ်ရ။ ^၈သှေထဝွံ အယုက်ပေၚ်ဒစိတ်ကၠံစှ်သၞာံတုဲ ချိုတ်အာရ။

^၉ဨဏောတ်ဝွံ နွံအယုက်ဒစိတ်စှ်ောသၞာံတုဲ ညာတ်မုက်ကောန်ကာဣနာန်ရ။ ^၁၀ကြဴမညာတ်မုက်ကာဣနာန်ဂှ် ဨဏောတ်ဝွံ ဂျိုၚ်လမျီု ဒစာံကၠံစှ်သုန်သၞာံတုဲ ညာတ်မုက်ကောန်တြုံကောန်ဗြဴဂမၠိုၚ်ရ။ ^၁၁ဨဏောတ်ဝွံ အယုတ်ပေၚ်ဒစိတ်မသုန်သၞာံတုဲ ချိုတ်အာရ။

^၁၂ကာဣနာန်ဝွံ နွံအယုက်ထပှ်စှ်ောသၞာံတုဲ ညာတ်မုက်ကောန်မဟာလေလရ။ ^၁၃ကြဴမညာတ်မုက် မဟာလေလဂှ်၊ ကာဣနာန်ဝွံ ဂျိုၚ်လမျီုဒစာံကၠံပန်စှ်ောသၞာံတုဲ ညာတ်မုက် ကောန်တြုံကောန်ဗြဴဂမၠိုၚ်ရ။ ^၁၄ကာဣနာန်ဝွံ အယုက်ပေၚ်ဒစိတ်ကၠံစှ်သၞာံတုဲ ချိုတ်အာရ။

^၁၅မဟာလေလဝွံ နွံအယုက်တရဴဣသုန်သၞာံတုဲ၊ ညာတ်မုက်ကောန်ယျာရေတ်ရ။ ^၁၆ကြဴမညာတ်မုက် ယျာရေတ်ဂှ် မဟာလေလဝွံ ဂျိုၚ်လမျီုဒစာံကၠံပိစှ်ောသၞာံတုဲ၊ ညာတ်မုက်ကောန်တြုံကောန်ဗြဴဂမၠိုၚ်ရ။ ^၁၇မဟာလေလဝွံ အယုက်ပေၚ်ဒစာံကၠံဒစိတ်ဣသုန်သၞာံတုဲ ချိုတ်အာရ။

^၁၈ယျာရေတ်ဝွံ အယုက်ကၠံတရဴစှ်ောၜါသၞာံတုဲ ညာတ်မုက်ကောန်ဨဏောတ်ရ။ ^၁၉ကြဴမညာတ်မုက်ဨဏောတ်တုဲဂှ်၊ ယျာရေတ်ဝွံ ဂျိုၚ်လမျီုဒစာံကၠံသၞာံတုဲ ညာတ်မုက်ကောန်တြုံကောန်ဗြဴဂမၠိုၚ်ရ။ ^၂၀ယျာရေတ်ဝွံ ပေၚ်အယုက်ဒစိတ်ကၠံတရဴသၞာံတုဲ ချိုတ်အာရ။

^၂၁ဨဏောတ်ဝွံ နွံအအယုက်တရဴမသုန်သၞာံတုဲ ညာတ်မုက်ကောန်မထုသှေလရ။ ^၂၂ကြဴမညာတ်မုက်မထုသှေလဂှ် ဨဏောတ်ဝွံ လုကဴပိကၠံသၞာံကောံကုကျာ်ဂမျိုၚ်မွဲစွံအာကၠုၚ်တုဲ ညာတ်မုက်ကောန်တြုံ၊ ကောန်ဗြဴဂမၠိုၚ်ရ။ ^{၂၃-၂၄}အယုက်ဨဏောတ်သီုဖအိုတ်ဒှ်ပိကၠံတရဴဣသုန်သၞာံရောၚ်။ ဨဏောတ်ဝွံ ကောံကုကျာ်ဂမျိုၚ်မွဲစွံ အာကၠုၚ်ရ။ ကြဴဂှ် ညးဟွံမွဲ။ ဟိုတ်မ္ဂးဂှ်၊ ဟိုတ်ကျာ်ဂမျိုၚ်မသီကေတ်ရောၚ်။

^၂၅မထုသှေလဝွံ နွံအယုက်ကၠံဒစာံစှ်ောထပှ်သၞာံတုဲ ညာတ်မုက်ကောန်လာမေက်ရ။ ^၂၆ကြဴမညာတ်မုက်လာမေက်ဂှ်၊ မထုသှေလဝွံ ဂျိုၚ်လမျီုထပှ်ကၠံဒစာံစှ်ောၜါသၞာံတုဲ ညာတ်မုက်ကောန်တြုံကောန်ဗြဴဂမၠိုၚ်ရ။ ^၂၇မထုသှေလဝွံ ပေၚ်အယုက်ဒစိတ်ကၠံတရဴစှ်ောဒစိတ်သၞာံတုဲ ချိုတ်အာရ။

^၂၈လာမေက်ဝွံ ပ္ဍဲမနွံအယုက် ကၠံဒစာံစှ်ောၜါသၞာံညာတ်မုက် ကောန်မွဲတုဲ၊ ^၂၉ညးဝွံ မ္ဂးဂှ်၊ ကၠောန်ပ္ဍဲကျာ်ထာဝရမလက်ချဴဂှ်တုဲ ပ္ဍဲပိုဲညးမဒးဒုၚ်ဒဒှ်မဍောၚ်ၜိုတ်ဂှ် ဒှ်ညးကဵုလလံသွာရောၚ် သာ်ဝွံတုဲ၊ ကော်ခဴယၟုညးနဝ်ဨရ။ ^၃၀ကြဴမညာတ်မုက် နဝ်ဨဂှ် လာမေက်ဝွံ ဂျိုၚ်လမျီုမသုန်ကၠံဒစိတ်ဣသုန်သၞာံတုဲ၊ ညာတ်မုက်ကောန်တြုံကောန်ဗြဴဂမၠိုၚ်ရ။ ^၃၁လာမေက်ဝွံ ပေၚ်အယုက်ထပှ်ကၠံထပှ်စှ်ောထပှ်သၞာံတုဲ ချိုတ်အာရ။ ^၃၂နဝ်ဨဝွံ မနွံအယုက်မသုန်ကၠံရ။ ကောန်နဝ်ဨမ္ဂးဂှ် သှေမ၊ ဟာမယျာဖေတ်ရောၚ်။

နိဿဲ

ဂကောံသၠပတ်သမ္မာမန်