အကပ္ပိယမံသ
အကပ္ပိယမံသမ္ဂးဂှ် ဖျုန်စှ်သာ် ခမဳတအ် ဟွံဂပ်ဝ်ပြဘိုဂ် မမိက်သ္ဂး။ ဖျုန်စှ်သာ်မ္ဂးဂှ်
၁။ မနုဿမံသ - ဖျုန်မၞိဟ်
၂။ ဟတ္ထိမံသ - ဖျုန်စိၚ်
၃။ အဿမံသ - ဖျုန်ချေအ်
၄။ သုနခမံသ - ဖျုန်ကၠဵု
၅။ အဟိမံသ - ဖျုန်ဇြုံ
၆။ သဳဟမံသ - ဖျုန်ဇာဒိသိုၚ်
၇။ ဗျဂ္ဃမံသ - ဖျုန်ကၠ
၈။ ဒဳပိမံသ - ဖျုန်ဗြန်
၉။ အစ္ဆမံသ - ဖျုန်ကၟီ
၁၀။ တရစ္ဆမံသ - ဖျုန်ဒိုဟ်ဒး စှ်သာ်ဝွံဟေၚ်ရောၚ်။[၁]
ဟိုတ် ကေုာံ ဒုဟ် ပလေဝ်ဒါန်
ဖျုန်မၞိဟ်ဂှ် ဟိုတ်နူဇာတ်တုပ်တုဲ ဟွံဂပ်ဝ်ပြဘိုဂ်ရ။
ဖျုန်စိၚ်၊ ဖျုန်ချေအ်တအ်ဂှ် ဟိုတ်နူဒှ်ရတ်သၟိၚ်တုဲ ဟွံဂပ်ဝ်ပြဘိုဂ်ရ။
ဖျုန်ကၠဵု၊ ဖျုန်ဇြုံတအ်ဂှ် ဟိုတ်မဂပ်ဝ်က္ဍုဟ်မၠေအ် ဇအိုန်ဇရတုဲ ဟွံဂပ်ဝ်ပြဘိုဂ်ရ။
ဖျုန်ဇာဒိသိုၚ်၊ ဖျုန်ကၠ၊ ဖျုန်ဗြန်၊ ဖျုန်ကၟီ၊ ဖျုန်ဒိုဟ်ဒးတအ်ဂှ် (ယဝ်ပြဘိုဂ်တုဲမ္ဂး သၟူဖျုန်တအ်ဂှ် ပ္ဍးမံၚ်တုဲ မပ္တံဇာဒိသိုၚ်တအ်) ဟိုတ်နူလေပ်သ္ပကဵုအန္တရာယ််တုဲ ဟွံဂပ်ဝ်ပြဘိုဂ်ရ။
ဖျုန်မၞိဟ်ဂှ် ယဝ်ပြဘိုဂ်မ္ဂး အာစိုပ်ထုလ္လစ္စဲတုဲ၊ ဖျုန်သၟေဟ်ဂှ် အာစိုပ်ဒုက္ကဋ်ရ။
ဖျုန်သၟးဟွံက ဇုတ်၊ ဆီ၊ စၞာံ၊ တသော် အလုံအိုဿီု သုၚ်စောဲဟွံထေက်ရ။