အခေါၚ်ရာမၞိဟ်
မၞိဟ်ကေုာံအခိၚ်
⚜▂▂▂▂▂▂▂▂▂▂▂▂▂▂▂▂▂▂▂▂▂▂⚜
စဵုကဵုဂိတုတ္ၚဲ ထ္ၜးဒုဟ်မၞးမာန် မၞးဟွံမွဲကဵုဒုဟ်ဒန်မွဲသာ်ရ။ယဝ်ရမၞး ဒးဒုၚစောဲလဝ် အမှုအရာမဆေၚ်စပ်ကဵု အမှုရာဇာဝတ်နွံဒၟံၚ်မ္ဂး ဇကုမၞး မၞးစဵုကဵုအခေါၚ်နွံလၟိုန်ရောၚ်။ အတိုၚ်စောဲလဝ် အမှုရာဇာဝတ်ကဵုမၞုံဂှ် မၞးဟွံသ္ပလဝ်မွဲသာ် အမှုဂှ် ဟွံဍာံစၟတ်မ္ဂး ယြဴပူဂဵုလဵုမှပတိုန်ဂဗုတ်စုတ်ဂလာန် သ္ပမာန်ကေတ်ဒုဟ် လ္တူမၞးဂှ် အခေါၚ်ဟွံမွဲသက်သက်ရ။ ➲➲➲➲➲➲➲➲➲➲➲
⇪▂▂▂▂▂▂▂▂▂▂▂▂▂▂▂▂▂▂▂▂▂▂▂⇪
လၟိုန်လၟိုန်တ္ၚဲ ဇၟာပ်ဇၟာပ်မၞိဟ်ဒးဆဵုဂဗမံၚ်ဂှ် ''အခိၚ်ရောၚ်'' အခိၚ်ဂှ်စကာမံၚ်မၞိဟ်ရ။ ဇၟာပ်မၞိဟ်ဂှ် ဒးဒုၚ်ၚိတ်စ နကဵုအခိၚ်ရောၚ်။ မၞိဟ်ကလေၚ်ၚိတ်စအခိၚ်မာန်ဂှ် အောန်ဗွဲမလောန်ရ။ တၚ်နၚ်တၟေၚ်တၟဟ်ဂှ် ကပေါတ်မတွံဂး ''အခိၚ်''ဂှ် ယဝ်ရစမ်ၜတ်စၟဳစၟတ်ရံၚ်မ္ဂး အတိုၚ်မစၞောန်ထ္ၜးဗွဲသၟဝ်ဂှ် ဂွံဆဵုကေတ်မာန်ရောၚ်။
ပ္ဍဲပွိုၚ်မွဲတ္ၚဲ ဂွံအခိၚ်(၂၄)နာဍဳမ္ဂး ဇၟာပ်မၞိဟ်ဂွံမာန်ဖအိုတ်ရ၊ မုက်မတ်ညးလဵုဟွံရုဲစှ် ဂွံပိုၚ်ပြဳဗွဲမဓဝ်ယာသီုညးသီုအဲဖအိုတ်ရ။ ပူဂဵုတၟေၚ်လဵုလေဝ် ပ္ဍဲမွဲတ္ၚဲဂွံအခေါၚ်သုၚ်စောဲ(၂၅)နာဍဳ ဟွံမွဲသက်သက်ရ။ ပူဂိုလ်မွဲဂှ် နိမိတ်ဗဒှ်ကဵုလေဝ် ပ္ဍဲမွဲတ္ၚဲ နိမိတ်ဗဒှ်ကဵုပွိုၚ်(၁၀၀)နာဍဳ ဟွံဂွံသက်သက်ရ။ မၞိဟ်တအ်ဂှ် ဂၠာဲပကောံလှုဲ လှာ်သြန်ထဝ် ဂွံမာန်ကီုလေဝ် အခိၚ်ဂှ်ညးလဵုမွဲ ပကောံပကေဝ်ဟေန်စဝ် ဂွံဟွံမာန်ရ။ အခိၚ်ဂှ် ညးညးအဲအဲ ဒးဆဵုဂဗမံၚ်ဂှ် ညံၚ်ဂွံဂၠိၚ်ဗီုဇုက်စၞာံ တံၚ်ဓလိၚ်ပတိုန်ဟွံဂွံ၊ ညံၚ်ဂွံဂၠေံကုတ်ထပိုတ်ထောံ ဗီုအှော်တၞုၚ်လေဝ် ဒှ်ဓဝ်မၞုံပြကတ် မွဲသာ်ရောၚ်။
အလဵုဇကုခၞံဗဒှ်လဝ်စက်နာဍဳတအ်လေဝ် ခၞံဗဒှ်အခိၚ်ဟွံဂွံ။ အခိၚ်ဟွံဒှ်ဏီဂှ်ကီု၊ အခိၚ်လောန်အိုတ်အာဂှ်ကီု ဗီုလဵုကၠောန်ဗဒှ်ဟွံဂွံ ရဴဝွံဒုၚ်ဝန်အိုတ်ရ။ နာဍဳစက်လီုမ္ဂး ပဠေဝ်ဂွံမာန်ရ။ အခိၚ်လောန်အိုတ်အာဂှ် အ္စာပဠေဝ်လဵုလေဝ် ပလေဝ်ပလေတ်ခၞံဗဒှ်ဟွံသၟဟ်အစောမ်ဂှ်။ မၞိဟ်တအ်ဂှ် ဒုၚ်ဖအိုတ်သြန်ထဝ်တုဲမှ ဟိုတ်နူရာန်ဂွံဂှ်ရ စွံၚုဟ်မးကဵုနာဍဳဇကု မရာန်လဝ်ဂှ်ရောၚ်။အခိၚ်ဂှ် ညးတှ်ေတုဲ ဂွံမာန်သၟးသၟးဟွံဒးကဵု သြန်ထဝ်မွဲသာ်တုဲ ဟွံဂွံစွံၚုဟ်မး ဟွံဂိုဟ်အိုတ်ရ။
ဇၟာပ်မၞိဟ်သြန်ဂၠိုၚ်တှ်ေ နာဍဳနာနာသာ်ရာန်ခၠိုၚ်စုတ် ပ္ဍဲကအ်တဲမာန်ကီုလေဝ် အခိၚ်ဂှ် သေၚဳဇၞော်လဵုမှ ရာန်ခၠိုၚ်စုတ်ပ္ဍဲကအ်တဲ ဟွံမာန်အိုတ်ရ။ ဗွဲစၟတ်အခိၚ်ဂှ် ၚုဟ်မးက္ဍၚ်လောန်သြန် လ္တူနူနာဍဳတဲခိုဟ် ဂၠိုၚ်ကဵုလက်ကိုဋ်ဆရောၚ်။ပွမရာန်နာဍဳ ခၠိုၚ်စုတ်ပ္ဍဲကအ်တဲမာန်ကဵုပွမပိုၚ်ပြဳအခိၚ်ဟီုဂှ် ဒှ်တၞဟ်ခြာရောၚ်။ ညးဇၞော်ကဵုပညာကသပ်ဂၞန်ဇၞော် ကသပ်ဂၞန်ခိုဟ်တအ်ဂှ် ကဵုၚုဟ်မးတုဲ ၜိုန်ဟွံရာန်အခိၚ်ကီုလေဝ် ညံၚ်ဂွံဒှ်ဂုဏ် သုၚ်စောဲအခိၚ်တုဲ ၚုဟ်မးအခိၚ်၊ ၚုဟ်မးဘဝမၞိဟ်တအ်ဂှ် သၠုၚ်ပတိုန်သ္ပအဲပရဲအိုတ်ရ။ ခၠိုၚ်လဝ်နာဍဳပ္ဍဲကအ်တဲတုဲ ညးဟွံတီၚုဟ်မးအခိၚ်နွံဗွဲမဂၠိုၚ်ရ။မၞိဟ်ရှ်ေသှ်ေအခိၚ် သ္ပအဲပရဲကဵုအခိၚ်တအ်ဂှ် ဒှ်ညးဟွံဒးရာန်နာဍဳ သွက်ဂွံခၠိုၚ်စုတ်ပ္ဍဲကအ်တဲအိုတ်ရောၚ်။
(နိဿဲ)