အပရိဟာနိယ (၇) သာ်
ဓရ်အပရိဟာနိယ (၇) သာ်၊ ကျာ်တြဲတွံလဝ်ဓရ် ဇၞော်မောဝ်ကဵု ခမဳတအ် (၇) သာ်။
ယွံခမဳတအ် ယြဴဗၞတ်လလံမွဲ ဓရ်အပရိဟာနိယ မတွံဂး "ဓရ်ဟဂွံဟုတ်အာ (၇)သာ်" ဝွံ တန်တဴပ္ဍဲခမဳတအ်ရ။ ခမဳတအ်ဂမၠိုၚ်လေဝ် စၞောန်ထ္ၜးပ္ဍဲဓရ်အပရိဟာနိယ (၇) သာ်ဝွံရ။ ယွံခမဳတအ် ဗၞတ်လလံဂှ် ဒတုဲမြမောဝ်သာသနာ ဇၞော်မောဝ်အာ ကုခမဳတအ် ဟဂွံဟုတ်အာရ။
- ယွံခမဳတအ် ယြဴဗၞတ်လလအ်မွဲ ခမဳတအ်ဂမၠိုၚ် ကၠုၚ်ကောံဓရီုမွဲဟာန် ကေုာံ ရၚ်သ္ကအ်ဟဂွံသ္ကုတ်ရ။ ကၠုၚ်ကောံဓရီု မွဲဟာန်ဂၠိုၚ်ဂၠိုၚ်ကဵုဝါရ။ ဗၞတ်လလအ်ဂှ် ဒှ်ဒတုဲမြမောဝ်သာသနာ ဇၞော်မောဝ်အာ ကုခမဳတအ်ဂှ် ဟဂွံဟုတ်အာရ။
- ယွံခမဳတအ် ယြဴဗၞတ်လလအ်မွဲ ခမဳတအ်ဂမၠိုၚ် ကောံဓရီုမွဲဟာန် ဗွဲကာယစိုတ် သၟဟ်န်ညဳသာအိုတ်ရ။ ဗွဲမသၟဟ်န်ညဳသာ ပတုဲတဴသံဃကိစ္စအိုတ်ရ၊ ဟဂွံဟုတ်အာရ[၁]။
- ယွံခမဳတအ် ယြဴဗၞတ်လလအ်မွဲ ခမဳတအ်ဂမၠိုၚ် ဓရ်အဲကျာ်ဟဂွံပ္ညပ်လဝ်ဏီဂှ် ကြက်ဟဂွံပ္ညပ်ရ။ ဓရ်အဲကျာ်ပ္ညပ်လဝ်တုဲတအ်ဂှ် ဟဂွံသ္ကုတ်ပလီုကၠေံရ။ ပ္ဍဲသိက္ခာပိုဒ် အတိုၚ်အဲပ္ညပ်လဝ်ဂှ် ဒဂိုတ်ကေတ်တုဲ ဒဂေတ်တဴအိုတ်ရ။ ဗၞတ်လလအ်ဂှ် ဟဂွံဟုတ်အာရ။
- ယွံခမဳတအ် ယြဴဗၞတ်လလအ်မွဲ ခမဳတအ်ဂမၠိုၚ် ယြဴခမဳတအ်လ္ၚဵုဒှ်ထေရ်၊ ဇၞော်ကဵုဒှ် တီကေတ်ဗ္တံမဂၠိုၚ် သ္ပစၟဳဗွဲမလအ်ရ ဒှ်ဇမၞော်သၚ်တအ်ရ၊ ခမဳထေရ်တံဂှ် ခမဳသၟတ်ဂမၠိုၚ် ကြက်ရှ်ေသှ်ေရဴဂဴရ။ ကြက်ပသဇိုၚ်ရ၊ ကြက်သၞေံသၞဴရ၊ ကြက်ပူဇဴသက္ကာရ၊ ဂလာန်ခမဳထေရ်တအ်ဂှ် ဂပ်ဝ်ဒးကလၚ်ရောၚ်ဂးတုဲ ခမဳသၟတ်တအ်ချပ်အိုတ်ရ၊ ဗၞတ်လလံဂှ် ဟဂွံဟုတ်အာရ။
- ယွံခမဳတအ် ယြဴဗၞတ်လလအ်မွဲ ခမဳတအ်ဂမၠိုၚ် ဓရ်တဏှာမက္တဵုဒှ် ပ္ဍဲသန္ထာန်ဇကု မလေပ်က္တဵုဗဒှ်ကဵုဘဝတၟိဂှ် ဟဂွံဒ္ဂေတ်ဗက်အိုတ်ရ။ ယွံခမဳတအ် ဗၞတ်လလအ်ဂှ် ဟဂွံဟုတ်အာရ။
- ယွံခမဳတအ် ယြဴဗၞတ်လလအ်မွဲ ပ္ဍဲဘာမဒှ်ဘာဂြိုပ်တအ်ဂှ် ခမဳတအ်မၞုံတဴကဵု အလဲစိုတ်အိုတ်ရ။ ယွံခမဳတအ် ဗၞတ်လလအ်ဂှ် ဟဂွံဟုတ်အာရ။
- ယွံခမဳတအ် ယြဴဗၞတ်လလံမွဲ ခမဳတအ်ဂမၠိုၚ် ခမဳတအ်ဂမၠိုၚ် ပ္ဍဲအတ္တဘဴ သဟဗြဟ္မစာရဳတံ မသ္ဍိုက်ဆာန်ဓရ်သဳလတံဂှ် ဗွဲတသိုခ် ဂွံသ္ပဒတဴညိဟာ? ရဴဝွံ သှ်ပ္တဴဓရ်သတိအိုတ်ရ။ ယွံခမဳတအ် ဗၞတ်လလအ်ဂှ် ဒတုဲမြမောဝ်သာသနာ ဂွံဇၞော်မောဝ်အာကုခၟဳတအ် ဟွံဂွံဟုတ်အာရ[၁]။