အရေဝ်ဗၟာဟီုဒေသဍုၚ်မန်

တၚ်နၚ်အပြောံ မဆက်စပ်မံၚ်ကဵု အရေဝ်ဗၟာ ဟီုဂးသုၚ်စောဲမံၚ် ဒေသဍုၚ်မန်

ပဲါနူ အရေဝ်ဘာသာမန်၊ အရေဝ်ဘာသာပအိုဝ်၊ အရေဝ်ဘာသာကရေၚ်တအ်တုဲ အရေဝ်ဗၟာလေဝ် ညးဒေသဍုၚ်မန်တအ် သုၚ်စောဲဟီုတဴအိုတ်ရ။ ညးလ္ၚဵု (ဗွဲမဂၠိုၚ် ကောန်ဂကူဗၟာ၊ မူသလေမ်၊ ဟိန္ဒူတအ်) နကဵုအရေဝ်ဘာသာမိ ညးတအ် ဟီုဂးသုၚ်စောဲ အရေဝ်ဗၟာအိုတ်တုဲ ကောန်ဂကူတၞဟ် မပ္တံ မန်၊ ကရေၚ်၊ ပအိုဝ်တအ်ဝွံ နကဵုအရေဝ်ဘာသာဒုတိယ (second or additional language) ဟီုဂးအိုတ်ရ။ အကာဲအရာဒေသတိဍာ်ဍုၚ်မန်ဝွံ တၞဟ်ခြာမံၚ်ကဵု ဒေသတၞဟ်တၞဟ်တုဲ အရေဝ်ဗၟာညးဍုၚ်ကွာန်ဒေသမန်တအ် ဟီုဂးသုၚ်စောဲမံၚ်ဂှ်လေဝ် ဟွံတုပ်ကဵုအရေဝ်ဗၟာ ဟီုဂးမံၚ် ဒေသတၞဟ်သ္အာၚ်တအ် ဖအိုတ်ရ။ ဗီုပြၚ်တၞဟ်ခြာလ္ၚဵုတအ်ဂှ် ကျောဝ်ဗဵုကေတ် အပ္ဍဲခံက်အၚ်သၟဝ်တေံမာန်မံၚ်ရ။

ပရေၚ်တၞဟ်ခြာ အကြာ အရေဝ်ဗၟာဍုၚ်မန် ကဵု အရေဝ်ဗၟာညးဂမၠိုၚ်သုၚ်စောဲ

	အဓိပ္ပာဲဗတ်မန်	အရေဝ်ဗၟာမန်	အရေဝ်ဗၟာစၟတ်သမ္တီလဝ်ဒှ်တမ်	တၚ်တၞဟ်ခြာ	ဟိုတ်ဖဵု
၁။	အာဟွံလေပ်ပုဟ်။	သွားမတတ်ဘူး။	မသွားတတ်ဘူး။	လၟေၚ်မလိက်၊ သဒ္ဒါ	ဗက်အလိုက်သဒ္ဒါမန်။
၂။	ကၠောန်ဟွံဒးပုဟ်။	လုပ်မထိဘူး။	မလုပ်တတ်ဘူး။	ဝေါဟာ၊ လၟေၚ်မလိက်၊ သဒ္ဒါ	ကၠာဲနူအရေဝ်မန်၊ ဗက်အလိုက်သဒ္ဒါမန်၊
၃။	ပြးမံၚ်ဟဂှ်ရ။	ပလားနေရောပဲ။	ရှုပ်ပွနေတာပဲ။	ဝေါဟာ	သုၚ်စောဲဝေါဟာမန်၊ ကၠာဲနူအရေဝ်မန်