ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ
ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ဂှ် ဒှ်ဂကောံခမဳသင် ကေုာံ ခရှ် ညးမဆာန်လိက်ပတ်မန် ကေုာံ ယေန်သၞာင်ဗုဒ္ဓဘာသာတအ် ပံက်ဗ္တောန်လိက်မန် ပ္ဍဲဥတုကညင် အခိင်ဘာအလဵုအသဳကၟာတ် ပွိုင် မွဲဂိတုပြင်ပြင်ရ။ ဂကောံဝွံ စတမ်ကၠုင် နူကွာန်ကၟာဝက် ပ္ဍဲသၞာံ ၁၉၈၂ (သက္ကရာဇ်ဍုင် ၁၃၄၄) နကဵု ဂကောံကွာန်၊ နူဂှ် ဇၞော်သၠုဲပ္တိတ် ကဆံင်ပွိုင်တိုက်ကၟာဝက်၊ နူဂှ်ပၠန် ဒှ်အာ ပွိုင်ဍုင်မုဟ်ဍုင်၊ နူဂှ် ဒှ်အာ အလုံဒေသရးမန်ရ။
ဝင် ပလေဝ်ဒါန်
သၞာံ ၜိုတ် ၁၉၈၁ (၁၃၄၃) ဂှ် တၠဂုဏ်အစာ အိန္ဒက၊ တၠဂုဏ်သုမန၊ တၠဂုဏ်ဇာဂရ၊ တၠဂုဏ်ညေယ နူကဵု ဘာလွဳမာန်ထဝ်၊ ကျာ်ဇၞော်အစာတိဿပါလ နွံပိုန် ဘာကျာ်ဇြာတြေံ၊ ကျာ်ဇၞော်အစာ စန္ဒသဳရိ နွံပိုန် ဘာလျးသာသနာ၊ ကေုာံ တၠဂုဏ်အစာပါလိတ နူဘာတိုက်တၟိ (ဘာဓါတ်ကျာ်) ကွာန်ကၟာဝက်တအ် ချပ်ဂၞန် ရေင်သကအ် သွက်ဂွံပံက်ဂကောံဗတောန်လိက်မန် သွက်ကောန်င္ၚာ် ပ္ဍဲဥတုကညင်မွဲ နကဵုဂကောံဂှ် ဗီုပြင်ဗတောန်ကီု အခိင်ကီု ကၠောန်တုပ်တုပ်ရ။ ဆဂး သၞာံဂှ် ဟွံဒှ်ပံက်ဂကောံ။ ဂတးယးသၞာံ ပ္ဍဲသၞာံ ၁၉၈၂ (သက္ကရာဇ် ၁၃၄၄) ဂှ် စဗ္တောန်လိက် ကုကောန်င္ၚာ် ပ္ဍဲဥတုကညင် ပ္ဍဲဘာလွဳမာန်ထဝ် ကဵု ဘာကျာ်ဇြာတြေံ ရ။[၁] စိုပ် သၞာံ ၁၉၈၃ (သက္ကရာဇ် ၁၃၄၅)ဂှ် ခမဳသင် ကေုာံ ခရှ်တအ် ကောံဓရီုချပ်ဂၞန် ရေင်သကအ် ပ္ဍဲဘာလွဳမာန်ထဝ်တုဲ ဂကောံဂှ် ခုတ်ခဴကဵုလဝ်ယၟုပေင်ပေင် "ဂကောံပၠတရဴဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ၊ ကွာန်ကၟာဝက် ရးဇြာ" ရ။ သၞာံ ၁၉၈၂ ဂှ်လေဝ် ပံက်ဗ္တောန် ပ္ဍဲဘာလွဳမာန်ထဝ် ကဵု ဘာကျာ်ဇြာတြေံပၠန်ရ။ သၞာံ ၁၉၈၄ ဂှ် ပံက်ဗ္တောန် သီုပ္ဍဲဘာ လျးၜိုပ်ထဝ်တုဲ ဒှ်အာ ပိဒၞာဲရ။ သၞာံ ၁၉၈၅ ဂှ် ဘာတိုက်တၟိ (ဘာဓါတ်ကျာ်) ကေုာံ ဘာဇၞူရတ် လေဝ်ပံက်ဗ္တောန်ကီုတုဲ နကဵု ဂကောံဏအ်ဂှ် ဒှ်အာ မသုန်ဒၞာဲရ။ သီုမသုန်ဒၞာဲဂှ် လၟိဟ်ကွးဘာ နွံလ္ၚီပြင်ပြင်တုဲ နကဵု ဂကောံဏအ်ဂှ် တက်ပ္တိတ် လိက်တန်ကောန်င္ၚာ်၊ တန်ပထမ၊ တန်ယေန်သၞာင်ဗုဒ္ဓဘာသာ ရ။ [၂]
- လိက်သဇိုင်ကွးဘာမန် ခေတ်တၟိ တန်ကောန်င္ၚာ်ဂှ် ကျာ်ဇၞော်ပါလိတ၊ ကျာ်ဇၞော်အိန္ဒယ ချူတုဲ တက်ပ္တိတ်လဝ် ပ္ဍဲသၞာံ ၁၉၈၆၊
- လိက်ဗွဟ်ကွးဘာမန် ခေတ်တၟိ တန်ပထမ ဂှ် ကျာ်ဇၞော်ပါလိတ၊ ကျာ်ဇၞော်အိန္ဒက၊ ကျာ်ဇၞော်အစာစန္ဒသဳရိ၊ ကျာ်ဇၞော်အစာတိဿပါလ ချူတုဲ ပ္တိတ်လဝ် ပ္ဍဲသၞာံ ၁၉၈၆၊
- လိက်ဗွဟ်ကွးဘာမန် ခေတ်တၟိ တန်ဒုတိယဂှ် ကျာ်ဇၞော်အစာတိဿပါလ၊ ကျာ်ဇၞော်ညေယျ ဘာဇၞူရတ်၊ ကျာ်ဇၞော်အိန္ဒဓမ္မ ဘာလျးရတ်၊ ကျာ်ဇၞော်အဂ္ဂညာဏ ဘာဇောတိကာရာံ၊ ရာမညဗညာအံင်သူ ချူတုဲ တက်ပ္တိတ်လဝ် ပ္ဍဲသၞာံ ၁၉၉၁၊
- လိက်ဗွဟ်ကွးဘာမန် ခေတ်တၟိ တန်တတိယဂှ် ကျာ်ဇၞော်ပါလိတ၊ ကျာ်ဇၞော်အိန္ဒက၊ ကျာ်ဇၞော်စန္ဒသဳရိ၊ ကျာ်ဇၞော်တိဿပါလ၊ ကျာ်ဇၞော်ညေယျ၊ ကျာ်ဇၞော်အိန္ဒဓမ္မ၊ ကျာ်ဇၞော်အဂ္ဂညာဏ၊ ရာမညဗညာအံင်သူ ချူတုဲ တက်ပ္တိတ်လဝ် ပ္ဍဲသၞာံ ၁၉၉၁၊
- လိက်တန်ယေန်သၞာင်ဗုဒ္ဓဘာသာမန်ဂှ် ကျာ်ဇၞော်ပါလိတ၊ ကျာ်ဇၞော်အိန္ဒက၊ ကျာ်ဇၞော်စန္ဒသဳရိ၊ ကျာ်ဇၞော်တိဿပါလ၊ ချူတုဲ တက်ပ္တိတ်လဝ် ပ္ဍဲသၞာံ ၁၉၈၆၊
- လိက်တန်အဘိဓရ်ဂှ် ကျာ်ဇၞော်ပါလိတ၊ ကျာ်ဇၞော်အိန္ဒက၊ ကျာ်ဇၞော်စန္ဒသဳရ၊ ကျာ်ဇၞော်တိဿပါလ ချူတုဲ တက်ပ္တိတ်လဝ်၊
- လိက်တန်ရာဇာဝင်ဂှ် ကျာ်ဇၞော်ပါလိတ ချူပ္ကောံတုဲ တက်ပ္တိတ်လဝ်ရ။[၃]
ဘာထံင်ကှ်ေ ကွာန်ကၟာဝက်ဂှ် နကဵု တၠဂုဏ်အစာဝိလာသ ကေုာံ ကျာ်ဇၞော်ပုပ္ဖ ဒက်ပ္တန်လဝ် ဂကောံဗ္တောန်လိက်မန်ဥတုကညင် နူကဵု သၞာံ ၁၉၈၁ ဇာန္နဝါရဳ ၂၀ (သက္ကရာဇ် ၁၃၄၂ ဂိတုပုဟ် ၁၅ မမံက်) တ္ၚဲအင္ၚာဂှ်တုဲ ဗ္တောန်ဒၟံင်လိက်မန် ကုကောန်င္ၚာ်တအ် ဇၟာပ်ဇၟာပ်စိုပ် ဥတုကညင်ရ။ လိက်ကီု ဗီုပြင်ဗတောန်ကီု အခိင်ဗတောန်ကီု ဗ္တောန်ဒၟံင် အတိုင်မူ ကျာ်ဇၞော်ဝိလာသ နကဵု ဘာထံင်ကှ်ေဂှ် စိုပ်သၞာံ ၂၀၁၁ (သက္ကရာဇ် ၁၃၇၆) ဂှ်မှ ဂွံစလုပ် ပံင်တောဲ ပ္ဍဲဘာ ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက်ရ။[၄]
ဒၞာဲမ ဗ္တောန်ဒၟံင်လိက်မန်ဥတုကညင် ပ္ဍဲဍုင်ကၟာဝက်ရးဇြာ ပလေဝ်ဒါန်
- ဘာလွဳမာန်ထဝ်
- ဘာကျာ်ဇြာတြေံ
- ဘာလျးၜိုပ်ထဝ်
- ဘာဓါတ်ကျာ်
- ဘာလျးသာသနာ
- ဘာဇၞူရတ်
- ဘာဇောတိကာရာံ
- ဘာဗောဓိစေတဳ
- ဘာကျာ်ကအ်လှာ
- ဘာသကိုပ်ဍုင်
- ဘာဒဏ္ခိဏာရာံ
- ဘာလွဳမာန်ရတ်မန်
- ဘာဓမ္မာရာံ
- ဘာသာသနာပါလ (ဘာထံင်ကှ်ေ)
- ဘာအံင်မ္ၚဵု
- ဘာဇာဒိသိုင်
- ဘာထံင်ကအ်လဒ
- ဘာလှာပတုက်
- ဘာဟနေအ်
ဘာလ္ၚဵုဂှ်တအ်ဂှ် ပ္ဍဲသၞာံလ္ၚဵု ဇူအာလေဝ် နွံမာန်ရ။
ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်ဍုင်မုဟ်ဍုင် ပလေဝ်ဒါန်
သၞာံ ၁၉၉၂ သေပ်တေမ္ဗာ ၁၀ (သက္ကရာဇ်၁၃၅၄ ဂိတုဘတ် ၁၄ မမံက်) တ္ၚဲဗြဴဗတိ သင် ကေုာံ ခရှ် ညးမဆာန်လိက်ပတ်ဂမၠိုင် ပသဘင်ကောံဓရီု ပ္ဍဲဘာလွဳမာန်ထဝ် ကွာန်ကၟာဝက်ရးဇြာ၊ သင်တိုန်စိုပ် ၅၂ ဇကု၊ ခရှ် ၁၀၃ တၠတိုန်စိုပ်တုဲ ကမၠောန်ဗ္တောန်လိက်ပတ်မန် ဥတုကညင် ပ္ဍဲကွာန်တၞဟ် ပ္ဍဲပွိုင်ဍုင်မုဟ်ဍုင်သီုဖအိုတ်လေဝ် ညံင်ဂွံဒှ် မွဲကရောမ် မွဲဂကောံတုဲ တုပ်စိုတ် ဒက်ပ္တန် ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်ဍုင်မုဟ်ဍုင် ရ။ ပ္ဍဲအခိင်ဂှ် ပ္ဍဲပွိုင်ဍုင်မုဟ်ဍုင်ဂှ် ပွိုင်ဍုင်တၞဟ်တအ်လေဝ် ညးတအ်ဒက်လဝ် ဂကောံပွိုင်တိုက် ညးကဵုညး၊ လိက်ဗ္တောန်ညးကဵုညး နွံဒၟံင်ကီုတုဲ လိက်တအ် သီုဖအိုတ် ကလေင်ရုဲစှ်တုဲ လိက်မူကၟာဝက်ဂှ် ဟွံဆက်ဗ္တောန်တုဲ သီုဖအိုတ် ဗ္တောန်အာ နကဵု လိက်မူ ပွိုင်ဍုင်မုဟ်ဍုင်ရ။ [၅] ပ္ဍဲအခိင်ဂှ် နကဵု ဗော်ပရေင်ဍုင်ကွာန်မန် ဂကောံဒဳမဝ်ကရေသဳ ကောန်ဂကူမန်ဂှ် အလဵုအသဳပၞာန်နဝတ ပလီုလဝ်တုဲ ပရေင်ချဳဓရာင် ပရေင်ဍုင်ကွာန် သီုဖအိုတ်ဂှ် ကၟာတ်လဒဵုလဝ်ပေင်ပေင်ရ။ ဂကောံမဒုင်ယၟု နကဵု ယေန်သၞာင်ဗုဒ္ဓဘာသာတအ်ဟေင် ချဳဓရာင်ဂွံရ။ ဟိုတ်ဂှ်ရ က္ဍိုပ်သကိုပ် သၟာပရေင်ဍုင်ကွာန်မန်တအ်ဂှ် လုပ်ကောံချဳဓရာင် ပ္ဍဲကဵု ဂကောံဏအ်ဂၠိုင်တုဲ ဂကောံဏအ် နကဵု သွာင်သင်ကီု သီုကဵု သွာင်ခရှ်ဂှ် ဒြဟတ်ဇၞော်ဒၟံင်ရ။
ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ အလုံဒေသရးမန် ပလေဝ်ဒါန်
ညးတာလျိုင်အဓိက နူကဵု ပွိုင်ဍုင်မုဟ်ဍုင် အာဂတပၠတရဴတုဲ ကော်ကောံဓရီု ကုဂကောံမန်ဒေသနာနာတုဲ သက္ကရာဇ် ၁၃၆၀ ဂှ် ဒက်ပ္တန် ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ အလုံဒေသရးမန် ဗွဲကိုပ်ကၠာ နကဵု ၆ ပွိုင်ဍုင်တုဲ ဗွဲကြဴ ဒှ်အာ ၂၁ ပွိုင်ဍုင်ရ။[၆]
သဘင်ရတုသြန် ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ အလုံဒေသရးမန် ပလေဝ်ဒါန်
သွက်ဂွံကၠောန် သဘင်ရတုသြန် ဂှ် ကၠောန်ဗဒှ် ကောံဓရီု ပ္ဍဲဂိတုသေပ်တေမ္ဗာ ၁၇၊ တ္ၚဲအဒိုတ် ပ္ဍဲဘာဟံသာထဝ် ဍုင်ဇြပ်ဗု။ ညးမတိုန်စိုပ် သီုဖအိုတ် ၁၈၃၊ (၉၃ ဇကု၊ ခရှ် ၉၀ တၠ)။ ပ္ဍဲဂှ် ဂကောံကေင်ကာ ၂၃ တၠ၊ ညးစၞးပွိုင်ဍုင်ဂမၠိုင် ၃၃ တၠ၊ ဂကောံရုင် ၂၁ တၠ။ ကျာ်ဇၞော်အ္စာသဳလဝန္တ၊ ဘာဟံသာထဝ် ဍုင်ဇြပ်ဗု ဒှ်သကိုပ်အသေအဟာန် တုဲ ဖက်ဆော သကိုပ်အသေအဟာန်ဂှ် ကျာ်ဇၞော်အ္စာကောသလ္လ၊ ဘာတိုက်ပိဋကတ်မန်၊ ကွာန်တဝ်ကၞဴ၊ ပွိုင်ဍုင်တကအ်ခၟိုင်။[၇]
ကောံဓရီုဂှ် သဘာပတိကောံဓရီု သင်တၠဇမၠိင်အာယုက် ၅ ဇကု
- ကျာ်ဇၞော်အ္စာတၠဝါရိန္ဒ၊ ဘာအလောကသုခ၊ ကွာန်လှာ၊ ပွိုင်ဍုင်ဇြပ်ဗု၊
- ကျာ်ဇၞော်အ္စာတၠကေတုမာလာ၊ ဘာကအ်ပလိုင်၊ ကွာန်ကအ်ပလိုင်၊ ပွိုင်ဍုင်ကျာ်မြဟ်
- ကျာ်ဇၞော်အ္စာတၠတိဿ၊ ဘာကျာ်ဇြာ၊ ဍုင်ကၟာဝက်၊ ပွိုင်ဍုင်မုဟ်ဍုင်
- ကျာ်ဇၞော်အ္စာဝါယမ၊ ဘာမန် ကွာန်အိန္ဒု၊ ပွိုင်ဍုင်ဖာအင်
- ကျာ်ဇၞော်အ္စာသြဘာသ၊ ဘာဒုန်၊ ကွာန်သၞေဟ်ဗ္ဒဝ်၊ ပွိုင်ဍုင်မုဟ်ဍုင်[၇]
သွက်ဂွံကၠောန် သဘင်ရတုသြန်ဂှ် ဒက်ပ္တန်လဝ် ကမ္မတဳတိုင်ခဳ မွဲ ကဵု ဗော်ဒုင်ကာ ၁၀ ဂကောံ။[၇]
ကမ္မတဳတိုင်ခဳ ပလေဝ်ဒါန်
ဂကောံဥက္ကဋ္ဌ ၅ တၠ၊ ဂကောံညးရေင်တၠုင်ဖဵု ၅ တၠ၊ ညးထိင်ဒဝ်သြန် ၁ တၠ၊ ဂကောံညးစၟတ်စရင် ၅ တၠ၊ ဂကောံညးလလောင်တြး ၁၅ တၠ၊ ကောန်ဂကောံ ၅ တၠ၊ တုဲပၠန် မၞိဟ်စၞး နူပွိုင်ဍုင်နာနာ သီုဖအိုတ် ၂၂ တၠ။[၇]
လစှ်ေဗော်ဒုင်ကာ ဂၠာဲသြန်ဂအုံ ကေုာံ ကၠောန်တၞးမာဲထဳ ပလေဝ်ဒါန်
လစှ်ေဗော်ဒုင်ကာ သြန်ဂအုံဂှ် ဒက်ပ္တန်လဝ် နကဵု မၞိဟ် ၃၀ တၠ။ ကျာ်ဇၞော်အ္စာအာလောက (ညးရေင်တၠုင်ဖိုလ် ၂) ဘာပုဗ္ဗာရီု ဍုင်မတ်မလီု က္ဍိုက်က္ဍိုပ်။[၇]
ညးတာလျိုင် နူပွိုင်ဍုင်ဂမၠိုင်ဂှ်
- ပွိုင်ဍုင်မုဟ်ဍုင် ကျာ်ဇၞော်သောမ ဘာလွဳမာန်ရတ်၊ ဍုင်ကၟာဝက်၊ ကဵု နာဲထာဝရ
- ပွိုင်ဍုင်ဇြပ်ဗု ကျာ်ဇၞော်သဳလဝန္တ ဘာဟံသာထဝ် ဍုင်ဇြပ်ဗု၊ ကဵု နာဲင္ၚိုဲ
- ပွိုင်ဍုင်လၟိုင် ကျာ်ဇၞော်မာလာဒဳပ ဘာကအကဘာဂြင် ကွာန်တၟအ်ကၞေင်၊
- ပွိုင်ဍုင်ရေဝ် ကျာ်ဇၞော်ပုပ္ဖ ဘာဂေါခေတ္တာ ဍုင်ရေဝ် ကဵု နာဲသဝ်၊
- ပွိုင်ဍုင်ခေါဇာ ကျာ်ဇၞော်ဇနက ဘာဇနကာရာမ ကွာန်တဴတက်
- ပွိုင်ဍုင်ကျာ်မြဟ် ကျာ်ဇၞော်သုမန ကဵု နာဲထောန်ကျဳ
- ပွိုင်ဍုင်ဍာ်ဗု ကျာ်ဇၞော်ဝဳရိယ ဘာဂြိုပ်ကွေဟ် ကွာန်ဂြိုပ်ကွေဟ် ကဵု နာဲဗညာဥူ
- ပွိုင်ဍုင်ကျာ်ပိ ကျာ်ဇၞော်ပဏ္ဍိတ ဘာသုဝဏ္ဏဂိရိ ဍုင်ကျာ်ပိ၊
- ပွိုင်ဍုင်လှာဒကှ် ကျာ်ဇၞော်ဓမ္မိက ဘာကုန်မိပ်ဇြိပ် ကွာန်ကုန်မိပ်ဇြိပ် ကဵု နာဲဥပါဒါန်
- ပွိုင်ဍုင်ကအ်ကြိက် ကျာ်ဇၞော်ရာဇိန္ဒော ဘာဗမံက် ကွာန်ဂြိုပ်ကြုက် ကဵု နာဲသုတ
- ပွိုင်ဍုင်လှာင်ဗၠဲ ကျာ်ဇၞော်ပါလ ဘာကွာန်ဖိုလ် ကွာန်ဖိုလ်
- ပွိုင်ဍုင်ဖာအင် ကျာ်ဇၞော်ခေမာ ဘာကျာ်ကေလာသ ကွာန်ခရီုကြုက် ကဵု နာဲအံင်မျာင်
- ပွိုင်ဍုင်တကအ်ခၟိုင် ကျာ်ဇၞော်သြဘာသ ဘာတိုက်ဗု ကွာန်ဒံင်ဥ ကဵု နာဲလျးမန်
- ပွိုင်ဍုင်မတ်မလီု ကျာ်ဇၞော်ဥတ္တမ ဘာဓမ္မကာမဳ ဍုင်မတ်မလီု ကဵု နာဲဗညာဂုဏ်
- ပွိုင်ဍုင်ပံင် ကျာ်ဇၞော်စန္ဒိမာ ဘာတြေံ ကွာန်ဝါကပိုဟ် ကဵု နာဲထိုဲဥူ
- ပွိုင်ဍုင်သဓီု ကျာ်ဇၞော်ဝါရိန္ဒ ဘာပရိယတ္တိမန် ဍုင်သဓီု
- ပွိုင်ဍုင်ဗဂေါ ကျာ်ဇၞော်အတုလ ဘာဒေါဝ် ဍုင်ဗဂေါ ကဵု နာဲဗညာညာဏ်ထောန်
- ပွိုင်ဍုင်ကျာ်ထဝ် နာဲအံင်ရတ်
လစှ်ေဗော်ဒုင်ကာ ပတိတ်လိက်ကၞပ် စၟတ်သမ္တီ ပလေဝ်ဒါန်
ကျာ်ဇၞော်အ္စာဝရဝံသ (ညးရေင်တၠုင်ဖိုလ် ၁) ဘာဇေယျဝံသ ကွာန်ၝောအ်နက် က္ဍိုက်က္ဍိုပ်တုဲ ဒက်ပ္တန်လဝ် သီုဖအိုတ် ကောန်ဂကောံ ၁၃ တၠ[၇]
- နာဲမန်ရာဇာ ဍုင်လ္ဂုင်
- ဂကောံသင်ရုင် ၅ ဇကု
- ဂကောံအစာကၞေဟ်မန် ၅ တၠ
လစှ်ေဗော်ဒုင်ကာ ပတိတ်ကပေါတ်စၟတ်သမ္တီ ပလေဝ်ဒါန်
အစာၝောအ် မိလွဳဟာန် (ဒုဥက္ကဋ္ဌ ၄) က္ဍိုက်က္ဍိုပ်တုဲ[၇]
- မိထဝ်ညာဏ်၊
- နာဲနန္ဒ၊ (ပွိုင်ဍုင်ဇြပ်ဗု)
- နာဲစိစောန် (ပွိုင်ဍုင်ဇြပ်ဗု
- မိဇဝ်သ္ဇင် (ဌာနပရေင်ပညာ)
- အ္စာသဝ်တၟအ်တိုင် (ပွိုင်ဍုင်မုဟ်ဍုင်)
လစှ်ေဗော်ဒုင်ကာ ခန်ကၞာ ကေုာံ ဒၞာဲထၜးပယး ပလေဝ်ဒါန်
အ္စာသင်နာဲဟံင်ဍုင် (ဒေါက်တာမင်းကြည်ဝင်း) (ဒုဥက္ကဋ္ဌ ၃) က္ဍိုက်က္ဍိုပ်တုဲ[၇]
- နာဲမန်ရာဇာ
- ဗညာဂုဏ်
- ဂကောံမိစဴဗု (ဇြပ်ဗု)
လစှ်ေဗော်ဒုင်ကာ ပတိုန်စရာဲ ကုပူဂိုလ်ဂုဏ်တၟေင် ပလေဝ်ဒါန်
ဂကောံကေင်ကာ (ဗဟဵု) ရုဲစှ်ဖျေဟ်သ္ကုတ်သွာတ်တုဲ နူသင်ရုင်တအ် ရေင်တၠုင်အာ ကမၠောန်။[၇]
လစှ်ေဗော်ဒုင်ကာ ဆက်စၠောအ် ကေုာံ လလောင်တြးပရိုင် ပလေဝ်ဒါန်
ဂကောံသင်ရုင်လိက်ပတ် ကေုာံ ဂကောံဌာန်ပရိုင်မန်ဂမၠိုင်[၇]
လစှ်ေဗော်ဒုင်ကာ ပဠေဝ်အသေအဟာန် ပလေဝ်ဒါန်
ကျာ်ဇၞော်ဥတ္တမ ဘာလွဳမာန် ကွာန်သၞေဟ်ကိုင် က္ဍိုက်က္ဍိုပ်တုဲ[၇]
- နာဲနန္ဒ ကေုာံ ဂကောံသၟတ်ဍုင်ဇြပ်ဗု။
လစှ်ေဗော်ဒုင်ကာ ဒုင်တၠုင်ကၟုဲ ကေုာံ ဗ္စဖျုင် ပလေဝ်ဒါန်
မိစန္ဒာနန် (ဒု ညးရေင်တၠုင်ဖိုလ် ၄) က္ဍိုက်က္ဍိုပ်တုဲ[၇]
- မိကြက်နန်၊
- မိလှာင်နန်
- ဂကောံသၟတ် ဍုင်ဇြပ်ဗု
လစှ်ေဗော်ဒုင်ကာ ပရေင်ဂီုကၠီု ပလေဝ်ဒါန်
ဂကောံဗ္တောန်လိက်ပတ်မန် ပွိုင်ဍုင်ဇြပ်ဗု ကေတ်တာလျိုင်[၇]
နိဿဲ ပလေဝ်ဒါန်
- ↑ ကၟာဝက်ရးဇြာ, ဇၞူအံင် (၂၀၁၇). ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက် ပေင် ၃၅ သၞာံ, ၃။
- ↑ ကၟာဝက်ရးဇြာ, ဇၞူအံင် (၂၀၁၇). ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက် ပေင် ၃၅ သၞာံ, ၄။
- ↑ ကၟာဝက်ရးဇြာ, ဇၞူအံင် (၂၀၁၇). ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက် ပေင် ၃၅ သၞာံ, ၄-၅။
- ↑ ကၟာဝက်ရးဇြာ, ဇၞူအံင် (၂၀၁၇). ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက် ပေင် ၃၅ သၞာံ, ၄၀-၄၆။
- ↑ ကၟာဝက်ရးဇြာ, ဇၞူအံင် (၂၀၁၇). ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ ပွိုင်တိုက်ကၟာဝက် ပေင် ၃၅ သၞာံ, ၇။
- ↑ အလုံဒေသရးမန်, ဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ (သက္ကရာဇ် ၁၃၈၃). " ဘာသာအဘိဓရ်, နိဒါန် ၁။
- ↑ ၇.၀၀ ၇.၀၁ ၇.၀၂ ၇.၀၃ ၇.၀၄ ၇.၀၅ ၇.၀၆ ၇.၀၇ ၇.၀၈ ၇.၀၉ ၇.၁၀ ၇.၁၁ ၇.၁၂ ဘာအံင်သုပါန်၊ ဍုင်မတ်မလီု, တၠဂုဏ်အ္စာဥတ္တမ (18-09-2023). " တင်သကုတ်သွာတ် ကောံဓရီု ကၠောန်သဘင်သြန်ရတ်. Open။