ဂြီုမနဳ၊ တၞံ

တၞံဂြီုမနဳ (အၚ်္ဂလိက်: Trianthema triquetra Rottler & Willd, Burmese; ဗြုံးမွှေး, Thai; ชื่อไทย พรมมิแดง) ဝွံ လုပ်အဝေါင်ချောဲဂတှ်ေ မကဝးကၠုတ်တိုန် အကြာဝါလဂါ မစုက်လုက် ကဵုဇိုင်ကြုင် ဂြိုပ်တိအရး သံင်ၜဳဍာ်ဒဳစိုပ်တအ်ရ၊၊ ဍေံပ္တိတ် ကၞာင်လဗာင်သကဲတၞံတုဲ ဇုတ်ကၞာင်လာမ်အာဒၟံင် လတူတိ၊ ဇမၠိင်ဗၞတ် ၂ က္ဍဒှ်ရ၊၊ တၞးဍေဟ် တိတ်အာၜါထာင်ညဳသာ ရုပ်ရဴတၞးဍေဟ် ညံင်သၞေံတဲကောန်ၚာ်သၟတ်ကီု တဝ်ဇဝ်တၞံဍေံခၠအ်ဒၟံင်ရ၊၊ ဇမၞော်တၞးဍေံ နွံ 0.05 - 0.2 cm တုဲ ဇမၠိင်နွံ 0.15 - 0.7 cm တဝ်တၞးဍေံဂၠိဒၟံင်ရ၊၊

အထိုက်ခၟောံဍေံဇဝ်တိတ် ဂစိုက်ဂစိုက် ဍောင်ပ္ကဴဍေဟ် ရာင်တိတ် ၅ ဍောင်၊ ကသဝ်သၟတ်ဍေံ နွံ ၅ တၞုင်ရ၊၊ သတ်ဍေံ ဍောတ်သောဲတိတ်ဗီုဒကောင်၊ ဇမၠိင်သတ်ဍေံ နွံ အကြာ ပိမကဵု ၜါမ၊ သာ်အရံင်လမ္စံက်ရ၊၊

ဂစာဲ

တၞံဂြီုမနဳ ကၠုင်နူတိဍာ်ဒေသဝါလဂါ၊ ဇိုင်ဂြိုပ်အရး တွဵုရးဍုင်မန် မတိုန်ဂမၠိုင်၊ မလေရှာ၊ ဗဳယိတ်နာန်၊ သေံ၊၊

လွပ် ကေုာံ တဗျဂုဏ်

တၞံဂြီုမနဳ ဒှ်ခၞေဝ်ကၞပ် စဂွံ ရဟ်ၜိုဟ်သာ နှဴရဴရှ်ကတင်ညိည၊၊ ဍေံလေပ်မာန်အကင်ဇွဟ် တဟင်ဍာ်၊ ဂမ္တဴ ပ္ဍဲဂြိုဟ်၊ တၞးဍေံဗ္ဒဴကဵုသလေဟ်၊ တၞံဍေံ ဒတုံကဵုဆီ၊ ပ္ကဴဍေံ ဂစာဲကဵုကျာ၊ အလုံပဉ္စလဳ ဍေံမာန်အကင်ဂုဟ်ရ၊၊