ဆေကိန္ဒ၊ဒံက်တာ၊ကျာ်ဇၞော်အ္စာ
ကျာ်ဇၞော်အ္စာ ဘဒ္ဒန္တ ဒံက်တာ ဆေကိန္ဒ[၁] (အၚ်္ဂလိက်: Dr. CHEKINDA) ဝွံ သၞာံခရေတ် ၁၉၅၈ ဇန်နဝါရဳ ၂၈ တ္ၚဲအၚာ (သၞာံ ၁၃၁၉၊ မာ် ၉ မံက်) ဂှ် မအံက် နာဲအံၚ်သာန် (U Aung Than) မိအံက် မိသုၚ်ဂျဳ (Daw Sein Kyi) တအ်ညးၜါ ၜံၚ်သၠးအလံၚ် ကျာ်ဇၞော်ဝွံ ပ္ဍဲရးဇၞော် သေတ်ကိုၚ်၊ ဍုၚ်သေတ်ကိုၚ် အရာပ် သောတပန် လဝ်ရ။
ပရေၚ်ပညာဘာတန်
ပလေဝ်ဒါန်သၞာံ ၁၉၇၅ ဂှ် အံၚ်ဇၞးကေတ် (၁၀) တန် ပ္ဍဲဘာတန်သၠုၚ် စၟတ်(၁) ဍုၚ်သေတ်ကိုၚ်ရ။
သၞာံ ၁၉၇၉ ဂှ် ကလိဂွံတဆိပ်ကြာ ဒဳပလိုမာ အေန်ဂျေန်နဳယာပ္တန်ဍုၚ် A.G.T.I (Civil) ပ္ဍဲဍုၚ် မန္တလေဝ်ရ။
ဘဝခမဳ ကေုာံ ပရေၚ်ပညာပရိယတ်
ပလေဝ်ဒါန်သၞာံ ၁၉၈၃ (၁၃၄၅ သၞာံ၊ ဘတ် (၅) မံက်၊ အခိၚ် (၅) နာဍဳ ကဵု ၁၅ မိနေတ်) ဂှ် အာတ်သ္ပကေတ်ခမဳ ပ္ဍဲအ္စာဥပဇ္ဇျာဲ ကျာ်ဇၞော်အ္စာဘာဂြိုပ် ဓမ္မဒူတ မုဟ်ဒဵု(တောၚ်စွန်း) ဍုၚ်ၜဳကလေၚ် တွဵုရးဍုၚ်မန်ရ။
ကောန်နာဲဝွံ ပ္ဍဲဘာဂြိုပ် တိုက်ဓမ္မဒူတဂှ်ဟေၚ် ကတ်လ္ၚတ်ပရိယတ် တန်မူလ၊ တန်ဍောတ်၊ တန်ဒေါဝ် ကေုာံ တန်ဇၞော်တအ် သ္ဂောံအံၚ်ကေတ် ဗွဲလၟေၚ်ၚ်သၞာံရ။
- ၁၉၈၅ အံၚ်ဇၞးကေတ် တန်မူလ
- ၁၉၈၆ အံၚ်ဇၞးကေတ် တန်ဍောတ်
- ၁၉၈၇ အံၚ်ဇၞးကေတ် တန်ဒေါဝ်
- ၁၉၈၈ အံၚ်ဇၞးကေတ် တန်ဇၞော်
- ၁၉၉၃ ဂှ် တန်ဖျေံလိက် အံၚ်အာသီုပိပြကိုဟ် ပ္ဍဲမွဲသၞာံဓဝ်ဟေၚ်တုဲ ကလိဂွံတဆိပ်ကြာ သာသနာဓဇဓမ္မာစရိယ ရ။
တဆိပ် သဒ္ဓမ္မနေပုဓမ္မာစရိယ ကေုာံ သာသနဇောတိပါလဓမ္မာစရိယတအ်လေဝ် ကလိဂွံကီုရ။
- ၂၀၀၅ အံၚ်ဇၞးတန် M.A. (BDh) နူတက္ကသိုလ်ကၟိုန်ဍုၚ်နာနာ ပ္တိုန်သာသနာထေရဝါဒ I.T.B.M.U[၂].
- ၂၀၀၆-၂၀၀၇ အံၚ်ဇၞးတန် Ph.D (BDh) နူ ITBMU
ဌာနကတ်ပရိယတ်
ပလေဝ်ဒါန်လိက်ပတ်ပရိယတ်တအ်ဂှ် ဘာဂြိုပ်ဓမ္မဒူတ မုဟ်ဒဵု၊ ဘာတိုက်မဟာဂန္ဓာရီု ဍုၚ်အမရပူရ၊ တိုက်မစိုးရိမ် ဍုၚ်မန္တလေဝ်၊ တက္ကသိုလ်ပါဠိ ဇေယျာတုၚ် ဍုၚ်သေတ်ကိုၚ်၊ မဟာသုဗောဓာရီု ဍုၚ်သေတ်ကိုၚ် နူဇရေၚ်တမ်ဇိုၚ်အ္စာမပြဲ ပ္ဍဲမပ္တံတိုက်လိက်ဂမၠိုၚ်တအ်ဂှ် ဒုၚ်ကေတ်နဲ ကတ်လ္ၚတ်ကေတ်ပညာတအ်ရ။
ရေၚ်တၠၚ်သ္ဇိုၚ်ဝန်သာသနာ
ပလေဝ်ဒါန်
- သၞာံ ၁၉၈၈ နဒဒှ် ညးထ္ၜးနဲ ကေတ်လျိုၚ်ပ္ဍဲ တက္ကသိုလ်ကၟိုန်ဍုၚ်နာနာ ပ္တိုန်သာသနာထေရဝါဒ (ITBMU) (အပြည်ည်ဆိုၚ်ရာ ထေရဝါဒဗုဒ္ဓသာသနာပြုတက္ကသိုလ်)
- သၞာံ ၂၀၀၀ နဒဒှ် အထံက်တဲကထိက (လက်ထောက်ကထိက)
- သၞာံ ၂၀၀၃ နဒဒှ် ကထိက ကေတ်လျိုၚ်ပ္ဍဲ ITBMU
- သၞာံ ၂၀၀၅ ကေတ်လျိုၚ် ဖက်ဆောပါမောက္ခ ပ္ဍဲ ITBMU
- သၞာံ ၂၀၀၆-၀၇ ဂှ် ဆက်ကေတ်လျိုၚ် ပါမောက္ခ ပ္ဍဲ ITBMU
- သၞာံ ၂၀၁၈ - ကေတ်လျိုၚ်အဓိပတိ တက္ကသိုလ်ဓမ္မဒူတဆေကိန္ဒ D.C.U
ဒးဒုၚ်ပူဇဴတဆိပ်ကြာသာသနာဂမၠိုၚ်
ပလေဝ်ဒါန်- သၞာံ ၂၀၀၂ ဓမ္မကထိကဗဟုဇနဟိတဓရ
- သၞာံ ၂၀၀၄ မဟာသဒ္ဓမ္မဇောတိကဓဇ
- သၞာံ ၂၀၀၆ မဟာဂန္ထဝါစကပဏ္ဍိတ
- သၞာံ ၂၀၁၃ မဟာကမ္မဋ္ဌာနစရိယ
- သၞာံ ၂၀၁၅ မဟာဓမ္မကထိကဗဟုဇနဟိတဓရ
- သၞာံ ၂၀၁၈ အဂ္ဂမဟာဂန္ထဝါစကပဏ္ဍိတ
တအ်ကလိဂွံလဝ်အိုတ်ကီုရ။
ကျာ်ဇၞော်အ္စာဝွံ နဒဒှ်ညးလုပ်ဂကောံ နာယကဓမ္မဒူတ၊ ညးလုပ်ဂကောံ သံဃနာယက ဍုၚ်မှဝ်ဘဳ၊ ပဓာနနာယက တိုက်ဇၞော် ဓမ္မဒူတဇေတဝန် ဆေကိန္ဒာရာမ ကေုာံ ဘာဓမ္မဒူတ အပ္ဍဲဍုၚ် မ္ၚးဍုၚ်ကီု၊ သ္ကိုပ်မဟာဌာန မဟာဌာနပဋိပတ္တိ ပ္ဍဲတက္ကသိုလ် ITBMU ကီု ကေတ်လျိုၚ်တုဲ ပွမခၞံပြကိုဟ်၊ ဖျေံဗတောန်လိက်ပတ်၊ တွံဓရ် ထ္ၜးဓရ် တအ်ဒှ်တမ်း ကမၠောန်ပရဟိတ ပရေၚ်ဘာသာ ပရေၚ်သာသနာ ပရေၚ်မၞိဟ် နာနာတၞဟ်ဟ်တအ်လေဝ် နွံကဵုရေၚ်တၠုၚ်အိုတ်ရ။
ဗွဲတၟေၚ် သွက်ကောန်ၚာ် သၟတ်ဗုဒ္ဓဘာသာ အပ္ဍဲဍုၚ် မ္ၚးဍုၚ်တအ်ဂှ် ဟီုတွံဓရ်၊ ထ္ၜးဓရ်၊ ပံက်ကဵု တန်ဗတောန် ယေန်သၞာၚ်ဍိန်ဍောတ်၊ ပရေၚ်ပညာ ပိုန်ဒြပ် ပရေၚ်မၞိဟ် သွက်ညးသၟတ်တအ်ဂှ်ဂှ် ဗွဲမညဳသၟဟ်ကဵု ဒၠောံဗ္တောန်ဗုဒ္ဓဘာသာ ဟီုတွံ သၟာန်သွဟ်တအ်လေဝ် ရေၚ်တၠုၚ်ကဵုမံၚ်ရ။