ဇေတဝန်၊ ဘာဂိုဏ်ရာမညနိကာယ ကွာန်ကျာ်ပရင်
ဘာဇေတဝန် ဂိုဏ်ရာမညနိကာယဝွံ နွံပ္ဍဲ ကွာန်ကျာ်ပရင်၊ ပွိုင်ဍုင်ကျာ်မြဟ်၊ တွဵုရးဍုင်မန်။
| ဘာဇေတဝန် | |
|---|---|
  ဒၞာဲဘာဇေတဝန် မနွံ | |
| တင်ဂၞင်ဂမၠိုင် | |
| ဒတန် | ကွာန်ကျာ်ပရင် |
| ဒတန်ဒၞး | 16°28′18.1″N 97°42′17.7″E / 16.471694°N 97.704917°Eဒတန်: 16°28′18.1″N 97°42′17.7″E / 16.471694°N 97.704917°E |
| မဆေင်စပ် ကုဘာသာ | ထေရဝါဒဗုဒ္ဓဘာသာ |
| ဒတန်သာသနာ | စမြိုင်သာသနာ |
| ဂိုဏ် | ဂိုဏ်ရာမညနိကာယ |
| ကၟိန်ဍုင် | Myanmar |
ကျာ်ဇၞော်မနွံပိုန်ဘာဂမၠိုင် ပလေဝ်ဒါန်
ကျာ်ဇၞော် ဘဒ္ဒန္တညာဏရံသဳ (၂၀၂၄ - လၟုဟ်) ပလေဝ်ဒါန်
ကြဴနူ ကျာ်ဇၞော်ဘဒ္ဒန္တဇိနေယျ ကလိလောန်စဴအာသွဝ်တုဲ သၞာံ ၂၀၂၄ ဂိတုဇာန္နဝါရဳ ၂၁ ဂှ် ဒါယကာဂမၠိုင် စှ်ေအာတ် ကျာ်ဇၞော်အစာတၠ ဘာကျာ်သြဳမန် ကွာန်တံင်ပရင် သွက်ဂွံနိမန် တၠဂုဏ်အစာညာဏရံသဳ မဂွံဂဇအ်ဘာရ။[၁]
ကျာ်ဇၞော် ဘဒ္ဒန္တဇိနေယျ (၁၉၈၆ - ၂၀၂၃) ပလေဝ်ဒါန်
ကျာ်ဇၞော်ဘဒ္ဒန္တဇိနေယျ က္တဵုဒှ်မၞိဟ် ပ္ဍဲသက္ကရာဇ် ၁၃၁၇ ဂိတုဇှ်ေ ၃ မမံက် တ္ၚဲအင္ၚာ၊ မဒှ်ကောန် နာဲပါန်ဗျေန် မိသုင်ယျဳ ကွာန်တံင်မောံ ပွိုင်ဍုင်ရေဝ်၊ ယၟုခရှ် မာံကျဳသုင်။ သီုဖအိုတ် ကောဒေအ် နွံ မသုန်တၠဂှ် ဒှ်ကောန်ဒဒေအ်။ မံင်ဘာ ဂွံ တန်မူလ၊ အာယုက် ၁၁ သက္ကရာဇ် ၁၃၂၈ ဂှ် မံင် ဘာလကျာ် ဘာသိမ် ကွာန်တံင်မောံ၊ သက္ကရာဇ် ၁၃၂၉ ပထပိုယ် ပ္ဍဲ ဘာသိမ် ကွာန်တံင်မောံ၊ အာကတ် လိက် ပ္ဍဲဘာကျာ်၊ ဍုင်ပံင်၊ ဘာဝေဠုဝန် ကွာန်ဖအံက်၊ ဘာတိုက် ကွာန်ဂဒုင်သှ်ေ။ သက္ကရာဇ် ၁၃၃၆ ဂိတုဝှ် ၈ မမံက် တ္ၚဲဗုဒ္ဓဝါ အခိင် နူဂယး ၈ နာဍဳ ၂၅ မိနေတ် အာဒှ် ဒှ်ခမဳ ပ္ဍဲခဏ္ဍသိမ် ဘာသိမ် ကွာန်တံင်မောံ ဇရင်အ္စာဥပ္ပဇ္ဇျာဲ ကျာ်ဇၞော်အစာစန္ဒသာရထေရ် ကွာန်သြန်ဓလေင်။ ကတ်လိက် ပ္ဍဲဘာပရိယတ္တိကြုင်ဝါန်၊ ဂွံအံင်ကေတ် တန်ဇၞော် သက္ကရာဇ် ၁၃၄၃ အာကတ်လိက် ပ္ဍဲဍုင်အင်ဝ (မာန္တလေမြို့) သောင်ပြင် ဘုရားကြီးတိုက် ဣစ္ဆာသယကျောင်း။ သက္ကရာဇ် ၁၃၄၇ ဖျေဟ်လိက် ပ္ဍဲဘာ ပရိယတ္တိ ကြုင်ဝါန်။
သက္ကရာဇ် ၁၃၄၈ ဂိတုပသာ် ၃ မမံက် တ္ၚဲအဒိုတ် အခိင်သဝ်တ္ၚဲ ၃ နာဍဳ ဂွံဒှ် ကျာ်ဇၞော် ဘာဇေတဝန် ကွာန်ကျာ်ပရင်၊ တုဲ နူစ သက္ကရာဇ် ၁၃၅၆ ပွိုင်ပန်သၞာံ ပံက်လဝ် ဘာတိုက်လိက် ပ္ဍဲဘာဇေတဝန်ဂှ်ရ။ ပပ္တံ နူသက္ကရာဇ် ၁၃၆၈ ဂွံဒှ် ဥက္ကဋ္ဌ သံဃနာယက ပွိုင်ဍုင်ကျာ်မြဟ်တုဲ ယိုက်ဂၠေင်လဝ် တာလျိုင်ဂှ် လုကဴ ၁၅ သၞာံ၊ စိုပ်သက္ကရာဇ် ၁၃၈၃ ဂှ် ဟိုတ်နူ ပရေင်ထတ်ယုက် ဟွံခိုဟ်တုဲ ဒေါအ်ဇူ နူတာလျိုင်ဂှ်ရ။ ပါဲနူဂှ် ကမၠောန်ဇမၞော်မၟောဝ်ကွာန် မပ္တံ ကု ကမၠောန်လလးဂၠံင်ကတ္တရာ၊ ပရေင်ပၟတ်ဍုင် ဂွံလုပ်စိုပ်ကွာန်တအ်ဂှ် အာဂတပၠတရဴတုဲ ရေင်တၠုင်လဝ်နာနာသာ်ကီုရ။ [၂] သၞာံ ၂၀၂၃ ဂိတုဒဳဇြေမ္ဗာ ၅ (သက္ကရာဇ် ၁၃၈၅ မြေက္ကသဵု ၉ စွေက်) အခိင် ဗတံ ၈ နာဍဳ ကျာ်ဇၞော် ဘဒ္ဒန္တဇိနေယျ ကလိလောန်စဴအာသွဝ် ပ္ဍဲဘာရ။[၃] သက္ကရာဇ် ၁၃၈၅ ဂိတုပုဟ် (၅၊ ၆၊ ၇) မမံက် ဂှ် ကၠောန် သဘင်ဖျဴသွဝ် အန္တိမ အဂ္ဂိဇျာပန ကျာ်ဇၞော်အစာရ။[၄]
နိဿဲ ပလေဝ်ဒါန်
- ↑ [https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid0zJzasvWEWrT3WRGN8UaSsq3SkAvYTDqMtLpFJqeGJA8BeoCGxsr7AmowSiZzaLvSl%26id%3D61554789312907&show_text=true&width=500" ဂကောံဒါယကာ ဘာဇေတဝန် ကွာန်ကျာ်ပရၚ်ဂမၠိုၚ် စှ်ေအာတ်ကျာ်ဇၞော်အ္စာတၠ ဘာကျာ်သြဳမန် ကွာန်တံၚ်ပရၚ် သွက်ဂွံနိမန် တၠဂုဏ်အ္စာညာဏရံသဳ ဂဇအ်ဘာ ပ္ဍဲဘာဇေတဝန် ကွာန်ကျာ်ပရၚ်။]. Open (January 15, 2024).
- ↑ " ထေရုပ္ပတ္တိ ကျာ်ဇၞော်အ္စာ ဘဒ္ဒန္တဇိနေယျ မဟာထေရ်. Open (January 15, 2024).
- ↑ " ကျာ်ဇၞော် စဴသွဝ်. Open (December 5, 2023).
- ↑ " သဘင်ဖျဴသွဝ်. Open (January 15, 2024).