Jaobeanyar

ပွမသ္ပထပိုယ်ပယျင်

ကောန်ဂကူမန်ပိုယ်ဗွဲမဂၠိုၚ်ဂၠၚ် လျုၚ်ဇြုၚ်သ္ဍိုက်ပ္ဍဲဗုဒ္ဓဘာသာအိုတ်ရ။

ပရေၚ်ဘာသာဝွံ တၞီလုပ်မံၚ်ပ္ဍဲပရေၚ်အခိုက်ကၞာမန် မွဲပြကာကီုရ၊ ကောန်ဂကူမန်တံ သၟိက်မိက်ဂွံဒုၚ်စသိုၚ်အာဲကၟာဲသာသနာတုဲ သ္ပထပိုယ်,သ္ပပယျၚ်အိုတ်ရ၊ ဂလာန်မ္ဂး "သ္ပထပိုယ်၊သ္ပပယျၚ်"ဂှ် သ္ပသာမဏဳ၊သ္ပခမဳ ရဴသာ်ဝွံလေဝ် သ္ဂးတဴနွံကီုရ။

"မာတာပိတု ဂုဏံ အနန္တံ" ဂုဏ်မိမၜါဟီုဂှ် သွက်ဂွံပ္တောံၜတ်ဟွံမွဲရ၊ ဟိုတ်ဒှ်သာ်ဝွံဟေၚ် သွက်ဂွံခၠေဝ်ရော်ဂုဏ်မိကဵုမၜါဂှ် ကောန်တြုံတြုံမန်ဂမၠိုၚ် ကာလဂွံအာယုက် (၁၀-၁၂)သၞာံပြၚ်ၚ်တံဂှ် မိကဵုမၜါ ဒုၚ်ကဵုဒကာတုဲ သ္ပတဴထပိုယ်သာမဏဳရ၊ ကာလပေၚ်အာယုက် (၂၀)သၞာံမ္ဂး မိကဵုမၜါ ဒုၚ်သ္ဇိုၚ်ပဒကာတုဲ သ္ပတဴခမဳအိုတ်ရ။ ကောန်ဂကူမန်ပိုယ်ဗွဲမဂၠိုၚ် ဂယိုၚ်တဴလမျီုနကဵုကမၠောန် ကၠအ်,ဂူ,ဝါဗ္ၚ သၟးဂၠိုၚ်ဒၟံၚ်တုဲ၊ ပ္ဍဲအကြာဂိတုဖဝ်ရဂိုန် ဂိတုစဲ ဂိတုပသာ် အခိၚ်ကမၠောန်သၠးခိုဟ် ဥတုရာသဳလေဝ်ဒးရး သွက်ကောန်,သွက်ကောန်စဴတံဂမၠိုၚ် ဂွံသ္ပခမဳ,သာမဏဳဂးတုဲ၊ ရုဲစှ်တ္ၚဲခိုဟ်တ္ၚဲပြဲ အာတ်ပါန်အခေါၚ် အာကေတ်ကသပ်ဂၞန် ပ္ဍဲဇရေၚ်ကျာ်ဇၞော်အ္စာတံအိုတ်ရ။

  ကာလစိုပ်အခိၚ်ပြာပ်တိုန်ဇရေၚ်ဘာမ္ဂး နူဌာန်သ္ၚိဏံ မိမ၊ ညးဇၞော်ဇၞော်ဂမၠိုၚ်တံဂှ် မိန်ယိုက်ကေတ်

ဗဗေၚ်သ္ၚာ ဝုတ်တ်တံဂှ် ယိုက်ဏာဂၞဳ၊ ထကဝ်၊ ယဵုဏာဍာ်နုၚ် ဓုပ်ပၞာၚ်သ္ဍဴနာနာသာ်တံဂှ်တုဲ ဂၠောဲတိုန်အာဘာရေၚ်ၚ် ဗွဲလၟေၚ်ၚ်၊ လက္ကရဴဂှ် ကဝါ်ဏာလၟောဝ်ထပိုယ်၊ လၟောဝ်ပယျၚ် နကဵုမၞိဟ်၊ နကဵုစိၚ်ချေံ၊ နကဵုခုၚ်ဒၠာဲ ကဝါ်ကြေဝ်ဂေတ်ကွာန်တုဲ ပြာပ်တိုန်ဇရေၚ်ဘာတေံရ၊ အခိုက်ကၞာကွာန်လ္ၚဵုဂှ် သီုကဵုကွိၚ်ကွိုက်၊ လှ်ေဒယှ်ေလေဝ်နွံတဴ ဂွံဆဵုကေတ်ရ။ မၞိဟ်တြုံမၞိဟ်ဗြဴ ရဲယိုက်မိန်ဗဗေၚ်သ္ၚာဂၞဳထ္ကဝ်တံဂှ် ကာလစိုပ်ဘာမ္ဂး ကွာ်ဂေတ်ဘာ "ပဒက်သိုန်" ပိလ္တန်ရ၊ ဗ္ဒက်သိုန်မ္ဂးဂှ် ဂေတ်လ္ပာ်တဲပုၚ် သ္ဂးတဴရ။ ညးကဝါ်နၚ်လၟောဝ်ထပိုယ်၊ လၟောဝ်ပယျၚ်တံဂှ် စိုပ်ဘာမ္ဂး ဂေတ်ဘာပိဗ္ဂေတ် ကးသော်က္ဍိုပ်တုဲဒှ်အိုတ်တုဲ ယိုက်ပ္တိုန်ဏာဘာရ၊ ကာလဂှ် တၠဳပိုန်သၚ်ဂမၠိုၚ်ဗှ်ဖ္ဍောတ်ပါဠိမ္ၚဵုတုဲ ကျာ်ဇၞော်အ္စာပ္တိုန်ကဵုထပိုယ်ရ၊ အာယုက်စိုပ်မ္ဂး နူဘဝထပိုယ်ဂှ် ဆက်ဗှ်ပ္တိုန်အာကဵု ဘဝခမဳမပြဲပြဲရ။

   ကောန်ဂကူမန်ပိုယ်ဂှ် ဟိုတ်နူလျုၚ်ဇြုၚ်သ္ဍိုက် ပ္ဍဲကွေတ်ဗုဒ္ဓဘာသာဂှ်ကီု၊ ရန်တၟံကဵုတၠဳပိုန်ကျာ်တြဲတွံလဝ်

သွက်မိကဵုမၜါ ဂွံဒုၚ်စသိုၚ်အာဲကၟာဲသာသနာမပြဲပြဲကီု ဓဝ်သဒ္ဓါပတှ်ေနွံသာ်ဏံတုဲ က္လိဂွံကောန်တြုံမ္ဂး သွက်ဂွံဒှ်အာမဗဳဇပါရမဳပ္ဍဲသာသနာတၠဳမၞုံကဵုပိုန်ကျာ်တြဲတုဲ ဒုၚ်သ္ပကဵုဒကာ ထပိုယ်၊ ခမဳအိုတ်ရ။

   လ္ပာ်မိအံက်ဂှ် ဟိုတ်နူဒှ်ဒၟံၚ်ဘဝမၞိဟ်ဗြဴတုဲ အခေါၚ်သွက်သ္ဂောံဒှ် ဘဝထပိုယ်ခမဳဂှ် ဟွံသၟတ်ရထတုဲ

က္လိဂွံကောန်တြုံရတ်မ္ဂး ယဝ်ကောန်တြုံရတ်ဂှ် ဂွံအာစိုပ်ဒှ်ဘဝထပိုယ်ခမဳမပြဲပြဲမ္ဂး မိအံက်တၠဂုဏ်ဂှ်လေဝ် ညံၚ်ကဵုက္လိဂွံအာစိုပ်ဒဒှ် ဘဝထပိုယ်ခမဳကီု ဂွံဒုၚ်စသိုၚ်ဖိုလ်သာ်ဏံ ဟိုတ်နူတၠဳမၞုံကဵုပိုန်ကျာ်တြဲတွံလဝ် နွံတဴဒၟံၚ်သာ်ဏံတုဲ ကုကောန်ဂကူမန်ဗုဒ္ဓဘာသာ ညးမလၟောဝ်လျုၚ်ဇြုၚ်သ္ဍိုက်ပ္ဍဲသာသနာတၠဳမၞုံကဵုပိုန်ကျာ်တြဲဂမၠိုၚ် က္လိဂွံကောန်တြုံရတ်မ္ဂး ကဵုသ္ပတဴထပိုယ်၊ ခမဳဘဝမသၠုၚ်ပြဲရ။

   ယဝ်ရဟွံဂွံသ္ပထပိုယ်ခမဳမ္ဂး ညးဟွံပၠောပ်အဝေါၚ်မၞိဟ်တြုံရောၚ်၊ သီုဟွံဂွံသ္ပထပိုယ်ခမဳမွဲသာ်ဏီတုဲ

သွက်ဂွံသ္ပဒ္တဴအိန်ထံၚ်ဂှ်လေဝ် မိမညးဇၞော်ဇၞော်တံ ညးဟွံမိက်ကဵုအခေါၚ်ဖျေံဒၞာဲ အခိုက်ကၞာပြဝေဏဳ ကောန်ဂကူမန်ပိုယ် နွံတဲဒၟံၚ်သာ်ဝွံရ။

   အခိၚ်ကာလအာယုက်ပေၚ် (၂၀)သၞာံမ္ဂး ကောန်တြုံတံဂှ် ဒးသ္ပခမဳရောၚ်။

ပရိက္ခရာဒ္စာံမ္ဂးဂှ် ၁။သ္ကိုပ် ၂။သ္ပိုၚ် ၃။သ္ၚာ ၄။ကာယဗန် (ပ္ဍဲပန်) ၅။ဗဗေၚ် ၆။ၜုန်ကးသော်က္ဍိုပ် ၇။တၞိၚ် ၈။ခ္ဍိုဟ်ဍာ် (မ္ၚးပန်) ပ္ဍဲပန် မ္ၚးပန် ပံၚ်ဒှ်ပရိက္ခရာဒ္စာံရ၊ ဣဝွံ ဒှ်အရပ်အစပ်သွက်ခမဳရောၚ် ။

                                   (နိဿဲလဝ်ကဵု လိက်တန်အခိုက်ကၞာမန်)
                                   
                                   
                                   == နဲသုင်စောဲ Key ကရတ် ==

Key ကရတ်သုင်စောဲစဂၠိုင်

Alt + Tab : သၠာဲဂတး ပရိုဝ်ဂြာမ်(Programs) အဃောပိုဲမပံက်သုင်စောဲမံင်ဂှ်

Window + Tab : ထပ် ဍေတ်တိုပ်(Desktop) (မုက်တၟိ)

Window + Control + < ကေုာံ > : သၠာဲဂတး ဍေတ်တိုပ်(Desktop)

Window + D : ပၞုက်/ထ္ၜး ပရိုဝ်ဂြာမ်(Programs) အဃောပိုဲမပံက်သုင်စောဲမံင်ဂှ်

Window + M : ပၞုက် ပရိုဝ်ဂြာမ်(Programs) သီုဖအိုတ်

Window + E : ပံက် My Computer

Ctrl + Alt + Delete : ပံက် Task Manager

Window + เลข 1-9 : ကော်ပရိုဝ်ဂြာမ်(Programs) ပိုဲမပံက်လဝ်ဂှ် အတိုင်လၟေင်

Window key + < ကေုာံ > : ပြံင်စၠောံဗ္တင်ကျာ လ္ပာ်ပုင်,ပဲါ

Alt + F4 : ကၟာတ်ဗ္တင်ကျာ ပရိုဝ်ဂြာမ်(Programs) အဃောပိုဲမပံက်သုင်စောဲမံင်ဂှ်

Ctrl + S : Save သီဂိုင်စွံကမၠောန်ဇကု Ctrl + A : ရုဲစှ်သီုဖအိုတ်

Ctrl + Shift + T : ပံက်ဗ္တင်ကျာ ပိုဲကၟာတ်ထောံဏာလဝ်ပြဟ်ဟ်ဏံဂှ်

Ctrl + Backspace : ဇိုတ်မအရေဝ်မမ အလုံမွဲပိုဒ်

Shift + Delete : ဇိုတ်ဝှာင်(Files) လၟိုန်ထာဝရ မွဲဒမြိပ်

F2 : ပြံင်သၠာဲယၟုဝှာင် (Files)

Window + Shift + S : screen capture ခါပ်မုက်စက် ဓဇက်ဓလီုလေဝ်ဂွံ

Window + G : screen video တက်ဝဳဒဳအိုဝ်မုက်စက်

Window + + ကေုာံ – : တံင်ကရပ်,ဇမ္ၚောဲ

Window + S : ဂၠိုက်ဂၠာဲ ပရိုဝ်ဂြာမ်(Programs)

Window + I : ပံက် Control Panel

Window + A : ပံက် Access Menu

Window + L : lock the machine ဆုက်ထောံစက်

F5 : refresh ရေဝ်ဝှေတ်

ပြံင်သၠာဲ Shortcuts key ပရိုဝ်ဂြာမ်မွဲကဵုမွဲလေဝ်ဂွံ အာပ္ဍဲProperties > Shortcuts