နာဲကြက်ဂကူ
ယွံမ္ၚဵုရအဴ--အဲနာဲကြက်ဂကူဇွောဝ်ပါင်ဖျေဟ်မေတ္တာရအဴ၊၊စပ်ကဵုပရေင်ဂွံဒက်ပတန်"အေန်သတဳကျုတ်ဘာသာမန်"တုဲ အဲဍိုက်လေဂွံပါလုပ်၊ဂွံဒုင်ကော်ဘိက်နကဵုနာဲဗဳထဝ်(ညးမကဍိုက်က္ဍိုပ်)ဂှ်မိပ်စိုတ်တင်ဂုန်ဗွဲမလောန်ရ၊၊
ကမၠောန်ဏအ်ဂှ်ခါန်ဒှ်ကမၠောန်ဇၞော်မွဲရဏောင်ဂှ်တီမံင်သီုညးဖအိုတ်ရ၊၊အဲဍိုက်ဂှ်ဒှ်အာစာတၠမွဲ-ပဍဲဂကောံသင်ဗလိုက်ခရေတ်ယာန်မန်ဂမၠိုင်တုဲကေတ်လဝ်တာလျိုင် ပရဵုဂရာံမာ(Programmer)အစဳအဇန်"လျးဂကူမန်" ဗလးရမျှင်ဘာသာမန်နကဵုလပှ်ကျာဂၠေအ်မဒှ်ရ၊၊ဟိုတ်ဂှ်ရဒးသုင်စဲကၠုင်အရေဝ်မန်၊လိက်မန်၊ကာလဒးဖန်ဗဒှ်ဏာအရေဝ်ဝေါဟာတၟိလေနွံကၠုင်လဝ်ဗွဲမဂၠိုင်ရ၊၊ ကၠာအိုတ်မုမိက်ဂွံဓမံက်ရောမ္ဂး အရေဝ်မန်-လိက်မန်ပိုဲဂှ်နွံကၠုင်လဝ်သၞာံဗွဲမလအ်ကဵုအခိင်ရတုဲ ဝေါဟာမန်တြေံတြဟ်အရာပိုဲဟွံတီ၊ဂၠာံဟွံစိုတ်၊ဟွံဆဵုလဝ်ဏီတအ်ဂှ်နွံမံင်ဗွဲမဂၠိုင်ဏောင်ဂှ်ချိုတ်ပၠိုတ်မံင်ရ၊၊အဲဍိုက်စှ်ေစိုတ်ရ၊၊ဟိုတ်ဂှ်ရကမၠောန်ဂွံကလေင်ဂၠိုက်ဂၠာဲဓမံက်ဒတိတ်ဝေါဟာမန်ပိုဲမကၠေအ်မံင်၊ မဂၠေက်မံင်၊တအ်ဂှ်ဒးပၟိက်ရ၊၊(ဥပမာ-လိက်အာစာဥတ္တမ၊ လိက်သၠပတ်သမ္မါ ၊ လိက်အာစာဟာလိဒေ၊လိက်အာစာဟာတ်သဝဴ)
တုဲပၠန်ဆေင်ကဵုဝေါဟာတၟိ စနူကဵုဝေါဟာပရေင်ထတ်ယုက်(dengue fever)ပရေင်ပိုန်ဒြပ် (stock) ၊ပရေင်ဍုင်ကွာန်(metropolitan)ပရေင်သဘာဝ(ဥပမာ Biodiversity) နာနာသာ်တအ်ပၠန်ဒးဗပေင်စုတ်နွံမံင်ဗွဲမဂၠိုင်ဏီရတုဲ ပ္ဍဲကဵုရုဲစှ် Board members ဂှ်ကဏ္ဌနာနာသာ် မၞိဟ်စီုသကီု(ဟွံသေင်သာ်ဂှ်)မၞိဟ်ကေင်ဆဵုဂဗ၊မၞိဟ်ကၠောန်မံင်ပရေင်ကျဏအ်ဂှ်ၜိုတ်ကော်ဘိက်မာန်(လက်ကရဴလေဆက်စၠောအ်ကော်ဘိက်မာန်)ဒးကော်ဘိက်ကီုရ၊၊ တုဲပၠန်ကမၠောန်ဏအ်ဂှ်ဆေင်စပ်ဒၟံင်ကဵုကဏ္ဌ linguistics ရ၊၊ နဲကဲကၠာဲဘာသာ literal translation , context based translation --ရဴသာ်ဝွံပရေင်သွာင် lingusitics လေဒးပၟိက်ဇၞော်မံင်ကွေံကွေံကီုရ၊၊ဆဂးအရာဝွံဏအ်ဂှ်နွံမှကၠောန်ဂွံဏောင်၊ဒက်ပတန်ဂကောံ Instituteဂွံဏောင်ဟွံသေင်၊၊ပြဟ်ဟ်ဏအ်ဂှ်ၜိုတ်စကၠောန်ဂွံ-ဒးစလဝ်မဒှ်ရ၊၊ကမၠောန်ဏအ်ဂှ်ဒှ်ကမၠောန်ဍာ်ဇမၠိင်၊ကမၠောန်ဒတောဝ်တၞောဝ်(generation)အဆက်ဆက်ဒးကၠောန်အာမဒှ်ရဏောင်ဂှ်အဲဍိုက်စှ်ေစိုတ်ရ၊၊ ဆၜိုတ်လညာတ်အဲဍိုက်ကီု၊ဆၜိုတ်ကေင်လ္ၚတ်လဝ်နဲကဲကၠာဲဘာသာပသဇိုင်ကဵု(မြန်မာနိုင်ငံဘာသာပြန်အသင်း)၊ ဆၜိုတ်ကေင်တိုန်လဝ်တန်ဗတောန် Mastor of Divinity ၊ တန် ဘာသာ Hebrew, Greek, Introduction to Linguistics မဒှ်ရ၊၊
ဗွဲမအဲပရဲ
နာဲကြက်ဂကူ Programmer အစဳအဇန်လျးဂကူမန်