ဌာနပရေင်ပညာကောန်ဂကူမန်
ဌာနပရေင်ပညာကောန်ဂကူမန် (အၚ်္ဂလိက်: Mon National Education Committee - MNEC) ဂှ် ကမ္မတဳပရေင်ပညာကောန်ဂကူမန် မပံက်လဝ် ဘာဗတောန်လိက် ကောန်ဂကူမန် မနွံ ပ္ဍဲဒေသရးမန်ဂမၠိုင် မပ္တံကဵု တွဵုရးဍုင်မန်၊ တွဵုရးဍုင်ကရေင် ကေုာံ ရးတၞင်သဳတအ်ရ။ ဌာနပရေင်ပညာကောန်ဂကူမန်ဝွံ ကိုပ်ကၠာအိုတ် နကဵုဗော်ဍုင်မန်တၟိ သွက်ကောန်ၚာ် မနွံပ္ဍဲသၟဝ်ပကင်ရင်ဗော်ဂွံတိုန်ဘာ ကတ်ပညာတုဲ စပံက်လဝ် နူကဵုသၞာံ ၁၉၇၂ နကဵုသွာင်ဌာနဗဟဵု ဗော်ဍုင်မန်တၟိ ရ။ နူကဵုသွာင်ဌာနဗဟဵု ဗော််ဍုင်မန်တၟိ ဂှ် သၞာံ ၁၉၉၂ ဂှ် ကလေင်ဒက်ပတန်တၟိတုဲ ဒှ်အာ ဌာနပရေင်ပညာကောန်ဂကူမန်ရ။ လၟုဟ်မ္ဂး ဘာကောန်ဂကူမန်ဂှ် နွံဒၟံင် ဆတိဍာ် သၟဝ်ပကင်ရင် ဗော်ဍုင်မန်တၟိ သၟးဟွံက သီုကဵု သၟဝ်ပကင်ရင်သၟိင်ဗၟာ မပ္တံကဵု ပွိုင်ဍုင်မုဟ်ဍုင်၊ ပွိုင်ဍုင်ဇြပ်ဗုတအ်ကီုရ။ ကမၠောန်အဓိက ဌာနပရေင်ပညာကောန်ဂကူမန်ဂှ် ခၞံဗဒှ် လိက်ဗွဟ်၊ ထံက်ပင်အစာဘာ၊ ကေတ်တာလျိုင် ပ္ဍဲအစာဘာ ကေုာံ သ္ၚေဝ်ဂၠေပ် ပရေင်ဇၞော်မောဝ် ကေုာံ ဍာ်ဒကေဝ်ဘာဂမၠိုင်ရ။[၁]
| ဌာနဇၞော် | |
|---|---|
| မဒက်ပ္တန် | ၁၉၇၂ |
| မနွံသၟဝ်ပကင်ရင် | ဗော်ဍုင်မန်တၟိ |
| ဌာနဗဟဵု | ဗဒိုပ်ညဳသာ၊ ကၞောတ်ၜဳရေဝ်၊ ဗွိုင်ပကင်ရင် ဗော်ဍုင်မန်တၟိ |
| ဝန်ဇၞော် သကိုပ်လျိုင် | |
| ဌာနဇၞော် executive |
|
သၞာံ ၂၀၂၂ ဂှ် နကဵု ဌာနပရေင်ပညာကောန်ဂကူမန် စပံက်ပ္တိုန် ဘာကွတ်ဂယိုင်လမျီု မပ္တံကဵု ကွတ်ဇၟိင်၊ ကွတ်ပလေဝ်စက်၊ ကွတ်ကမျေဝ်မုက်/သော်။ အလန်ကိုပ်ကၠာအိုတ်ဂှ် ကၠောန်ဗဒှ် သဘင်စှ်ေဘာ ပ္ဍဲ ဂိတုဂျူလာင် ၁၈၊ ၂၀၂၂။[၂]
သၞာံ ၂၀၂၂ ဂှ်ပၠန် နူကဵု ဘာစှ်တာန်လောန်ဂှ် ဆက်ပံက်တန်ကဝ်လိက် ကောန်ဂကူမန် ပ္ဍဲဗဒိုပ်ညဳသာ။ ဂိတုဂျောန် ၂၃၊ ၂၀၂၂ ဂှ် ကၠောန် အသေအဟာန် ပံက်ဘာ ကေုာံ ဒုင်တၠုင်ကွးဘာကဝ်လိက်ကောန်ဂကူမန် အလန်ကိုပ်ကၠာအိုတ်ရ။[၃]
သၞာံ ၂၀၁၂ဂှ် ညးတာလျိုင် ဌာနပရေင်ပညာကောန်ဂကူမန် ကေုာံ ညးမဆာန်ဂကူဂမၠိုင် ကၠောန်ဗဒှ် ကောံဓရီုသၠာဲဂတးလညာတ် ပရေင်ပညာကောန်ဂကူမန် ပ္ဍဲဗဒိုပ်ညဳသာတုဲ ပံက်ပ္တိုန် ကမ္မတဳပရေင်ပညာကောန်ဂကူမန် နကဵုလၟိဟ်မၞိဟ် နူကဵု သွာင်ဗော်ဍုင်မန်တၟိ ၇ တၠ၊ မၞိဟ်နူသွာင်သင်၊ သွာင်ညးဍုင်ကွာန် မပ္တံကဵု တၠပညာ၊ တၠပိုန်ဒြပ်တအ် ၁၈ တၠ သီုဖအိုတ် ၂၅ တၠရ။[၄]
သၞာံ ၂၀၂၂ ဂှ်ကၠောန်ဗဒှ် သဘင်ရတုထဝ် ပ္ဍဲစၟတ်တ္ၚဲ ၂၆၊ ၁၂၊ ၂၀၂၂ ပ္ဍဲဒၞာဲဌာန်ဂအုပ် ဌာနပရေင်ပညာကောန်ဂကူမန် ဗဟဵု (ညဳသာ) ဒေသကၞောတ်ၜဳရေဝ်၊ ဗွိုင်တိဍာ် ဗော်ဍုင်မန်တၟိ။[၅]
လျိုင်ဌာနပညာ ဗဟဵု လၟေင်အဆက်ဆက်
ပလေဝ်ဒါန်- ကျာ်ဇၞော်အ္စာကေတုမာလာ ဘာကံပလိုင်
- ကျာ်ဇၞော်အ္စာ သဳလဝန္တ ဘာဟံသာထဝ်
- ကျာ်ဇၞော်အ္စာ ဝရဝံသ ဘာဇေယျဝံသ
- တၠဂုန်အ္စာ မေဓာနန္ဒ ဘာရုင်ဒါန်၊ ဍုင်လၟိုင်
- တၠဂုန်အ္စာဝေပုလ္လ ဘာတိုက်တၟိ၊ တံင်ပိုအ်
- တၠဂုန်အ္စာ ထာဝရ၊ ဍုင်မလေဝ်ယှာ
- နာဲအေမန်
- နာဲဝေန်လှ
- နာဲရတ်ဂကူ
- နာဲသိုက်သၠိင်
- နာဲသဵုတာန်
- နာဲသဳဟ
- မိသာဍာ
- မိကြက်နန်
- မိလွဳဟာန်
- မိမောဝ်ဆာဲ
- မိကောန်ဆာန်နန်
- မိထဝ်ဉာဏ်
- နာဲအာဲကောံ
- နာဲတလနန်
- နာဲအံင်ဇၞး
- နာဲအံင်မိုင်
- နာဲကသုမန်
- နာဲထောန်လွေန်
- (သၠးမံင်မွဲဒၞါဲ)
နိဿဲ
ပလေဝ်ဒါန်- ↑ MNEC History. Archived from the original on 2020-02-19။ Retrieved on 2020-10-12။
- ↑ " ကမ္မတဳ ပရေင်ပညာကောန်ဂကူမန် (July 18, 2022).
- ↑ " အသေအဟာန်ပံက်ဘာကေုာံ ဒုၚ်တၠုၚ်ကွးဘာကဝ်လိက်ကောန်ဂကူမန် Opening & Welcoming Ceremony Of Mon National College's Students (June 23, 2022). “အသေအဟာန်ပံက်ဘာကေုာံ ဒုၚ်တၠုၚ်ကွးဘာကဝ်လိက်ကောန်ဂကူမန် Opening & Welcoming Ceremony Of Mon National College's Students”
- ↑ ၄.၀ ၄.၁ " ကမ္မတဳ ပရေင်ပညာကောန်ဂကူမန် (December 15, 2022). “သဘင်စ်ှေဘာကွတ်ဂယိုင်လမျီုလၟေင် (၁) သၞာံ ၂၀၂၂ ၁။ ကွတ်ဇိင်စက် ၂၀ တၠ ၂။ ကွတ်ပလေဝ်စက်နာနာ ၁၆ တၠ ၃။ ကွတ်ကမျေဝ်မုက်/သော် ၁၇ တၠ Closing Ceremony of Local Vocational Training (VLT) Batch (1)”
- ↑ " အသေအဟာန် စၟတ်သမ္တီ သဘင်ရတ်ထဝ် ပရေင်ပညာကောန်ဂကူမန် ပေင် (၅၀) သၞာံ (December 15, 2022). ““အသေအဟာန် စၟတ်သမ္တီ သဘၚ်ရတ်ထဝ် ပရေၚ်ပညာဘာကောန်ဂကူမန် ပေၚ် (၅၀) သၞာံ” ဂှ် ကၠောန်ဗဒှ်အာ ပ္ဍဲစၟတ်တ္ၚဲ သၞာံ- ၁၃၈၄၊ ဂိတုပုဟ်(၅)မံက်၊ (၂၆-၁၂-၂၀၂၂) ဒၞာဲဌာန်ဂအုပ် ဌာနပရေၚ်ပညာကောန်ဂကူမန်ဗဟဵု(ညဳသာ)၊ ဒေသကၞောတ်ၜဳရေဝ်၊ ဗွိုၚ်တိဍာ် ဗော်ဍုၚ်မန်တၟိ ရောၚ်ဂှ် နူကမ္မတဳတိုၚ်သဘၚ်ရတ်ထဝ်ဏအ် မဒးဆဝ်မ္ၚုဟ် လလောၚ်ပၟိၚ်ဏာ ဗွဲမရှ်ေသှ်ေရဴဂဴ ရအဴ/ကျာ်။”
- ↑ " လျိုင်ဌာနပညာဗဟဵု လၟေင်အဆက်ဆက် (December 15, 2022).