တ္ၚဲဗၠးၜးမြာန်မာ
တ္ၚဲဗၠးၜးမြာန်မာ (အၚ်္ဂလိက်: Myanmar independence day)ဍုၚ်ပိုယ်ဂှ် ဂိတုဂျာန်ဏာဝါရဳ ၄ မဒှ်ရ။ တ္ၚဲဂှ် ရးဍုၚ်ဗၟာပိုဲ ၜးတိတ်နူသၟဝ်တဲအၚ်္ဂလိက်ရ။ ရးဍုၚ်ဗၟာပိုဲဂှ် ပ္ဍဲသက္ကရာဇ်ဍုၚ် ၁၂၄၇ သၞာံဂှ် အလုံရဍုၚ်းမွဲ စိုပ်အာသၟဝ်သ္ကေံတဲအၚ်္ဂလိက်ရ။
| တ္ၚဲဗၠးၜး (မြာန်မာ) Independence Day (Myanmar) | |
|---|---|
 တိုင်စၟတ်သမ္တီ ဗၠးၜး ပ္ဍဲကၠအ်ပကဴမဟာဗန္ဓုလ၊ ဍုင်လ္ဂုင်။ | |
| ဍုင်မကၠောန် | ဍုင်ဗၟာ |
| ဂကူသဘင် | အလုံဍုင် |
| ဒဒှ်မတီလဝ် | တ္ၚဲဍုင်ဗၟာ မလလောင်တြး ဍုင်ဗၠးၜး |
| ပေါဲသဘင်ဂမၠိုင် | သဘင်ပကာန်ဒြဟတ်၊ သဘင်ဂမၠိုင်။ |
| စၟတ်တ္ၚဲ | ဇာန်နဝါရဳ ၄ |
| Frequency | ဇၟာပ်သၞာံ |
ဃောလက်ထက် အလဵုအသဳအၚ်္ဂလိက် အုပ်ဓုပ်ဍုၚ်ဗၟာဂှ် အပေါတ်ဗၞိက် တိတ်နူဍုၚ်ပိုဲဂှ် သွက်ဖဵုဍေံတအ်သၟး ဍေံတအ်ရပ်စပ်စကာရ။ သွက်ဖဵုကောန်ဍုၚ်အရၚ် သၟာဗ္ၚ၊ သၟာကမၠောန်တအ် ဍိုက်က်ပေၚ်ၚ် ဟွံရေၚ်တၠုၚ်ကဵုရ၊ ဟိုတ်ဂှ်ရ သၟာဗ္ၚတအ်၊ သၟာကမၠောန်တအ် ကွးဘာတအ် တၞဟ်နသ္ဂောံ ၜးတိတ် နူသၟဝ်တဲ ဗျိတိယျတုဲ ဂိုတ်ဂစာန်လွဳပရာ ရေၚ်တၠုၚ်တဴရ။
ရဲဗိုလ်အံၚ်ဆာန်တံ သရာဲပိစှ်ောတအ်ဂှ် နူရးဍုၚ်ဗၟာ ကၠတ်တိတ်အာ ဍုၚ်ဂျပါန်တုဲ ဗ္တောန်ကွတ်ပၞာန်ရ။ ဗိုလ်အံၚ်ဆာန် ပက္ဍိုပ်တုဲ ကေတ်ဓဝ်အရီုအဗၚ် ဂျပါန်လုပ်ဗ္တိုက်ကဵုဗျိတိယှတံရ။ ဂျပါန်တံဂှ် စိုပ်ကၠုၚ်ရးဍုၚ်ဗၟာတုဲ ဗၠးၜးဇေတ်တ်ဂှ် ဟွံကဵုရ။ ဆဂှ်ဟွံကဏီ ပ္ဍဵုပ္ဍိုက်ပျာဲပျာံကောန်ရးမှာဇန်တအ် နာနာသာ်ရ။ ဟိုတ်ဂှ်ရ ဒပ်ပၞာန် ဆာန်ဂကူတအ် ခွက်တဲကဵု ကောန်ရးမှာဇန်တအ်တုဲ ကလေၚ်ဗ္တိုက်ပ္တိတ်ဂျပါန်ရ။ ပၠန်ဂတးကဵုဂျပါန် အံၚ်ဇၞးအာတုဲ ပၞာန်ဇၞော် ဒုတိယဂှ်လေဝ် တုဲအာရ။
ကာလဂှ် သွက်ဂွံ၊ ဂွံဗၠးၜး ကလေၚ်အာတ်အလဵုအသဳဗျိတိယှတအ်ပၠန်ရ၊ ဗိုလ်အံၚ်ဆာန်ဂှ် အလုံရးဍုၚ်မွဲ ညံၚ်သ္ဂောံသၟဟ်န်ညဳသာ သ္ပလွဳပရာတုဲ နကဵုလိက်ကသုက်ပေန်လုၚ် စန်ပကောံ ကောန်ဍုၚ်အရၚ်တအ်ရ။ ကောန်ရးမှာဇန် ညဳသာသၟဟ်န်ဒှ်မွဲ ဆန္ဒသ္ကာတ်မြဟ် နွံပၟိက်ကဵုဗၠးၜးတုဲ အလဵုအသဳဗျိတိယှတအ်ဂှ် ဒးကဵုဗၠးၜးရးဍုၚ်ဗၟာရ။
ပ္ဍဲသက္ကရာဇ်ခရေတ် ၁၉၄၈ သၞာံ၊ ဂိတုဂျာန်ဏာဝါရဳ ၄ ဂှ် ဒဒှ်ရရးဍုၚ်ဗၟာ ဗၠးၜးတိတ်တုဲရဂှ် လလေၚ်တြးဏာဂၠးတိရ။ တၞဟ်နသ္ဂောံ ဂွံဗၠးၜးဂှ် ဒးလှာဲကဵုဆီလမျီု ဗွဲမဂၠိုၚ်ရ။ ဟိုတ်ဂှ်ရ ဗၠးၜးညံၚ်ဂွံတန်ကြန်အာဂှ် တာလျိုၚ်နွံ သီုကောန်ဍုၚ်အရၚ်တအ် ဖအိုတ်ရ။
ဒဒှ်ရ သ္ဂောံဂွံဗၠးၜးဂှ် ဂစာန်ရေၚ်တၠုၚ်တုဲကၠုၚ်ဂှ် ညံၚ်ဟွံဝိုတ်အာကီု ဗၠးၜးဂွံတန်အာဂှ် တာလျိုၚ်နွံလ္တူ ကောန်ဍုၚ်အရၚ်တအ်ကီု ဒမၠဳကာလညံၚ်သ္ဂောံဂွံသတိ ရိုဟ်မစိုပ်ဂိတုဂျာန်ဏာဝါရဳ ၄ တ္ၚဲဂှ် အလုံးရးဍုၚ်ဗၟာမွဲ ဝေၚ်ပေဲါသဘၚ် ဂိုၚ်စၟတ်သမ္တီ ပွဗၠးၜးရောၚ်[၁]။
နိဿဲ
ပလေဝ်ဒါန်- ↑ လိက်ဗွဟ်မန်တၟိ၊ အုပ်ဒုတိယ (၁၉၈၅) ဗော်ဒုၚ်ကာလိခ်ပတ်ယေန်သၞာၚ်မန်၊ ကွာန်ကံဗိန်၊ မုက်လိက် ၆၃-၆၄။ မွန်ဖတ်စာသစ် ဒုတိယအုပ်၊ ကော့ဗိန်းရွာ၊ မွန်စာပေနှၚ့် ယဉ်ကျေးမှုကော်မတီမှ ထုတ်ဝေ။