ထဝ်အး (နာဲ)
နာဲထဝ်အး ဝွံ ဒှ် ဥက္ကဋ္ဌဂေါပက ကျာ်တၟအ် ကျာ်ဇြာတုဲ ပ္ဍဲကဵု ဝင်တ္ၚဲဂကူမန်မ္ဂး ဒှ် မၞိဟ် မကဵုကသပ် သွက်ဂွံကေတ် တ္ၚဲမန်မပတန်ဍုင်ဟံသာဝတဳ ပ္ဍဲဂိတုမာဃ်မွဲစွေက်ရ။
| နာဲထဝ်အး | |
|---|---|
| သၠးဂၠံဂဝ် |
အံက်တဝ်ဗါ ၂၀၊ ၁၈၈၇ ကွာန်ကၟာဝက် |
| စုတိ |
အံက်တဝ်ဗါ ၁၉၊ ၁၉၆၂ (အာယုက် ၇၄) ကၟာဝက် |
| ဟိုတ်မစုတိ | အာယုက်ဇၞော် |
| ဂကူ | ဂကူမန် |
| မဒယှ်တဴ | ဂေါပကကျာ်၊ ဝင်တ္ၚဲဂကူမန် |
| အံက် | နာဲယှိုဲသာ၊ မိ?? |
အတ္ထုပ္ပတ္တိ ပလေဝ်ဒါန်
နာဲထဝ်အး က္တဵုဒှ် မၞိဟ် ပ္ဍဲသက္ကရာဇ် ၁၂၄၉ ဂိတုဘတ် ၉ စွေက် (သၞာံ ၁၈၈၇ အံက်တဝ်ပါ ၂၀) တ္ၚဲဗြဴဗတိ ပ္ဍဲကွာန်ကၟာဝက် မဒှ် ကောန် နာဲယှိုဲသာ၊ မိ(ဟွံတီယၟု)ရ။ သီုဖအိုတ် သီုနာဲထဝ်အးမ္ဂး ကောဒေအ် နွံပန် မၞိဟ်တြုဟ်ၜါ၊ မၞိဟ်ဗြဴၜါ၊ မိဏး၊ နာဲထဝ်အး၊ မိပြိုင်၊ နာဲဆာ။ [၁]
နာဲထဝ်အး ဒက် ဘဝသ္ၚိကၟိန် ကုမိစိင်ခေန် ဂွံ ကောန်ပိ ကောန်တြုဟ်မွဲ ကောန်ဗြဴၜါ။ မိစိင်ခေန် စုတိတုဲ နာဲထဝ်အး ဒက် သ္ၚိကၟိန် ကုမိင္ၚိုယ်လှဂှ် ညးတအ် က္လိဂွံ ကောန်ဇာတ် မသုန် ကောန်တြုဟ်မွဲ ကောန်ဗြဴပန်။[၂]
ပ္ဍဲသက္ကရာဇ် ၁၃၀၄ ဂှ် နာဲထဝ်အး ဂွံဒုင်ရုဲစှ် နဒဒှ် ဥက္ကဋ္ဌ ဂကောံဂေါပက ကျာ်ဇြာ ကျာ်တၟအ်ရ။ ပါဲနူ ကမၠောန်သာသနာ နဒဒှ် ဂေါပကကျာ်တုဲ ကမၠောန်ကောန်ဂကူ ကမၠောန်ဇၞော်မောဝ် ကွာန်လေဝ် ယိုက်ဂၠေင် ကၠောန်ကၠုင်လဝ်ကီုရ။ ပ္ဍဲအခိင် ဂကူမန်တအ် မရုဲစှ် တ္ၚဲသွက်ဂွံကၠောန် တ္ၚဲဂကူမန်ဂှ် နာဲထဝ်အး ပ္တိုန်ဂလာန် ကေတ်တ္ၚဲ မန်ပ္တန်ဍုင်ဟံသာဝတဳ ပ္ဍဲသက္ကရာဇ်သာသနာ ၁၁၁၆ ဂိတုမာဃ် မွဲစွေက်ရ။[၃]
နာဲထဝ်အး ကေတ် တာလျိုင် ဥက္ကဋ္ဌဂေါပက ကျာ်ဇြာ ကျာ်တၟအ် ပွိုင် ၂၀ သၞာံ၊ တုဲ သၞာံ ၁၉၆၂ အံက်တဝ်ပါ ၁၉ (သက္ကရာဇ် ၁၃၂၄ ဂိတုဝှ် ၆ စွေက်) မဒှ် တ္ၚဲသဘင်ကျာ်တၟအ်၊ အာယုက် ၇၅ သၞာံ က္လိဂွံလောန်စဴအာ ဘဝပရလိုက်ရ။[၄]
နိဿဲ ပလေဝ်ဒါန်
- ↑ ကျာ်ဇၞော်အစာ, ပါလိတ (1997). က္ဍိုပ်သ္ကိုပ်မည် ကဵု သဘင်ရတ်ထဝ် အသဝ်ဍုင်ဟံသာဝတဳ တ္ၚဲကောန်ဂကူမည် ပေင် (၅၀) သၞာံဝါ, 5-6။
- ↑ ကျာ်ဇၞော်အစာ, ပါလိတ (1997). က္ဍိုပ်သ္ကိုပ်မည် ကဵု သဘင်ရတ်ထဝ် အသဝ်ဍုင်ဟံသာဝတဳ တ္ၚဲကောန်ဂကူမည် ပေင် (၅၀) သၞာံဝါ, 5-6။
- ↑ ကျာ်ဇၞော်အစာ, ပါလိတ (1997). က္ဍိုပ်သ္ကိုပ်မည် ကဵု သဘင်ရတ်ထဝ် အသဝ်ဍုင်ဟံသာဝတဳ တ္ၚဲကောန်ဂကူမည် ပေင် (၅၀) သၞာံဝါ, 5-6။
- ↑ ကျာ်ဇၞော်အစာ, ပါလိတ (1997). က္ဍိုပ်သ္ကိုပ်မည် ကဵု သဘင်ရတ်ထဝ် အသဝ်ဍုင်ဟံသာဝတဳ တ္ၚဲကောန်ဂကူမည် ပေင် (၅၀) သၞာံဝါ, 6။