ပုင်နာင်ဒမ်

ပုင်နာင်ဒမ်
Congee
	ပ္ၚာင်ပုင်နာင်ဒမ်ကြုက် ကေုာံ ကခၞာ ကေုာံ ၜိုင်။
မကၠုင်နူ	အာရှ
သၞာံမဖန်ဗဒှ်	အခိုက်တမၠာ
ကပေါတ်	သ္ၚု၊ ဍာ်
	[[wikibooks:Special:Search/Cookbook: ပုင်နာင်ဒမ်; Congee\|Cookbook: ပုင်နာင်ဒမ်; Congee]] [[commons:Special:Search/ပုင်နာင်ဒမ်; Congee\|Media: ပုင်နာင်ဒမ်; Congee]]

ပုင်နာင်ဒမ် (အၚ်္ဂလိက်: Congee, conjee) ဂှ် ဒှ်ပုင်မဍုန်လဝ်လအ်လအ် သရိုဟ်ဟ် ဍာ်ဂၠိုင်င်ရ။ ပုင်နာင်ဒမ်ဂှ် ဗွဲမဂၠိုင် စကဵုကပြာင်၊ ခၞာမွဲမွဲတုဲ လဆောဝ်မ္ဂး စကဵု ၜဵုညိညရ။ ပုင်နာင်ဒမ် ဂှ် ဒှ်စၞဂယး ဂကူမန်ကီု သီုကဵု ဂကူခမေန်တအ်ရ။ မန်အခိင်လၟုဟ် စအောန်တုဲ ဆမၞိဟ်အာယုက်ဇၞော်တအ်ဟေင် မလေပ်စ နဒဒှ် စၞဂယးရ။ တုဲပၠန် ပုင်နာင်ဒမ်ဂှ် ကာလ မၞိဟ်တအ်မဂိယဲ ကအ်လီု စပုင်ခရဲ (ပုင်ဓမ္မတာ) ဟွံမာန်မ္ဂး ရန်တၟအ်ကဵု စၞဂွံလာဲလောဲ၊ ဂွံဒှ်ဒြဟတ်တုဲ စပုင်နာင်ဒမ်ရ။

နိရုတ္တိ

မအရေဝ် "နာင်ဒမ်" ဝွံ ဗွဲစၟတ် ကၠုင်နူ အရေဝ်မန် "နာင်" ဂှ် ကၠုင်နူ "ဂၠိုင်"၊ "ဒမ်" ဂှ် ကၠုင်နူ "တောမ်" မဂွံအဓိပ္ပါယ်ဍုန်။ ဟိုတ်ဂှ်ရ "နာင်ဒမ်" ဂှ် ကၠုင်နူအရေဝ်မန် မဂွံအဓိပ္ပါယ် "ဂၠိုင်တောမ်" (ဍုန်လအ်အ်) ရ။ ကွာန်လ္ၚဵုတအ်ဂှ် ဟိုတ်နူမၜိုဟ်တုဲ မဍုန်ဂှ်ရ ကော်စ "ပုင်ၜိုဟ်" မတုပ်ညံင်အရေဝ်ဗၟာ "ဆန်ပြုတ်" ရ။ မအရေဝ် အင်္ဂလိက် Congee, conjee ဂှ် ကၠုင်နူ အရေဝ်ဂလာတမေလ် (கஞ்சி kanji)^[၁]^[၂]ရ။

ဗီုဍုန်

ကေတ်သ္ၚုညိညတုဲ စုတ်ဍာ်ဂၠိုင်င် ၜိုဟ်/ဍုန် စဵုကဵု ပုင်သရိုဟ်ရ။ ပ္ဍဲထၟာဲဍုင်ပုင်လ္ၚဵုဂှ် နွံကဵု အစဳအဇန် နာင်ဒမ်တုဲ အတိုင်ဗၞတ်ဗ္ၜတ် မဟီုဂှ် စုတ်တုဲ ဍုန်တုဲ ကာလဂွံမ္ဂး ဍေဟ်ဒေါအ်အာ ကေတ်တ်ရ။

ပုင်နာင်ဒမ်ဂှ် ပ္ဍဲကဵုဂကူမန် ခေတ်တမၠာတေအ်မ္ဂး စကၠုင် နဒဒှ်စၞဂယးရ။ အခိင်လၟုဟ် ဆမၞိဟ်အာယုက်ဇၞော်တအ်ဟေင် စဒၟံင် နဒဒှ်စၞဂယးဏီဖိုဟ်ရ။ ညံင်ရဴဂကူမန် ခေတ်ကိုပ်ကၠာတေအ်ကီု ဂကူခမေန်တအ်ဂှ် ပုင်နာင်ဒမ်ဂှ် ဒှ်စၞဂယးညးတအ်ရ။ စၞဂယးခမေန် ပ္ဍဲအခိင်လၟုဟ်မ္ဂး ပုင်နာင်ဒမ် ((បបរ) ဟွံသေင်မ္ဂး ဖၞံ (គុយទាវ)ရ။^[၃]^[၄]ဗွဲမဂၠိုင် စကဵု ကကှ်ကှ်ပရာင်၊ ကကှ်ကှ်ခၞာ၊ ဟွံသေင်မ္ဂး ခၞာဖျုန်။ သွက်မၞိဟ်ယဲ ကအ်လီု ကအ်ကတင်မ္ဂး ဗွဲမဂၠိုင် စပုင်နာင်ဒမ် ကဵုၜဵုရ။ ဍုင်လ္ၚဵု စပုင်နာင်ဒမ် ကဵုဍာ်ကဝ်ဖရံက်ၜဵု (soy sauce) ရ။

နိဿဲ

↑ Rice congee – SpeedyLook encyclopedia. Myetymology.com. Retrieved on 2012-11-24။
↑ congeal congelation. congee. En.academic.ru. Retrieved on 2012-11-24။
↑ How Breakfast Has Shaped Cambodia's Cultural Identity. The New York Times. Retrieved on 30 June 2018။
↑ Jimmy (2014-03-03). The Cambodian Breakfast. Archived from the original on 2020-10-03။ Retrieved on 2020-02-01။

[1] Rice congee – SpeedyLook encyclopedia. Myetymology.com. Retrieved on 2012-11-24။

[2] tion. congee. En.academic.ru. Retrieved on 2012-11-24။

[3] How Breakfast Has Shaped Cambodia's Cultural Identity. The New York Times. Retrieved on 30 June 2018။

[4] Jimmy (2014-03-03). The Cambodian Breakfast. Archived from the original on 2020-10-03။ Retrieved on 2020-02-01။

[၁]

[၂]

[၃]

[၄]