ပေဲါပြိုၚ်ဒွက်ရးနိဂီု ကေုာံ ပဟေဠိ
ပေဲါပြိုၚ်ဒယှ်ေဒွက်ရးနိဂီု ကေုာံ ပဟေဠိ
ရန်တၟံကဵုကွးဘာမန် ဥတုက္ညၚ်ပ္ဍဲပွိုၚ်ဍုၚ်လှာဒကှ် ဂွံဂံၚ်သ္ကာတိုန်ပ္ဍဲဝိုၚ်ကီု ဂွံဒှ်အာဗဟုသုတကီု ဂွံဓမံက်ပတိုန်ဒွက်ကောန်ဂကူမန် ရးနိဂီုဂှ်တုဲ ပ္ဍဲစၟတ်တ္ၚဲ ၁၃၈၅ သၞာံ၊ ဂိတုပသာ် (၁၃) စွေက် အခိၚ်ဗ္တံ ၈ နာဍဳဂှ် နူဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ ပွိုၚ်တိုက်လၟိဟ် (၁) ပွိုၚ်ဍုၚ်လှာဒကှ် ကၠောန်ဗဒှ်ဏာလဝ် ပေဲါပြိုၚ်ဒယှ်ေဒွက်ရးနိဂီု ကေုာံ ပဟေဠိ ကုကွးဘာမန်ဥတုက္ညၚ် ပွိုၚ်ဍုၚ်လှာဒကှ် ပ္ဍဲဋ္ဌာန ကွာန်သံၚ်သၟဴတ္ၚေက် ရ။ ပ္ဍဲပေဲါပြိုၚ်ဂှ်ဝွံ မွဲဂကောံမ္ဂး ကွးဘာ(၆) တၠတုဲ ကွးဘာနူကွာန်ဝေသာလဳပလိုတ်၊ ကွာန်ဝၚ်ဂွိ၊ ကွာန်ကအ်အၚ်ထဝ်၊ ကွာန်ကုန်ဗ္ဒဝ်၊ ကွာန်ကအ်ဒုန်မြေၚ်၊ ကွာန်သံၚ်သၟဴတ္ၚေက် ဖအိုတ် (၆) ကွာန်လုပ်ကၠုၚ်ပေဲါပြိုၚ်နွံရ။ ညးမကဵုစၟတ်ပေဲါပြိုၚ်ဂှ်ဝွံ တၠဂုဏ်အ္စာအဇ္ဖ ကေုာံ မာံဗိုတ်ပိ(ပရၚ်တဲ) တုဲ ညးလျိုၚ်ကောပ်ကာဲအသေအဟာန်ဝွံ နာဲဇာတိနာဲ နာဲသ္ဍဴညာဏ် တအ်မဒှ်ရ။ စိုပ်ကဵုပေဲါပြိုၚ်ဒွက်ရးနိဂီု ဗီုဏံဝွံ ပ္ဍဲဒေသ ပွိုၚ်ဍုၚ်လှာဒကှ်မ္ဂး ဒှ်အလန်ကိုပ်ကၠာအိုတ်ရ။
ညးတာလျိုၚ် ဂကောံဗ္တောန်လိက်မန် ကေုာံ ယေန်သၞာၚ်ဗုဒ္ဓဘာသာ ပွိုၚ်တိုက်လၟိဟ်(၁)
ဥက္ကဋ္ဌ ကျာ်ဇၞော်အ္စာပညိန္ဒ ဘာဝၚ်ဂွိ
ဒု − ဥက္ကဋ္ဌ ကျာ်ဇၞော်အ္စာဝံမံသ ဘာကအ်အၚ်ထဝ်
ဟိတဓရ − နန္ဒသိရိ ဘာကၟာဍုၚ် ကွာန်သံၚ်သၟဴတ္ၚေက်
ဒု−ဟိတဓရ − ကျာ်ဇၞော်အ္စာဝဏ္ဏ ဘာရာသဳမန်