ပြၚ်ဍောတ် (ပြၚ်ဗတဳဍောတ်ကွာန်ပါၚ်ယၚ်ဒိန်ရေဝ်သၠုၚ်ကျာ)
ပြၚ်ဍောတ် (ပြၚ်ဗတဳဍောတ်ကွာန်ပါၚ်ယၚ်ဒိန်)ဝွံ နွံပွိုၚ်ဍုၚ်ရေဝ်သၠုၚ်ကျာ တွဵုရးဍုၚ်မန် (လၟုဟ်)ကော်(ပွိုၚ်ဍုၚ်ခေါဇာ)
| ပြၚ်ဍောတ်ကွာန်ပါၚ်ယၚ်ဒိန်ရေဝ်သၠုၚ်ကျာ | |
|---|---|
| ပြၚ်ဗ္တဳ | |
  ပြၚ်ဍောတ်ကွာန်ပါၚ်ယၚ်ဒိန်ရေဝ်သၠုၚ်ကျာ ဒၞာဲပြၚ်ၜဳဍောတ်မၞုံ | |
| ဒတန်ဒၞး: 15°05′44″N 97°47′40″E / 15.095579°N 97.794553°Eဒတန်: 15°05′44″N 97°47′40″E / 15.095579°N 97.794553°E | |
| ကၟိန်ဍုင် |
 Myanmar |
| တွဵုရး |
 Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်ရေဝ်သၠုၚ်ကျာ (လၟုဟ်−ပွိုၚ်ဍုၚ်ခေါဇာ) |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ဝၚ်ပြၚ်ဗ္တဳ ပလေဝ်ဒါန်
ပြၚ်ဍောတ်(ပြၚ်ဗ္တဳဍောတ်ကွာန်ပါၚ်ယၚ်ဒိန်)ဝွံ ဟိုတ်နူဟွံဂၠိၚ်သ္ၚောဲ ကွာ်တိုက်ၜိုတ်စှ်မသုန်မိဏေတ်ဟေၚ် နူတမ်စိုပ်ကၞောတ်ပြၚ်ဗ္တဳမာန်ရ၊ သာ်ဝွံဟေၚ် (ပြၚ်ဍောတ်) ညးဒေသတံကော်ခဴစဒၟံၚ်စဵုကဵုလၟုဟ်အိုတ်ရ။
ပြၚ်ဗ္တဳကေုာံကွာန်ဆက်ဂမၠိုၚ် ပလေဝ်ဒါန်
ပြၚ်ဍောတ် (ပြၚ်ၜဳဍောတ်ကွာန်ပါၚ်ယၚ်ဒိန်) ဝွံ နွံလပါ်ပလိုတ်ကွာန်ပါၚ်ယၚ်ဒိန်ဂှ်တုဲ မွဲဒမြိပ်နူစပြၚ်ၜဳဍောတ်စဵုကဵုစိုပ်ကျာ်စေတဳကြုၚ်စၠန်ဂှ် နွံပြၚ်ဗ္တဳမွဲညးဒေသတံကော်စဒၟံၚ် (ဝါဟလိၚ်, ဝါဇမၠိၚ်)၊ ဟိုတ်နူလ္တူပြၚ်ဗ္တဳစိုပ်ဂြိုပ်ဂှ် ကၠာတေံနွံကေၚ်ဒှ်လဝ်ဝါဗ္ၚတဵုသွံနွံတုဲ ပြၚ်ဗ္တဳဇမၠိၚ်ဂှ်ညးဟွံကော်တုဲ (ဝါဟလိၚ်) ဟေၚ်ညးတံကော်ခဴဒၟံၚ်ရ၊ တုဲတှ်ေ မွဲအဆက်ပၠန်စဵုကဵုစိုပ်ကွာန်ပါၚ်မ္ၚဵု(ကဗျာဝ)တေံ အကြာဂှ်နွံပြၚ်ဗ္တဳမွဲအဆက်ကဵုဒၞာဲပြၚ်ဗ္တဳဝေၚ်ဍာ်ကွာန်ပါၚ်မ္ၚဵုဂှ် ကော်ခဴစဒၟံၚ်(ပြၚ်ၜဳပါၚ်မ္ၚဵု)၊ ညးဒေသကွာန်ပါၚ်ယၚ်ဒိန်တံကော်ဒၟံၚ်ပြၚ်ဗ္တဳဏံဂှ် (ဂြးဗ္တဳ) ပြၚ်ဗ္တဳလေဝ်ကော်ဒၟံၚ်ရ။
ရံၚ်အာလပါ်ဒိုဟ်ပလိုတ်ပြၚ်ဗ္တဳဍောတ်ဂှ်တှ်ေ ဂွံဆဵုတ္ကံနွံမွဲဍောတ်နွံအကြာမွဲတိုၚ်ဟွံပေၚ်ကြပ်ကြပ်ဂှ် ကော်စတ္ကံကၠဵု၊ နူတ္ကံကၠဵုရံၚ်စှ်ေပလိုတ်တပ်တပ်သ္ၚောဲသ္ၚောဲတေံမ္ဂး ဂွံဆဵုတ္ကံဇၞော်နွံမွဲပၠန်ရ။
ပွဳပွူသဘာဝ ပလေဝ်ဒါန်
ပြၚ်ဍောတ် (ပြၚ်ဗ္တဳဍောတ်ကွာန်ပါၚ်ယၚ်ဒိန်)ဝွံ ဒှ်ဗ္တဳဗုၜတ်သက်သက်ဟွံဗြံက်တၞဟ်တုဲ ရံၚ်အာမွဲကောန်မတ်တှ်ေ ဍိုပ်ဍဴၜိုဟ်သြိုဟ်နအာရီုမတ်ညးမဆဵုတံကွေံကွေံ၊ တုဲတှ်ေ တၞုၚ်ကၞောတ်ၜါလပါ်ပြၚ်ဍောတ်ဝွံပၠန် နွံတၟံကလောံခ္ဍံခ္ဍံၜေဲၜေဲကလိကလိတ် ဍောတ်ဇၞော်နွံဂၠိုၚ်ဂွံဆဵုတဴရ၊ လပါ်ကၞောတ်ပြၚ်ဍောတ်လပါ်ဒိုဟ်သၟဝ်ကျာဂှ် အိုတ်အာတမ်ဒဵုကျာ်ဒဵုထဝ်ကွာန်ပါၚ်ယၚ်ဒိန်ဂှ်ရ၊ လပါ်ကၞောတ်ပြၚ်ဍောတ်လပါ်ဒိုဟ်သၠုၚ်ကျာဂှ်ပၠန် အိုတ်အာတမ်ဒဵုဘာလကျာ်ကွာန်ပါၚ်ယၚ်ဒိန်ဂှ်ရ။
ပြၚ်ဍောတ်ဝွံ ၜိုန်ရဟွံဂၠိၚ်ဟွံသ္ၚောဲကီုလေဝ် ဍိုက်ပေၚ်ကဵုသဘာဝတုဲ သတ်ဍာ်မဖျေံခၟာဲ ညံၚ်ရဴကၞဟ်တံလေဝ် ကၠုၚ်တိုန်ဖျေံခၟာဲပ္ဍဲပြၚ်ၜဳဍောတ်ဂှ်မွဲမွဲသၞာံၜိုတ်မသုန်ၝောံစဵုကဵုစိုပ်စှ်ၝောံဟေၚ် မတိုန်ဖျေံခၟာဲအိုတ်ရ၊ အခိၚ်ဗ္တံဗလးသြၚ်ဗ္တဳပြၚ်ဍောတ်ဂှ်တှ်ေ ဂွံဆဵုကေတ် ဂအေၚ်ချေံ (ဂတာံချေံ) ကောံဗိုၚ်ပေၚ်ပြးမွဲဗလးပြၚ် တိတ်ဂၠာဲစၞစအိုတ်ရ။
ဇိုၚ်ဇိုၚ်ဂြိုပ်ပြၚ်ဍောတ်ဝွံဂှ် သတ်ဆုသတ်ဒုန်နွံဂၠိုၚ်တုဲ သတ်ဆုမတိုန်ဂၠိုၚ်ဂှ်တှ်ေ သတ်ဗဒဝ်ဇာတ်(ဗဒဝ်ဇာတ်)ဂၠိုၚ်တဴရ၊ တၞံပ္ကဴဇိုၚ်ၜဳ ကေုာံတၞံဇြဲလေဝ်နွံဂစေံကောံဗိုၚ်ပၠံၚ်စသတ်ဇြဲ ရမ်သာၚ်ဂစေံသီုရမ်သာၚ်လပှ်ၜဳပြၚ်ဍောတ်ဂှ် ရမ်သာၚ်ၜါပံၚ်နှဴဒှ်မွဲရမ်သာၚ်တုဲ ဍိုက်ပေၚ်ကဵုသဘာဝဇိုၚ်ၜဳမွဲဒၞာဲကီု။
ပ္ဍဲပစ္စုပ္ပန်လၟုဟ်မ္ဂး ဂၠံၚ်ဍာန်ကွဳစက်(ကာတ်တရာ)နူပါၚ်ဂၠံၚ်ပိသွာၚ်ပါ်ကွာန်ပါၚ်ယၚ်ဒိန်ဂှ် စဵုကဵုစိုပ်ပြၚ်ၜဳပါၚ်မ္ၚဵု ကေုာံကွာန်ပါၚ်မ္ၚဵုတေံရ၊
ဗီုရုပ် ပလေဝ်ဒါန်
နိဿဲ ပလေဝ်ဒါန်
- ↑ Place codes (Pcodes). Myanmar Information Management Unit (June 2020).